“আবোওয়াঃ কাথা” গে উছৗনঃডিজিটাল
ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্
আড়াং’ লেতাড় গে উছানঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায়
রেনাঃ বুটৗ- Whatsapp- 8942955829 : E-mail Id:- abowagkatha@gmail.com।
তেহেঞাঃ আখড়ারে যাঁহায় কো সেলেদ্ আকান- ᱥᱩᱵᱩᱫᱤᱭᱟ. ᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ, ᱱᱰᱤ, ᱨᱟᱢᱯᱚᱫᱚ ᱠᱤᱥᱠᱩ, ᱠᱤᱥᱠᱤᱱᱫᱷᱟ ᱢᱩᱨᱢᱩ, ᱥᱟᱹᱜᱩᱱ ᱥᱤᱠᱟᱹᱨᱤᱭᱟᱹ, ᱯᱩᱨᱱᱚ ᱪᱚᱱᱫᱨᱚ ᱠᱤᱥᱠᱩ, বাড়তাং সরেন, সমরলাল টুডু, সনৎ কুমার হাঁসদা, সনাতন টুডু, সিতেন মান্ডি, কানন হাঁসদা, দুর্গাচরণ মুরমু , দুগাই টুডু।
ᱵᱮᱱᱟᱣ ᱞᱮᱫᱟᱭ ᱥᱟᱱᱛᱟᱲ ᱟᱜᱟᱢ
ᱦᱩᱞ ᱨᱮᱭᱟᱜ ᱢᱩᱪᱟᱹᱫ ᱱᱟᱜᱟᱢ ।
ᱡᱤᱣᱤᱠᱚ ᱟᱞᱟᱭ ᱵᱚᱭᱦᱟ ᱵᱚᱭᱦᱟ
ᱛᱮᱭᱟᱨᱮᱱᱠᱚ ᱡᱚᱛᱚ ᱢᱟᱭᱟᱢ ᱜᱚᱢᱦᱟ ।
