“আবোওয়াঃ কাথা” ডিজিটাল ডেস্ক
রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড় গে উছানঃ কানা।
তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp-
8942955829 : E-mail Id:- abowagkatha@gmail.com
তেহেঞাঃ আখড়ারে যাঁহায় কো সেলেদ্ আকান- রিলৗমালামুরমু, ᱥᱩᱵᱩᱫᱤᱭᱟ.ᱢᱩᱨᱢᱩ, ᱠᱤᱥᱠᱤᱱᱫᱷᱟ ᱢᱩᱨᱢᱩ, ᱯᱩᱨᱱᱚ ᱪᱚᱱᱫᱽᱨᱚ ᱠᱤᱥ ᱠ, ᱨᱚᱢᱮᱥ ᱵ ᱮᱥᱨᱟ , ᱨᱟ ᱢᱯᱚᱫᱚ ᱠᱤᱥᱠᱩ , বাড়তাং সরেন, সনৎ কুমার হাঁসদা, সাগুন শিকারিয়া, সীতেন মান্ডি, সমরলাল টুডু, সু রে ন্দ্র না থ হে ম ব্র ম, দুগাই টুডু ।
রিলৗমালামুরমু
১।।
ᱚᱱᱞᱤᱭᱟᱹ ᱟᱢ
ᱪᱮᱫᱟᱜ ᱛᱷᱤᱨᱟᱠᱟᱱᱟᱢ ?
ᱪᱮᱫᱫᱚᱢ ᱜᱩᱱᱤᱵᱷᱟᱹᱵᱤᱜ ?
ᱱᱚᱜᱼᱚᱭ ᱱᱤᱛ ᱦᱟᱹᱵᱤᱡ ᱿
ᱟᱢᱫᱚ ᱵᱚᱸᱝᱜᱟ ᱵᱟᱨᱟᱜ
ᱪᱤᱛᱟᱹᱨᱮᱢ ᱥᱟᱵᱽ ᱨᱟᱠᱟᱵᱽ।
ᱫᱷᱟᱹᱨᱛᱤ ᱫᱩᱱᱤᱭᱟᱹ ᱪᱷᱩᱲᱭᱟᱹᱣ
ᱚᱞ ᱛᱟᱞᱟᱛᱮᱢ ᱜᱩᱲᱭᱟᱹᱣ ᱿
ᱚᱱᱞᱤᱭᱟᱹᱟᱢ
ᱥᱟᱹᱜᱩᱱ ᱩᱭᱦᱟᱹᱨᱮᱫᱟᱢ ।
ᱢᱟᱹᱱᱣᱤᱢ ᱥᱚᱱᱛᱚᱨ ᱠᱚᱣᱟ
ᱱᱚᱱᱚᱞ ᱚᱞᱛᱮᱢ ᱯᱚᱛᱟᱣᱼᱟ ᱿
ᱟᱢᱫᱚᱢ ᱥᱚᱱᱚᱛ ᱢᱟᱹᱱᱣᱤ
