“আবোওয়াঃ কাথা” ডিজিটাল ডেস্ক
রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড় গে উছানঃ কানা।
তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp-
8942955829 : E-mail Id:- abowagkatha@gmail.com
তেহেঞাঃ আখড়ারে যাঁহায় কো সেলেদ্ আকান-
ᱥᱩᱵᱩᱫᱤᱭᱟ. ᱢᱩᱨᱢᱩ, , ᱠᱤᱥᱠᱤᱱᱫᱷᱟ ᱢᱩᱨᱢᱩ, ᱯᱤᱹ ᱥᱤᱹ ᱠᱤᱥᱠᱩ ᱨᱟᱯᱟᱡᱽ, ᱨᱟ ᱢᱯᱚᱫᱚ ᱠᱤᱥᱠᱩ, বাড়তাং সরেন, সনৎ কুমার হাঁসদা, সমরলাল
টুডু, বিরসা কিস্কু, সীতেন মান্ডি, দুগাই টুডু ।
ᱥᱤᱢ ᱥᱟᱺᱰᱤ ᱥᱤᱢ ᱠᱟᱞᱚᱴ -- ᱟᱜ
ᱵᱟᱯᱽᱞᱟ ᱠᱟᱛᱷᱟᱪ ᱦᱳᱭᱳ।
ᱞᱩᱢᱛᱤ ᱵᱟᱨᱮᱛ ᱵᱟᱹᱨᱭᱟᱹᱛ ᱠᱚᱢᱟ
ᱥᱟᱱᱟᱢ ᱴᱟᱺᱰᱤ ᱛᱳᱭᱳ ᱿
ᱯᱚᱠᱚᱜ ᱨᱚᱴᱮ ᱛᱮᱛᱨᱮ ᱠᱩᱲᱤ
ᱯᱩᱸᱴᱷᱤ ᱦᱟᱠᱩ ᱵᱟᱸᱢᱽᱲᱮ।
ᱫᱷᱟᱫᱽᱨᱟ ᱦᱟᱴᱟᱜ ᱨᱟᱭᱵᱟᱨ ᱦᱟᱲᱟᱢ
ᱞᱚᱢᱛᱟ ᱡᱮᱞᱮᱧ ᱡᱟᱢᱽᱲᱳ
᱿
ᱠᱩᱞᱦᱤ ᱪᱷᱟᱴᱠᱟ ᱪᱷᱟᱢᱰᱟ ᱞᱟᱛᱟᱨ
ᱛᱳᱭᱳ ᱫᱩᱨᱩᱢ ᱫᱩᱨᱩᱢ ।
ᱵᱚᱛᱚᱨ ᱡᱟᱞᱟ ᱠᱷᱩᱸᱫᱲᱤ ᱛᱟᱞᱟ
ᱠᱟᱞᱚᱴ ᱥᱟᱺᱰᱤ ᱵᱩᱨᱩᱢ ᱿
ᱫᱩᱣᱟᱹᱨ ᱵᱟᱯᱽᱞᱟ ᱤᱛᱩᱫ ᱥᱤᱸᱫᱩᱨ
ᱦᱳᱭᱳᱜ ᱢᱟᱲᱟᱝ ᱨᱮᱜᱮ ।
ᱢᱟᱰᱣᱟ ᱫᱟᱱᱟᱝ ᱛᱳᱭᱳ ᱢᱚᱪᱟᱨᱮ
ᱵᱟᱦᱩ ᱡᱟᱶᱟᱭ ᱥᱚᱜᱮ ᱿
ᱡᱟᱨᱟᱞ
ᱥᱤᱛᱩᱝ ᱱᱤᱨᱚᱱ ᱫᱤᱱ
ᱛᱤᱠᱤᱱ ᱮᱞᱟᱝ ᱟᱰᱤ ,
ᱦᱚᱭ
ᱞᱚᱞᱚᱜ ᱫᱷᱟᱨᱛᱤ ᱞᱚᱞᱚᱜ
ᱞᱚᱞᱚᱜ ᱥᱮᱛᱮᱧ ᱰᱟᱰᱤ ᱾
ᱥᱤᱛᱩᱝ
ᱮᱞᱟᱝᱛᱮ ᱟᱛᱟᱨᱚᱜ ᱫᱟᱨᱮ