ᱥᱟᱱᱛᱟᱲ ᱦᱚᱯᱚᱱᱜᱮ ᱥᱚᱨᱮᱥ ᱡᱟᱹᱛᱤ
ᱮᱴᱟᱜ ᱠᱚᱢᱟ ᱡᱚᱛᱚ ᱪᱷᱤᱛᱤᱵᱤᱛᱤ ।
ᱤᱝᱨᱮᱡᱽ ᱵᱤᱨᱩᱫ ᱨᱮᱱ ᱦᱩᱞᱜᱟᱹᱨᱤᱭᱟᱹ
ᱟᱵᱚ ᱥᱟᱱᱛᱟᱲ ᱦᱚᱯᱚᱱᱜᱮ ᱟᱹᱭᱩᱨᱤᱭᱟᱹ।
ᱛᱚᱵᱮᱭᱟᱱᱟ ᱛᱮᱦᱮᱧ ᱥᱤᱧᱚᱛ ᱵᱷᱟᱞᱟ
ᱦᱚᱴᱚᱜ ᱯᱮᱨᱮᱡ ᱛᱟᱭ ᱵᱟᱦᱟᱢᱟᱞᱟ ।
ᱪᱟᱞ ᱞᱮᱫᱟᱠᱚ ᱥᱟᱱᱛᱟᱲ ᱯᱟᱨᱜᱟᱱᱟ
ᱤᱝᱨᱮᱡᱽ ᱠᱚᱣᱟᱜᱢᱟ ᱜᱚᱨᱚᱵᱽ ᱠᱟᱱᱟ।
ᱛᱮᱦᱮᱧ ᱚᱱᱟᱢᱟ ᱢᱩᱪᱷᱟᱹᱜ ᱠᱟᱱᱟ
ᱥᱟᱱᱛᱟᱲ ᱠᱚᱢᱟᱵᱚᱱ ᱫᱩᱫᱩᱲᱩᱢ ᱠᱟᱱᱟ ।
ᱢᱤᱫᱢᱤᱫ ᱛᱮᱠᱚ ᱥᱤᱵᱚᱲ ᱵᱚᱱᱟ
ᱨᱟᱹᱭᱨᱤᱛ ᱟᱨᱤᱪᱟᱹᱞᱤ ᱡᱷᱚᱛᱚᱢ ᱚᱱᱟ ।
ᱪᱮᱸᱜᱷᱟᱜ ᱢᱟᱵᱚᱱ ᱪᱮᱸᱜᱷᱟᱜ ᱢᱟᱵᱚᱱ
ᱜᱩᱡᱩᱜ ᱟᱵᱚᱱᱥᱮ ᱵᱟᱧᱪᱟᱜ ᱟᱵᱚᱱ
।
ᱡᱟᱱᱟᱢ
ᱟᱭᱳ ᱫᱷᱟ.ᱨᱛᱤ ᱛᱟᱞᱟ
ᱵᱚᱸᱜᱟ
ᱵᱟᱨᱟ ᱵᱟ.ᱨᱤ,
ᱳᱰᱳᱠ
ᱵᱚᱞᱚᱜ ᱜᱚᱰ ᱡᱚᱦᱟᱨ
ᱮᱢᱟᱭ
ᱦᱩᱭᱩᱜ ᱥᱟ.ᱨᱤ ᱾
ᱡᱟᱱᱟᱢ
ᱟᱭᱳ ᱟ.ᱪᱩ ᱠᱟᱛᱷᱟ
ᱟᱸᱡᱚᱢ
ᱥᱟᱨᱟ ᱜᱷᱟ.ᱲᱤᱡ,
ᱛᱚᱵᱮ
ᱟ.ᱱᱤᱡ ᱦᱟᱯᱮᱱ ᱫᱤᱱ
ᱫᱩᱠᱷ
ᱦᱟᱨᱠᱮᱛ ᱤᱲᱤᱡᱽ ᱾
ᱟᱢᱟᱜ
ᱫᱩᱠᱷ ᱥᱩᱠᱷ ᱡᱚᱛᱚ
ᱵᱩᱡᱷᱟ.ᱣ
ᱛᱤᱭᱳᱜ ᱠᱮ
ᱦᱟᱯᱮᱱ
ᱨᱮᱱᱟᱜ ᱡᱚᱛᱚ ᱠᱟᱛᱷᱟᱭ
ᱯᱟᱱᱛᱮ
