নিয়ৗ মাহারে মানতান মানতিয়ৗ কওয়াঃ সৗগুন কৗমিহরা তালাতে জেলা হেলমেল
সৗৎ সৗরিয়েনা। নিয়ৗ হেলমেলরে লাহা তেনাঃ জেলা কমিটি আরুফেরাও সাঁওতে নাওয়া লেকাতে জেলা কমিটি বেরেৎ এনা দারায় কান বার সেরমা লৗগিৎ। বেরেৎ এন কমিটি দ,পুরুলিয়া জেলা রেনাঃ আদিবাসী কওয়াঃ আয়মা লেকান আনাট এটকেটঁড়ে ইদি কাতেয় কৗমিয়া মেনতে বাড়ায় আকানা । কলেজ রেনাঃ তালিকারে অ-আদিবাসী ক বিরুধরে রড় দারাম, জেলা মহকুমা খন এমঃ কান জাতি শংসাপত্ররে অ-আদিবাসী কওয়া বিরুধরে হেয়ারিং সৗহিজুহি, আদিবাসী কওয়াঃ আয়মা লেকান আনাট যেলেকা আদিবাসী স্কুল এটাচ হোস্টেল খুলৗউ, চৗকরী বিনিডরে আদিবাসীয়াঃ রাখা জুড়ু বেনেয়াম লেকাতে নিয়োগরে ডাঁডা উরিচ কাতে জোর মুরুক লৗড়হৗই রেহঁয় আঁড়গোনা। বেরেৎ এন নাওয়া জেলা কমিটিরে সানাম ব্লক খনাঃ বার হড় চেঠা রৗশিয়ৗ আতে ৫০ জনা আঃ জেলা কমিটি বেনাও এনা।
জেলা সভাপতি লেকাতে তাঁহেয়েনায় সতন কুমার সরেন জেলা সম্পাদক আঃ দায়ভার গঃ কেদা গনেশ চন্দ্র মাহালী। নুকিন বেগর গড় সপহৎরে তাঁহেয়েনা তুরুই গটাং ব্লক রেন সভাপতি আর সম্পাদক । নওয়া হেলমেলরে মৗনান পেড়া লেকাতে সেটের লেনাকো পনত সভাপতি মিতন চন্দ্র টুডু, ভারতীয় আদিবাসী ভূমিজ সমাজ পাহটা খন জেলা সভাপতি জলধর সিং সর্দার, পনত সহ সম্পাদক রূপচাঁদ সিং সর্দার, ওয়েলফেয়ার মাহালি সোসাইটি খন জেলা সভাপতি মথুর চন্দ্র মাহালী,কড়া সমাজ রেন জেলা সভাপতি পশুপতি মুদি, শবর সমাজ খন মহাদেব শবর,কারমালী সমাজ খন রহিন কারমালী,উপেন কারমালী,লোহার সমাজ খন মানিক লোহরা, বীরহড় সেনখন কাঞ্চন শিকারী এমান ।
.webp)
.webp)
