সিঁগি মাহা রেনাঃ সাকাম ‘চেরেচ্‌ আড়াং’ লেখা- ১৫৪

 

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com|   

 

তেহেঞা আখড়ারে যাঁহায় কো সেলেদ্‌ আকান- ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ,  ᱠᱤᱥᱠᱤᱱ ᱫ ᱷ ᱟ   ᱢ ᱩᱨᱢ ᱩ,  ᱜᱟᱛᱮ ᱴᱩᱣᱟ.ᱨ,   ᱨᱟᱢᱯᱚᱫᱚ ᱠᱤᱥᱠᱩ, বাড়তাং সরেন, সমর লাল, সনৎ কুমার হাঁসদা, দুর্গাচরণ মুরমু,  সীতেন মান্ডি, সনাতন টুডু, দুগাই টুডু।

  

১।|

ᱥᱟᱹᱨᱫᱤ ᱡᱟᱹᱯᱩᱫᱽ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱡᱷᱩ ᱡᱷᱩᱭᱮ ᱫᱟᱜ
ᱨᱚᱴᱮ ᱠᱚᱠᱚ ᱨᱟᱜ ᱿

ᱨᱟᱦᱽᱞᱟ ᱨᱤᱢᱤᱞ ᱩᱰᱟᱹᱜ
ᱵᱷᱤᱛ ᱯᱤᱸᱰᱟᱹ ᱵᱩᱰᱟᱹᱜ ᱿

ᱠᱩᱞᱦᱤ ᱰᱟᱦᱟᱨ ᱞᱚᱥᱚᱫ
ᱥᱤᱢ ᱢᱮᱨᱚᱢ ᱞᱚᱦᱚᱫ ᱿

ᱵᱟᱲᱜᱮ ᱟᱲᱟᱜ ᱜᱷᱟᱸᱝᱨᱟ
ᱦᱚᱭ ᱛᱟᱵᱮᱨ ᱡᱚᱱᱨᱟ ᱿

ᱫᱟᱜ ᱡᱷᱤᱨᱤ ᱡᱷᱤᱨᱤ
ᱨᱤᱢᱤᱞ ᱪᱤᱨᱤ ᱵᱤᱨᱤ ᱿

ᱦᱚᱭ ᱨᱟᱵᱟᱝ ᱨᱟᱵᱟᱝ
ᱫᱟᱞᱚᱵᱽ ᱮᱥᱮᱫ ᱚᱣᱟᱝ ᱿

======== ᱞ ᱧ ==========

২।|

ᱜᱟ.ᱰᱤ

ᱜᱳᱯᱮᱥᱣᱚᱨ ᱢᱟ.ᱱᱰᱤ

  

ᱱᱟᱱᱟ ᱦᱩᱱᱟ.ᱨ ᱜᱟ.ᱰᱤ ᱧᱤᱨᱟᱜ

ᱰᱟᱦᱟᱨ ᱛᱟᱞᱟ ᱨᱮ,

ᱦᱟᱱᱛᱮ ᱱᱚᱛᱮ ᱠᱷᱚᱱᱟᱜ ᱫᱟᱨᱟᱭ 

ᱮᱛᱚᱢ ᱛᱟᱭᱚᱢ ᱨᱮ ᱾

 

ᱯᱤᱠ ᱯᱳᱠ ᱦᱳᱨᱱ ᱵᱟᱡᱟᱜ

ᱞᱩᱛᱩᱨ ᱥᱩᱨ ᱨᱮ,

ᱵᱟᱡᱟᱨ ᱥᱟᱦᱟᱨ ᱦᱚᱨ ᱫᱷᱟᱨᱮ

ᱟ.ᱲᱤᱥ ᱵᱩᱷᱟ.ᱜ ᱨᱮ ᱾

 