ᱧᱟᱢ ᱠᱮ ᱾
ᱞᱚᱞᱚ
ᱥᱤᱛᱩᱝ ᱠᱷᱚᱱᱮ ᱥᱟᱦᱟ
ᱦᱮᱢᱟᱞ
ᱩᱢᱩᱞ ᱨᱮ,
ᱦᱚᱲᱢᱚ
ᱡᱤᱣᱤ ᱡᱚᱛᱚᱱ ᱡᱚᱜᱟᱣ
ᱫᱚᱦᱚ
ᱠᱟᱜ ᱨᱮ ᱾
ᱵᱟᱝ
ᱡᱚᱢ ᱠᱟᱛᱮ ᱮᱢᱚᱜ
ᱟᱢ
ᱫᱤᱥᱟ. ᱛᱮ,
ᱠᱚᱯᱮᱫ
ᱟᱜ ᱩᱞᱟ. ᱨᱩᱣᱟ.ᱲ
ᱟᱢ
ᱞᱟ.ᱜᱤᱫ ᱛᱮ ᱾
ᱨᱮᱸᱜᱮᱡ
ᱛᱮᱛᱟᱝ ᱢᱮᱴᱟᱣ ᱠᱟᱜᱼᱟᱭ
ᱡᱚᱢ
ᱧᱩ ᱨᱮ,
ᱥᱩᱠᱷ
ᱥᱟᱶᱟᱨ ᱦᱚᱲᱢᱚ ᱛᱟᱸᱦᱮᱱ
ᱦᱟᱯᱮᱱ
ᱫᱤᱱ ᱨᱮ ᱾
ᱵᱩᱜᱤ
ᱵᱟ.ᱲᱤᱡ ᱨᱮᱭ ᱥᱟᱥᱚᱱ
ᱟᱢ
ᱞᱟ.ᱜᱤᱫ ᱛᱮ,
ᱢᱟᱨᱥᱟᱞ
ᱰᱟᱦᱟᱨ ᱛᱮᱭ ᱰᱟᱨᱦᱟᱣ
ᱟ.ᱰᱤ
ᱱᱟᱯᱟᱭ ᱛᱮ ᱾
ᱪᱚᱜ
ᱪᱮᱨᱮᱡ ᱫᱩᱞᱟ.ᱲ ᱮᱢᱚᱜ
ᱥᱟᱨᱟ
ᱜᱷᱟ.ᱲᱤᱡ ᱜᱮ,
ᱢᱚᱠᱟ
ᱡᱚᱠᱷᱟ ᱵᱟ.ᱱᱩᱜ ᱛᱟᱭᱟ
ᱮᱠᱟᱞ
ᱥᱟ.ᱨᱤ ᱜᱮ ᱾
============ ᱞ
ᱧ ============
ᱟᱰᱤ
ᱥᱮᱨᱢᱟ ᱞᱟᱦᱟ
ᱥᱟᱦᱮᱵ ᱠᱚ ᱨᱟᱡ
ᱞᱮᱱᱟ
ᱟᱵᱚ ᱱᱚᱣᱟ
ᱵᱷᱟᱨᱚᱛ ᱫᱤᱥᱚᱢ
ᱯᱷᱩᱨᱜᱟᱹᱞ ᱵᱟᱝ ᱛᱟᱸᱦᱮ ᱠᱟᱱᱟ ᱿
ᱥᱟᱦᱮᱵ
ᱠᱚᱣᱟᱜ ᱥᱤᱸ ᱭᱟᱹᱡᱟᱨᱤ
ᱠᱩᱞ
ᱛᱟᱨᱩᱯ ᱵᱟᱨᱟᱵᱟᱨᱤ
ᱨᱚᱰᱚᱪᱽ
ᱠᱚᱪᱞᱚᱱ ᱱᱟᱦᱟᱪᱟᱨ
ᱵᱟᱝ
ᱛᱟᱸᱦᱮ ᱠᱟᱱ ᱱᱟᱯᱟᱭ ᱵᱮᱵᱷᱟᱨ ᱿
ᱵᱤᱨ
ᱵᱟᱱᱴᱟ ᱥᱤᱫᱩ ᱠᱟᱱᱦᱩ
ᱥᱟᱸᱣᱛᱮ
ᱟᱨ ᱦᱚ ᱸ ᱯᱷᱩᱞᱳ ᱠᱷᱟᱱᱚ
