“আবোওয়াঃ কাথা” গে উছৗনঃডিজিটাল
ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্
আড়াং’ লেতাড় গে উছানঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায়
রেনাঃ বুটৗ- Whatsapp- 8942955829 : E-mail Id:- abowagkatha@gmail.com।
তেহেঞাঃ আখড়ারে যাঁহায় কো সেলেদ্ আকান- ᱥᱩᱵᱩᱫᱤᱭᱟ.ᱢᱩᱨᱢᱩ, ᱨᱟ ᱢᱯᱚᱫᱚ ᱠᱤᱥᱠᱩ, ᱯᱩᱨᱱᱚ ᱪᱚᱱᱫᱨᱚ ᱠᱤᱥᱠᱩ, ᱜᱳᱯᱮᱥᱣᱚᱨ ᱢᱟᱹᱱᱰᱤ, ᱠᱤᱥᱠᱤᱱᱫᱷᱟ ᱢᱩᱨᱢᱩ, বাড়তাং সরেন, সমরলাল টুডু, সনৎ কুমার হাঁসদাঃ , সিতেন মান্ডি, দুগাই টুডু ।
ᱫᱚᱵᱚᱲ ᱜᱟᱲᱦᱚ ᱞᱤᱞ ᱥᱮᱨᱢᱟ
ᱛᱤᱱᱟᱹᱜ ᱥᱟ:ᱜᱤᱧ ᱢᱟᱥᱮ ᱧᱮᱞᱢᱟ ।
ᱫᱷᱟᱹᱨᱛᱤ ᱞᱚᱭᱚᱝ ᱠᱚᱭᱚᱜ ᱠᱟᱛᱮ
ᱵᱩᱥᱩᱵ ᱥᱟᱹᱲᱤᱢ ᱪᱚᱴᱨᱮ ᱥᱟᱛᱮ ।
ᱞᱤᱞ ᱥᱮᱨᱢᱟ ᱞᱤᱞᱜᱮ ᱧᱮᱞᱚᱜ
ᱥᱟᱺᱜᱤᱧ ᱨᱮᱦᱚᱸ ᱢᱚᱡᱽᱜᱮ ᱛᱮᱧᱚᱜ ।
ᱯᱩᱸᱰ ᱨᱤᱢᱤᱞ ᱦᱚᱭᱛᱮ ᱚᱴᱟᱝᱚᱜ
ᱜᱟᱲᱦᱚ ᱞᱤᱞ ᱟᱨᱜᱮ ᱥᱮᱛᱮᱧᱚᱜ।
ᱞᱮᱣᱦᱟ ᱜᱷᱮᱣᱞᱟ ᱜᱟᱲᱦᱚ ᱞᱤᱞ
ᱢᱚᱡᱽᱜᱮ ᱛᱟᱠᱚ ᱢᱚᱱᱮᱨᱮ ᱢᱤᱞ ।
ᱩᱰᱟᱹᱜ ᱞᱮᱠᱟᱱ
ᱩᱰᱟᱹᱣ ᱞᱤᱞ
ᱵᱟᱠᱚ ᱧᱮᱞᱚᱜ ᱥᱤᱧᱫᱚ ᱤᱯᱤᱞ ।
ᱤᱯᱤᱞ ᱮᱸᱜᱮᱞ ᱪᱟᱸᱫᱚ
ᱵᱮᱲᱟ
ᱥᱤᱨᱡᱚᱱ ᱢᱟᱥᱮ ᱛᱤᱱᱟᱹᱜ ᱦᱟᱦᱟᱲᱟᱜ ।
ᱥᱚᱦᱨᱟᱭ ᱨᱮ ᱥᱩᱱᱩᱢ ᱯᱤᱴᱷᱟᱹ
ᱥᱟ ᱠᱨᱟᱛ ᱨᱮ ᱯᱟ ᱛᱲᱟ ᱯᱤᱴᱷᱟᱹ
ᱵᱷᱟᱫᱚᱨ ᱵᱚᱸᱜᱟ ᱛᱟ ᱞᱮ ᱯᱤᱴᱷᱟᱹ
ᱨᱩᱸᱰᱟᱹ ᱨᱮ ᱰᱳᱸᱵᱳᱜ
ᱯᱤᱴᱷᱟᱹ
ᱡᱚᱢ ᱛᱮ ᱟᱰᱤ ᱥᱤᱵᱤᱞ
᱿
ᱵᱷᱟᱫᱚᱨ ᱵᱚᱸᱜᱟ ᱡᱚᱸᱰ ᱨᱟ
ᱟᱛᱟ
ᱡᱟ ᱯᱩᱫ ᱨᱮ ᱪᱟᱣᱞᱮ ᱟᱛᱟ
ᱟᱸᱵᱟ ᱵᱩᱛᱤ ᱨᱮ ᱩᱯᱤ ᱟᱛᱟ
ᱞᱚᱞᱚ ᱞᱚᱞᱚ
ᱪᱷᱚᱞᱟ ᱟᱛᱟ
ᱡᱚᱢ ᱛᱮ ᱟ ᱰᱤ ᱥᱤᱵᱤᱞ ᱿
ᱛ==========