ᱦᱚᱭ ᱛᱟᱞᱟ ᱫᱷᱩᱶᱟ. ᱢᱮᱥᱟᱜ

ᱟ.ᱰᱤ ᱵᱟ.ᱲᱤᱡ ᱜᱮ,

ᱦᱟᱯᱮᱱ ᱫᱤᱱ ᱡᱤᱣᱤ ᱠᱷᱟᱸᱰᱟᱣ

ᱟ.ᱰᱤ ᱡᱚᱴᱤᱞ ᱜᱮ ᱾

 

ᱥᱟᱸᱦᱮᱫ ᱦᱟᱛᱟᱣ ᱮᱴᱠᱮ ᱴᱚᱲᱮ

ᱦᱩᱭᱩᱜ ᱠᱟᱱ ᱜᱮ,

ᱠᱮᱱᱥᱟᱨ ᱞᱮᱠᱟᱱ ᱟᱡᱟᱨ ᱦᱟᱯᱮᱱ

ᱫᱟᱨᱟᱭ ᱠᱟᱱ ᱜᱮ ᱾

 

ᱦᱟᱸᱰᱮ ᱱᱚᱰᱮ ᱪᱟᱞᱟᱜ ᱦᱤᱡᱩᱜ

ᱢᱤᱫ ᱜᱷᱟ.ᱲᱤᱡ ᱛᱮ,

ᱟᱨᱟᱢ ᱧᱟᱢ ᱟᱠᱟᱫ ᱢᱟ.ᱱᱢᱤ 

ᱜᱟ.ᱰᱤ ᱢᱮᱱᱟᱜ ᱛᱮ ᱾

 

ᱱᱟᱦᱟᱜ ᱡᱩᱜᱽ ᱜᱟ.ᱰᱤ ᱵᱮᱜᱚᱨ

ᱪᱟᱞᱟᱜ ᱡᱚᱴᱤᱞ ᱜᱮ,

ᱟ.ᱦᱤ ᱵᱷᱟ.ᱵᱤᱭ ᱢᱟ.ᱱᱢᱤ ᱦᱚᱯᱚᱱ

ᱪᱮᱫ ᱪᱮᱠᱟᱭ ᱜᱮ ?

======== ᱞ ᱧ ==========

৩।|

ᱯᱩᱥᱤ   ᱦᱚᱯᱚᱱ

ᱠᱤᱥᱠᱤᱱᱫᱷᱟ   ᱢᱩᱨᱢᱩ

  

ᱯᱩᱥᱤ ᱦᱚᱯᱚᱱ ᱜᱩᱱᱩᱨ ᱜᱩᱱᱩᱨ

         ᱫᱟᱠᱟ ᱚᱲᱟᱜ ᱥᱮᱱ  ,

ᱪᱩᱴᱤᱭᱟᱹ ᱜᱩᱰᱩ ᱦᱟᱰ ᱵᱟᱰᱟᱣ

          ᱫᱟᱹᱲ ᱪᱩᱠᱩᱭᱮᱱ  ᱾

 

 

ᱢᱮᱞᱚᱫ ᱢᱮᱞᱚᱫ ᱠᱚᱪᱟ ᱠᱩᱱᱥᱮᱱ

         ᱯᱩᱥᱤᱭ ᱠᱚᱭᱚᱜ ᱦᱟᱯᱤ ,

ᱱᱤᱛᱢᱟ ᱱᱤᱥᱩᱱ ᱛᱷᱤᱨ ᱛᱷᱟᱨᱮᱱ

        ᱜᱷᱟᱱᱮᱭ ᱞᱟᱲᱟᱣ ᱪᱩᱯᱤ  ᱾

======== ᱞ ᱧ ==========

৪।|

ᱦᱟᱨᱟᱫᱷᱚᱱ

ᱜᱟᱛᱮ ᱴᱩᱣᱟ.ᱨ

 

ᱞᱟᱞᱤᱥᱟᱭ    ᱦᱟᱨᱟᱫᱷᱚᱱ

ᱟᱰᱤᱛᱟᱭ      ᱫᱚᱜᱚᱫᱷᱚᱱ

ᱦᱟᱨᱟᱫᱷᱚᱱ  ᱠᱷᱟᱴᱤ ᱦᱚᱲ

ᱢᱮᱛᱟᱭᱟᱠᱚ  ᱞᱚᱦᱚᱫ ᱵᱚᱲ ᱾

 