ᱵᱷᱟᱨᱚᱛ
ᱨᱮᱱ ᱥᱟᱱᱛᱟᱞ ᱦᱚᱯᱚᱱ
ᱥᱟᱥᱮᱛ
ᱥᱟᱦᱟᱣ ᱵᱟᱝ ᱠᱚ ᱨᱮᱵᱮᱱ ᱿
ᱥᱟᱦᱮᱵ
ᱠᱚᱣᱟᱜ ᱵᱤᱨᱩᱫᱷ ᱨᱮ
ᱛᱮᱸᱜᱳ
ᱭᱮᱱ ᱠᱚ ᱡᱟᱸᱜᱮ ᱫᱟᱨᱟᱢ
ᱟᱜ
ᱥᱟᱨ ᱠᱟᱯᱤ ᱥᱟᱵ ᱠᱟᱛᱮ
ᱞᱟᱲᱦᱟᱹᱭ
ᱞᱟᱜᱤᱛᱽ ᱥᱟᱢᱟᱝ ᱥᱟᱢᱟᱝ ᱿
᱓᱐
ᱡᱩᱱ ᱑᱘᱕᱕ ᱥᱟᱞ
᱓᱐ ᱦᱟᱡᱟᱨ
ᱥᱟᱱᱛᱟᱞ
ᱵᱷᱚᱜᱱᱟᱰᱤᱦᱤ
ᱴᱟᱸᱰᱤ ᱠᱷᱚᱱ
ᱮᱦᱚᱵ
ᱞᱮᱛᱽ ᱠᱚ ᱱᱚᱣᱟ ᱦᱩᱞ ᱿
ᱥᱟᱦᱮᱵ
ᱠᱚ ᱥᱟᱸ ᱣ ᱞᱟᱲᱦᱟᱹᱭ ᱨᱮ
ᱛᱤᱱᱟᱹᱜ
ᱦᱚᱲ ᱠᱚ ᱜᱩᱨ
ᱮᱱ
ᱛᱤᱱᱟᱹᱜ
ᱢᱟᱭᱟᱢ ᱞᱤᱸᱜᱤ ᱮᱱ
ᱛᱤᱱᱟᱹᱜ
ᱡᱤᱣᱤ ᱪᱟᱞᱟᱣ ᱮᱱ ᱿
ᱱᱩᱠᱩ
ᱡᱷᱚᱛᱚᱢ ᱵᱤᱨ ᱵᱟᱱᱴᱟ
ᱟᱵᱚ
ᱠᱚ ᱨᱮᱱ ᱟᱫᱤᱢ ᱜᱩᱨᱩ
ᱛᱟᱸᱦᱮ
ᱠᱟᱱ ᱠᱚ ᱥᱟᱨᱤ ᱥᱟᱨᱤ
ᱵᱚᱸᱜᱟ ᱵᱩᱨᱩ ᱵᱟᱨᱟᱵᱟᱨᱤ᱿
᱓᱐
ᱡᱩᱱ ᱦᱩᱞ ᱢᱟᱦᱟ ᱨᱮ
ᱴᱷᱟᱸ
ᱣ ᱵᱚᱱ ᱮᱢᱟᱠᱚ ᱡᱤᱭᱤ ᱛᱟᱞᱟᱨᱮ
ᱵᱤᱨ
ᱵᱟᱱᱴᱟ ᱵᱚᱱ ᱩᱭᱦᱟᱹᱨ ᱠᱚᱢᱟ
ᱛᱚᱵᱮ
ᱭᱮᱱᱟ ᱛᱷᱩᱢ ᱵᱚ ᱧᱟᱢᱟ ᱿
============ ᱞ ᱧ ============
ᱜᱟᱹᱭ ᱵᱟᱝᱨᱟ
ᱢᱮᱨᱚᱢ ᱥᱤᱢ
ᱠᱟᱱᱩᱭ ᱧᱮᱞ ᱠᱚ ᱦᱟᱯᱤ ,
ᱚᱠᱚᱭ
ᱠᱚᱣᱭᱟᱜ ᱡᱷᱟᱹᱞ ᱦᱩᱰᱤᱧ
ᱧᱮᱞ ᱛᱟᱠᱚᱣᱭᱟ ᱪᱩᱯᱤ ᱾
