আবোওয়াঃ ডিজিটাল ডেস্ক- পুরুলিয়া
জিলৗ আড়শা থানারে মেনাঃ জাঞ্জিলমান ক্লাব সনত্ তারাস আঃ সৗহিজুহিতে সাপড়াওলেন ১৬৮
সেরমা পুরৗও ৩০ শা জুন হুলমাহা অৗডি জাঁকজমক সালাঃ হুয় পারমেনা। নোওয়া হুলমাহা মানৎ
আখড়াদ নে-হালেগে বঁগা তালা আকান গোমস্তা প্রসাদ সরেন মঞ্চ ঞুতুমতেকো ছৗটিয়ৗর লেদা।
আখড়ারে মারাং পেড়া লেকাতে মহিষাদল গার্লস কলেজ রেন
অ্যাসিস্ট্যান্ট প্রফেসর মানতান নিতাই টুডু আর নেঁওতা পেড়া লেকাতে বিধান চন্দ্র কৃষি
বিশ্ববিদ্যালয় বাঁকুড়া ক্যাম্পাস রেন অ্যাসিস্ট্যান্ট প্রফেসর মানতানিয়ৗ ডঃ অনিতা হাঁসদা
তিকিন সেটের কিন তাঁহেকানা। অনা সাঁওতে মৗনৗন পেড়া লেকাতে সিধো-কানো-বীরসা বিশ্ববিদ্যালয়
রেন অ্যাসিস্ট্যান্ট প্রফেসর মানতান ডঃ পাল্টন মুরমু, আড়ষা কলেজ রেন প্রফেসর মানতান
অসিত বরন মুরমু আর অনলিয়ৗ দুর্গাচরণ মুরমু এমান গমকে কো সেটেরকো তাঁহেকানা।
মারাং পেড়া মানতান প্রফেসর নিতাই টুডু আখড়ারে লৗই
তরা কেদায়- নিৎ বৗইরি সাঁও লৗড়হৗই লৗগিৎ কৗপি,তাড়োয়াড় বাং লাসের কাতেৎ কলম লাসের হোয়োঃআ।
নেঁওতা পেড়া মানতানিয়ৗ ডঃ অনিতা হাঁসদা দ পৗঠুওয়ৗ গিদ্রৗ আর আয়ো কো বাখরায় লৗই কেদা
বাংমা মাড়াং সেচেদঃ হোয়োঃআ। যাঁহা সেচেদ্ দ অকয়হঁ বায় রেজ হাতাও দাড়েয়াঃআ।
আখড়ারে ক্লাব পাহটা খন ঞুতুমান সান্তাড়ি ফ্লিম একট্রেস
ডগর টুডু আর ঞুম হালাং অনলিয়ৗ গণেশ মারান্ডি মৗন সাকাম এম কাতেৎ গুণ মানাও সারহাওকো
চাল আদ্ কিনৗ। সাঁওতে ক্লাব রেন সহেদ্ মানতান রঞ্জিৎ কিস্কু আর মহেশ মুরমু দ
Great Performer আর Best Performer লেকাতে সিদ্ সাকাম এম কাতেৎ কো গুণ মানাও সারহাও
কেদ্ কিনৗ। অনা সাঁওতে মাধ্যমিক আর উচ্চমাধ্যমিক বিনিডরে নাপায় অর্জ ঞাম আকাৎ পৗঠুওয়া
গিদৗর হঁক সারহাও তরা কেৎ কোওয়া।
ক্লাব রেনাঃ নংকান মহতান কৗমি নাপায়তে সিগিলঃমা অনা
খৗতির সুর-সাঁগিঞ খন চৗকরিয়ান প্রফেসর গণেশ হেম্ব্রম,বীরসিং মাঝি, সাগর কিস্কু, সিতেন
মান্ডি, মনসারাম কিস্কু, সুরেন্দ্রনাথ সরেন, রূপলাল সরেন, শোভা টুডু, চৈতন হাঁসদা এমান
ক্লাব দরদিয়ৗ কো সহর সেটের লেনা। আখড়া চাচালাওরে তাঁহেকানায় বঙ্কবিহারী সরেন।
মুচৗৎরে ক্লাব রেন প্রেসিডেন্ট মানতান মনসারাম হাঁসদা আর সেক্রেটারী মানতান বুদ্ধেশ্বর বাস্কে সেটের লেন সানাম কো সারহাও কিন চাল আৎ কোওয়া।
.webp)
.webp)