ᱠᱟᱛᱷᱟ ᱡᱩᱫᱤ ᱥᱟᱨᱤ ᱜᱮ

ᱛᱚᱵᱮ ᱠᱷᱟᱱ   ᱡᱟᱨᱤ ᱜᱮ

ᱵᱟᱦᱩᱛᱟᱭ   ᱥᱟᱵᱩᱫᱟᱭ

ᱡᱷᱚᱛᱚ ᱠᱟᱢᱤ ᱵᱚᱨᱵᱟᱫᱟᱭ ᱾

 

ᱦᱟᱨᱟᱫᱷᱚᱱ  ᱠᱟᱢᱤ ᱦᱚᱲ

ᱫᱳᱥ ᱛᱟᱭ        ᱵᱟᱭ ᱨᱚᱲ

ᱱᱤᱡᱟᱞᱟ       ᱠᱟᱢᱤ ᱛᱟᱭ

ᱮᱜᱮᱨᱟᱭ       ᱵᱟᱦᱩ ᱛᱟᱭ᱾

 

ᱨᱟᱜᱤ ᱠᱟᱛᱮ  ᱦᱟᱨᱟᱫᱷᱚᱱ

ᱪᱷᱩᱴᱟ.ᱣ ᱠᱚᱜ    ᱟᱢᱚᱨᱚᱱ

ᱮᱱᱦᱚᱸ ᱠᱚᱫᱚᱨ ᱵᱟᱱᱩᱜ ᱟᱱ

ᱠᱟᱢᱤ ᱠᱟᱛᱮ    ᱴᱷᱟᱱᱢᱟᱱ ᱾

 

ᱟᱰᱤ ᱢᱟᱴᱷᱳ ᱢᱮᱱᱟᱠᱚ ᱦᱚᱲ

ᱚᱱᱟᱛᱮᱥᱮ   ᱞᱚᱦᱚᱫ ᱵᱚᱲ

ᱞᱚᱦᱚᱫ ᱵᱚᱲ        ᱴᱚᱥᱨᱟ

ᱦᱟᱨᱟᱫᱷᱚᱱ       ᱯᱚᱥᱲᱟ ᱾

======== ᱞ ᱧ ==========

৫|। 

ᱫᱟᱜ

 ᱨᱟᱢᱯᱚᱫᱚ ᱠᱤᱥᱠᱩ

        

