“আবোওয়াঃ
কাথা” গে উছৗনঃডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা
গিদৗর বৗউলি ‘চেরেচ্ আড়াং’ লেতাড় গে উছানঃ কানা। তায়ম দারাম নংকাগে আরহঁ সাঁগে অল
ভেজায় তাবোন পে। অল ভেজায় রেনাঃ বুটৗ-
Whatsapp-
8942955829 : E-mail Id:-
abowagkatha@gmail.com ।
তেহেঞাঃ আখড়ারে যাঁহায় কো সেলেদ্ আকান- ᱥᱩᱵᱩᱫᱤᱭᱟ.ᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟᱹᱱᱰᱤ, ᱵᱤᱨᱥᱟ ᱠᱤᱥᱠᱩ, ᱯᱩᱨᱱᱚ ᱪᱚᱱᱫᱨᱚ ᱠᱤᱥᱠᱩ, ᱠᱤᱥᱠᱤᱱᱫᱷᱟ ᱢᱩᱨᱢᱩ, বাড়তাং সরেন, সুচাঁদ হাঁসদা, সমরলাল টুডু, দুর্গাচরণ মুরমু্, সিতেন মান্ডি, সনৎ কুমার হাঁসদাঃ , দুগাই টুডু।
ᱦᱟᱹᱨᱭᱟᱹᱲ ᱫᱷᱩᱵᱤ ᱜᱷᱟᱸᱥ
ᱞᱮᱜᱮᱡ ᱞᱮᱜᱮᱡ ।
ᱢᱚᱡᱜᱮ ᱟᱨᱦᱚᱸ ᱧᱮᱞᱚᱜ
ᱧᱤᱫᱟᱹ ᱛᱮᱨᱫᱮᱡ ।
ᱦᱟᱰᱮ
ᱱᱟᱰᱮ ᱵᱩᱨᱩ
ᱢᱮᱱᱟᱜ ᱫᱚᱲᱚᱢ ।
ᱥᱟᱺᱜᱤᱧ ᱠᱷᱚᱱᱮᱢ ᱠᱚᱭᱚᱜ
ᱧᱚᱲᱚᱢ ᱧᱚᱲᱚᱢ ।
ᱥᱩᱨᱛᱮ ᱪᱟᱞᱟᱜ ᱨᱮᱫᱚ
ᱟᱫᱚᱜ ᱪᱤᱸᱠᱟᱹᱲ ।
ᱫᱟᱞᱟᱱ ᱠᱳᱴᱷᱟ ᱞᱮᱠᱟᱱ
ᱥᱟᱡᱟᱣ ᱠᱩᱸᱴᱷᱟᱹᱲ ।
ᱥᱮᱨᱢᱟ
ᱤᱯᱤᱞ ᱮᱸᱜᱮᱞ
ᱟᱠᱚ ᱛᱩᱞᱩᱪ ।
ᱧᱤᱫᱟᱹ ᱪᱟᱸᱫᱳᱭ ᱞᱟᱸᱫᱟᱭ
ᱢᱩᱞᱩᱪ ᱢᱩᱞᱩᱪ ।
ᱦᱟᱹᱱᱠᱩ ᱦᱩᱲᱩ ᱜᱟᱹᱪᱷᱤ ᱤᱨ
ᱪᱟᱞᱟᱜ ᱠᱟᱱᱟ ᱠᱚ,
ᱠᱮᱱᱮ ᱠᱚᱛᱮ ᱨᱚᱲ ᱞᱟᱸᱫᱟ
ᱛᱟᱲᱟᱢ ᱟᱠᱟᱫ ᱠᱚ ᱾
ᱞᱮᱸᱜᱟ ᱛᱤᱨᱮ ᱴᱤᱯᱤᱱ ᱫᱟᱠᱟ
ᱜᱟᱢᱪᱷᱟ ᱴᱩᱴᱩᱨᱤ ᱛᱟᱠᱚ,
ᱡᱚᱡᱚᱢ ᱛᱤᱨᱮ ᱫᱟᱛᱨᱚᱢ ᱥᱟᱵ
ᱢᱮᱱᱟᱜ ᱟᱠᱟᱫ ᱛᱟᱠᱚ ᱾
ᱟᱞᱮ ᱢᱟᱹᱭᱮ ᱨᱟᱨᱟᱜ ᱠᱟᱱᱟᱭ
ᱩᱱᱠᱩ ᱧᱮᱞ ᱛᱮ,
ᱦᱩᱲᱩ ᱤᱨ ᱪᱟᱞᱟᱜ ᱞᱟᱹᱜᱤᱫ
ᱩᱱᱠᱩ ᱥᱟᱶ ᱛᱮ ᱾
ᱢᱮᱛᱟᱭ ᱠᱟᱱᱟ ᱚᱞᱚᱜ ᱯᱟᱲᱦᱟᱣ
ᱱᱟᱦᱟᱜ ᱪᱮᱫᱽ ᱢᱮ,
ᱦᱟᱨᱟ ᱠᱟᱛᱮ ᱦᱟᱯᱮᱱ ᱫᱤᱱ
ᱢᱟᱨᱟᱝ ᱦᱚᱲᱚᱜ ᱢᱮ ᱾
========== ᱞ ᱧ ==========
.webp)
ᱢᱟᱱᱢᱤ ᱢᱟᱭᱟᱢ ᱠᱚ ᱪᱮᱯᱮᱪ
ᱵᱷᱟᱜᱽ ᱡᱩᱲᱩ ᱠᱚ ᱨᱮᱯᱮᱪ
ᱦᱚᱲᱢᱚ ᱫᱟᱲᱮ ᱠᱚ ᱠᱮᱴᱮᱡ
ᱤᱱᱵᱚᱨᱚ ᱠᱚ ᱥᱮᱴᱮᱡ
ᱚᱠᱟᱨᱮᱛᱟᱠᱚ ᱡᱟᱱᱟᱢ?