ᱦᱟᱛᱤ
ᱛᱟᱨᱩᱵ ᱥᱟᱫᱚᱢ ᱥᱮᱛᱟ
ᱦᱤᱞᱟᱹᱣ ᱪᱩᱯᱤ ᱛᱟᱠᱚ ,
ᱥᱟᱨᱟ
ᱜᱷᱟᱲᱤᱪ ᱞᱟᱲᱟᱣ ᱪᱮᱛᱟ
ᱥᱩᱠᱚᱜ ᱠᱟᱱᱟ ᱟᱠᱚ ᱾
ᱡᱤᱵᱽ
ᱡᱤᱭᱟᱹᱞᱤ ᱥᱟᱱᱟᱢ ᱠᱚᱣᱭᱟᱜ
ᱢᱮᱱᱟᱜ ᱦᱩᱰᱤᱧ ᱢᱟᱨᱟᱝ ,
ᱟᱠᱚ
ᱞᱮᱠᱟᱛᱮ ᱫᱤᱱ ᱫᱤᱱᱟᱹᱢ
ᱥᱟᱨᱤᱜᱮ ᱵᱟᱨᱟᱝ ᱵᱟᱨᱟᱝ ᱾
ᱚᱫᱟ
ᱨᱚᱦᱚᱲ ᱨᱤᱛᱩ ᱠᱚᱨᱮᱦᱚᱸ
ᱵᱮᱣᱦᱟᱨᱜᱮ ᱩᱱ ,
ᱪᱩᱯᱤ
ᱠᱟᱛᱷᱟ ᱫᱚ ᱟᱰᱤ ᱢᱟᱨᱟᱝ-ᱟ
ᱟᱰᱤ ᱜᱮᱭᱟ ᱫᱚ ᱜᱩᱱ ᱾
============ ᱞ
ᱧ ============
ᱫᱩᱲᱩᱵ
ᱫᱩᱲᱩᱵ
ᱜᱚᱲᱚᱢ
ᱵᱩᱰᱦᱤ
ᱯᱤᱰᱟᱹᱨᱮᱭ
ᱫᱩᱫᱲᱩᱢ ,
ᱨᱤᱯᱤᱫ
ᱡᱟᱯᱤᱫ
ᱟᱪᱠᱟ
ᱚᱱᱮ
ᱯᱷᱟᱥᱠᱩᱲᱮᱱ ᱤᱠᱲᱩᱢ
᱾
ᱫᱮᱱᱥᱮ
ᱫᱮᱱᱥᱮ
ᱛᱤᱨᱩᱵ
ᱦᱟᱯᱟ
ᱦᱟᱲᱟᱢ
ᱛᱟᱭᱮ ᱠᱷᱚᱡᱮ ,
ᱜᱚᱲᱚᱢ
ᱠᱚᱲᱟᱭ
ᱛᱤᱨᱩᱵ ᱟᱠᱟᱱ
ᱦᱟᱱᱤ
ᱛᱚᱨᱟ ᱥᱚᱡᱷᱮ ᱾
============ ᱞ
ᱧ ============
ᱦᱩᱞ!ᱦᱩᱞ!ᱦᱩᱞ!
ᱡᱷᱟᱲᱠᱷᱚᱸᱰ
ᱫᱤᱥᱚᱢ ᱫᱩᱞ ᱫᱩᱞ
ᱦᱩᱞᱥᱟᱹᱭ
ᱥᱮᱸᱜᱮᱞ ᱡᱩᱞ
ᱵᱟᱸᱪᱟᱜ
ᱠᱷᱟᱱᱮᱢ ᱵᱮᱱᱟᱜ ᱢᱮ ᱠᱩᱞ᱾
ᱥᱤᱫᱩ
ᱠᱟ ᱱᱩᱶᱟ ᱡᱩᱞ
ᱯᱷᱩᱞᱚ
ᱡᱷᱟ ᱱᱶᱟ ᱜᱩᱞ
ᱟᱜ
ᱥᱟᱨ ᱵᱚᱱ ᱛᱩᱞ
ᱫᱮ
ᱵᱚᱱ ᱦᱩᱞ ᱦᱩᱞ!