ᱛᱟᱥᱟᱫ ᱟᱨ ᱱᱟᱲᱤ ,
ᱫᱤᱱ
ᱥᱤᱛᱩᱝ ᱠᱮᱴᱮᱡᱽᱚᱜ ᱫᱚᱨᱮ
ᱵᱟᱝ ᱧᱮᱞᱚᱜ ᱡᱟᱲᱤ ᱾
ᱡᱤᱵᱽ
ᱡᱤᱭᱟᱹᱞᱤ ᱛᱮᱛᱟᱝ ᱡᱟᱞᱟᱛᱮ
ᱪᱷᱟᱴᱯᱟᱴᱟᱜ ᱟᱠᱚ ,
ᱥᱤᱛᱩᱝ
ᱵᱚᱛᱚᱨ ᱢᱟᱹᱱᱢᱤ ᱱᱚᱛᱮ
ᱚᱲᱟᱜ ᱵᱚᱞᱚᱱᱟᱠᱚ ᱾
ᱥᱟᱜᱮᱱ
ᱱᱟᱲᱤ ᱰᱟᱹᱨ ᱥᱟᱠᱟᱢ
ᱞᱟᱰᱤᱫᱽ
ᱢᱚᱥᱚᱫᱚᱜ-ᱟ ,
ᱫᱷᱩᱲᱤ
ᱫᱷᱟᱨᱛᱤ ᱫᱷᱤᱨᱤ ᱪᱟᱴᱟᱱ
ᱞᱚᱞᱚ ᱥᱮᱸᱜᱮᱞᱚᱜ-ᱟ ᱾
ᱱᱟᱹᱭ
ᱱᱟᱞᱟ ᱵᱟᱸᱫᱷ ᱯᱩᱠᱷᱨᱤᱨᱮ
ᱫᱟᱜ ᱫᱚ ᱟᱸᱡᱮᱫ ᱫᱚᱜ ,
ᱵᱤᱨ
ᱜᱟᱡᱟᱲ ᱫᱟᱨᱮ ᱥᱟᱠᱟᱢ
ᱮᱞᱟᱝ ᱨᱟᱪᱠᱩᱵᱚᱜ ᱾
ᱦᱚᱨᱛᱮ
ᱪᱟᱞᱟᱜ ᱦᱤᱡᱩᱜ ᱥᱮᱱᱚᱜ
ᱟᱰᱤ ᱵᱚᱛᱚᱨ ᱛᱮᱜᱮ ,
ᱫᱟᱜ
ᱛᱮᱛᱟᱝ ᱩᱦᱳᱠ ᱟᱫᱚ
ᱦᱚᱠᱳᱯᱟᱠᱳ ᱨᱮᱜᱮ
᱾
============ ᱞ ᱧ =============
ᱯᱩᱥ
ᱵᱚᱸᱜᱟ
ᱯᱷᱟᱥ
ᱯᱷᱩᱥ
ᱨᱟᱵᱟᱝ ᱟ
ᱜᱷᱩᱥ
ᱜᱷᱩᱥ᱾
ᱢᱟᱜᱷ
ᱵᱚᱸᱜᱟ
ᱛᱤᱼᱡᱟᱸᱜᱟ
ᱠᱟᱱᱼᱠᱟᱱ
ᱨᱟᱱᱼᱨᱟᱱ᱾
ᱯᱷᱟᱹᱜᱩᱱ
ᱵᱚᱸᱜᱟ
ᱠᱟᱸᱡᱽᱼᱥᱤᱛᱩᱝ
ᱠᱟᱸᱡᱽᱼᱨᱟᱵᱟᱝ
ᱫᱟᱜᱼᱫᱚ
ᱨᱮᱭᱟᱲ ᱨᱟ ᱵᱟᱝ᱾
ᱪᱟᱸᱛᱽᱼᱵᱚᱸᱜᱟ
ᱪᱮᱴᱼᱪᱮᱴᱼᱥᱤᱛᱩᱝ
ᱢᱮᱨᱚᱢ
ᱩᱞᱩᱝ ᱼᱡᱷᱩᱞᱩᱝ
ᱩᱢᱩᱞ
ᱠᱟᱸᱴᱤᱡ ᱪᱩᱞᱩᱝ᱾
============ ᱞ ᱧ =============
ᱥᱤᱛᱩᱝ
ᱞᱚᱞᱚ ᱡᱟᱨᱟᱞ ᱡᱟᱨᱟᱞ
ᱫᱟᱜ
ᱜᱮ ᱛᱮᱛᱟᱝ ᱟᱦᱟᱞ ᱟᱦᱟᱞ
ᱦᱚᱲᱢᱚ
ᱡᱤᱣᱤ ᱟᱦᱩᱞ ᱵᱟᱠᱩᱞ
ᱦᱚᱲ ᱠᱚ ᱯᱟᱸᱡᱟᱭ ᱦᱮᱢᱟᱞ ᱩᱢᱩᱞ᱿
ᱩᱞ ᱠᱟᱱᱴᱷᱟᱲ ᱡᱚᱡᱚ
ᱥᱤᱸᱡᱚ
ᱜᱤᱫᱽᱲᱟᱹ
ᱠᱚ ᱫᱚ ᱡᱚᱢ ᱠᱚ ᱠᱷᱚᱡᱚᱜ ᱾
ᱵᱟᱸᱫ
ᱯᱩᱠᱷᱨᱤ ᱟᱸᱡᱮᱫ ᱦᱤᱡᱩᱜ
ᱥᱤᱛᱩᱝ ᱡᱟᱞᱟ ᱟᱭᱢᱟ ᱦᱚᱲ ᱠᱚ ᱜᱩᱡᱩᱜ᱿
ᱥᱟᱨᱫᱤ
