.webp)
“আবোওয়াঃ
কাথা” গে উছৗনঃডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা
গিদৗর বৗউলি ‘চেরেচ্ আড়াং’ লেতাড় গে উছানঃ কানা। তায়ম দারাম নংকাগে আরহঁ সাঁগে অল
ভেজায় তাবোন পে। অল ভেজায় রেনাঃ বুটৗ-
Whatsapp-
8942955829 : E-mail Id:-
abowagkatha@gmail.com।
তেহেঞাঃ আখড়ারে যাঁহায় কো সেলেদ্ আকান- ᱥᱩᱵᱩᱫᱤᱭᱟ.ᱢᱩᱨᱢᱩ, ᱯᱚᱨᱤᱢᱚᱞ
ᱦᱟᱸᱥᱫᱟ, ᱜᱳᱯᱮᱥᱣᱚᱨ ᱢᱟᱹᱱᱰᱤ, ᱨᱟᱢᱯᱚᱫᱚ ᱠᱤᱥᱠᱩ, ᱠᱤᱥᱠᱤᱱᱫᱷᱟ ᱢᱩᱨᱢᱩ, বাড়তাং সরেন, সুচাঁদ হাঁসদা, সনৎ কুমার হাঁসদাঃ , সমরলাল টুডু, সীতেন মান্ডি, দুগাই টুডু, সনাতন টুডু।
ᱵᱟᱹᱫᱽ ᱵᱟᱹᱭᱦᱟᱹᱲ ᱥᱚᱱᱟ ᱨᱚᱝ
ᱥᱟᱺᱜᱤᱧ ᱠᱷᱚᱱ ᱡᱚᱨᱚᱝ ᱡᱚᱨᱚᱝ ।
ᱞᱮᱣᱦᱟ ᱠᱟᱛᱮ ᱞᱮᱻ ᱻ ᱟᱬᱜᱳᱱ
ᱮᱛᱚᱢ ᱛᱟᱭᱚᱢ ᱢᱮᱱᱟᱜ ᱡᱚᱲᱚᱱ।
ᱵᱤᱞᱤ ᱦᱩᱲᱩ
ᱥᱚᱱᱟ ᱨᱚᱝ
ᱦᱚᱭ ᱛᱮᱦᱚᱸᱭ ᱮᱣᱮᱨ ᱚᱚᱝ
।
ᱥᱩᱨ ᱥᱟᱺᱜᱤᱧ ᱮᱠᱮᱱ
ᱥᱚᱱᱟ
ᱚᱸᱵᱟᱜ ᱛᱟᱵᱮᱨ ᱢᱮᱱᱟᱜ
ᱚᱱᱟ ।
ᱥᱤᱧ ᱥᱤᱛᱩᱝ ᱵᱮᱲᱟ ᱟᱦᱽᱞᱟ
ᱛᱟᱨᱥᱮ ᱠᱟᱛᱮ ᱟᱨᱦᱚᱸ ᱨᱟᱣᱞᱟ ।
ᱦᱩᱲᱩ ᱟᱹᱴᱤ
ᱵᱩᱥᱩᱵᱽ ᱟᱹᱴᱤ
ᱥᱚᱱᱟ
ᱞᱮᱠᱟ ᱢᱮᱱᱟᱜ ᱠᱷᱟᱹᱴᱤ ।
ᱥᱚᱱᱟ
ᱨᱚᱝ ᱨᱮᱭᱟᱜ ᱦᱩᱲᱩ
ᱜᱚᱴᱟ
ᱜᱮᱥᱮ ᱢᱮᱱᱟᱜ ᱡᱩᱲᱩ ।
ᱫᱩᱣᱟᱹᱨ ᱥᱤᱞᱯᱤᱧ
