“আবোওয়াঃ কাথা” গে উছৗনঃডিজিটাল ডেস্ক
রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’
লেতাড় গে উছানঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ
বুটৗ- Whatsapp-
8942955829 : E-mail Id:- abowagkatha@gmail.com ।
ᱫᱟᱸᱥᱟᱭ ᱵᱚᱞᱚᱱ
ᱤᱱᱚᱞ ᱜᱚᱱᱚᱞ ।
ᱥᱟᱹᱨᱤ ᱥᱚᱦᱚᱨᱟᱭ
ᱢᱚᱱᱮ ᱚᱨᱚᱭ ।
ᱫᱩᱠ ᱫᱟᱸᱥᱟᱭ
ᱵᱟᱪᱚᱭ ᱥᱟᱶᱟᱭ ।
ᱦᱟᱭ ᱦᱟᱭ
ᱢᱟᱥᱮ ᱚᱦᱟᱭ ।
ᱦᱤᱡᱩᱜ ᱪᱟᱞᱟᱜ
ᱡᱤᱣᱤ ᱟᱞᱟᱜ ।
ᱫᱩᱠ ᱫᱟᱸᱥᱟᱭ
ᱪᱮᱫᱪᱚᱭ ᱨᱟᱸᱶᱟᱭ ।
ᱯᱟᱹᱦᱤᱞ ᱠᱷᱚᱱᱟᱜ
ᱱᱤᱛᱦᱚᱸ ᱢᱮᱱᱟᱜ ।
ᱫᱟᱥᱟᱭ ᱫᱟᱬᱟᱱ ᱳᱰᱳᱠ ᱟᱠᱟᱱ
ᱠᱩᱲᱤ ᱦᱚᱯᱚᱱ ᱥᱟᱡᱟᱣ ᱟᱠᱟᱱ,
ᱦᱟᱹᱱᱤ ᱟᱞᱮ ᱦᱚᱯᱚᱱ ᱵᱟᱹᱵᱩ ᱾
ᱡᱮᱞᱮᱧ ᱩᱵ ᱞᱟᱜᱟᱣ ᱟᱠᱟᱫ
ᱛᱟᱭᱚᱢ ᱥᱮᱡ ᱟᱲᱟᱜ ᱟᱠᱟᱫ,
ᱫᱟᱞᱟᱭ ᱫᱟᱞᱟᱭ ᱟᱲᱟᱜ ᱟᱠᱟᱫ ᱾
ᱢᱩᱸ,ᱞᱩᱛᱩᱨ,ᱦᱚᱴᱚᱜ ᱯᱮᱨᱮᱡ
ᱥᱳᱱᱟ ᱨᱩᱯᱟᱹ ᱢᱮᱱᱟᱜ ᱪᱮᱨᱮᱡ,
ᱟᱹᱰᱤ ᱱᱟᱯᱟᱭ ᱥᱟᱡᱟᱣ ᱟᱠᱟᱱ᱾
ᱡᱷᱚᱢᱚᱨ ᱛᱚᱲᱟᱭ ᱦᱚᱨᱚᱜ ᱟᱠᱟᱫ
ᱛᱟᱲᱟᱢ ᱯᱤᱪᱷᱩ ᱥᱟᱰᱮ ᱟᱠᱟᱫ,
ᱨᱟᱹᱥᱠᱟᱹ ᱨᱚᱢᱚᱡᱽ ᱡᱤᱭᱟᱹᱲ ᱟᱠᱟᱫ ᱾
ᱦᱚᱲᱢᱚ ᱨᱮᱛᱟᱭ ᱦᱚᱨᱚᱜ ᱥᱟᱹᱲᱤ
ᱛᱤ ᱨᱮᱛᱟᱭ ᱯᱚᱨᱦᱟᱣ ᱪᱩᱲᱤ,
ᱥᱟᱡᱟᱣ ᱟᱠᱟᱱ ᱵᱚᱸᱜᱟ ᱠᱩᱲᱤ ᱾
ᱢᱟᱨᱟᱜ ᱯᱤᱧᱪᱟᱹᱨ ᱥᱟᱵ ᱟᱠᱟᱫ
ᱥᱮᱨᱮᱧ,ᱟᱦᱟᱞ ᱟᱸᱫᱳᱲ ᱟᱠᱟᱫ,
ᱮᱱᱮᱪ ᱟᱛᱮ ᱪᱟᱞᱟᱣ ᱤᱫᱤᱜ ᱾
ᱟᱛᱳ ᱦᱚᱲ ᱧᱮᱞᱮᱭ ᱟᱠᱚ
ᱛᱷᱩᱛᱤ ᱛᱟᱞᱟ ᱨᱚᱯᱚᱲ ᱟᱠᱚ,
ᱦᱚᱯᱚᱱ ᱵᱟᱹᱵᱩ ᱠᱩᱲᱤᱭ ᱥᱟᱡᱟᱣ ᱾
==========
ᱞ ᱧ ==========
ᱥᱤᱨ ᱜᱤ ᱴᱤ
ᱥᱤ_ ᱫᱟ ᱦᱚᱯᱚᱱ ᱵᱤᱴᱤ
ᱧᱤᱨᱟᱸ ᱠᱟᱱᱮ ᱨᱤ ᱴᱤ ᱯᱤ ᱴᱤ
ᱩᱵᱽ ᱛᱟᱭ ᱯᱤ ᱴᱤ ᱯᱤ ᱴᱤ!