ᱥᱤᱛᱩᱝ ᱟᱞᱚᱢ ᱫᱟᱸᱲᱟᱱ
ᱫᱟᱜ ᱧᱩᱭ ᱢᱮ
ᱛᱮᱛᱟᱝ ᱡᱩᱠᱷᱟᱱ
ᱱᱟᱯᱟᱭ ᱞᱮᱠᱟ
ᱛᱟᱸᱦᱮᱱ ᱢᱮ
ᱢᱟᱨᱟᱝ ᱦᱚᱲᱟᱜ
ᱠᱟᱛᱷᱟ ᱟᱸᱡᱢᱚ ᱢᱮ᱿
============ ᱞ ᱧ =============
দারে চেতান নাওয়া সাকাম সাগেন আকানা,
ডৗর পেরেচ আরাঃ সাসাং বাহা আকানা
ইঞাঃ মনে রৗস্কৗ তেদয় সেরেঞ জংকানা।
বীর কচারে লাফাং লাফাং দারে ডৗর কোরে
কোহল কিসনিয় সেরেঞ হানে সুর সাঙ্গিঞরে
ইঞাঃ মনেয় সেরেঞ জংআ সেতাঃ তরারে ।
সেতাঃ রেনাঃ সিতুং তারাস লান্দা জংকান
সিরিষ বাহা হিপিড় হিপিড় হিলৗওজংকান
ইঞাঃ জিউয়ীয় ফুরগৗলতেয় আফির জংকান।
তুড় মা দারে ডৗর করেকো দন বাড়ায়কান
এদেল তুলৗম হয়তে হানেয় অটাং বাড়ায়কান
ইঞাঃ বালে মন,দালায় দালায় হিলৗও জংকান।
ভুডুং দারে মাতকম, টিপটাপ ঞুঁরুজংকান
ঞেঁলে দুমুর বুল আতেকো ঞির বাড়ায়কান
ইঞাঃ মনে হেড়েম রাসা স'তে, আদ মাদাঃকান।
সিরজন রেয়াঃ কারধানিতে ধৗরতী আচুরকান
সেতাঃ তরা তারাস আতে চাঁদোয় রাকাপকান
ইঞাঃ বেবুঝ মন দ সৗরি, আফির বাড়ায়কান।
============ ᱞ ᱧ =============
রায়বার হাড়াম-
তাড়াম - তাড়াম,
অকাম চালাঃ কান?