ᱯᱚᱨᱤᱢᱚᱞ ᱦᱟᱸᱥᱫᱟ
ᱫᱩᱣᱟᱹᱨ ᱥᱤᱞᱯᱤᱧ ᱞᱟᱲᱟᱜ ᱠᱟᱱᱟ
ᱞᱤᱠᱤᱫ ᱞᱤᱠᱤᱫ
ᱟᱸᱫᱷᱟ ᱯᱟᱹᱛᱭᱟᱹᱣᱨᱮ ᱦᱚᱲᱟᱜ ᱢᱚᱱᱮ
ᱟᱠᱩᱞ ᱵᱟᱠᱩᱞ
ᱮᱱᱦᱚᱸ ᱤᱧᱫᱚᱧ ᱫᱤᱥᱟᱹ ᱨᱩᱣᱟᱹᱲ
ᱡᱟᱱᱟᱢ ᱫᱤᱥᱚᱢ ᱛᱤᱧ᱾
ᱥᱟᱨᱤ ᱥᱟᱨᱡᱚᱢ ᱠᱷᱚᱫᱮ ᱢᱟᱛᱠᱚᱢ
ᱧᱮᱞᱛᱮ ᱧᱟᱞᱟᱜ ᱧᱮᱞᱟᱜ
ᱡᱟᱦᱮᱨ ᱡᱟᱱᱛᱷᱟᱲ ᱯᱚᱨᱚᱵᱽ ᱯᱟᱛᱨᱮᱜᱮ
ᱢᱚᱱᱮᱫᱚ ᱠᱷᱟᱞᱤ ᱚᱨᱚᱜ
ᱟᱛᱳ ᱞᱮᱠᱟ ᱨᱟᱹᱥᱠᱟᱹ ᱨᱚᱢᱚᱡᱽ
ᱟᱫᱚ ᱵᱟᱝᱜᱮ ᱧᱟᱢᱚᱜ᱾
ᱛᱟᱲᱟᱢ ᱯᱤᱪᱷᱤ ᱨᱳᱠᱳᱲ ᱫᱷᱤᱨᱤ
ᱡᱟᱸᱜᱟ ᱞᱟᱴᱩᱵᱮ ᱛᱚᱦᱚᱫᱽ
ᱥᱟᱶᱟᱭ ᱠᱷᱚᱱᱫᱚ ᱟᱠᱟᱞᱜᱮ ᱰᱷᱮᱨᱟ
ᱟᱛᱳ ᱴᱚᱞᱟ ᱨᱮᱫᱚ
ᱮᱱᱦᱚᱸ ᱤᱧᱫᱚᱧ ᱩᱭᱦᱟᱹᱨ ᱜᱮᱭᱟ
ᱟᱛᱳ ᱨᱮᱭᱟᱜ ᱡᱩᱢᱤᱫ᱾
========== ᱞ ᱧ ===========
ᱢᱤᱫ ᱯᱚᱦᱚᱨ ᱯᱮ ᱴᱟᱲᱟᱝ
ᱤᱨᱟᱹᱞ ᱯᱚᱦᱚᱨ ᱢᱮᱱᱟᱜ ᱟᱲᱟᱝ ᱾
ᱥᱮᱛᱟᱜ,ᱵᱟᱹᱥᱭᱟᱹᱢ ᱯᱟᱨᱚᱢ ᱟᱠᱟᱫ
ᱛᱤᱠᱤᱱ,ᱛᱟᱨᱟᱥᱤᱧ ᱫᱟᱨᱟᱢ ᱟᱠᱟᱫ ᱾
ᱟᱹᱪᱩᱨ ᱵᱤᱦᱩᱨ ᱦᱤᱡᱩᱜ ᱥᱮᱱᱚᱜ
ᱦᱟᱹᱴᱤᱧ ᱦᱟᱯᱟᱴᱤᱧ ᱟᱹᱭᱠᱟᱹᱣ ᱢᱮᱱᱚᱜ ᱾
========== ᱞ
ᱧ ===========
( ᱑)
ᱨᱦᱚᱲ
ᱡᱚᱡᱚ ᱨᱚᱠᱚᱲ ᱨᱚᱠᱚᱲ
ᱴᱚᱴᱠᱚ ᱥᱟᱰᱮ
ᱴᱚᱠᱚᱨ ᱴᱚᱠᱚᱨ
ᱢᱟᱨᱟᱝ ᱵᱟᱦᱩ ᱵᱚᱠᱚᱲ ᱵᱚᱠᱚᱲ
ᱜᱚᱲᱚᱢ ᱦᱟᱲᱟᱢ
ᱞᱤᱠᱚᱲ ᱞᱚᱠᱚᱲ ᱿
(᱒)
ᱟᱰᱤ ᱦᱮᱲᱮᱢ ᱛᱮᱨᱚᱢ
ᱨᱟᱥᱟ
ᱧᱟᱢᱚᱜ ᱛᱮᱨᱚᱢ ᱪᱷᱟᱛᱟ ᱨᱮ
ᱨᱟᱵᱟᱝ ᱫᱤᱱ ᱫᱚ ᱠᱷᱤᱡᱩᱨ ᱨᱟᱥᱟ
ᱟᱠᱟ ᱛᱟᱸᱦᱮᱱ ᱴᱩᱢᱟᱹᱝ
ᱨᱮ ᱿
========== ᱞ ᱧ ===========
৫।।
ᱞᱩᱛᱩᱨ ᱵᱤᱫ ᱠᱟᱛᱮ ᱟᱯᱮᱫᱚ