ᱯᱟᱨᱠᱚᱢ ᱠᱩᱴᱷᱮ ᱥᱟᱱᱟᱢ
ᱫᱩᱨᱩᱢ ᱫᱩᱨᱩᱢ
ᱮᱸᱜᱟ ᱩᱨᱩ ᱵᱩᱨᱩᱢ
ᱟᱛᱳ ᱰᱤᱦᱟ ᱴᱚᱞᱟᱯᱟᱲᱟ
ᱡᱚᱢ ᱧᱩ ᱠᱟᱛᱮᱜ ᱴᱩᱨᱩ ᱴᱩᱨᱩ
ᱞᱟᱴᱤᱪ ᱞᱟᱰᱟᱨ ᱮᱨᱟ ᱩᱨᱩ
ᱵᱟᱱᱩᱜ ᱛᱟᱠᱚ ᱞᱟᱡᱟᱣ
ᱦᱚᱲᱟᱜ ᱛᱮᱠᱚ ᱥᱟᱡᱟᱣ
ᱦᱚᱲ ᱛᱟᱞᱟᱨᱮᱠᱚ ᱛᱷᱩᱛᱤ
ᱡᱮᱸᱵᱮᱫ ᱠᱟᱛᱮᱫ ᱠᱚ ᱯᱷᱩᱨᱛᱤ
ᱵᱟᱝᱠᱚ ᱵᱟᱡᱷᱟᱣ ᱨᱮᱸᱜᱮᱡ ᱠᱤᱥᱟᱬ
ᱚᱠᱛᱚ ᱚᱠᱟ ᱥᱮᱛᱟᱜ ᱥᱮ ᱥᱤᱸᱜᱟᱲ
ᱫᱤᱥᱚᱢ ᱨᱮ ᱥᱟᱸᱣᱟᱭ ᱟᱠᱟᱞ
ᱵᱟᱝ ᱠᱚ ᱵᱟᱡᱷᱟᱣ ᱨᱟᱣᱟᱞ ᱦᱟᱢᱟᱞ
ᱥᱟᱱᱟᱢ ᱦᱚᱲᱟᱜ ᱠᱚ ᱪᱟᱠᱷᱟᱭ ᱦᱮᱲᱮᱢ
ᱠᱟᱥᱟ
ᱢᱟᱱᱢᱤ ᱪᱮᱛᱟᱱᱜᱮ ᱟᱥᱟ-ᱵᱷᱨᱥᱟ ᱾᱾
========== ᱞ ᱧ ==========
ᱠᱚᱸᱜ ᱪᱮᱸᱬᱮ
ᱡᱚᱢᱟ ᱦᱮᱲᱮ
ᱠᱮᱲ ᱠᱮᱲᱮᱜ
ᱧᱮᱞᱮ ᱴᱷᱮᱱᱮ!
ᱠᱚᱸᱜ ᱪᱮᱸᱬᱮ
ᱛᱷᱮᱲᱮ ᱵᱮᱲᱮ
ᱵᱟᱲᱮ ᱞᱚᱲᱮ
ᱞᱟᱴᱷᱟᱜ ᱴᱷᱚᱲᱮ!