ᱥᱚᱱᱟ ᱨᱩᱯᱟᱹ ᱠᱷᱚᱱ ᱫᱟᱹᱢᱤ।
ᱟᱢᱟᱜ ᱥᱟᱹᱜᱩᱱ ᱥᱳᱜᱷᱳᱲ ᱠᱟᱹᱢᱤ
ᱦᱟᱯᱮᱱ ᱫᱳᱜ ᱠᱚᱣᱟᱭ ᱢᱟᱹᱱᱣᱤ ᱿
ᱟᱢᱟᱝ ᱤᱧᱟᱝ ᱜᱟᱛᱮ ᱛᱟᱞᱟᱨᱮ
ᱦᱤᱥᱠᱟᱹ ᱵᱟᱵ ᱪᱮᱫᱟ ,
ᱞᱟᱹᱭ ᱞᱟᱹᱭᱛᱮ ᱨᱚᱲ ᱠᱟᱛᱷᱟᱛᱮ
ᱵᱟᱵ ᱥᱤᱰᱟᱝ ᱜᱚᱫᱚᱜ ᱾
ᱜᱩᱱᱟᱱ ᱦᱚᱲ ᱥᱟᱣᱛᱮ ᱠᱟᱛᱮ
ᱥᱟᱸᱲᱟᱭ ᱢᱚᱡᱽ ᱨᱚᱲ,
ᱥᱟᱱᱟᱢ ᱥᱟᱞᱟᱜ ᱯᱟᱱᱛᱮ ᱠᱟᱛᱮ
ᱛᱟᱸᱦᱮᱱ ᱟᱰᱳ ᱦᱚᱲ ᱾
ᱢᱚᱱᱮᱨᱮ ᱫᱩᱠ ᱧᱟᱧᱟᱢ ᱞᱮᱠᱟ
ᱟᱹᱛᱷᱟᱹᱣᱲᱤ ᱵᱟᱵ ᱢᱮᱱᱟ ,
ᱠᱟᱛᱷᱟ ᱥᱤᱵᱤᱞ ᱦᱮᱲᱮᱢ ᱞᱮᱠᱟ
ᱦᱚᱲ ᱠᱚ ᱞᱟᱹᱭ ᱠᱟᱱᱟ ᱾
ᱨᱮᱸᱜᱮᱡ ᱟᱨ ᱠᱤᱥᱟᱹᱲ ᱦᱚᱲ
ᱵᱟᱵ ᱢᱚᱱᱮᱜ ᱡᱩᱫᱟᱹ ,
ᱦᱤᱥᱠᱟᱹ ᱥᱩᱭᱟᱹ ᱥᱟᱦᱟ ᱥᱟᱸᱹᱜᱤᱧ
ᱟᱵᱳ ᱢᱟᱱᱢᱤ ᱦᱩᱫᱟᱹ ᱾
======== ᱞ ᱧ ==========
ᱦᱟᱸᱰᱟ ᱞᱮᱠᱟᱭ
ᱵᱤᱞᱤ ᱟᱠᱟᱫ_ᱨᱚ
ᱠᱩᱲᱤ ᱜᱟᱱᱰᱟ ᱞᱮᱠᱟ
ᱛᱮᱱ ᱜᱚᱡ ᱟᱠᱟᱱᱟ ᱠᱳ_ᱠᱸᱚᱜ᱾
ᱦᱟᱸᱰᱟ ᱞᱮᱠᱟᱱ
ᱵᱤᱞᱤ ᱜᱚᱜ ᱛᱮ
ᱫᱟᱜ ᱩᱨᱩ ᱣᱟ
ᱛᱟᱨᱮᱱᱼᱢᱚᱜ᱾
ᱦᱟᱸᱰᱟ ᱞᱮᱠᱟᱱ
ᱵᱤᱞᱤ ᱴᱷᱮᱞᱟᱣ ᱛᱮ
ᱠᱟᱴᱠᱚᱢᱟᱜ
ᱛᱤ ᱼᱡᱟᱸᱜᱟ ᱞᱚᱜ
ᱦᱟᱸᱰᱟ ᱞᱮᱠᱟᱱ
ᱵᱤᱞᱤ ᱨᱚᱪᱚᱫ ᱮᱱ
ᱜᱷᱟᱸᱲᱟ ᱜᱷᱟᱲᱸᱲᱤ
ᱦᱤᱨᱠᱷᱟᱸ ᱜᱮ ᱼᱥᱚ᱾
=========
ᱞ ᱧ ==========
ᱥᱮᱛᱟᱜ ᱥᱤᱸᱜᱟᱹᱲ ᱥᱟᱨᱟ ᱜᱷᱟᱹᱲᱤ
ᱩᱨᱩ ᱠᱳᱸᱰᱮᱞ ᱪᱟᱜ ᱮᱢ ᱟᱹᱲᱤ ?