ᱟᱸᱡᱚᱢ ᱯᱮᱥᱮ ᱠᱟᱛᱷᱟ ,
ᱜᱚᱲᱚᱢ ᱦᱟᱲᱟᱢ ᱞᱟᱹᱞᱟᱹᱭ ᱠᱟᱱᱫᱚ
ᱫᱮᱞᱟ ᱟᱸᱡᱚᱢ ᱦᱚᱫᱟ ᱾
ᱡᱟᱦᱟᱭ ᱡᱟᱦᱟᱨᱮ ᱢᱮᱱᱟᱜ ᱯᱮᱜᱮᱭᱟ
ᱞᱚᱜᱚᱱ ᱥᱩᱨᱛᱮ ᱞᱮᱫᱟ ,
ᱜᱚᱲᱚᱢ ᱦᱟᱲᱟᱢ ᱛᱷᱩᱛᱤᱭᱟ ᱪᱮᱫ
ᱟᱸᱡᱚᱢᱟᱵᱚᱱ
ᱵᱷᱟᱞᱟ ᱾
ᱟᱛᱮᱱ ᱯᱮᱥᱮ ᱜᱚᱲᱚᱢ ᱠᱚᱲᱟ
ᱜᱚᱲᱚᱢ ᱠᱩᱲᱤ ᱡᱚᱛ,
ᱞᱟᱹᱭ ᱟᱯᱮ ᱠᱟᱱ ᱫᱟᱢᱟᱱ ᱠᱟᱛᱷᱟ
ᱟᱯᱮ ᱢᱚᱱᱮᱨ ᱢᱚᱛ ᱾
ᱫᱤᱱᱜᱮ ᱚᱞᱚᱜ ᱪᱟᱞᱟᱜ ᱛᱟᱵᱚᱱᱯᱮ
ᱪᱮᱫᱯᱮ ᱱᱟᱣᱭᱟ ᱱᱟᱣᱭᱟ ,
ᱨᱮᱸᱜᱮᱪ ᱱᱟᱪᱟᱨ ᱥᱚᱢᱟᱱ ᱠᱟᱛᱮ
ᱢᱟᱹᱱᱯᱮ ᱮᱢᱟ ᱠᱚᱣᱭᱟ ᱾
ᱥᱩᱭᱟᱹ ᱥᱤᱝᱰᱟᱝ ᱟᱞᱚᱯᱮ ᱪᱮᱫᱟ
ᱛᱤᱥ ᱦᱚ ᱟᱯᱮᱛᱟᱞᱟ ,
ᱵᱚᱭᱦᱟ ᱵᱚᱠᱚᱧ ᱛᱟᱸᱦᱮᱱ ᱢᱤᱫ
ᱢᱚᱡᱛᱮ ᱨᱤᱞᱟᱹᱢᱟᱞᱟ ᱾
ᱜᱤᱱᱴᱤ ᱢᱚᱱᱮ ᱮᱛᱚᱢ ᱠᱟᱛᱮ
ᱱᱟᱯᱟᱭ ᱵᱷᱟᱵᱤ ᱯᱮᱥᱮ ,
ᱫᱳᱥ ᱠᱟᱹᱢᱤᱨᱮ ᱟᱞᱚᱯᱮ ᱡᱚᱲᱟᱜ
ᱚᱱᱟᱦᱚ ᱵᱷᱟᱵᱤ ᱫᱮᱥᱮ ᱾
ᱜᱚᱲᱚᱢ ᱦᱟᱲᱟᱢ ᱛᱷᱩᱛᱤ ᱢᱮᱛᱟᱯᱮ
ᱫᱤᱥᱟᱹ ᱫᱚᱦᱚᱭ ᱯᱮᱜᱮ ,
ᱱᱟᱯᱟᱭ ᱦᱚᱲ ᱛᱮᱭᱟᱨᱚᱜ ᱟᱯᱮ
ᱱᱟᱯᱟᱭ ᱠᱟᱹᱢᱤ ᱛᱮᱜᱮ ᱾
========== ᱞ ᱧ ===========
৬।।
যাঁহা খনিঞ হিজুঃ রে দ
উরগুম আঞ্চার আতে
উদগৗর দাঃএম জদ্ তিঞা
দুলৗড় মেশা কাতে !
রেঙ্গেচ তেতাং জারগে জৗপুৎ
রাবাং ললো সিতুং
গুঁগুৎ লিনৗঞ কোড়াম তালা
ইঞদ লুড়ু ভুতুং !
রেঙ্গেচ তেতাং দেয়া কাতে
জমেম আজো আদিঞ
রুয়ৗ হাসো দুক জ্বালারে