         ᱴᱤᱯᱚᱜ   ᱴᱚᱲᱚᱜ

          ᱫᱟᱜ ᱫᱚ  ᱡᱚᱨᱚᱜ

         ᱫᱟᱨᱮ ᱥᱟᱠᱟᱢ ᱠᱷᱚᱱ

            ᱴᱚᱲᱚᱜ ᱴᱚᱲᱚᱜ

           ᱢᱮᱫᱽ ᱫᱟᱜ ᱡᱚᱨᱚᱜ

       ᱠᱟᱸᱦᱤᱥ ᱡᱤᱣᱤ ᱠᱷᱚᱱ᱿

            ᱡᱷᱤᱯᱤᱨ ᱡᱷᱤᱯᱤᱨ

           ‌‌ᱫᱟᱜ ᱮ ᱡᱟᱲᱤ

ᱥᱮᱨᱢᱟ  ᱞᱟᱯᱷᱟᱝ  ᱠᱷᱚᱱ

    ᱦᱤᱰᱤᱨ ᱦᱤᱰᱤᱨ

  ᱢᱮᱫᱽ ᱫᱟᱜ ᱡᱚᱨᱚᱜ

 ᱵᱤᱪᱷᱚᱠ  ᱡᱤᱣᱤ ᱠᱷᱚᱱ ᱿

         ᱫᱟᱜ ᱫᱚ ᱢᱮᱱᱟᱜ

         ᱫᱷᱟᱨᱛᱤ ᱨᱮᱱᱟᱜ

ᱥᱟᱱᱟᱢ  ᱯᱟᱠᱟᱲ  ᱜᱚᱴᱟ

      ᱦᱚᱲᱢᱚ  ᱵᱷᱤᱛᱟᱹᱨ

     ‌ ᱟᱭᱢᱟ ᱩᱛᱟᱹᱨ

ᱨᱚᱜᱟ  ᱪᱟᱦᱮᱢ  ᱢᱚᱴᱟ ᱿

    ᱫᱟᱜ ᱜᱮ ᱡᱤᱭᱚᱱ

    ᱵᱟᱝ ᱠᱷᱟᱱ  ᱢᱚᱨᱚᱱ

ᱫᱟᱜ ᱫᱚ  ᱫᱮᱵᱚᱱ ᱡᱚᱜᱟᱣ

    ᱟᱹᱛᱷᱟᱹᱣᱲ ᱫᱚ

     ᱵᱟᱵᱚᱱ  ᱜᱤᱰᱤ

ᱠᱟᱢᱤ  ᱨᱮᱵᱚᱱ  ᱞᱟᱜᱟᱣ ᱿

======== ᱞ ᱧ ==========

৬।|

ওহায় আপুঞতিঞ

বাড়তাং সরেন

 

অকারে হায় মেনায় তিঞা আপুঞ দিশম তালা,

নোওয়া রিলৗমালা ঘারঞ্জরে সিরজনপুরী তালা?

আপাত দুলৌড় শাসন,সানামকো ঞাম ওনকো,

অলঃ আকিল রান মুরগৗন সাঁওতে জিল হাকো;

পরব পৗলি হাট বাজার, আপাত তি সাপ্ কাতে,

অকয় দকো সেনঃকানা দৗবিরে ঘোড়া কাতে।

মেনকো কাথায় বাবা দুলৗড় দারে উমুল লেকা,

ইঞদ হায়রে হালে ডালে টুয়ৗর গিদরৗ লেকা ।

দুলৗড় দারে জনমদাতা চেৎ হঁচ বাঞ বাড়ায়,

মায়াঃমুয়ুঃ বতর জালা ইঞদঞ কয়ঃ বাড়ায়।

 

বাবা তাঁহেন দিল দাড়ে দ সারজম খুন্টি লেকা,

হয় ভারডো জারগে জৗপুৎ চেৎ হঁ বাম চেকাঃ,

দরয়া তালাম উনুম রেদ বাবায় অয়ার মেয়া,

সেঙ্গেল রেয়েম আতার রেদ বাবায় সাহা মেয়া।

তাড়াম হর রে তহৎ হাঁড়াঃ বাবায় সুতুঃ মেয়া,

নাচার টুয়ৗর হড় দ ওহায় অকয় চ দুঃ মেয়া !

চেদাঃ হায়রে চাঁদো বঙ্গা বাবাম ইদি কেদে ,

অকা গাড়রে সেরমা চেতান অকাম চুকুকেদে  ?

চেৎ কৗয়তে আপুঞ দয়েম ইদি কেদে তিঞ ?

রুয়ৗড় কায়মে চাঁদোবঙ্গা ,ওহায় আপুঞতিঞ  !

======== ᱞ ᱧ ==========

৭।|

বান্ দাঃ

সমরলাল টুডু

 

আষাড়   শান   ঝারগে   জৗপুৎ

শাংখাগাডা   দাঃতে   চড়াং,

গাডা   ডঁঢর   সতেল   আকান

বৗনুআন   গাডা   দাঁড়াং   ।

 

গাডা   ডাহার্   বৗগি   কাতেদ

গডাসেন   দাঃদ   লিঁগিন,

কোঁবড়ো   ডাঁগরি   লোগোদে   রেঁহম্

কোঁবড়ো   বাংএ   বৗগিন্   ।

 