ᱜᱚᱡᱮᱭᱟᱵᱚᱱ ᱢᱟᱨᱟᱝ ᱥᱟᱹᱲᱤ
ᱨᱟᱯᱟᱜ ᱟᱹᱢᱟᱹᱧ ᱠᱟᱴᱟ ᱯᱷᱟᱹᱲᱤ ᱾
ᱞᱟᱹᱜᱩᱢ ᱛᱟᱹᱲᱩᱢ ᱠᱷᱟᱴᱟᱨ ᱠᱷᱩᱴᱩᱨ
ᱠᱚᱭᱚᱜᱢᱮ ᱟᱢ ᱢᱟᱴᱟᱨ ᱢᱩᱴᱩᱨ,
ᱡᱚᱢᱼᱡᱚᱢᱛᱮ ᱚᱛᱨᱮᱢ ᱵᱩᱡᱩᱨ
ᱩᱱᱫᱚᱢ ᱠᱚᱠᱚᱭ ᱫᱮᱱ ᱟᱨᱦᱚᱸ ᱩᱠᱩᱨ ᱾
ᱠᱷᱮᱞᱳᱰ ᱫᱷᱩᱲᱤᱨᱮ ᱜᱟᱛᱮ ᱛᱩᱞᱩᱪ
ᱞᱟᱸᱫᱟ ᱛᱷᱚᱛᱱᱟ ᱢᱩᱞᱩᱪᱼᱢᱩᱞᱩᱪ,
ᱡᱚᱦᱟ ᱯᱮᱨᱮᱪ ᱲᱚᱦᱚᱲ ᱥᱩᱞᱩᱪ
ᱢᱮᱞᱚᱫᱽ ᱠᱟᱜᱼᱟᱢ ᱵᱩᱡ ᱛᱩᱞᱩᱪ ᱾
ᱜᱚᱲᱚᱢ ᱥᱟᱞᱟᱜ ᱠᱟᱹᱦᱱᱤ ᱠᱩᱫᱩᱢ
ᱚᱞᱚᱜ ᱪᱮᱫᱚᱜ ᱧᱩᱢ ᱜᱮᱼᱵᱟᱢ ᱧᱩᱢ,
ᱯᱩᱸᱛᱷᱤ ᱥᱟᱢᱟᱝ ᱫᱩᱲᱩᱵ ᱫᱩᱢᱼᱫᱩᱢ
ᱮᱱᱮ ᱛᱚᱨᱟ ᱰᱚᱵᱚᱜ ᱟᱛᱮᱢ ᱰᱩᱫᱲᱩᱢ ᱾
=========
ᱞ ᱧ ==========
ᱜᱚᱴᱟ ᱯᱟᱠᱟᱲ ᱫᱷᱩᱫᱽ ᱜᱮ ᱧᱮᱞᱚᱜ
ᱵᱟᱭ ᱧᱮᱞᱚᱜ ᱟ
ᱵᱮᱲᱟ
ᱢᱚᱱᱮ ᱦᱳᱭᱳᱜ ᱫᱷᱩᱸᱣᱟᱹ ᱛᱮᱜᱮ
ᱮᱥᱮᱫᱽ ᱟᱠᱟᱱ
ᱴᱚᱞᱟ ᱯᱟᱲᱟ ᱿
ᱥᱟᱸᱜᱤᱧ ᱥᱮᱫᱽ
ᱮᱢ ᱠᱚᱭᱚᱜ
ᱞᱮᱠᱷᱟᱱ
ᱪᱮᱫᱽ ᱦᱚᱸᱜᱮ ᱵᱟᱝ ᱧᱮᱞᱚᱜ
ᱞᱟᱦᱟ ᱥᱮᱫᱽ ᱮᱢ ᱛᱟᱲᱟᱢ ᱞᱮᱠᱷᱟᱱ
ᱰᱟᱦᱟᱨ ᱫᱚ ᱧᱮᱞ ᱧᱟᱢᱚᱜ᱿
ᱡᱤᱭᱚᱱ ᱨᱮᱦᱚᱸ ᱟᱭᱢᱟ ᱞᱮᱠᱟᱱ
ᱮᱴᱠᱮ ᱴᱚᱸᱲᱮ ᱦᱤᱡᱩᱜ ᱠᱩᱣᱟᱹᱥᱟ ᱞᱮᱠᱟ
ᱟᱞᱚᱢ ᱛᱟᱸᱦᱮᱱ ᱛᱷᱤᱨ ᱛᱷᱟᱨ ᱫᱚ
ᱮᱠᱟᱞ ᱫᱩᱲᱩᱵᱽ
ᱠᱟᱛᱮ ᱿
ᱯᱟᱣᱲᱤ ᱟᱢᱟᱜ
ᱞᱟᱦᱟᱭ ᱢᱮ
ᱥᱟᱢᱟᱝ ᱪᱟᱞᱟᱜ ᱞᱟᱜᱤᱫᱽ
ᱵᱟᱹᱭ ᱵᱟᱹᱭ
ᱛᱮ ᱛᱟᱲᱟᱢ ᱰᱟᱦᱟᱨ
ᱞᱮᱠ ᱧᱟᱢᱟᱢ
ᱞᱟᱦᱟᱜ ᱞᱟᱜᱤᱫᱽ ᱿
========= ᱞ ᱧ ==========
এ চাঁদো মারাংবুরু
আমগে মারাংগুরু
আমাঃ ধারতী সিরজন চাঁদো একাল হাহাড়া।
আমাঃ দায়া দুলাড় তেগে
আমাঃ দায়া মায়া তেগে
যত লাগিৎ জমেম যোগাও পেরেচ পাতাড়া।
সেরমা টুঁডাং জুলুঃ ইপিল
ধারতী মানওয়া সিগিল সিগিল
আমাঃ উদুঃ ডাহারতে ধারতী লাহাঃকান।
দারে নাড়ী লেগেজ লেগেজ
হয়তে হিলাঃ কেদেজ কেদেজ
আমাঃ কারি কাইতুক তে বাহা সাড়ঃকান ।
সেরমা রিমিল ডয়ল ডয়ল
মারাঃ পিঞ্চার বিয়ল বয়ল
চেঁড়েঁ চুপড়ী জিয়ালীতে ধারতীম সাজাওয়া।
হয় হিসিৎ হুডুর বিজলী
সেরমা আচুর পরবপালি
আমাঃ দুলাড় দাড়েতে ধারতীম বাঞ্চাওয়া ।
দিশম তালা হিংসাবাদি
অচগ্ মেসে জবরা বাঁদি
কড়াম তালা সাকড়া মনে সাহা উতারকাম।
সেতাঃ আয়ুপ তিকিন আচুর
ধারতী দিশম আচুর বিহুর
ঘানে ঘানে মারাংবুরু আমিঞ জোহারাম।
=========
ᱞ ᱧ ==========
আলে মুনু,
খানাঃ খুনুঃ;
রেয়াড় রাবাং -
চেৎ হঁ বানুঃ!
সিম রাঃ রেয়,
বেরেৎ কয়াঃ -
খালিয় পাঁজায় -