ᱟᱞᱮ ᱦᱚᱯᱚᱱ ᱵᱤᱴᱤ
ᱠᱟᱢᱤᱭᱟ ᱟᱴᱤᱥᱟᱴᱤ
ᱜᱷᱟᱥᱟᱣ ᱟ ᱛᱷᱟᱹᱨᱤ
ᱵᱟᱴᱤ
ᱠᱟᱢᱤ ᱛᱟᱭ ᱠᱷᱟᱸᱴᱤ᱾
ᱟᱞᱮ ᱦᱚᱯᱚᱱ ᱵᱤᱴᱤ
ᱜᱮᱫᱟ ᱢᱩᱱᱜᱟᱸ ᱥᱩᱴᱤ
ᱵᱟᱪᱷᱟᱣ ᱟ ᱩᱴᱤ ᱩᱞᱴᱤ
ᱵᱟᱭ ᱠᱷᱮᱞᱟ ᱞᱚᱠᱟ ᱜᱩ ᱴᱤ᱾
ᱟᱞᱮ ᱦᱚᱯᱚᱱ ᱵᱤᱴᱤ
ᱡᱚᱢᱟ ᱨᱩᱴᱤ
ᱢᱩᱱᱜᱟᱹ ᱥᱩᱴᱤ
ᱤᱥᱠᱩᱞ ᱵᱟᱝ ᱪᱷᱩᱴᱤ᱾
========== ᱞ ᱧ ==========
ᱥᱤᱸᱜᱟᱲ ᱛᱚᱨᱟ ᱦᱟᱭᱟᱢ ᱦᱟᱭᱟᱢ
ᱵᱩᱡᱷᱟᱣ ᱜᱚᱫᱚᱜ
ᱦᱮᱢᱟᱞ,
ᱚᱛ ᱞᱩᱜᱲᱤ ᱞᱟᱵᱤᱫᱽ ᱨᱮᱭᱟᱲ
ᱦᱚᱲᱢᱚ ᱥᱤᱦᱨᱟᱜ
ᱨᱟᱣᱭᱟᱞ ᱾
ᱥᱟᱨᱫᱤ ᱧᱤᱫᱟᱹ ᱵᱟᱹᱭᱛᱮ ᱨᱮᱭᱟᱲ
ᱩᱭᱳᱱ ᱦᱳᱭᱳᱜ
ᱢᱟᱥᱮ ,
ᱥᱤᱥᱤᱨ ᱧᱩᱨᱩᱜ ᱯᱚᱨᱳᱭ ᱯᱚᱨᱳᱭ
ᱜᱚᱴᱟᱜᱮ
ᱛᱟᱢᱛᱟᱥᱮ ᱾
ᱥᱟᱨᱩ ᱥᱟᱠᱟᱢ ᱠᱚᱸᱦᱰᱟ ᱵᱟᱰᱟᱨᱮ
ᱫᱟᱜ ᱫᱚ ᱥᱚᱲ
ᱟᱸᱲᱜᱚᱱ ,
ᱫᱤᱱ ᱵᱚᱫᱚᱞᱚᱜ ᱚᱠᱚᱛ ᱪᱟᱱᱫᱳᱨᱮ
ᱵᱚᱫᱚᱞ ᱪᱟᱞᱟᱜ
ᱜᱚᱲᱦᱚᱱ ᱾
========== ᱞ ᱧ ==========
আলে আতু কারাম গসাঁই
হিজুঃ আয় আলে হিরি।
সানাম তেলে দারাম এয়া -
মাঝি মড়েয়াঃ অৗন আরি।
আতু করেন দিদি তাক-
আর-হঁ তিনৗঃ গাতে।
মড়ে মাহালে যতন এয়া
এনেজ সেরেঞ সাঁওতে।
নিঠুর গেয়ায় কারাম গসাঁই
বানুঃ তায় দায়া-মায়া!
এনেজ-সেরেঞ নিশুন কাতে
জাঁগায় লাহায় তায়া!
তিনৗঃ কাতেলে হ-হ আয়া
দেলা হঁ-লে দেলা আয়া!
দিন পারমঃ সেরমা পুরৗঃ
আর-হঁয় হিরি লেয়া!
