“আবোওয়াঃ কাথা” উছৗনঃডিজিটাল
ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড় গে উছানঃ কানা।
তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp-
8942955829 : E-mail Id:- abowagkatha@gmail.com
তেহেঞাঃ আখড়ারে যাঁহায় কো সেলেদ্ আকান- রিলৗমালা মুরমু, ᱥᱩᱵᱩᱫᱤᱭᱟ.ᱢᱩᱨᱢᱩ, ᱨᱚᱢᱮᱥ ᱵ ᱮᱥᱨᱟ , ᱯᱚᱨᱤᱢᱚᱞ ᱦᱟᱸᱥᱫᱟ, ᱵᱟᱵᱽᱞᱩ ᱥᱚᱨᱮᱱ, ᱨᱟ ᱢᱯᱚᱫᱚ ᱠᱤᱥᱠᱩ , ᱠᱤᱥᱠᱤᱱᱫᱷᱟ ᱢᱩᱨᱢᱩ, বাড়তাং সরেন, সনৎ কুমার হাঁসদা, সীতেন মান্ডি, সমরলাল টুডু, বিভূতি ভূষন সরেন, সনাতন টুডু, সু রে ন্দ্র না থ হে ম ব্র ম, দুগাই টুডু ।
ᱜᱟᱹᱭ ᱠᱚᱸᱜ
ᱠᱚᱸᱜ ᱠᱚᱸᱜ ।
ᱡᱷᱟᱹᱞ ᱡᱚᱸᱠ
ᱪᱚᱸᱠ ᱪᱚᱸᱠ ।
ᱜᱚᱰᱟ ᱜᱷᱩᱠᱨᱤ ᱞᱮᱸᱰᱮᱛ
ᱫᱷᱤᱨᱤ ᱠᱟᱴᱠᱚᱢ ᱵᱮᱸᱜᱮᱛ ᱿
ᱥᱤᱢ ᱦᱚᱯᱚᱱ
ᱥᱩᱸᱭ ᱥᱩᱸᱭ ।
ᱥᱮᱛᱟ ᱦᱚᱯᱚᱱ
ᱠᱚᱸᱭ ᱠᱩᱸᱭ ।
ᱫᱟᱨᱮᱹ ᱠᱟᱠᱲᱟᱭ ᱰᱚᱵᱚᱜ
ᱦᱟᱲᱟᱢ ᱰᱚᱰᱟᱭ ᱥᱚᱸᱵᱚᱫ ᱿
ᱨᱚᱦᱚᱲ ᱥᱟᱠᱟᱢ
ᱥᱟᱲ ᱵᱟᱲ ।
ᱧᱤᱫᱤᱨ ᱦᱟᱥᱟ
ᱡᱷᱟᱨ ᱡᱷᱟᱨ ।
ᱴᱚᱴᱠᱚ ᱜᱟᱰᱟ ᱦᱟᱰ ᱦᱩᱰ
ᱨᱤᱢᱤᱞ ᱥᱟᱰᱮᱹ ᱜᱩᱰ ᱜᱩᱰ ᱿
ᱜᱮᱢᱮᱪᱼᱜᱮᱢᱮᱪ ᱛᱟᱲᱟ ᱢᱛᱟ ᱭ
ᱞᱩᱸᱢᱩᱭᱼᱞᱩᱸᱢᱩᱭ ᱵᱟᱹᱞᱤ,
ᱞᱩᱜᱩᱞᱩᱡᱟᱹᱝ ᱟᱹᱭᱩ ᱦᱚᱵᱚᱨ
ᱧᱤᱨ ᱵᱟᱹᱜᱤᱭᱟ ᱭ ᱠᱷᱟᱹᱞᱤ ᱾
ᱜᱟ ᱛᱮᱥᱟ ᱞᱟ ᱜ ᱠᱷᱤᱞᱰ ᱩᱼᱠᱷᱟ ᱢᱰ ᱟ
ᱞᱩᱥᱩᱯᱩᱸᱰ ᱩ ᱫᱷᱩᱲᱤ,
ᱢᱮᱱᱟ ᱜᱛᱟ ᱭᱟ ᱯᱟ ᱴᱷᱮ ᱵᱟᱹᱫᱮ
ᱟᱹᱭᱩ ᱟ ᱧᱪᱟᱨ ᱥᱟᱹᱲᱤ ᱾
ᱦᱚᱴᱚᱜᱼᱰ ᱚᱵᱚᱜ ᱞᱮᱣᱮᱨ ᱠᱚᱫᱚᱜ
ᱨᱚᱲᱟ ᱭ ᱠᱮᱱᱮᱠᱚᱛᱮ,
ᱵᱷᱟ ᱠᱨᱟ ᱫᱟ ᱠᱟ ᱥᱮᱯᱮᱧᱠᱟ ᱛᱮ
ᱡᱚᱢᱟ ᱭ ᱜᱟ ᱛᱮᱠᱚᱛᱮ ᱾
ᱜᱟ ᱛᱮᱥᱟ ᱞᱟ ᱜ ᱜᱟ ᱯᱟ ᱞᱢᱟᱨᱟᱜ
ᱞᱟᱸᱫᱟ ᱭ ᱠᱷᱤᱴᱤᱼᱠᱷᱤᱴᱤ,