আমেম যতন লিদিঞ !
হারা লিনৗঞ বুরু লিনৗঞ
আমাঃ দুলৗড় আতে
ইঞ খৗতির দুকেম সাহাও
তগজ ডাটা কাতে ।
ধৗরতী ঞুঁতৗত কাড়াং কাড়াং
ইঞাঃ জিউয়ীম মারশাল
তাড়াম ডাহার আদঃলেরে
আমগে হরেম আরশাল।
ইঞ দ তিহিঞ কয়ঃ বাড়ায়
বৗনুম তোওয়া দারে
অকা রেদম দানাংএনা
আম আঙ্গেন অকারে !
হানা দুয়ৗর নওয়া দুয়ৗর
ইঞ দঞ কয়ঃ বাড়ায়
অকারেদ মেনাঃ মেয়া
অকাম জাপাঃ বাড়ায় !
আতো টলা দিশম পেড়া
মেনাঃকো সানাম হড়,
বাংগেচো ইঞ আঁজম তামা
আমাঃ আড়াং রড়।
বাংদ মেনাম ইপিল তালা ,
বাং দ বঙ্গাপুরী,
চেদাঃ ইঞেম বৗগি আদিঞ
তালা জ্বালা পুরী !
দারে নৗড়ী আতুঃ গাডা
আর হঁ সেরমা রিমিল
আমাঃ কাথাঞ কুলি কওয়া
ঞিদৗ জুলুঃ ইপিল !
রেয়াড় রাবাং ললো সিতুং
অকয় ঠেনিঞ হবর
দুক জ্বালাতে জিউয়ী লঃআ
অকয় ঠেনিঞ হমর !
আদো নায়ো বাং ইঞ বৗড়িচ
বাং ইঞ বৗগি আমা
জাঙ্গা জাপাঃ দুড়ুপ কাতে
আমিঞ সঙ্গে কামা ।
এগো নায়ো তোওয়া দারে
রুয়ৗড় হিজুঃ মেসে
হেড়েম সিবিল আড়াং আতে
আম দ গঙ্গেঞ মেসে !
