অনলিয়ৗ গোমস্তাপ্রসাদ সরেনাঃ মুঠৗন উডহৗউ

 

 আবোওয়াঃ ডিজিটাল ডেক্সঃ-  পারমেন ২ জুন ২০২৪ সেতাঃ ইরৗল বাজাঃ অকতে পুরুলিয়া জেলা রেনাঃ বান্দোয়ান থানারে মেনাঃ খেরওয়ালডিরে জানাম মাহারে ঞুতুমান অনলিয়ৗ গোমস্তাপ্রসাদ সরেনাঃ মুঠৗন উডহৗউ এনা। সৗহিজুহি লেদা সাহিত্যিক গোমস্তাপ্রসাদ সরেন স্মৃতিরক্ষা কমিটি আর গড়ো সপহৎরে সানতালি লিটারেরি ফোরাম পুরুলিয়া । 

            আখড়ারে মারাং পেড়া লেকাতে সেটের তাহেঁ কানা ঞুতুমান অনড়হিঁয়ৗ মানোতান কাজলি সরেন।  মৗনান পেড়া লেকাতে সেটের কো তাহেঁ কানা ঞুতুমান অনলিয়ৗ মানোতান সারদা প্রসাদ কিসকু(খে. বা.) মানোতান অনড়হিঁয়ৗ  ডাঃ অসিত সরেন, "সিলি " সাঁওহেৎ সাকাম রেন সিরৗ সাসাপড়াওইচ্ মানোতান কলেন্দ্রনাথ মান্ডি "জুমিৎ আড়াং " সাঁওহেৎ সাকাম রেন সাসাপড়াওইচ্ মানোতিয়ৗ প্রফেসর তনুশ্রী হাঁসদাঃ গড় সাসাপড়াওইচ্ উত্তম কুমার মুরমু, মানোতান প্রফেসর অঞ্জন কর্মকার্‌, প্রফেসর শশীকান্ত মুরমু ,  প্রফেসর শাবানা রহমান,  সিনিয়ার সাইন্টিস্ট  ধনঞ্জয় হাঁসদাঃ  আর অনলিয়ৗ ইচ্ মারাং হপন ধনীরাম সরেন।  অনা সাঁওতে নেওতা পেড়া লেকাতে সেটেরে তাহেঁ কানা ঞুতুমান সেরেঞ কৗরিগল মৗই ডগর টুডু।

             আখড়ারে সেটের লেনা  পুরুলিয়া  বিঞ্জান মঞ্চ।  সাঁওতে আয়মা সাঁওহেৎ দুলৗড়িয়ৗ সুসৗরিয়ৗ সমাজ কৗমিয়া আর কলেজ ইউনির্ভাসিটি রেন পৗঠুওয়া আর সাঁগে ঞেঞেলিয়ৗ। 

                    মারাং পেড়া অনলিয়ৗ গোমস্তা প্রসাদ সরেনাঃ মুঠৗন এ উডহৗউ কেদা।  বাহাটুসৗ চাল কাতেদ আখড়া উডহৗউ সেরেঞ কেদা মানোতান পরমেশ্বর হাঁসদাঃ।  অনা তায়নম অনড়হিঁয়ৗ আঃ জিয়ন কাথা আর সানতালি সাঁওহেৎ রে উনিয়াঃ এনেম লৗইতে অড়ে অড়পাত গালমারাও হোয়েনা।  সাঁওতে অনলিয়ৗ আঃ অলাঃ সেরেঞ, অনড়হেঁ অড়েঁ তালাতে অনড়হিঁয়ৗ সোপরোৎ আদেয়া।   গোমস্তা প্রসাদ সরেনাঃ অলাঃ সেরেঞ আড়তি কেদায় মৗই ডগর টুডু সাঁওতে পরমেশ্বর হাঁসদাঃ,  লালবিহারী  মান্ডি এমান। 

         অনলিয়ৗ আঃ উইহৗর ভাবনা জেওয়েৎ দহয় লেকাতে বসমতারে পহা দারে রহয় কেদা্য মারাং পেড়া।  আখড়ারে অনলিয়ৗ গোমস্তা প্রসাদ সরেনাঃ খাস লেখা সাঁওহেৎ পাথাম" জুমিৎ আড়াং " উডহৗউ এনা।  

          আখড়ারে বৗইসি গংকে দয় তাহেঁ কানা " তেতরে "  পাথাম সাসাপড়াওইচ্ মানোতান মহাদেব হাঁসদাঃ।  আখড়া চালাওরে "রুশিকৗ আড়াং " পাথাম রেন সাসাপড়াওইচ্ মানোতান অনল হেমব্রম আডি মজতে আখড়ায় চালাও ইদি কেদা। 

      বাড়ায় ঞামেনা বাংমা নংকাগে সাহিত্যেক গোমস্তা প্রসাদ সরেন স্মৃতিরক্ষা কমিটি দ অনলিয়ৗ আঃ স্মৃতিরক্ষা কৗমিহরা যাওগে কৗমি ইদিয়া । 

         আখড়ারে সেটের লেন অনলিয়ৗ অনড়হিঁয়ৗ সাঁওহেৎ দুলৗড়িয়ৗ আর কলেজ ইউনির্ভাসিটি রেন পৗঠুওয়া ক গুনমানাও সারহাও  আর জহার চাল আৎ কওয়া সাহিত্যিক গোমস্তা প্রসাদ সরেন স্মৃতিরক্ষা কমিটি রেন সম্পাদক মানতান অরুন কুমার সরেন।