ᱵ ᱩᱰ ᱦᱤ ᱦᱚᱲᱟ ᱜ ᱞᱮᱠᱟ ᱭ ᱨᱚᱲᱟ
ᱟ ᱞᱮ ᱦᱚᱯᱚᱱ ᱵᱤᱴᱤ।
========= ᱞ ᱧ =========
ᱩᱡᱟᱹᱲᱚᱜ ᱠᱟᱱᱟ ᱵᱤᱨᱵᱩᱨᱩ
ᱱᱤᱞᱟᱹᱢᱚᱜ ᱠᱟᱱᱟ ᱢᱟᱨᱟᱝᱵᱩᱨᱩ
ᱵᱷᱟᱛᱟᱣᱚᱜ ᱠᱟᱱᱟ ᱟᱦᱟᱨ
ᱟᱫᱚᱜ ᱠᱟᱱᱟ ᱵᱟᱧᱪᱟᱜ ᱰᱟᱦᱟᱨ᱾
ᱥᱟᱸᱜᱮᱜ ᱠᱟᱱ ᱨᱮᱦᱚᱸᱠᱚ ᱯᱟᱨᱜᱟᱱᱟ
ᱵᱤᱪᱟᱹᱨ ᱟᱪᱟᱨ ᱫᱚ ᱵᱟᱝᱠᱚ ᱜᱟᱱᱟ
ᱦᱟᱴᱤᱧᱚᱜ ᱠᱟᱱᱟ ᱡᱟᱦᱮᱨ ᱡᱟᱱᱛᱷᱟᱲ
ᱱᱟᱭᱠᱮ ᱵᱟᱵᱟᱭ ᱦᱤᱲᱤᱧᱮᱫᱟ ᱢᱟᱱᱛᱟᱨ᱾
ᱵᱤᱱᱛᱤᱨᱤᱡᱚᱜ ᱠᱟᱱᱟ ᱯᱚᱨᱚᱵᱽ ᱯᱤᱦᱟᱹ
ᱮᱦᱚᱵᱚᱜ ᱠᱟᱱᱟ ᱪᱷᱟᱛᱤᱠ ᱥᱟᱶ ᱵᱟᱯᱞᱟ
ᱵᱤᱦᱟᱹ
ᱡᱩᱣᱟᱹᱱ ᱠᱚᱠᱚ ᱮᱱᱮᱡ ᱠᱟᱱᱟ ᱪᱷᱟᱯᱚᱞ
ᱵᱚᱸᱜᱟ ᱛᱷᱟᱱᱨᱮ ᱦᱚᱨᱚᱜ ᱠᱟᱛᱮ ᱪᱚᱯᱯᱚᱞ᱾
=========
ᱞ ᱧ =========
(᱑)
ᱜᱤᱫᱽᱨᱟ. ᱠᱚᱠᱚ ᱠᱷᱮᱞ ᱡᱚᱝᱟ
ᱞᱚᱠᱟ ᱠᱤᱛ ᱠᱤᱛ ᱰᱩᱞᱩ ᱰᱩᱝ
ᱟᱞᱮ ᱵᱟ.ᱵᱩ ᱦᱚᱯᱚᱱ ᱪᱩᱱᱩ
ᱟᱭᱩᱵᱽ ᱠᱷᱟᱱ ᱜᱮ ᱠᱩᱲᱪᱩᱝ।
(᱒)
ᱦᱩᱠ-ᱠᱟ ᱦᱩᱣᱟ. ᱛᱩᱭᱩ ᱠᱚ ᱨᱟᱜ
ᱟᱞᱮ ᱵᱟ.ᱵᱩ ᱟᱡᱚᱢ ᱪᱟᱜ
ᱨᱮᱭᱟᱲ ᱨᱟᱵᱟᱝ ᱫᱤᱱ ᱠᱚ ᱨᱟᱜ
ᱟᱞᱮ ᱵᱟ.ᱵᱩ ᱜᱩᱜᱩᱫ ᱟᱛᱮ ᱨᱟᱜ।
=========
ᱞ ᱧ =========
ᱦᱟᱴ ᱨᱮ ᱧᱟᱢᱚᱜ ᱡᱤᱱᱤᱥ ᱯᱟᱛᱤ
ᱟᱭᱢᱟ ᱞᱮᱠᱟᱱ ᱥᱟᱲᱤ ᱫᱷᱩᱛᱤ
ᱵᱩᱞᱩᱝ ᱵᱩᱱᱩᱢ ᱟᱱᱲᱡᱽ
ᱯᱟᱛᱤ
ᱟᱭᱢᱟ ᱦᱚᱲ ᱠᱚ ᱨᱚᱯᱚᱲ ᱛᱦᱩᱛᱤ ᱿
ᱟᱫᱚᱢ ᱦᱚᱲ ᱠᱚ
ᱠᱤᱨᱤᱧᱟ
ᱟᱫᱚᱢ ᱦᱚᱲ ᱠᱚ ᱟᱠᱨᱤᱧᱟ
ᱟᱫᱚᱢ ᱦᱚᱲ ᱫᱚ ᱮᱠᱮᱱ ᱛᱤ
ᱫᱟᱸᱲᱟ ᱟᱪᱩᱨ
ᱟᱨ ᱠᱚ ᱛᱷᱩᱛᱤ ᱿
========= ᱞ ᱧ =========
ᱦᱟᱭ ᱨᱮᱭᱟᱲ ᱫᱟᱜ ᱨᱮᱭᱟᱲ
ᱨᱮᱭᱟᱲ ᱥᱤᱧ ᱧᱤᱫᱟᱹ ,
ᱡᱚᱢᱟᱜ ᱨᱮᱭᱟᱲ ᱧᱩᱭᱟᱜ ᱨᱮᱭᱟᱲ
ᱨᱮᱭᱟᱲ ᱟᱰᱤ ᱡᱩᱫᱟᱹ ᱾
ᱡᱟᱸᱜᱟ ᱟᱵᱳᱠ ᱛᱤ ᱟᱵᱳᱠ
ᱨᱮᱭᱟᱲ ᱜᱮᱪ ᱵᱩᱡᱷᱟᱜ ,
ᱦᱚᱭ ᱨᱮᱭᱟᱲ ᱫᱟᱜ ᱨᱮᱭᱟᱲ
ᱦᱚᱲᱚᱢ
ᱜᱤᱛᱤᱪ ᱠᱩᱪᱟᱜ ᱾
ᱨᱮᱭᱟᱲ ᱡᱟᱞᱟ ᱥᱤᱨᱚᱪ ᱥᱚᱨᱚᱪ
ᱨᱚᱲ ᱵᱚᱫᱚᱞᱚᱜ ᱠᱟᱱ ,
ᱴᱷᱩᱱᱤ ᱢᱩ ᱟᱛᱮ ᱥᱮᱸᱻᱯᱷᱸ ᱥᱮᱸᱻᱯᱷᱸ