হানা নওয়া।
রেঁগেজ এয়া -
অকা লেকা,
এমায় আলে -
ল-ল দাকা ।
রৗস্কৗ তেমায় দন - দ।
ল-ল দাকারে মন - দ।
=========
ᱞ ᱧ ==========
সেতাঃ তরা বেরেদ কাতে
দাঃ দাতানি কাতে,
অলঃ পাড়হাও দুড়ুব কাতে
উম ফারচা কাতে ।
ইতুন তেব চালাঃ আবো
পুঁথি সাঁওতে কাতে,
রুয়াড় হিজুঃ হাসুর বেড়া
অলঃ বাড়ায় কাতে ।
জাঁঙ্গা মেৎহা আবোক কাতে
যাগে ঞু জম কাতে,
খেলোড ডাহি খেলোড কাতে
হিজুঃ অড়াঃতে ।
ঞুহুম তরা অলঃ চেদঃআ
মনে রিকিড় কাতে,
কিদোঃ দাকা জম কাতেগে
গিতিজ ঞিদা কাতে ।
========= ᱞ ᱧ ==========
৯।।
অকয় চেৎ ক কামি
সীতেন মাণ্ডি
লুতুর দয় আজমাম
যাঁহা তিনাঃ সাডে কান।
বুগি বাড়িচ্ রড় ক
সেরেঞ দুরাং জড় ক।
মেৎ দয় ঞেল আম।
দুনিয়া রে চেৎ চালাঃ কান
দুক রে জরঃ মেৎ দাঃ
বাং আঃ হঁয় সাহাও কাঃ।
জাঙ্গা দয় সেটের কাম
অকা চালাঃ মনে তাম
হড় ম রেনাঃ আঙ্গিভার
গঃ কাঃ আয় এসকার।
তি দয় সাব্ আম।
যত লেকান জিনিস তাম
জম ঞু রেয়াড় ফারচা
বায় হাতাও তি খরচা।
ডাটা দয় তগচ্ তাম
জমাঃ রে গড় আম
রড় লাঁদা সেরেঞ
মজ্ টেড়েঞ টেড়েঞ।
আলাং দয় উদ্ তাম।
লাচ্ রেঁগেচ্ জম তাম
হেড়েম কাসা ঝাল সাবাঃ
উনি গে যতয় বুঝ আমাঃ।
মু দয় চিয়ায় তাম
স সিঁড়িচ্ স তাম
সন্ধাড় রে উলিদাঃ
সেয়া রে মু সাব্।
মনে দয় দিশায় তাম।
এনাং,নিত,ধিনাং
বাং ঞেলঃ সদরঃ আ
হাঁডে নাডে ঢাং অঃ আ।
=========
ᱞ ᱧ ==========
১০।।
হাতাও কেদায়্ আইদার্
সমরলাল টুডু
হপন্ হপন্ মারাং বিটি
দাঁমড়ি দাকায়্ চঁদায়্,
অনা ঞেঁলতে জুঁবড়ি পুসিমা
উয়ুং উয়ুংএ লাঁদায়্ ।
দলমা বুরুখন্ বেরেল্ সাহান্
মারাং বিটিই আগুই,
চুলহারে ঠেকাও সাঁওতে সাহান্
পুসি গালমারাওএ লাগুই ।
ফুগড়ি মচং ফিসং ফসং
মারাং মাইএ অমেৎ,
চাহাব্ মচং চুলহা হঁচং
বেরেল্ সাহানে জমেৎ ।
চিডির্ পটম্ হিডির্ মেৎদাঃ
মুঁ-তায়হঁ সুনুজ্ পটম্,
আডিগে বেরেল্ ঠেকাও সাহান্
ধুঁগাতে সলম্ লটম্ ।
আলম্ পাচঃআ লাহা সেনঃমে
