“আবোওয়াঃ
কাথা” গে উছৗনঃডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা
গিদৗর বৗউলি ‘চেরেচ্ আড়াং’ লেতাড় গে উছানঃ কানা। তায়ম দারাম নংকাগে আরহঁ সাঁগে অল
ভেজায় তাবোন পে। অল ভেজায় রেনাঃ বুটৗ-
Whatsapp-
8942955829 : E-mail Id:-
abowagkatha@gmail.com
তেহেঞাঃ আখড়ারে যাঁহায় কো সেলেদ্ আকান- ᱥᱩᱵᱩᱫᱤᱭᱟ.ᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟᱹᱱᱰᱤ, ᱠᱤᱥᱠᱤᱱᱫᱷᱟ ᱢᱩᱨᱢᱩ, ᱯᱩᱨᱱᱚ ᱪᱚᱱᱫᱨᱚ ᱠᱤᱥᱠᱩ, বাড়তাং সরেন, সুচাঁদ হাঁসদা, সনৎ কুমার হাঁসদাঃ , সিতেন মান্ডি, সমরলাল টুডু, দুগাই টুডু।
ᱟᱛᱳ ᱴᱚᱞᱟ
ᱪᱮᱦᱚᱨ ᱵᱮᱦᱚᱨ
ᱥᱟᱹᱨᱤ ᱥᱚᱦᱚᱨᱟᱭ ᱵᱚᱞᱚᱱ ᱿
ᱵᱷᱤᱛ ᱯᱤᱸᱰᱟᱹ
ᱡᱮᱨᱮᱲ ᱯᱚᱛᱟᱣ
ᱧᱮᱞᱚᱜ ᱤᱱᱚᱞ ᱜᱚᱱᱚᱞ ᱿
ᱪᱮᱛᱟᱱ ᱠᱩᱞᱦᱤ
ᱞᱟᱛᱟᱨ ᱠᱩᱞᱦᱤ
ᱨᱟᱹᱥᱠᱟᱹ ᱛᱮᱜᱮ ᱫᱟᱞᱚᱵᱽ ᱿
ᱠᱩᱞᱦᱤ ᱛᱟᱞᱟ
ᱥᱤᱧ ᱧᱤᱫᱟᱹ
ᱮᱱᱮᱪ ᱞᱚᱫᱚᱵᱽ ᱞᱚᱫᱚᱵᱽ ᱿
ᱟᱞᱮ ᱚᱲᱟᱜ ᱪᱟᱞᱟᱜ ᱯᱮ
ᱪᱮᱭᱟᱨ ᱨᱮᱞᱮ ᱫᱩᱲᱩᱵ ᱯᱮ ᱾
ᱞᱚᱴᱟ ᱫᱟᱜ ᱮᱢᱟᱣ ᱟᱯᱮ
ᱡᱟᱸᱜᱟ ᱫᱷᱩᱲᱤ ᱟᱹᱨᱩᱵᱽ ᱛᱟᱯᱮ ᱾
ᱢᱟᱨᱟᱝ ᱠᱚᱫᱚ ᱡᱚᱦᱟᱨ ᱟᱯᱮ
ᱦᱩᱰᱤᱧ ᱠᱚᱫᱚ ᱟᱛᱟᱝ ᱛᱟᱯᱮ ᱾
ᱵᱩᱜᱤ ᱵᱟᱹᱲᱤᱡ ᱠᱩᱞᱤ ᱯᱮ
ᱥᱩᱠᱷ ᱫᱩᱠᱷ ᱥᱚᱫᱚᱨ ᱟᱯᱮ ᱾
========== ᱞ ᱧ ==========
ᱥᱟᱨᱟ ᱫᱤᱱᱜᱮ ᱥᱤᱴᱩᱪ ᱵᱟᱴᱩᱪ
ᱦᱟᱞᱵᱟᱛᱚᱜ
ᱠᱟᱱ,
ᱥᱟᱨᱟ ᱜᱷᱟᱲᱤᱪ ᱩᱴᱩᱪ ᱯᱩᱴᱩᱪ
ᱪᱷᱩᱴᱟᱣ ᱟᱠᱟᱱ ᱾
ᱜᱤᱫᱽᱨᱟᱹ ᱢᱚᱱᱮ ᱯᱟᱸᱡᱟᱭ ᱜᱷᱟᱱᱮ