ᱫᱤᱱ ᱫᱚ ᱪᱟᱞᱟᱜ ᱠᱟᱱᱟ ᱾
ᱛᱷᱳ ᱠᱷᱟᱨᱟᱜ ᱜᱟᱲᱦᱚᱜ ᱟᱱ
ᱚᱰᱚᱠᱚᱜ ᱥᱟᱨᱟ ᱜᱷᱟᱲᱤ ,
ᱴᱷᱤᱠ ᱚᱠᱚᱛ ᱵᱟᱲᱟᱭ ᱵᱟᱱᱩᱜ
ᱚᱰᱚᱠ ᱜᱚᱫᱚᱜ ᱟᱹᱣᱲᱤ
᱾
ᱥᱟᱱᱟᱢ ᱦᱚᱲ ᱢᱟᱸᱫᱟ ᱡᱟᱞᱟᱛᱮ
ᱫᱤᱱᱜᱮ ᱠᱟᱨᱤᱜᱷᱟᱢ ,
ᱱᱟᱯᱟᱭ ᱨᱮᱫ ᱵᱟᱠ ᱞᱟᱹᱭᱛᱮᱹᱹᱹᱹᱹ
ᱟᱰᱤᱜᱮ ᱦᱟᱢᱨᱟᱢ ᱾
=========
ᱞ ᱧ =========
এনা এদেল, এনা মুরুৎ
এনা সারজম বাহা
জাপিৎ খনাং এভেন পেসে
বিরিৎ পেশে লাহা ।
গোটা রাবাং চাঁদো আপে
দারে রেহেৎ তালা
জাপিৎ রেপে তাঁহেকানা
একাল রিলামালা ।
দারে ডাররে হিজুঃ পেসে
দেলা জরং জরং
তাঙ্গিরেগে মেনাঃ কওয়া
ঞেলে দুমুর তেরম।
অনা বাগান মুরুৎ বাগান
লিচু ঢেলা মাতকম
রাবাং অটাঃ সাহা কাতেঃ
হিজুঃ পেসে সারজম ।
থিরঃ কানা রেয়াড় হয়ং
সাহাঃ কানা কুড়হা
দারে ভিতরী কচারেদ
আলো তাঁহেন গুড়হা।
বীরতে সাজাও জানাম দিশম
ঞেলঃ জেঁগেঁৎ জেঁগেৎ
জরং জরং মুরুৎ বাহা
বহঃ রেলে রেবেৎ।
আপে তাঙ্গি তাঁড়াঁঃরেগে
ওনকো চেঁড়েঁ চুপড়ী
পিপিড়পিয়ো হিপিড় হিপিড়
সাকাম দারে নাড়ী।
আপে হেড়েম সিবিল স'তে
হিজুঃ 'বাহা' পরব
আলো তাঁহেন তায়ম রেদ
হাটবাহা সিঞ তারব।
এনা বাহা ডারমা চেতান
দেলা লেগেজ লেগেজ
রাস্কা আতে ধারতী পুরীয়
হিলাঃ কেদেজ কেদেজ ।
=========
ᱞ ᱧ =========
সেতাঃ বেড়া সুয়ূড় - সুয়ূড়-
রেয়াড় গেচয় হয়।
তি-জাঁগা ক তুকুনঃ কান -
এলাং গেচয় কয়।।