কামসাও   সাদমে   লেবেদ   লটম

দিশুম   রেনাঃ   দুরিব,

অড়াঃ   দুওয়ৗর   সামকা   সাটুব্

চেৎএম   চেকায়   গুরিব্   ।

  

হানে   ঞেঁলঃকান   অড়াঃ   মুতুল্

সামুদ   গাডা   তালা,

দুনিয়ৗ   ধৗরতি   দাঃতে   ডুবুজ্

হড়কোওয়াঃ  তিনাঃ  জালা  ।

 

মৗনমি   হপন   মিহু   মেরম

বিঞ   কিদিঞ   বাবের্,

কাডা   ভেডা   হৗথি   সাদম্

বানদাঃ   চেতান   তাবের্   ।

 

বছর   দিনরে  মিৎদিন  বারসিঞ

আলে  সানাম  পেড়া,

বুসুব্  অড়াঃ  দালান  কোঠা

বাংলে  হুডিঞ  সেঁড়া  ।

 

হিসকৗ  হুলুং  ঝালাং  ঝুলুং

মনেরে  আলোম  বাসায়,

চাঁদো  সিরজোন  হড়মো  আমাং

জিউই  সানামে  কাসায়  ।

 

ধৗরতি  পুরিরে  সুলুক্  নিরৗই

চাঁদো  গেচয়  সিরজৗও,

দাঃগে  জিউই  দাঃ  তেগেথ

জমাঃ  ঞুঁওয়াঃব  আরজাও

======== ᱞ ᱧ ==========

৮|। 

সুয়ৗ কাথা

সনৎ কুমার হাঁসদাঃ

      এড়ে কাথা, সুয়ৗ কাথা
                         একাল বাং বুগি।
        লৗয় চাল কাথা তেদ -
                           মঠে আলম রৗগিঃ।


          সুয়ৗ কাথা হড় কঠেন
                            বাং ভৗগিয়া লৗয়।
            হড়াঃ কাথা অর বাড়ায়,
                            আডি মারাং কৗয়।


            চেতান কুলহি যুগয়ৗ হাড়াম,
                            আডিয় সুয়ৗ গেয়া।
          অনা খৗতির সানাম হড়গে,
                            বাংক কুসি আয়া।


           সুয়ৗ কাথা লৗয় খাতির
                            হানা টলারেন শ্যামা।
          যুগয়ৗ সাঁওয়ে ধুরৗও লেনা
                          দাল তাপাম ঞামাঃ।


         সুয়ৗ কাথাতে তপাঃ আকান
                         তিনৗঃ সিবিল সৗগেয়।
          সুয়ৗ কাথা,মিছৗ কাথা
                      তিস হঁ বাংবন লৗয়।।

======== ᱞ ᱧ ==========

৯।|

জৗপুৎ দিন

দুর্গাচরণ মুরমু

 

আসাড় সান জৗপুৎ দিন

দাঃএ জৗড়ি দমে,

গাডা মুডু চেহেল চেপেল

রিমিল সিতুংএ জমে।

 

সেরমা চেতান হেঁদে রিমিল

অটাং তারাল বাসাল,

ঘানে জৗড়িয় ঘানে আসুড়

পাইড়া লেকায় দাদাল।

 

সিঁগৗড় তরা অড়াঃ কুডৗম

টুরি রটে টর্‌টর্‌,

পোকো: রটে বারুডাং বাকজুনু

ঘুঘরী রৗস্কৗতে হর্‌রর্‌।

 

আতো অড়া: কুলহি ছাটকা

লসদ লেসেক পেসেক,

ডাংরী কাডা মেরম ভিডি

গড়ারে হেসেক ফেসেক।

 

বৗইদ বৗইহৗড় হোড়ো চাষা

খেতরে লুসু পুঁডু,

আফরে তুৎ অড়া: গুনু

কয়োগ লুঁডু লুঁডু।

 

হোড়ো ক রহয় কৗকি হাতম

সেরেঞ দুরৗং আতে,

হপন বাবুয় কুচুড় দদন

ঘানে আতেন নাতে।

======== ᱞ ᱧ ========== 

১০।|

হাহাড়াঃ

সীতেন মাণ্ডি

 