ᱠᱷᱤᱞᱰᱩ ᱮᱱᱮᱪ ᱡᱚᱝ ,
ᱥᱤᱧ ᱧᱤᱫᱟᱹᱜᱮ ᱟᱫᱚ ᱢᱤᱫᱜᱮ
ᱫᱮᱞᱟ ᱮᱱᱮᱪ ᱪᱚᱝ ᱾
ᱚᱦᱚᱢ ᱧᱟᱢᱟ ᱠᱤᱨᱤᱧ ᱠᱟᱛᱮ
ᱜᱤᱫᱽᱨᱟᱹ ᱢᱚᱱᱮ ᱡᱚᱛ ,
ᱦᱟᱱᱛᱮ ᱱᱟᱛᱮ ᱩᱰᱟᱣ ᱵᱟᱲᱟᱭ
ᱚᱠᱟᱨᱮ ᱧᱟᱢ ᱟᱛ ᱾
ᱯᱟᱛᱱᱤ ᱞᱮᱠᱟ ᱩᱰᱟᱣ ᱵᱟᱲᱟᱭ
ᱠᱷᱟᱞᱤ ᱦᱟᱱᱟ ᱱᱟᱣᱭᱟᱨᱮ ,
ᱛᱚᱞ ᱵᱟᱝ ᱛᱟᱸᱦᱮᱱ ᱢᱤᱫ ᱴᱷᱟᱸᱣ
ᱢᱤᱫ ᱥᱩᱛᱟᱹᱢᱨᱮ ।
========== ᱞ ᱧ ==========
ᱛᱟᱞᱮ ᱰᱷᱟ ᱯᱟᱨ ᱜᱟᱰᱤ
ᱧᱤᱨᱟᱸᱜ ᱠᱟᱱᱟ ᱟᱰᱤ
ᱮᱠᱟᱞ ᱵᱟᱝ ᱜᱟᱰᱤ
ᱵᱟᱸᱫᱽ ᱯᱟᱨᱚᱢ ᱴᱟᱸᱰᱤ!
ᱪᱟᱞᱟᱜ ᱠᱟᱱᱟ ᱢᱟᱢᱟ ᱚᱲᱟ,ᱜ
ᱵᱟᱞᱟᱝ ᱡᱚᱢᱟ ᱢᱩᱱᱜᱟᱸ ᱟᱲᱟᱜ
ᱢᱟᱢᱟ ᱟᱭᱳ ᱟᱰᱤ ᱨᱚᱲᱟ
ᱟᱞᱟᱝ ᱫᱚ ᱵᱟᱞᱟᱝ
ᱛᱚᱲᱟ!
ᱢᱟ ᱢᱤᱭ ᱮᱢᱚᱜ ᱞᱚᱞᱚ ᱫᱟᱠᱟ
ᱟᱨᱦᱦᱸᱼᱦᱟᱠᱳ ᱪᱟᱠᱟ
ᱡᱚᱢ ᱟᱞᱟᱝ ᱨᱚᱠᱟ ᱨᱚᱠᱟ
ᱦᱤᱡᱩᱜ ᱥᱚᱢᱚᱭ ᱠᱚᱭ ᱟᱞᱟᱝ ᱴᱟᱠᱟ!
ᱟᱞᱮ ᱰᱷᱟ ᱯᱟᱨ ᱜᱟᱰᱤ
ᱧᱮᱞᱢᱮ ᱢᱟᱢᱟ ᱟᱭᱳ ᱵᱩᱰᱤ
ᱟᱞ ᱤᱧᱟᱜ ᱜᱚᱲᱢᱚ ᱵᱚᱰᱤ
ᱡᱮᱢᱚᱱ ᱟᱲᱮ ᱞᱟᱜ ᱠᱩᱰᱤ!
========== ᱞ ᱧ ==========
খবর কাগজ সাকাম সারি আডি গেচো দামান
লৗক্তি রেদ ডগর সাকাম পুঁথি সমান সমান।
দিশম রেনাঃ নানা হুনৗর খবর গেচো ঞামঃ,
রাজারি আর সাঁওতা আরি সানাম কাথা ঞামঃ।
লৗড়হৗইরেনাঃ বৗড়িচ ঘটন জৗপুৎ জৗড়ি কাথা
ধৗরতি লাড়াও ডুবৗও গাডা বুরু ধাসাও কাথা।
বৗনিজ কাথা কৗওডি আরি মেনাঃ সাড়েশ খবর
খিলোড গায়ান সিনেমা কতে রৗস্কৗরমজ ডগর
অকারেদ বিরিদ রাকাপ নাওয়া বিদ্যা গাড়কো
ইপিল দিশম রকেট তেদ অকয় চালাওয়েনকো !