ᱠᱚᱸᱜ ᱪᱮᱸᱬᱮ
ᱜᱚᱲᱽᱢᱚ ᱧᱮᱸᱲᱮ ᱧᱮᱸᱲᱮ
ᱨᱚ_ᱫᱚ ᱰᱷᱸᱮᱲᱮ ᱰᱷᱸᱮᱲᱮ
ᱢᱮᱫ ᱫᱟᱜ ᱯᱮᱲᱮ ᱯᱮᱲᱮ!
ᱠᱚᱸᱜ ᱪᱮᱸᱬᱮ
ᱡᱚᱢᱟ ᱥᱳᱲᱮ
ᱪᱟᱲᱮ ᱢᱟᱲᱮ
ᱵᱟᱭ ᱡᱷᱚᱲᱮ!
ᱠᱚᱸᱜ ᱪᱮᱸᱬᱮ
ᱵᱟᱭ ᱮᱲᱮᱜ
ᱪᱷᱚᱲᱮ ᱪᱷᱚᱲᱮ
ᱡᱚᱢᱫᱟᱲᱮᱜ!
ᱠᱚᱸᱜ ᱪᱮᱸᱬᱮ
ᱱᱤᱢ ᱠᱟᱲᱮ
ᱡᱚᱢ ᱫᱟᱲᱮᱜ
ᱩᱰᱟᱹᱜ ᱵᱟᱲᱮ!
========== ᱞ ᱧ =========
ᱦᱟᱛᱮ ᱫᱟᱲᱟᱱ ᱞᱟᱦᱟ ᱟᱠᱟᱱᱮ
ᱛᱷᱩᱯᱩᱠ ᱨᱩᱵᱩ ᱨᱩᱵᱩ ,
ᱩᱫᱩᱜ ᱠᱟᱱᱮ ᱜᱷᱟᱱᱮᱜᱮ ᱦᱟᱱᱮ
ᱠᱟᱴᱚᱵ ᱦᱚᱨᱚᱜ ᱵᱟᱵᱩ ᱾
ᱜᱚᱲᱚᱢ ᱵᱩᱰᱦᱤ ᱦᱤᱲᱤᱧ ᱜᱚᱫᱟ
ᱡᱟᱸᱜᱟᱨᱮ ᱪᱟᱴᱚᱠᱤ ᱦᱚᱨᱚᱜ ,
ᱵᱟᱵᱩᱭ ᱢᱮᱱᱟ --- "ᱦᱟᱱᱮ
ᱠᱟᱴᱚᱵ "
ᱜᱚᱲᱚᱢᱮ ᱦᱚᱨᱚᱵᱚᱨᱚᱜ ᱾
ᱜᱟᱛᱮᱜ ᱪᱟᱞᱟᱜ ᱚᱠᱚᱛ ᱨᱮᱦᱚ
ᱵᱟᱵᱩᱭ ᱦᱚᱨᱚᱜ ᱠᱟᱜ -ᱟ ,
ᱜᱟᱛᱮ ᱛᱟᱭᱮ ᱧᱮᱞ ᱠᱚᱨᱮ ᱫᱚ
ᱦᱚᱨᱚᱜ ᱢᱮᱛᱟ ᱠᱚᱳᱭᱟ ᱾
ᱮᱠᱷᱮᱱ ᱡᱟᱸᱜᱟ ᱦᱟᱱᱛᱮ ᱱᱟᱛᱮ
ᱛᱟᱲᱟᱢ ᱵᱟᱲᱟᱭ ᱨᱮᱫᱚ,
ᱡᱟᱱᱩᱢ ᱫᱷᱤᱨᱤ ᱞᱚᱞᱚ ᱚᱛᱨᱮ
ᱠᱟᱴᱚᱵ ᱦᱚᱨᱚᱜᱯᱮ ᱟᱫᱚ ᱾
========== ᱞ ᱧ ==========
বীর তালারে তাঁহেকানে
মিৎটাং বেঁডে তুয়ু
বাং তাঁহেকান হরঃ বাঁদে
বৗনুঃ তায়া উয়ু ।
মনে মনেয় ভৗবিত তোয়ো
সানাম তিনৗঃ নাপায়
জম ঞুঁ ইঞাঃ বৗনু তিঞা
চেকাঞ বাঞ্চা ওহায় !