দাঃ রেন জিব জিয়ৗলি

নাওয়া দাঃ রে ছিল বিল

খেত বৗইদ চেহেল চেপেল

রৗস্কৗ তেক ঞাপাম ঞেপেল।

 

হৗকু কাটকম রকচ্ ঘঙ্ঘা

  দাঃ তাক জিয়ন ঢঙ্গা

  চৗষি বৗসি হড় লেকা

দাঃ দারাম চেঁড়ে লেকা।

 

আষাঢ় শান হেঁদে রিমিল

হয় তে উডাঃ চিহিল চিহিল

রিমিল খন গে দাঃ হিজুঃ

তেতাং জিউয়ি টাটোয়াস গুজুঃ ।

 

    টাঁডি টিকর দারে নৗড়ি

লেগেচ্ লেগেচ্ হৗড়িয়ৗর ঞেলঃ

সেরমা দাঃ তে অত হাসা

লৗবিদ্ হড় ম জিউয়ি আশা।

 

জৗপুদ্ রিতু কয়ঃ তাঁগিরে

রিমিল ধৗরতি চেৎ সুতৗম তে

সিরজন কৗমি বাং বাপাগঃ

গুনি ভৗবি তিনাঃ হাহাড়াঃ।

======== ᱞ ᱧ ========== 

১১।|

সৗরি আর এড়ে

সনাতন   টুডু

 

এড়েয়  মেনা ইঞিঞ  মারাং

সৗরিয়  মেনা  ইঞ ,

এড়েয়  দরবার  গটা কুলহি

সেতাঃ  সিঁগৗড়  সিঁঞ ।

 

সৗরিয়  তাঁহেন  ঢিট  লেকা

লাড়াও  রেনাঃ  বৗনুঃ,

হিজুঃ  রেহঁ   হয়   বৗরডু

হিলৗও  রেনাঃ  বৗনুঃ।

 

এড়েয়  সাজাওঃ  মারাঃ লেকা

লিবয়  লবয়  তাড়াম ,

রিঝৗও  কাতেদ  আডি  হড়গে

পাঁজা  রেকো  তাড়াম ।

 

সাঁগিঞ  খনাঃ  সৗরি  আদো

মুলুচ  মেসায়  লাঁদায় ,

তাঁহেন  গেয়ৗঞ  জুগে  জুগে

জাহানাঃ গেম  ছাঁদায় ॥

======== ᱞ ᱧ ==========

১২।|

লক্ষীরাম হেম্ব্রম

দুগাই টুডু

 

লক্ষীরাম হেম্ব্রম ঞুতুম মিৎটাং

    তাঁহে কানে হড়গে,

মানওয়া ভৗলৗই করে উনি

     সেটের বাড়া থরগে।

 

ভারত ছাড়ো লাড়াওনা রেদ

    সেলেদ্‌ অন যখান,

হড় হপনকো জাওরা কাতে

     আচগে লাহা আকান।

 

অড়া তায় লালগাড়িয়া আতো

    রামগড় খন সোরগে,

মেদিনীপুর খনাঃ হৗটিঞ নাহাঃ

    ঝাড়গ্রাম জেলা রড়গে।

 

আবগৗরি দকান হৗপিৎ লৗগিৎ

    কুরুমুটু কেদায়,

সরকার কৗমি চালাও বিরুদ্‌

     তেঁগু দারাম লেদায়।

 

ইংরৗজ পুলিশ ঠেনখন হড়কো

   অনে দোঃগে আনায়,

ব্রিটিশ অনে উনরে আদ

   অৗডি বতর আনায়।

 

হুলসৗয় আঁদোড় কাজাক উনরে

    চালাও ইদি কেদায়,

দিসম দুলৗড় দহ লেদ্‌তে

    নেতার দিসৗ মেনায়।

 

======== =মুচৗৎ= ========