দিনৗম রেনাঃ দিনৗম খবর একাল হাহাড়াগে ,
সানাম কাথা বাডায় ঞামঃ সাকাম অটাঃতেগে।
ভারত দিশম পৗহিলরে হানে, 'সমাচার দর্পণ',
অনাগেচো উছৗনলেনা, শ্রীরামপুর মিশন খন।
সান্তালীরে তাঁহেকান, অনা 'হড়সম্বাদ' সাকাম ,
অনাকোতে এহপলেনা সাঁদেশ সাকাম তাড়াম।
মেনাঃ গেয়া 'লাহান্তি',সাঁও আর হঁচো 'সারসাগুন'
সদর এদায় সাঁওতা কাথা খবর সাকাম 'ফাগুন'।
ডগর সাকাম পাড়হাওরেদ ঞামঃ আকিল হুদিশ
কোড়াম তালা গেয়ানবাঁদি হুয়ুঃ আডি তাপিস।
হারা গদঃ মনে পৗতয়ৗও আর হঁ জিয়ী দাড়ে,
ডগর সাকাম পাড়হাওরেদ বাবোন তায়ম বাড়ে।
========== ᱞ ᱧ ==========
সানতাড় কঠেন জতখন মারাং ,
সাধের সহরায় পরব ৷
গুনি গুরিব সানাম কঠেন ,
নোওয়া দ আডি গরব ৷
হৗঁতি লেকান সহরায় পরব ,
অনা তেকো মেতাঃ ৷
মঁড়ে সিঞ মঁড়ে ঞিদৗ ,
সানাম হড়কো মাতাঃ ৷
হাতম কুমৗং দৗই তেঞাং ,
হপন এরা মিস এরা ৷
আপাবারে অড়াঃ চালাঃ লৗগিত ,
নোওয়া দিনকো কয়ঃ হরা ৷
চেতান কুলহি লাতার কুলহি ,
আঁড়গ রাকাব ঝমর ঝমর ৷
এঁডেল লেক খান দে-ভৗগিন ,
জিওয়ী লঃ তেকঃ রাঃ হমর ৷
নংকান সাধের সখের পরব ,
হুয়ুঃ তাবন সহরায় বঁগা ৷
নেঁওতা বারতে এঁডেল লেক খন ,
মনে জিওয়ী তাকয় রাগা ৷
========== ᱞ ᱧ ==========
জিল পিঠৗ
লাঠে-লাঠে
মামা আয়ুয় জুত!
উয়ুং চঁডুঃ
বাডাঃ বুডুঃ
আলে হপন, উলি দাঃ এ উদ।
লাছাঃ-লাছাঃ
মিৎ
কেচাঃ
ঞামতে জিল পিঠৗ!
তহ্কা - বাহ্কা,
গুডু - লেকা
জমায় সেটে - সেটে।
সিবিল তেমায় উদ -
নৗডরি রে ঝৗলি কাতেৎ।
খারাঃ খুরুঃ এ খুগ।
========== ᱞ ᱧ ==========
জামা রেনাঃ বতাম লাগাও
পেন্ট রেনাঃ চেন
আলে বাবুয় মারাং অঃ কান
বায় জৗপিদ আয়ো ঠেন।
সেতাঃ বেড়া বেরেৎ কাতে
দাড়েঃ দৗতৗনি মচা হুতুম
বৗসিয়াম দাঃ মৗড়ি জম কাতে
গাতে শালাঃ চালাঃ এ স্কুল।
দেয়া সেনে গঃ কাঃআয়
পতব থুলি তায়
বারয়া গান ব ই শালাঃ
দাকা জম স্টিল থৗরি তায়।
গিদৗর সাঁও বায় তাপামা
বায় রড় এড়ে কাথা
আয়ুব বেড়া কুরু মুটু
পাড়হাঃ এ দুড়ুব আ ।
হপন,তালা লুসি টুনি
গাতে মেনাঃ ক তায়
মিৎ তেক খেল এনেচ্ আ
মজ তেক অল পাড়হাঃ আ।
মৗনমি লেকা মৗনমি হুয়ুঃ
আকিল জ্ঞানে চেমেদ
আঁধা পৗতিয়ৗও সাহা কাতে
মারশাল বৗতিয়ে জেরেদ্।
========== ᱞ ᱧ ==========
নাপায় মৗনমি তেয়ারঃ লৗগিৎ্
বাবুই হাতাও কিরিয়া,
মারাং কাতেদ্ কুকমু আয়াং
বাহা লেকায়্ সৗরিয়া ।
ইকিল্ সিকিল্ অলঃ অৗকিল্
যথাত্ অৗকিলে হালাং,
হড়কো সাঁওতে বৗড়িজ্ সৗগৗই