ᱞ ᱧ ===========ᱛ
ᱥᱚᱼᱫᱚᱼᱰᱷᱟ ᱱ ᱰᱷᱟᱱ
ᱨᱚᱼᱫᱚᱼᱵᱷᱟ ᱱ ᱵᱷᱟ ᱱ
ᱨᱟᱵᱟᱝᱼᱠᱟᱱ ᱠᱟᱱ
ᱡᱟᱸᱜᱟ ᱡᱷᱟᱱ ᱡᱷᱟ ᱱ᱾
ᱨᱮᱸᱜᱮᱡ ᱠᱷᱟ ᱱ ᱠᱷᱟᱱ
ᱡᱚᱢ ᱢᱮ᱾ ᱯᱟᱱ ᱯᱟᱱ
ᱢᱚᱪᱟᱨᱮᱼᱪᱷᱟᱱ ᱪᱷᱟᱱ
ᱥᱟᱰᱮᱼᱥᱟ ᱱ ᱥᱟᱱ᱾
ᱦᱟ ᱥᱩᱼᱴᱟᱱ ᱴᱟᱱ
ᱥᱮᱱᱚᱜ ᱟ ᱼᱫᱟᱱ ᱫᱟᱱ
ᱨᱮᱦᱮᱫᱽ ᱼᱨᱟ ᱱ ᱨᱟᱱ
ᱵᱮᱥᱚᱜᱼᱟᱼᱟ ᱱᱢᱟᱱ᱾
ᱞᱤᱯᱩᱨᱼᱡᱷᱚᱱ ᱡᱷᱚᱱ
ᱯᱟᱝᱠᱷᱟᱼᱵᱷᱚᱱ ᱵᱷᱚᱱ
ᱥᱮᱱᱚᱜᱼᱪᱷᱚᱱ ᱪᱷᱚᱱ
ᱨᱚᱦᱚᱲᱼᱴᱷᱚᱱ ᱴᱷᱚᱱ᱾
ᱛ==========
ᱞ ᱧ ===========ᱛ
ᱟᱞᱮ ᱦᱚᱯᱚᱱ ᱢᱟᱹᱭ,
ᱥᱚᱦᱨᱟᱭ ᱯᱚᱨᱚᱵᱽ ᱫᱟᱨᱟᱭ ᱠᱟᱱ
ᱵᱷᱤᱛ ᱯᱤᱸᱰᱟᱹᱭ ᱪᱤᱠᱟᱹᱲ ᱠᱟᱱ ᱾
ᱟᱞᱮ ᱦᱚᱯᱚᱱ ᱢᱟᱹᱭ,
ᱱᱟᱱᱟ ᱦᱩᱱᱟᱹᱨ ᱠᱟᱸᱛ ᱨᱮ
"ᱥᱚᱦᱨᱟᱭ" ᱮᱱᱮᱪ ᱪᱤᱛᱟᱹᱨ ᱨᱮ
᱾
ᱟᱞᱮ ᱦᱚᱯᱚᱱ ᱢᱟᱹᱭ,
ᱢᱟᱸᱫᱳᱲᱤᱭᱟᱹ ᱠᱚ ᱨᱩᱭ ᱨᱮ
ᱛᱚᱲᱟᱣ ᱟᱠᱟᱫ ᱤᱠᱲᱩᱢ ᱨᱮ ᱾
ᱟᱞᱮ ᱦᱚᱯᱚᱱ ᱢᱟᱹᱭ,
ᱟᱛᱳ ᱦᱚᱲ ᱯᱚᱨᱚᱵᱽ ᱨᱮ
ᱨᱟᱹᱥᱠᱟᱹ ᱪᱤᱛᱟᱹᱨ ᱨᱟᱠᱟᱵ ᱨᱮ
᱾
ᱛ==========
ᱞ ᱧ ===========ᱛ
ᱟᱛᱳ ᱫᱤᱥᱚᱢ ᱡᱮᱜᱮᱛ ᱛᱟᱞᱟ
ᱢᱟᱱᱢᱤ
ᱦᱩᱫᱟᱹᱦᱩᱫᱟᱹ ,
ᱩᱱᱠᱩ ᱠᱷᱚᱱ ᱜᱩᱱᱤᱭᱟᱱ ᱦᱚᱲ
ᱟᱰᱤ ᱜᱮᱪᱚᱝ
ᱡᱩᱫᱟᱹ ᱾
ᱜᱩᱱ ᱵᱤᱨᱫᱟᱹ ᱟᱠᱤᱞ ᱛᱮᱜᱮ
ᱱᱟᱯᱟᱭᱮ ᱛᱮᱭᱟᱨ
ᱢᱮᱭᱟ ,
ᱜᱩᱱᱮᱢ ᱟᱨᱡᱟᱣ ᱫᱟᱲᱮᱢ ᱥᱟᱱᱪᱟᱣ
ᱟᱢᱮ
ᱦᱟᱨᱟ ᱢᱮᱭᱟ ᱾
ᱩᱨᱩᱢ ᱛᱟᱢᱟ ᱟᱢᱟᱜ ᱮᱱᱮᱢ
ᱢᱟᱱᱢᱤ
ᱡᱚᱛᱠᱚᱛᱮ,
ᱱᱟᱯᱟᱭ ᱫᱤᱥᱟᱹ ᱩᱫᱩᱜ ᱠᱟᱱᱮᱢ
ᱡᱚᱦᱟᱨ ᱵᱟᱨ
ᱛᱤᱛᱮ ᱾
ᱜᱩᱱᱟᱱ ᱦᱚᱲᱟᱜ ᱠᱟᱛᱷᱟ ᱫᱟᱢᱟᱱᱟ
ᱡᱩᱫᱤᱢ ᱫᱤᱥᱟᱹ
ᱫᱚᱦᱚᱭ ,
ᱜᱩᱱᱟᱱ ᱦᱚᱲᱟᱜ ᱚᱞ ᱯᱟᱲᱟᱣ ᱢᱮ
ᱚᱠᱚᱛ
ᱟᱞᱚᱢ ᱵᱚᱦᱚᱭ ᱾
ᱛ==========
ᱞ ᱧ ===========ᱛ
হর বৗনুঃআ ডাহার বৗনুঃ
চেকাতে চ চালাঃ
সেরমা জিলৗৎ জিলৗৎতে
উডৗন গৗড়ি লাহাঃ।