নৗয় - পারম-
গাডা - পারম,
খবরিং হাতাও আন।
চেৎ
খবর-
উনৗঃ। জবর
দাঁড়ানাম তান - মান?
যাঁহায় করেন
এরা। উরু,
লৗগতি মেনাঃ খান!
বারয়া - রায় -
ইং দঁঞ পাঁজায়
কাথা - কাথাতেঞ মিৎ।
বারয়া - ঘারঞ্জ,
তিনৗঃ - মজ !
নাপায় রায় রীত!
রায়বার বাবা,
কামিয় সাবা,
সুলুক নিরৗয় ঘারঞ্জ!
বিজড় মনে-
জড়ায় ঘানে,
সিবিল সৗগৗয়ে খজ!
============ ᱞ ᱧ =============
৭।।
ককয়্ হেরেল্
সমরলাল টুডু
ককয়্ হেরেল্ ককয়্ কানায়্
সিতুং জাতার্ কাতার্,
জিরৗও লৗগিৎ ডঁডেৎ্ মেনায়
দারে হেমাল্ লাতার্ ।
এসেল উসুল হড়দ কানায়
বয়েস তেগেয় লিওয়েৎএন,
হেমাল হিসিত্ হয়তে হাড়াম
লাতোওয়াঃ হড়েয়
জিওয়েৎএন ।
মিরলুং চেহরা হেরেল হপন
হাড়াম তেগেয় ককয়,
খাটাও বাংখান ধৗরতি পুরিরে
জমাএ নেমাম অকয় ?
ককয় হড়দ কয়দ এমায়পে
যুদিপে ঞেঁলেয়া হাড়াম,
জানুমহঁ ঝানটি ছৗতিক জৗতিদ
আমদ অহয় পেড়াম।
ডৗর্ চেতান সাকাম সাগেনঃ
মহড়্ চেতান ডৗর্,
মহড়্ রেনাঃ কেটেজ্ বাংখান
জজম গেয়াক গাঁডার ।
বাঁবড়ে বোসটম্ ছৗতিক্ হড়গে
দেয়া কাতেৎ্ লাজাও,
ককয়্ পেষারে জোড়াও কাতেৎ
সংসার সৗড়িমক সাজাও ।
শরম ভরম তাঁহেন হড়দ
অহগে তি-দম আতাং,
লাজাওয়েম বুঝৗও তাঁহেন খানদ
আমাং বহঃ হাতাং ।
সানতাড় হড়দ সেদায় খনগে
দাড়েগে তাক ধনদ,
খাটাও কাতেৎ চাটাও আগুয়েৎ
ককয়দ একাল বনদ ।
তাবের কাতেয় খেমাও অকত
কৗমিক বাংএ ঞাঁমরে,
বাংএ ককয় ধার উধৗরায়
করম্ কপাল বামরে ।
রিকিড় তাঁহেন খানদ মৗনমি
জমাঃদ সৗরিম্ ঞাঁমগে,
হড়াঃ ভরসা তুমবা রাসা
আবোওয়াঃদ নোওয়া সাতামগে
।
============ ᱞ ᱧ =============
.webp)
বহ হাতাংরে বৗনু তিঞ মতি
অনাতে ইঞ দ রাজ করেন গুতি
সেতাঃ সিঁগৗড় বানু কৗমিরেনাঃ খামতি
জিরৗও রেনাঃ অক্ত হঁ বৗনু মিৎ রুতি।
সরেস কৗমিরেহঁ বাংক সারহাও
বৗড়িচ লেখান শাশায় পারহাও
সামাংরে বৗঞ দাড়ে তিঁগু টারহাও
কিসৗঁড় সেতা ক গারজাও।
জম ঞুরে বানু গুড় গতম
রড় লান্দারে বানু সিবিল সড়ম
সামাং দুয়ৗররে তাহেনৗঞ দড়ম
সেতাঃ পুসি গানৗডি আল ক দন পা…
মেৎরে বানু তিঞ জাপিত
অক্ত খাঁডাও অৗঞ
মনেতিঞ মেন অকালেকান তাকো পিত!