এনতে রেঁহ আলে চুনু,
বেরেৎ আয় আঁগা ভোররে।
থিয়ৗ-থাপে সেন কাতেঃ
দুড়ুব আয় চুলহৗ সুররে।
হড়ম কাটিজ ললয় তায়ায় -
এলাং আহলা তে।
আউরি আঁগা মার্শালঃ রে -
চালাঃ আয় গাতে পান্তে।
কেঁড়েজ - ডড়েজ মেনায় খালি,
একলা গেচয় বাখেড়!
জহা পেরেজ জদ আকানায় -
সুনুজ থিকৗড়- থাকেড়।।
তাঁগি তাঁড়াঃ কয়ঃ হর রে
হাপ্তা হাপ্তা সিঙ্গে মাহা রে।
আবোয়াঃ অল আবোয়াঃ কাথা
পাড়হাও ঞেল তিনাঃ আশা।
গ পারসি আয়ো আড়াং
সিবিল রড় চেরেচ্ তেনাং।
অড়াঃ অড়াঃ গিদার বাউলি
চেরেচ্ আড়াং কুদুম কাহনি।
চেরেচ্ আড়াং তাড়াম ডাহার
আতু অড়াঃ বাজার শাহার।
এতম লেখান চেরেচ্ আড়াং
বাং ঠিক গে বুঝাঃ হুনাং।
অনলিয়া অনড়হিয়া
মনে রাড়েচ্ হাপ্তাকিয়া।
আম রেগে সানা উদুঃ
নাপায় নাপায় অল তুদুঃ।
আল তাপুগঃ আল কেচেদ
আবোয়াঃ কাথা
সাঁওতায় সেচেদ।
থিয়া থাপে চাচো ডিডি
১৭১বার পাউড়িম গিডি।
লাঙ্গা থাকাও দেয়া কাঃ মে
আবোয়াঃ কাথা সাব রাকাব মে।
আবোয়াঃ কাথা আবোয়াঃ কুকমু
গে শায় গে শায় পাউড়ি লাহায় মে।
=========
ᱞ ᱧ =========
বছর্ রেনাং বারয়া চাঁদো
রাবাং গেচং জাসতি,
রেঁগেজ্ নাচার্ হড়ক ঞেঁঞেঁল্
সেনঃমেসে আলে বাসতি ।
কুকু ডুবুর্ মানোওয়া পতাম্
রাগেৎ্ কানকিন্ তুকারে,
লুগড়ি লাপো জমাঃ বানুঃআ
তাঁহেন আলিঞ উকারে ?