হয়মা চেতান রিমিল পারম
একাল সিয়ৌং সয়ং
গৗডি ভীতরি বাংগে ঞামঃ
হায়রে নাশে হয়ং।
চাকা কোদ মেনাঃ রেহঁ
চটরে বাচো আচুর
এতম কঁয়ে পাঙ্খা মেনাঃ
অনাকোগে আচুর।
লাতার খনাং কয়ঃ তেমা
ঞেলঃ চেঁড়েঁ লেকা
সামাং খনাং ঞেল লেখানেম
হাঙর হাকু লেকা ।
লাতার কয়ঃ গৗডি খনাং
ঞেলঃ তুলৗম রিমিল
আয়ুপ ঞিদৗম কয়ঃ লেখান
গৗদুজ কওয়ায় ইপিল ।
দাঃ বৗনুঃআ, হাসা বৗনুঃ
পায়রা চেকাতেচো,
গাড়ি দেজোঃ হড় দ সানাম
একাল মেলোমেচো ।
ঞুঁত ঞিদৗরে বতর বুজুঃ
সহর ইপিল তালা
পাশেচ উনি তৗকিচ কওয়ায়
জুলু ইপিল ভালা।
জুলুৎ জুলুৎ ঞিঁদৗ বেড়া
জুলুঃ বঙ্গা লেকা
ধৗরতী খনাং সাডে আঁজম
একাল হুডুর লেকা ।
অকয় ভালায় বেনাও লেদা
নংকা উডৗন গৗড়ি
যাঁহা তাঁহা বাংগে ফেডঃ
একেন চাতাল টাণ্ডি ।
হাহাড়াগে উডৗন গৗডি
দাঁড়ান গোটা দিশম
সাঁড়েশ সিরজৗও সরেশ এনেম
একাল বাংগে বিলম ।
ᱛ==========
ᱞ ᱧ ===========ᱛ
চিটলৗ হাসা তুকুজ্ তুকুজ্
বেনাওয়ে কুংকাল্ টোকজ্,
রাপাঃ কাতেয় ইসিন লেখান্
ঞেঁলঃআ নাপায়্ অকজ্ ।
ঞঁড়ম্ ঞঁড়ম্ চেহরা রেনাং
দামদ বৗনুঃ আনাং,
গুন্ বিরদৗ তাঁহেন খানদ
দিশম্ গেয়াক ধিনাং ।
চেহরা চরক্ এখেন্ টুকুজ্
রাড়াং রাড়াং রড়্,
বাডায় তাঁহেনমা কৗমি কাজরে
বানুঃ আকাৎ অড়্ ।