আলোম রৗগিঃ আলোম উসৗৎ
নতে কয়ক ্ মেসে
কৗই কৗমিরে তোওয়া দারে
ইঞদ ইকৗঞ মেসে !
========== ᱞ
ᱧ ===========
( 1 )
মিয়ুং পুসি মিয়ুং পুসি ,
পাঁজা বাড়ায়াম আম দ সুসি ৷
চাঠনি লুটি ,
জিল কুটি ,
ঞেঁল লেখানেম দমেম কুসিঃ ৷
( 2 )
মালা পতাম মালা পতাম ,
দারে চটরে গিদৗর দ-তাম ৷
সারা ঘাড়ি ,
পাঁজায় তুড়ি ,
গাতেঃ দরে বাং আতাম ৷
( 3 )
বাদুড় বাদুড় বাদুড় ,
ঞেঁলতে আদাড় উদুড় ৷
জ- জৗলি ,
আঁজির বিলি ,
চাঃ আলেয়াঃ এম রাবুড় ৷
========== ᱞ
ᱧ ===========
পূরুয় হয়তে নাসে রাবাং,
হায়েদ ঋতু আঁঘাড়।
বিলি হুড়ু লিলি বিছি,
চাষি মাক সাগাড়।
আদম কমা দিপিল আতেঃ
রাওয়াল গেক তাড়াম।
তাড়াম পিছু সাগায় সাডে ,
মেনায় গড়ম হাড়াম।
হপন বিটি রাগায় ঘানে,
দিপিল লাগিদ হুড়ু।
গড়ম বুঢিয় দিপিল আদে,
তাড়ামায় কাড়া কুড়ু।
আৎরা-ধূরে ইদি কেদা,
মেনাঃ তায়া দাড়ে।
ভিঁদৗড় এনায় দিম্পে দাড়াং,
একাল ক্ষেত আড়ে !
========== ᱞ
ᱧ ===========
পকঃ রটেয়্ সাবে লৗগিৎ্
হপন্ কুনুই রিকায়,
থপক্ থপক্ দনায়্ রটে
কাঁত্ ধারেরে ইকাই ।
থিয়ৗক্ থাপে পৗউড়িয়্ লাহায়
তুল্ কাতেৎ তি-কিন্,
লাঁবেদ্ কাতেয় কয়গ্ রটে
ঞেঁল্ কিনপে হানকিন্ ।
রটেয় লৗইয়া চাহাব্ গিদরৗ
জটেদ্ লাগাঞ মেসে,
মেৎ কুটিরেঞ দনাম্ খানদ
দাড়াম্ হেসে ফেসে ।
কাডা কাডাতে কুনুই লাহাঃ
সাবেয় লৗগিৎ পকঃ,
তাবের্ কাতেৎ রটেয় লাঁবেদঃ
টায়ার্ যেমন চেপকঃ ।
মনের্ কঁড়রে বতর্ বলয়েন্
দনায়্ ঘাচং ঘাচং,
পকঃ রটেমা ফুলৗও কাতেৎ্
রাগায় হেঁচং বাচং ।
আলেয়াঃ ডিঁডৗ পারম্ কাতেৎ
বিছক্ চালাও আনমে,
কুনুদ রটেয়্ মেতায়্ কানা
লগন্ মাছা দনমে ।
মনে জিউই কেটেজ্ কাতেৎ
লাহা সেনঃমে লেটকা,
বাঁদুক্ মেনতেয় বতরহচমে, বৗইরি
অটেচ্ কাতেৎ পটকা ।
পকঃ রটে ছৗতিক্ কোওয়াঃ
মচাদ চাড়াপ্ চাড়াপ্,
বিটিশ্ আমল আতু অড়াঃরে
গড়খা কাড়াপ্ কাড়াপ্ ।
পক্ পক পকঃ রটেয়্
ডিগলৗও লাগায়ে থাইয়াতে,
হপন্ কুনুই উমঝাও আকান্
রৗগি তেসে সুইয়াতে ?