আডি সাঁগিঞেম্ লাহাআ,
বাংরেদ, মারাং বিটিই বাডায়্
আমাঃ হরখনেম্ সাহাআ ।
চুলহা রেনাং বেরেল্ সাহান্
বাই বাইতে জুলেন্,
উনদ পুসিহঁ বিটি সাঁওতে
কুশি কুশিতেয়্ ফুলেন্ ।
উতু দামড়ি ইসিন্ কাতেৎ
রেয়াড়ঃ বিটিয়্ দুকান্,
জুঁবড়ি পুসিমা অনা তাকরে
টুকুজ্ মাডিই লুঃলুকান্ ।
রেয়াড়্ কাতেদ্ মারাং বিটিদ
রুওয়াড়্ এনতেয়্ অড়াঃ,
মেৎতে ঞেঁলায়্ ইসিন্ অড়াঃ
টিন্ সিলপিঞ লাড়াঃ।
মারাং মাইয়াঃ এদরে সেঁগেল্
জুলেন্ হাদার্ হাদার্,
লেবেদ্ চাগাড়্ পুসিয়াঃ মচং
হাতাও কেদায়্ আইদার্।
=========
ᱞ ᱧ ==========
তালা ঞিঁদৗ বেড়া দারে বুটৗরে
চিলি কচো কো এনেজ,
আধান দকো আকাঃ ডৗর করে
ঞুরুঃ আকো কেঁজ কেঁজ |
ঞিঁদৗ দ চেতা বাকো জৗপিদ
মিৎ ঞিঁদৗ গেকো দাঁড়ানা,
ভোর আঁগা মারসাল হৗজুঃ লাহা
উনকু বতোর তেকো উকুনা |
হড়কো ঞেল ঞাম লেকো খান
গৗঁহিররে খাংখং মুতেকো রড় আ,
দাঃ তেতাং দাকা রেঁগেজ হালত
আতো অড়াঃ সেনকো হৗজুঃআ |
দিসম দিসম গাদেল কো দাঁড়ানা
ঞুঁতঞিঁদৗ উদবুদ রাট পাটকো কৗমি
ঞেল ঞাম লেখান কো অৗরসি
অৗরুফেরাও কাতে হোয়ঃকো মৗনমি |
=========
ᱞ ᱧ ==========
১২।।
চাম্পাই মুরমু
দুগাই
টুডু
লাইকো কাথায় তাঁহে কানায়
উনি দ অনড়হিঁয়া,
আদম কদক মেন আরহঁ
উনি দ গায়নাহারিয়া।
ঞুতুম তায়দ চাম্পাই মুরমু
জানাম রাজদোহা হানে,
পুরুব সিংভূম ঝাড়খন্ড পনৎ
সানাম গেকো মেনা।
আপাৎ গেতায় জগৎরাম মুরমু
এঁগাৎ নানী কানে,
পাটনা জেগেৎ বিরদা গাড় খনে
বি.এ. পাশ আনে।
অল বেলরে মনে তায়দ
আডি লাওয়ের লেনা,
অনড়হেঁ সেরেঞ কহঁ উনরে
আয়মা অল হেনা।
‘মারশাল’ গেথো বাংলা লিপিতে
পাথাম ছাপাও কেদায়,
রাজদোহা লিটারারী সোসাইটি খন
উনরে উছান লেদায়।
সান্তাড়ি সাঁওহেৎ হারা বুরু
দমেয় কুরুমুটু আনা,
কামি এনেম তেগে হড়কো
উইহার ইদিয়ে কানা।
========= ᱞ ᱧ ==========
১৩।।
ভুত
সুচাঁদ হাঁসদা
=========
মুচৗৎ ==========
.webp)
.webp)
.webp)