==========
ᱞ ᱧ ==========
আলে মৗই বডি ,
পাড়হাও তালেয়ায় অৗডি ,
বায় লেকাঃ ,
বায় ভেকাঃ ,
কিরিঞায় হাপেন গৗডি ৷
( 2 )
গড়ম হাড়াম গড়ম হাড়াম ,
পেয়া জাঁগাতে আমদম তাড়াম ৷
বাম ভাগাঃ ,
আমদম লাঁগাঃ ,
ধুকুর পুকুরঃ তাম কড়াম ৷
( 3 )
রেল গৗডি রেল গৗডি ,
আমদম চালাঃ জোরতে অৗডি ৷
আডি রগড় ,
আমদম গহড় ,
চালাঃ আম বাজার সাহার টাঁডি ৷
========== ᱞ ᱧ ==========
কিসৗড় করেন গিদৗর পিদৗর
নাপায় হরঃ বাঁদে
ইঞ দ হায়রে রেঙ্গেজ হপন
অড়েচ হরঃ বাঁদে।
গৗডি চেতান সাদম চেতান
পাতা ঞেলকো সেনঃ
ইঞ দ হালে আনাট খৗতির
রেঙ্গেচ তেগেঞ তেনঃ।
লিলিবিচি মারশাল বৗতি
ঞেলঃ বিলিচ বালাং
আলে অড়াঃ কাড়াং কাড়াং
ঞুঁত তেগে চ দানাং !
পরব পৗলি পাতা ছাতা
জম ঞুঁ নাপায় নাপায়
ইঞ আয়ো দ কৗউডি বেগর
খুদি চাওলেয় দাকায় ।
কিসৗড় করেন গিদরৗ কদো
জমাঃ ককো গিডিয়
আলে লেকান রেঙ্গেজ গিদরৗ
হৗর কাতে কো ইদিয়।
কাদাম বিলি দারে চেতান
ঞেলাঞ লৗডু লেকা
জজো রেহঁঞ হৗম্বুড় জমা
রবজ লাডু লেকা।
গাডা আড়ে কৗশি গেলে
কিসৗড় হড়কো হিলৗও
রেঙ্গেজ হড়াঃ রেঙ্গেচ তেতাং
চেকা তেলে বুলৗও ?
ইঞ হঁ বাবা কামরু গুরু
আকিল ইমৗঞ মেসে
রেঙ্গেচ তেতাং সাহায় লৗগিৎ
দাড়ে ইমৗঞ মেসে !
========== ᱞ ᱧ ==========
আমদো
চেঁড়ে
আলম
রাগা
খাঞচা
ভিতির
খনা: ,
বাংকো
বুঝৗও
আমা:
জলন
গাঁহির
মনে
খনা: ।
সারা
ঘৗঁড়িঞ
মেতা
কওয়া
আড়া:
কায়পে
দেসে ,
আচরিন অড়া:
হড়কো তিনৗ:
উয়হৗর
রেকো
মাসে ।
গিদরৗ
গিয়ৗঞ মেনতে ইঞদো
বাংকো
আঁজম
কাথা ,
আমা
জলন
ইঞিঁঞ বুঝৗও
দানাং
তাঁহেন
কাথা ।
আমদো
চেঁড়ে
আলম
রাগা
নিতগিঞ আড়াঃ
মেয়া ,
ঞিঁর
জংমে
আপে
অড়া:
তিনৗঃকো উয়হৗর মেয়া ।
==========
ᱞ ᱧ ==========
ভাদর্
আশিন্
বাড়গে
লাতার্
লিবয়্
লবয়্
কৗশি,
গাডারে
হৗকু সাবকো
লৗগিৎ
মৗনমিক বেনাও
পৗশি ।
কৗশি বাংখান
মাৎ্
রেনা্ং
হড়কো
বেনাও
টরডাং,
সাব্
কোওয়াক বাইহাড় খেতরে
হৗকু কাটকম
বারুডাং ।
কৗমি
লেখান
ঞাঁপাম্ গেয়া
কৗমি রেনাং
কুড়ৗই,
কুরু
মুটু
ঞেঁলতে
আমাং
রেঁগেজ্ রাবাং দাড়ায়
।
চাঁদো
সিরজন্
ধৗরতি রিনিজ্
কুড়য়ৗ মৗনমি অকয়,
আসকেৎ
খাতির
জৗপিৎ কাঃআয়
জজম্
লৗগিৎএ ককয়
।
কৗমি বতরতে
কুঁবড়ুই চালাঃ
ঢিংকি
লেকায়
কাই,
দালতে
দেয়া
হারতাক
পুটুর্
বাঁঞকুঁবড়ুয়া আদয় লৗই ।
রৗপুদ্ জাঁগা
খড়দা
কুড়য়াদ
বুবরুম্ সিম্ এঁগা,
কৗমি বাংতে
জমাঃ
আকাল
বৗনুঃ ভাগোওয়া ডেঁগা