========== ᱞ ᱧ ===========
দাঁশায় বঙ্গা পারমেনা
হুড়ু গেলে দাতরমেনা
হৗতি লেকান সহরায়
সৗরি সহর সেটের এন।
মিৎ পাইলা চুরুচ্ চাওলে
মিতটান বুসাঃ সিম সাঁডি
পৗঞ্চি ধুতি হরঃ কাতে
বাবুয় চালাঃ গট টাঁডি।
মারাং বুরু জাহের আয়ো
নায়কে বাবায় বঙ্গা আকিন
সিম সড়ে সাকাম সাকাম
সৗরি সহরায় সৗগুন দারাম।
মড়ে সিঞ মড়ে ঞিদৗ
তূমদাঃ টামাক রিহিড় বিদিড়
আতু টলা পাড়া পডসি
রৗস্কৗ সাড়েরেন।
ভিত পিঁডৗ জেড়ের পতাও
দে ভাগিন নেওতা বারতা
বঙ্গা পিঠৗ জিল দাকা
অড়াঃ দুয়ার অনল গনল।
হাড়াম দুড়ুম গিদৗর পিদৗর
আম ক কয়ঃ হরাম
হৗতি লেকান সৗরি সহরায়
মৗনমি জিয়ন বাঞ্চাও দহয়া।
========== ᱞ ᱧ ===========
১১।।
বিজয়
কৃষ্ণ সরেন লৗইকো কাথায়
সুসৗরিয়ৗ
তাঁহে কানে,
আরহঁ মেনাকো কাথায় নঁতে
অনলিয়ৗ
হঁ হানে।
জানাম হানে কৗসিয়া আতো
রায়পুর
গেচো থানা,
পছিম বাংলা পনৎ রেনাঃ
বাঁকুড়া
জেলা অনা।
আপাত তায়দ জমাদার সরেন
বাডায়
গেকো অনে,
মেনাকো কাথায় সানাম কোগে
হুডিঞ
উতৗরিচ্ কানে।
ভারত সরকারাঃ তনত্তুবায় রেগে
চৗকরি
চতুর্থ শ্রেণি,
তায়ম তেদ মাধ্যমিক বিডাও
পাশ
লেদায় উনি।
ধাপে ধাপে প্রমোশন আতেদ
লাহা
চালাও এনে,
অঁডে খনগে সুপারিনটেনডেন্ট কাতে
কৗমি
জিরৗও লেনে।
আবোওয়াঃ গাঁওতা তালা তেদ
সাঁওতা
সুসৗর আনে,
রুসিকৗ মাডওয়া রেন ভালা
এতহপ
সহেদ কানে।
আকাশ বানী সান্তাড়ী আখড়া
কোলকাতা
রেগে হানে,
আয়মা অকচ্ থুতি তায়দ
উছৗন
লেনা অনে।
সাঁওতা ধরম লাকচার করে
সেলেদ
বাড়া এনা
রু-রাহা এনেচ্-সেরেঞ তেগে
পৗরুখিয়ৗ
হোয় লেনা।
‘মাঃ মড়ে রেয়াঃ ফেডাৎ কাথা’
আজাঃ
পতব কানা,
সান্তাড় সাঁওহেৎ তালা মালা
একাল
গনং আনা।
এনেম হেনাঃ তায়গে আদ
সনৎ
সাঁওতা রেদ,
অনা থেড়ং উইহৗর সালাঃ
বেবাক
ঞুমে গেদ।
========== ᱞ ᱧ ===========
১২।।
চরক চিকৗঁড় বাহা লেকা
বাহাঃ সানাঞা ,
বাহা রেনাঃ
মহক লেকা
পাসনাওঃ সানাঞা ।
সেরমা লাফাং চেঁড়ে লেকা
উডৗওঃ সানাঞা ,
রিমিল লেকা
রিলৗ মালা
তাঁহেন সানাঞা ।
সেরমা সাঁগিঞ চাঁদো লেকা
তাঁহেন সানাঞা ,
সাঁগিঞ দিশম ইপিল লেকা
জুলুঃ সানাঞা।
==========
মুচৗৎ ===========
.webp)
.webp)
.webp)