হাপেন বাংএ গালাং ।
মারাং কোওয়াঃ উমুল্ লাতার
হেমাল জিউই রেয়াড়্,
সানতাড় কোওয়াঃ সনের্ সাঁওতা
কেটেজ্ পারকম্ পারয়াড়্ ।
মারাং কঠেন্ ডঁবঃ জহার্
সংসার সৗড়িম্ কেটেজঃ,
বয়হা তুলুজ্ সুলুক্ সৗগৗই
তিসগে বাং পেটেজঃ ।
সানতাড় সাঁওতা সৗড়িম্ লৗগিৎ
সাধের জিউইয়ে আলায়,
হুডিঞ হাপড়াঃ বৗড়িজ্ মৗনমি
বিঁডুজ্ লুটিরেয়ে দালায় ।
শিখনৗত্ রেনাং পঁড়ছাৎ বাবের্
ঢেরা কাতেয় কেটেজ্,
হুডিঞ মারাং মৗনমি কোওয়াঃ
আশিষ্ বাড়েয় লেটেজ্ ।
হুডিঞকো দুলাড়্ মারাংকো জহার
খেরোওয়াল আরি চৗলি,
বাহু তুতুল্ বাপলা অকত
আডি গেচং ভৗলি ।
তুমদাঃ টামাক্ রাহাড়্ করতাল্
সাঁওতা রেনাং লুলুক্,
বাঁনচাও গেয়ায় যতন্ কাতেৎ্
সানতাড় কোওয়াঃ মুলুক্ ।
সানাম সানতাড় বয়হা বুহিন্
গুঁগুৎ কোওয়ায় কলেরে,
গাদয়্ দাকায়্ জম্ হচক
সহরায় পরব জালেরে ।
========== ᱞ ᱧ ==========
ঞুতুম তায়দ বিরসা মুন্ডা
দিলগৗর তাঁহে কানে,
দিশম রুখিয়ৗ
বাবৎ তেগে
হুলগৗরিয়ৗ লেন্ হানে।
জানাম লেনায়
উলিহাতু’রে
সানাম গেকো মেনা,
ঝাড়ড়খন্ড
পনৎ রেগে গেথ
নাহাঃ পাড়াঃ অনা।
আপাত সুগনা মুন্ডা আজাঃ
দমে রেঁগেচ্ জালা,
ইশৗয় ধরম উনদ ঘারঞ্জরে
হাতাও লেৎগে ভালা।
গিদরৗ হারায়ে লৗগিৎ তেদ
আয়মা হুদিস
আসে,
চাইবাসা মিশনে লুথেরান স্কুলরে
ভুরতি লেদেয়ায়
গেসে।
পৗদরি নোট্রেট সঁগে খুবগে
কাথা রাপাচাঃ
পৗরি
উনরে অঁডে খনগে উনি
লাগা উডুক
সৗরি।
হারা যুওয়ৗন দারমাট কড়া
ঞেলতে সজনতর
ভালে,
রড়গে রেদ মৗহির আড়াং
সদর তায়গে
বলে।
মেনকো কাথায় ধেয়ান সাধাওরে
অৗডি সোপরোৎ
এতে,
ধৗরতি আবা উনখন গেচ
উরুমে জত কতে।
হাঁডি ভৗটি অঝা গুনীনঠেন
চালাঃ এ মানা
কেদা,
ধরম করম সেওয়া দেওয়া
ওরাম বাড়া
লেদা।
ইংরৗজ কদ জোর জুলুমগে
খাজনা অৗদৗয়
রেদ
নাহাচার কচলন লৗইতে কাজাক
বিরুধ আনায়
আদ।
পালটন সালাঃ বেকম পাহাড়রে
লৗড়হৗই জিৎগে
এনে,
সাবে বাবৎ আয়মা ফুনদি
ব্রিটিশ গাঁডন
আনে।
মুন্ডৗ গাঁতাকরেন থড়া মৗনমি
লালচ্তে বেয়মান
এনা,
বিরসা মুন্ডৗ পাকড়াও কাতে
হাজতরে ভরাও
লেনা।
হড়ম বৗড়িচ্ খৗতির তেকো
হাঁডে নাঁডে
কেদে,
চাইবাসা খনাঃগে রাঁচি জিহল
উচৗড় ইদি লেদে।
মায়াং উলৗ কাতেদ্ উনরে
জিউয়ি চালাও
তায়া,
আদমকো মেনা বিষ এম কাতে
বেনডাও লিদি
গেয়া।
বির বান্টা সাঁহাসিয়ৗ দ
সাঁহাস কৗমি
আনা,
অনে উনখন নেতার হঁচো
বেবাক দিসৗ্যে
কানা।
========== মুচৗৎ ==========
.webp)
.webp)
.webp)
