আবোওয়াঃ ডিজিটাল ডেক্সঃ- আগিল অনলিয়ৗ মাঝি রামদাস টুডু "রেসকা"আঃ সৗগুন জানাম মাহা মানাওএনা পুরুলিয়া জেলা রেনাঃ বান্দোয়ান জাপাঃ সাসাং বেডারে। নোওয়া আখড়াদয় সৗহিজুহি লেদা সানতাড়ি লিটারেরি ফোরাম আর সাসাং বেডা সাঁওহেৎ মাঁডের।
পারমেন ২ অক্টোবর ২০২৩ হিলোঃ আখড়া ভৗরি ভরম সালাঃ মানাওএনা। আখড়ারে মারাং পেড়া লেকাতে সেটের তাঁহেলেনা ঞুমহালাং অনলিয়ৗ সারদা প্রসাদ কিস্কু (খেরওয়াল বৗসিয়ৗ) নেওতা পেড়া "সিলি " সাসাপড়াওইচ্ কলেন্দ্রনাথ মান্ডি মৗনৗন পেড়া লেকাতে রবীন্দ্রনাথ হেমব্রম, পতিত পাবন মুরমু্, আমিনেশ্বর হেমব্রম , সুধীর কুমার মুরমু,সতন কুমার সরেন ,হরলাল মুরমু, সাধুরাম সরেন সাঁওতে আয়মা সাঁওহেৎ দুলৗড়িয়ৗ আর সাসাং বেডা বিদ্যাগাড় রেন সাঁগে মৗইবাবু কো।
মাঝি রামদাস টুডু আঃ জানাম মাহা সাঁওতে দিশম বাবা মাহাত্মা গান্ধীয়াঃ চিতৗর মুঠৗন রেহঁ দিহৗবৗতি জেরেৎ সাঁওতে বাহামালা আরাও কাতে জানাম মাহা মানাও হোয় সৗরি এনা । আখড়ারে অনলিয়ৗ আঃ জিয়ন আর সাঁওহেৎ চারচা লৗইতে অড়ে অড়পাত গালমারাও হোয় সৗরিএনা । সাঁওতে সেরেঞ অনড়হেঁ বাঁখেড় তালাতে আখড়া নাপায়গে জমকাও লেনা। আখড়ারে পতিত পাবন মুরমু আঃ অলাঃ অনল পুথি "বুডহি গ আঃ লুতি কাথা " মারাং পেড়ায় উডহাউ কেদা।
আখড়া চাচলাওরে তাঁহে কানা "তেতরে " পাথাম
সাসাপড়াওয়িচ্ মানতান মহাদেব হাঁসদা। সৗগুনান আখড়া সৗৎ সাপড়াও লেৎ সানতালি লিটারেরি ফোরাম পুরুলিয়া রেন সেক্রেটারি মানতান অরুন কুমার সরেন আর সাসাং বেডা সাঁওহেৎ মাঁডের ( চিলা) রেন সেক্রেটারি মানতান সূর্যকান্ত মুরমু আখড়ারে সেটের লেন সানাম সুবুদিয়ৗ ক গুন মানাও মানত জহার আর সারহাও চাল কাতে গে আখড়া মুচৗৎ এনা ।
.webp)
.webp)
.webp)