সেতাঃ আয়ুব্ কুলহি ধারেরে
সানামগে সেঁগেলক
জুরুঃ,
হাড়াম্ বুড়হি অকয়্ অকয়দ
রাবাং তেহঁক
গুরুঃ ।
হাড়ামবাদ সুনুজ্ থাকাড়্ থুকুড়্
রাবাং কাকাড়্ কুকুড়্,
হরঃ ভাগোওয়া উয়ু কাআয়
হড়দ সারিয়্ গাখুড়্ ।
কুটরি বুসুপ্ তাঁহেন্ যাঁহায়াঃ
বেনাওক কুঁবা খারাইরে,
হাড়াম্ হড়দ কুঁবারেক জাপিদ্
জঁডরা চাওলে মুরাইরে ।
উঁড়দুং হড়মো গিদরা উনকু
রাবাং বাংক উরুম্,
উনকুওয়াঃ হড়মোরে হুরুমে সেঁগেল্
লিঁগিন হুরুমে
হুরুম্ ।
রাবাং সিতুং সাহাও হড়মো
হুরুৎ্ লেকাগে কেটেজ্,
ঢিংকি হুড়ুং বাছাও, বাছট্
চাওলে সঃ সেটেজ্
।
সানতাড়্ গিদার্ উয়ুং ঞেঁলেপে
আয়োওয়াঃ কলে লেপরে,
আরাঃ পাড়লাক্ বানদে লাতার্
তারোওয়াড়ে আয়াঃ খাপরে ।
আয়োয়্ মেতায়্ বাবু দেলাং
তুপুন্ তালে পুখরি,
লাহায়েনক ডাঁগরি মেরম্ হানকু
হুঁডুঃ হুঁডুঃ সুকরি ।
তুপুন্ ঘাটরে গিদরা হপন্
আড়ে লাতাররেয়্ দুড়ুব্,
জাপিৎ কাতেদ্ উঁড়দুম্ হড়মোরে
সেতাঃ সিতুমে হাড়ুব্ ।
শহর্ বাজার্ বাবুক ঞেঁলপে
আলে হঁচং মেনাঃলে,
হেঁদে নিফুট্ হড়মো আলেদ
আপে খনদ ভিনাঃলে ।
=========
ᱞ ᱧ =========
জানাম লেনে ভূগৗঃ পারকম রে
আলে বুবু সাগেন,
উসুল দারে লেকা হারায়েনে
অল: কানে এখেন।
সেতা: সিগৗঁ
হড়াঃ ডেরারে
আয়ু জজঃ অড়া:,
বহ: রেমা দৗড়হি কাতে
বাবায় সাফাই গড়া।
ঘারঞ্জ রেত আনাট জমাঃ
আডি গেক 'নাচার',
এন রেহঁ সাধের বুবু
মজ গেতায় আচার।
পাড়হাও কেদা আডি চেতান
ধুরৗও লেনতে সুটুপুটু,
বাং এ জাঁগেঃ ঘারঞ্জ নাচারতে
এনহঁ অলঃ কুরুমুটু।
জিয়ন নাপায় খাঁডাও লাগিৎ
অল সেড়ায় রিকিড়,
রেঁগেচ নাচার তাহেন তুলুচ্
বাঞে বুঝৗও সিকিড় ।
=========
ᱞ ᱧ =========
আয়োয় মেনা আলম রাগা
থিরুঃ মেসে
বৗবু,
জম খানেম থৗরি পেরেজ
আলম রাগা বৗবু ।
গটা পাখাঞ কয়ঃ আচুর
বাংগেঞ ঞেল ঞাঁমা,
থৗরিরেকো জম চেদ লৗডুদো
অকারেদুঞ ঞাঁমা ।
আয়োয় মেনা চাঁদো মামো
হহ-আয়ালাং
নিতোঃ ,
"থৗরি পেরেজ তোয়া দাকা
এমোঃ মেসে নিতোঃ "।
হৗনি তারা চাঁদো মামো