।
জৗপিদ্ সাড়া
সৗতিঞ ঞিঁদৗ
অডোক
সেনঃএ
অড়াঃখন,
কাড়াং
ঞুঁতৗত্ তাগাড়্ নাচাড়্
টরডাংএ রাড়ায় সিয়ৗড়াখন্
।
জম্
কোওয়ায় মেনতে হাকু
ঘুগিয়্ আতকির্ লোভিস্টা,
অড়াঃরে ঘুগিয়ে কটায়্
ঞেঁলায়্
মৗনমি কোওয়াঃ ঘিসটা ।
========== ᱞ ᱧ ==========
গড়ম সৗগৗই আডি সড়ম
গুড় গতম লেকা হেড়েম।
গড়মেয়া রড় লাঁদা
পেরেচ ঠিলি চেড়েম চেড়েম।
বক বয়হা দৗই দাদা
মায়াম্ সৗগৗই আর হঁ যুদৗ
দুলাড় সৗগৗই তে তল মেনাঃ
যত কোওয়াঃ বাঞ্চাঃ সানা।
দারে নৗড়ি ডগ্ লেকা
হারা বুরুঃ মৗনমি সৗগৗই
আতিঞ চালাঃ মৗনমি মনে
সিবিল রড়তে সৗগৗই তলে।
সৗগৗই আলম তপাগ্ সৗরি
বেধাও তাহেন অৗরি
হেড়েম সৗগৗই চাবা লেখান
ঞুত ঞৈল ধৗরতি পুরি।
অকাম ঞামাঃ বাম কুশিঃ
হড়াঃ ঞেল তেম পাঁজায় বুগি
আমঠেন গে হেনাঃ আমাঃ মজ
মৗনমি জিয়ন সুলুক সৗগৗই খজ।।
==========
ᱞ ᱧ ==========
আডি সেদায় যুগরে
আবো দিশোম তালারে।
হুদুড় দুর্গা ঞুতুমান
মারাং রাজে তাহেকান।
উনিয়া দাড়ে ঞেলতে
বুরু হিলৗঃবতরতে।
কুল তারুব হৗতি
থারথারাঃ তাকো ছৗতি।
মারাং মারাং জঁধা
উনিঠেন হারুল ভঁদা।
হারুল জতো বীর
বতর তেক ঞির।
হারুল জতো ছৗতিক
তেয়ার কেদাকো যৗতিক।
জুমিৎ এনাকো জতো
রাজ পাঁহুড় মাতো।
মিৎদিন ঞিদৗ ভোর
রাজ জৗপিৎরে ঘোর।
ছৗতিক কুড়ি হপন
রাজগাড় ভিতিরে বলন।
বাতার ঞেল কাতে
রাজে সবোঃ কেদে।
আবো দিশম দখলেন
ছৗতিক রাজ এহোবেন।
দুক জালা আবো
দাঁশায় দাঁড়ান আবো
সেরেঞ দুরৗং আতে
গটা হানতে নাতে।
========== ᱞ ᱧ ==========
মিৎগেল ইরৗল সাল ইরৗল গেল রে
উনি উপেল লেনে,
হাজারিবাগ জিলৗ রামগড়রে আচ্
ধরম গুরু এনে।
মেনলেৎ খেরওয়াল ধরম রেগে
পৗ্তয়ৗ পেদো আপে,
বঁগা বুরু দেওয়া সেওয়া
মঁজগে মানাও তাপে।
শুকরি কদ আশুল মানা
উনরে মেন কেদায়,
সাফা সাফি তাঁহেন রেয়াঃ
আঁদোড় সিরজৗও লেদায়।
আয়মা সান্তাড় কৗউডি আতে
হিরি সেনলেন গেকো,
সলহে কাথা আঁজম বাবত
আডি জোহার আকো।
উনগে কাথায় লৗই লেনায়
নাপায় কাথা আতে,
সেতাঃ সিঁগৗড় ঈশ্বর বাবা
ঞুমেপে জত কোতে।
হড় লেখা কৗমি অক্ত করে
বিরুধ বাড়া কেদে,
তাড়ওয়াড়ি সঁগে কাতে ভালা
গোটায় দাঁড়া লেদে।
লাইসেন্স হাতাও তেদো সরকার
মেতাদে তাঁহে অনা,
বাংগেয় বাতাওরে ব্রিটিশ ঠেনে
উনদয় পাকড়াও এনা।
দিলগৗর কাজকাম তায় আদ
একাল দহ আনা,
উনখন গেথ সান্তাড় নেতার
উয়হৗর ইদি কানা।
========== মুচৗৎ ==========
.webp)
.webp)
.webp)