সিম গেডেকো সা সাপ রেদো
হড়কো লাগাঞ ইঞমা
টাঙ্গি টেঙ্গজ ইপিল কাতে
গজেঞ লৗগিৎ হড় মা।
ধিরি কাটকম ভুগৗঃ করে
সা সাপ আডি ঠেলা
ডিটম আতে গেগের আকো
একাল আডি জ্বালা ।
ডাংরা কাডা তিনৗঃ নাপায়
সেতাঃ আয়ুুপ জম
অনা বেগর সারা তিকিন
ঘাসকো আতিঞ জম।
বতর বৗনুঃ হারন বৗনুঃ
একেন সুক আর সুক
রৗস্কৗ রমজ নিরৗই নাপায়
একাল বৗনুঃ দুক।
মিৎ দিন উনি চালাও এনায়
চাঁদোবঙ্গা ঠেন ,
চাঁদো ঠেনে মেন কেদায়ে
নাপায় জিয়ন দেন ।
ডাংরা কাডা লেকা ইঞ হঁ
নিরৗই জিয়ন দেন।
সখ লেকাতে চাঁদোয় কুলী
চৗষী বৗসী ঠেন।
রৗস্কৗ আতে তুয়ুয় সেনঃ
চাষী ঘারঞ্জতে,
অণ্ডে দকো দারাম কেদে
নাপায় নাপায়তে ।
তুয়ুয় মেনা কাডা লেকা
জমাঃ ইঞ হঁ দেন,
চাঁদোবঙ্গায় কুল আকাদিঞ
নঃঅয় আপে ঠেন।
চাষীয় মেনা, এমাম গিয়ৗঞ
একাল আলোম দন
অনা লাহা বৗইহৗড় দেলা
গঃ আমালে জন ।
লাদে সাঁওতে তোয়ো বাবুয়
তাবের উতৗর এন
কৗকয়ৗও আতে তোয়োয় মেনা
আড়াকিঞ পে মেন।
লৗক্তি বানুঃ সুকরে তাঁহেন
আপে অড়াঃরে
হান্তে নাতেঞ আচুর বাড়ায়
বীরমা তালারে।
জ্বালা বৗনুঃ রডজ বানুঃ
বীরমা গাজাড়রে
জাঁহা তিনৗ জম কাতেগেঞ
তাঁহেন নিরৗয়রে ।
========== ᱞ ᱧ ==========
( 1)
গেডে গেডে গেডে ,
দাঁড়ান পে হাঁডে নাডে ৷
সেটে সেটে ,
পাঁজা ক রটে ,
দাঃ পে সেডে বেডে ৷
( 2 )
ভালটু কুতু ভালটু কুতু ,
আম দ আলেরেন লুলু পুতু ৷
জমাম লেকা ,
এখেন দাকা ,
বাম কয়া তিসহঁ উতু ৷
( 3 )
সিম সাঁডি সিম সাঁডি ,
বৗনুঃ চুপি আমদ বাঁডি ৷
গায়া গুয়ু ,
মেনায় তুয়ু ,
আলম চালাঃ তিসহঁ টাঁডি ৷
========== ᱞ ᱧ =========
সেচেৎ্ চেচেৎ্
চালাও লেনায়
সিমন্ বাবু
কুমাং,
এঠের পেঠের
এহের জিকি
ডাররে তলেনে
লুমৗং ।
লুমাং তিজু
লাফাং ডাররে
আঠে পাঠেয়
তললেন,
হড়কো লৗগিৎ্ কষ্ট
কাতে
জিহল্ খানায় বললেন ।
ধৗরতি জাকাদ্
লুমৗং শাড়ী
হড়কো দহয়
যতন্ ,
নোওয়া জিউই
হাসা হড়মো
তাঁহেন মনের মতন্ ।
ডাররে লুমৗং আডিগে
ধেয়ানতে
দালান কোঠায়
গাড়হাও,
যথাৎ্ শিখনৗত আরজাও
লৗগিৎ্
সিমন গোটাঞিঁদায়
পাড়হাও ।
জিউই ঞুঁরুঃ
মনেয় মুরুক্
সেচেৎ্ কৗমিয় সেঁড়ায়্,
মাহুর কাতেৎ্
হাপেন দিনরে
দিশম্ দিশমে দাঁড়ায়্ ।
হারকেৎ্ শাসেৎ্
নিতেম সাহাও
সুকেম্ হামেট হাপেন্,
বুঝৗও ঞাঁমাম্
হুডিঞ জাঁগারে
সাঁগিঞ সাঁগিঞ লাপেন
।
ইপিল্ লেকান নাপায় মৗনমি
ধৗরতি রেদম তেয়ারঃ,
কাডা লেকা ঞিঁদাম আতিঞ
তবে খানেম বায়ারঃ ।
নোওয়া জিয়োনরে