চেহরা চরক্ ফাঁপরা টুকুজরে
দাকা উতুম্ তেয়ার্,
টুকুজ্ রেনাং দাকা জমতে
হড়ম তামেম্ বায়ার্ ।
লৗবিদ হড়ম গিদরৗ হপন্
তেয়ার্ কাতেৎ হারায়েম,
খেতরে নাপায়্ ধনেম্ আরজাও
খানদ, দিনৗম্ কারহায়েম্ ।
দিনৗম্ দিনগে হুডিঞ খনগে
লল মনেম্ এওয়ের্,
মারাং কাতেম্ দাবন লেখান্
আমাং জিউইয়ে হেওয়ের্ ।
কুংকাল ঞেঁলেমে টুকুজ চেলাং
লৗবিদ্ হাসাখনে বেনাও,
কেটেজ্ হাসাদ রাপুৎ্ ছাকাছুন্
কাথাগে বাংএ মানাও ।
হয়গে জিউই হাসাগে হড়ম
হুডিঞ রেগেয়্ আঁজম্,
মারাং বাঁধরে আলোম্ আঁড়গন্
তগজ্ মেয়াক নাঁজম্ ।
হিরিজ্ পৗসির্ জিউই আমাং
তল্ রুওয়াড়মে মাড়াং,
জৗতি লৗগিৎ জিউইঞ আলায়
বীরবানঠা কোওয়াঃ আড়াং ।
ᱛ==========
ᱞ ᱧ ===========ᱛ
সহরায় বঙ্গা সেটের এনা,
সেটের এনায় সৗরি সহরায়।
অড়াঃ রেন বাহু-বুহিন-
মেন আক হায় -
হায়!
অড়াঃ দুয়ৗর ঝঁদর -ঝপর,
মেনাঃ তারাল বাসাল !
ঝুড়ি -ঝুড়ি জেড়ের হাসা
দিপিল রেক আরসাল।
ছুটৗঃ আক সিঞ -ঞিদৗ-
গটা আচির -পৗচির ;
হিড়িঞ আক জম-ঞু
হাসা জেড়ের খৗতির।
আরহঁ মেনাঃ গেচ গুরিজ
সাঁওতে মেনাঃ লাতা ;
নানা হুনৗর রং তেক গাবাও,
যাঁহাক মেতাঃ পতা।
বক বয়হা ইকিল-সিকিল,
মেনাঃ ক কৗমি ভেদরে
রেৎ চুপুদ আরজাও কাতেৎ -
চালাঃ ক নেওতা তিনৗঃ সাদরে!