সাঁগিঞ রেগে মেনায় ,
থৗরি পেরেজ তোয়া দাকা
উকু কাতেয় লাঁদায় ।
রাঃ লেখান
বায় এমঃ আ
থৗরিরে তোয়া দাকা ,
আলম রাগা আমদো বৗবু
জমখানেম তোয়া দাকা ।
=========
ᱞ ᱧ =========
বির বুরু পারম কাতে ,
চালাঃ কৗনৗঞ এসকার অৗডি সৗঁগিঞ |
মিরু চেঁড়ে সৗগৗই আতে,
মিতৗঞ কানায় চেদাঃ বাং এম তৗঁগিঞ ||
নৗই গাডা ঝারনা সেরেঞায় তাঁহারেতা,
সেতাঃ তিকিন মিৎ লেতাড় তারাসিঞ|
সানাম অকতো গেঞ দৗড় বাড়ায়,
উনকু খন চিকৗঞ তাঁহেন সৗঁগিঞ সৗঁগিঞ ||
হহ কাতেয় মিতৗঞা বাক্ ডুয়লৗং ডুয়লৗং,
আম দ হারে ফারে অকাম চালাঃ কানা |
চায় চামপা গাড়রে সামানম ঢিলুউয়ৗং,
অঁডেগে রাহা গাবান আড়াং উফেল আকানা ||
সারজম মাতকম আতনাঃ বিররে,
আঁজমঃ সৗরদি আকান রৗসকৗ পরব |
মালা পতাম কিন সেরেঞা ডৗররে,
চিকৗঞ তাঁহেনা আদো অড়াঃ রে দুড়ুব ||
=========
ᱞ ᱧ =========
লাইয়াকো কাথায় তাঁহে কানে
গামারিয়া দ ভালা,
অনলিয়া মেনতে হঁচো ওরোম
সমাজ তালা মালা।
২২ নভেম্বর’১৯৪৩ সালরে
কালা পাথররে জানাম,
নোওয়া কাথা হড় হপনকো
তেবাঃ আকাৎ সানাম।
সেদায় বিহার রেয়াঃ গেথো
চাকুলিয়া কান থানা,
নাহাঃ পুরুব সিংভূম জেলা
ঝাড়খন্ড পনৎ কানা।
আপাৎ গনেশ চন্দ্র টুডু
এঁগাৎ নিরোদা কানে,
বাডায় গেকো জত কোগে
একাল তেগে হানে।
চাকুলিয়া কে.এন.জে. হাই স্কুল
খনগে ম্যাট্রিক কেদায়,
শ্যামা প্রসাদ কলেজ কোলকাতা
খচ্গে বি.এ. লেদায়।
বিহার সরকারাঃ এ.জি. রেদ
মঁজতে চাকরি লেনে,
জিরাও কাতে রাঁচি রেগে
অড়াঃ বেনাও আনে।
অনড়হেঁ কাহনি অনল কঁহ
উনরে অল কেদায়,
ঞুতুম মচাৎ ‘রাস্কা’ সাবাদ
আদয় বেওহার লেদায়।
‘হড় সম্বাদ’ ‘যুগ সিরিজল’ রে
উছান বাড়া এনা,
অনে উনরে পাপাহাড়াও কঠেন
আডি কদর লেনা।
‘সান্তাল পরগনা রেন হপন এরা’
গামাম পুঁথিগে মেনা,
‘পারসি আরসি আর সিকিড় সিরিয়া
কাহনি পতব অনা।
সাঁওতা ভালাই উৎনাও লাগিৎ
সাঁওহেৎ চারচালেৎ পারি,
হড়কো নেতার মনে তেদ
উইহার ইদিয় সারি।
========= মুচৗৎ =========
.webp)
.webp)
.webp)