যাঁহানাঃ আমদ
কষট কাতেম্
চেচেৎ্,
হয়্ ভাঁরডো
সেঁগেল্ জৗড়িতে
অহয় দাড়েকে
কেচেৎ্ ।
========== ᱞ ᱧ ==========
আলে আতো দিনৗম হিলোঃ
হিজুঃ আকো ফেরিওয়ালা,
আগুই আকো মৗরিচ রাসুন
টুপলৗ প্লাস্টিক মগ গামলা।
হহয় আকো আডি জোর
টিন ভাঙ্গা-লোহা ভাঙ্গা,
মেনা: তাপে খান হো-
রৗপুৎ কুডি টেগচ টাঙ্গা।
মারে লুগড়ী রৗপুৎ সাইকেল
বদলতে ঞামোঃ হরেক
মাল,
থৗরি বৗটি চা ছাকনী
উতু গেৎ হয়ো খাল।
আলে বাবু আঁজোম তরা
ঠেনঠা বিনঠী সাব কাতে,
ঞির উডুক এনায় কুলহি
ফক কুরকুরে হাতাও
অনাতে।
কুলহি পিডৗ দুড়ুব টেঁডার
বানার জাঁগা জিলো
কাতে,
হটো হিলৗও কায়ুর কায়ুর
ফকরলে জমা গাতে সাওঁতে।
========== ᱞ ᱧ ==========
ভাদর দাঁশায় পারমেনা
সহরায় আঁঘাড় বলয়েনা।
হুড়ু খেত রে গেলে
হুড়ু
দাতরম লেকা বিলি লিয়েত
এন।
তিনাঃ কুশি বাঞ্চাঃ
আশা
আষাঢ় শান হুড়ু ক
চাষা।
রেঁগেচ অরেচ চৗষী হড় ক
রৗস্কৗ তে খাদ খাদ লাঁদায়াক।
ইর্ আক আগুয়াক
গঃ ভৗরিয়া দিপিল কাতে।
হুড়ু কাতে তিকি তাসে
ঢিঙ্কি লৗহুদ্ চাওলে মাসে।
হাসা টুকুচ্ রে দাকা
ইসিন
অড়াঃ হড় হপন কিমিন।
লুলি ডাঁড়কা ঢভাঃ
হাকু
আর বাং খান জিল উতু।
মাড়াং বঙ্গা বুরু
এম কাতে
তাহেন মালে নাপায় তে।
তেহেঞ গাপা নং কাতে
সাগুন সেটেরেন ঘারঞ্জ
তে।
ঞিদৗ বেড়া কিদুব দাকা
লাচ্ পেরেচ সারজম
পাতড়া।
জুটিচ্ জটাঃ আলম বাং
আ
নাওয়া চাওলে নাওয়া
দাকা।
========== ᱞ ᱧ ==========
ভাদর - দাঁশায়
ঞেলতে নাপায়,
নওয়াগে হেমাল ঋতু।
নাসে - নাসে -
রাবাং আসে;
মজগে ঞেলঃ আলে আতু!
ক্ষেত - বৗইদ ,
রহয় সৗৎ
হৗঁড়য়ৗর গে ঞেলঃ!
গাডা নালা -
রিলৗ-মালা,
দাঃ দ টল - মলঃ।
আহার আড়ে -
পুখরি আড়ে,
নৗয় কৗসৗয় আহা !
মজগে ঞেলঃ,
হয়তে হিলৗঃ-
পুঁড়গে কৗশি বাহা।
সান্তাল পারগানা রেনিচ্ গেচো
কিষ্ট
মুরমু কানে,
ভারত ছাড়ো লাড়াওনা রেদ
সেলেদ্
তাঁহেলেন হানে।
গঙ্গা সরেন দুলৗড় চাঁদ টুডু
পরচা
মুরমু আতে,
আকো গেথো অনে উনরে
দমে
জুমিদ্ গাতে।
গোড্ডা সরকারী আপিস রেগে
হিপিড়
লেদাকো ঝৗন্ডি,
পুলিশ উনদ উনকো সঁগে
তাপাম
গোটা টৗডি।
আমদা গেথো উনরে আদ
একালকো
ঘায়েল এনা,
থোড়া থুড়ি উনরে ভালা
গচ্
বাড়া লেনা।
আচ্ সালাঃ আয়মা নেতা
ব্রিটিশে
সাবলেৎ কো,
বি্চৗর কাতে গেল মঁড়ে চাঁদো
জিহলরে
ভোরাও লেদকো।
বীর বান্টা হুলগৗরিয়ৗ উনি
দিলগৗর কৗমি লেদায়,
অনা থেড়ং ঠেন নেতার
অৗডি
উইহৗ্র এনায়।
.webp)
.webp)
.webp)