গুরুঞ গুরুঞ এগেরতে মনেঞ তিরপিত।
লেতাড়গে কৗমিরে তাঁহেনৗঞ ধুরৗও
অক্তরেগে কৗমিঞ পুরৗও
এনতেরেহঁ ইঞৗঃ কৗমি ক দুসৗও।
চাঁদ পিছৗ ঞামৗঞ কুড়ৗয়
জাওরাতেগে হুয়ুঃ মুরৗই
জিয়ন হুয়ুঃ নিরৗই
জমৗঞ লেট আর পুরৗই।
============
ᱞ ᱧ =============
ফৗগুন চাত বাহা বঙ্গা
দারে নৗড়ি
ধৗরতি সভা।
মারে সাকাম ঞুর গিডি
বালে সাকাম লিলি বিছি।
নাওয়া কারতে আর হঁ এহব
সাজাও সাপড়াও মজ্ মজ্।
বাড়ায় তুলুচ্ আখির জিয়ন
বছর রুয়ৗড় হিজুঃ নিরন।
খেত বৗইদ টাঁডি টিকর
লল সিতুং দাঃ উকুর।
বির চেঁড়ে নিচল নিঝুম
ঞু জম বৗনুঃ উম।
সেরমা লাফাং রিমিল তাপাং
হুডুর বিজলি দাঃ জৗড়ি।
তেতাং মনে কয়ঃগ্ ঘানে
উডৗও আবঃ বাহা ডৗর রে।
এনাং খনাঃ নিত্ ভৗগি
নাপায়াঃ দ বাং এ তাঁগি।
আম ঠেন গে বুগি বৗড়িচ্
সুখ আশতে দুক বৗড়তিঃ।
============ ᱞ ᱧ =============
১০।।
চুনকুরাম টুডু
দুগাই টুডু
মেনকো উনি তাঁহে কানায়
কৗহনি অলঃইচ্ বলে,
সেরেঞ কঁহ আচ্গে কাথায়
অললেৎ ভালে ভালে।
ঞুতুম তায় চুনকুরাম টুডু
বাডায় গেকো হানে,
আপাৎ টিবুরাম টুডু গেচো
এঁগাৎ নোহা কানে।
ইং ২০-৭-১৯২৩ রে
জানাম রাজদোহা রেদ,
পুরুব সিংভূম ঝাড়খন্ড পনৎ
নাহাঃ লৗইগে গেদ।
পৗহিল তেদ উলচৗকতি
অলগে লেদায় অনা,
মারশাল পাথাম রেগে অনে
উনদ ছাপা লেনা।
হড়াঃ লাকচার এনেচ্ সেরেঞরে
রুসিকা হড়গে কানা,
‘রিজৗ সেরেঞ’ ‘রু-রাহা’ পতব
উনরে সদর আনা।
সাঁওহেৎ চারচা হারা বুরুরে
এনেম দহ লেদে,
হড়কো নেতার একাল তেগে
বেবাক দিসৗয় এদে।
============
মুচৗৎ =============
.webp)
.webp)
.webp)