সৗরি সহরায় সেটের এনা
সেটের এন ক দৗয় তেঁয়াং।
দুলৗড় কাতেৎ ক বেওহার কওয়া
যৗনিচ মিৎ আয়-বাবা মিৎ মায়াং!
তুমদাঃ টামাক রিহিড়-বিদিড়;
সাঁওতে সহরায় সেরেঞ।
সিঞ-ঞিদৗ ক রৗস্কৗ জংআ
মিৎ তে চেড়েঞ-বেঁড়েঞ!
হায়রে! নওয়া সৗরি সহরায়
বানুঃ তায় দায়া মায়া!
অড়াঃ দুয়ৗর বৗগি কতেৎ;
জাঁঙ্গায় লাহায় তায়া!
ঞারাঃ ঞারাঃ হ-হ আয়া ক,
দেলা হঁ ক দেলা আয়া।
দিন পারমঃ দিন হিজুঃ আ;
আর-হঁয় হিরি কওয়া!
ᱛ==========
ᱞ ᱧ ===========ᱛ
বৗড়িচ হেওয়া দ বাগি
বেশ হেওয়া দ বৗড়তি
গ বাবা মাচেৎ ক দ
সেতাঃ আয়ুপ জড়তি।
আমাঃ জানাম লাহাঃ হর
গ বাবা মাচেৎ ক উদুঃ আম
দুক হারকেৎ শিকনাথ ডাহার
এতম কঁয়ে আম ক চাচো কাম।
উনকু চেতান আড়িশ রৗগি
মচা কাথা আলম বেশি
আমাঃ ভৗগি আমাঃ লাহান্তি
সুখ সাঁওয়ার আমরে আঁড়তি।
নোওয়া বয়স নোওয়া উমের
দারে নৗড়ি বাগান বাহা
দুল দাঃ তে দুলহারা দুলৗড়
যতন জগাও আমগে ঢের।
গ বাবাওয়াঃ শিখৗও পাড়হাও
সারাঘৗড়ি বাম ঞাম
লুতুর বিত্ কাতেম আজম রেশে
হারাঃ আম বুরুঃ আম।
ᱛ==========
ᱞ ᱧ ===========ᱛ
১০।।
নির্মল মুন্ডা
দুগাই টুডু
১৯৩৯ সাল এপ্রিল চাঁদো
উড়িষ্যা পনৎ রে,
মুন্ডা গাঁতাক এহব লেদায়
আডি মারাং হুলরে।
অনা লাড়াওনা রেনগে আয়ুরিচ্
উনিয় তাঁহে কানে,
যাঁহায় চাষা উনিয়াঃ হাসা
লৗই লেদায় হানে।
গাঙ্গপুর আদিবাসী দ উনগে
খাজনা বাকো এম এদা,
রানী সাহেবা ব্রিটিশ ঠেন
গড়কো খজ লেদা।
ইংরাজ পাল্টন আডি গেচো
গুলিকো চাঃলাও কানা,
মুন্ডা কোদ আয়মা অকচ্
গচ্ বাড়া এনা।
অনা থেড়ং উনরে একালকো
রাঁগাও ইদি এনা,
আঁদোড় কোদ হয় লেকা
তুরৗৎ পাশনাও এনা।
ইস্টান স্টেট এজেন্সী রেসিডেন্ট
নেহরুজী মেনলেৎ এতে,
দুক হারকেৎ ঘৗল আকান
মৗনমি সহদকো যাতে।
রেসিডেন্ট সাহেব আরদাস রেহঁ
বাচোয় হেঁতাও আদায়,
মুণ্ডা সমাজ আরহঁ গেতো
অনহেড়া দহ লেদায়।
বীর বান্টা নির্মল মুন্ডা
দিলগে
কৗমি লেদায়,
অনে উনখন দিসোম তালা
দিসৗ রেগে মেনায়।
ᱛ==========
মুচৗৎ ===========ᱛ
.webp)
.webp)
.webp)