ᱵᱤᱨ
ᱵᱟᱱ ᱴᱟ ᱵᱟᱹᱡᱟᱹᱞ
ᱡᱮᱨᱮᱫ
ᱠᱮᱫ ᱦᱩᱞ ᱢᱚ ᱥᱟᱞ
ᱢᱚᱦᱮᱥ
ᱫᱟᱨᱚᱜᱟ ᱦᱮᱞᱮᱡ ᱛᱷᱮᱜᱮᱞ
ᱪᱷᱟ
ᱨᱟᱭ ᱮᱱᱟ ᱦᱩᱞᱥᱟᱹᱭ ᱥᱮᱜᱮᱞ᱾
ᱟᱫᱚ
ᱵᱟᱵᱚᱱ ᱵᱷᱩᱞ
ᱠᱟᱯᱤ
ᱴᱟᱸᱜᱟ ᱵᱚᱱ ᱛᱩᱞ
ᱟᱹᱫᱤᱵᱟᱥᱤ
ᱢᱩᱞ
ᱢᱟᱭᱟᱢ
ᱵᱚᱱ ᱫᱩᱞ᱾
============ ᱞ
ᱧ ============
আষাঢ় বঙ্গা বলয়েনা
এরঃ গৗছি হুড়ু
কেটেচ মাছা চুগুড় তাড়াম
বাংগে লুড়ুথুড়ু।
গৗছি এরঃ লাহারেদ
গৗছি গোডা তেয়ার
নাহেল তেকো সি লৗহুদা
ডাংরা কাডা বায়ার।
লৗহুদ হাসা সাঁওতে চাষী
গুরিচ জরায় মেশাল
সেয়া সাকাম জরা তেহঁ
হাসা দকো দাপাল।
সাগাত সিরৗম ঘাসকো সানাম
ক্ষেত তালাকো কটায়
জবরা এমান তাঁহেন রেদ
নাপায় তেকো সালায়।
হুড়ু ইতৗ এ-এর তায়ম
তালারেকো নালায়
হুড়ু গৗছি তালা মালা
দাঃ দ আতুঃ নাপায়।
কাঁহু কিসনি লাগা লৗগিৎ
গৗছি গোডা তালা
'ভুয়ৗং' হড়ে তিঙ্গু কঃআ
সেতাঃ তিকিন বেলা।
উনি ঞেলতে চেঁড়ে চুপড়ি
বাকো সুরুঃ ওহায়
গৗছি গোডা হুড়ু ইতৗ
ভুটুঃ সানাম নাপায়।
চাষীবাসী হড় দ সানাম
আষাঢ় বঙ্গা রেগে
সাপড়াঃ আকো রহয় লৗগিৎ
হুড়ু গৗছি তেগে।
============ ᱞ
ᱧ ============
উতর পুছিম সেরমা চেতান
হেঁদে রিমিল রাকাপ্,
অনা ঞেঁলতে দাড়্ কানাক
গিদরৗ
আকাপ সাকাপ ।
ধৗরতি জাকাৎ লল সিতুং
অত্ হাসায় আতার,
ঞেঁলঃ তাঁহেন চাইত বাইশাখ
সেদায় নংকা চিতার
।
পুছিম খনাং পুরুব নাখা
হয়দাঃ সৗরি দুকান,
দিনৗম্ দিনৗম্ ঞেঁলঃ তাঁহেন
তিকিন তারাসিঞ
যুখান ।
নাগপুরিয়ৗ অনা আরাঃ ধুড়ি
অটাং হিজুঃ হয়তে,
লাচ্ রেঁগেজ বাম বাডায়া
চিকৗম্ বুঝৗও লৗইতে ।
লাতার খনাং গুরলা গুরলি
রহড়্ সাহান্ সাকাম্,
অটাং রাকাবঃ ঞেলতে
গিদরৗ
এনেজ্ উতুক থুকাম্ ।
আদের্ কোওয়াক গৗই ডাঁগরা
হয়দাঃ লাহা লাহা,
মাহরা গিদরৗ মিহু সাঁওতেয়্
ঞিঁরাঃ যাঁহা তাঁহা
।
হাদার্ হাদার্ হয় সাঁওতে
দাঃ দারাম চেঁড়ে,
উডাঃ কানকো
চেপেজ লৗগিদ
রিমিল্ রেনাঃ লড়ে
।
ঞুঁরু দাঃকো চেরেজ্ দারাম
দাঃ দারাম চেঁড়ে,
ঞুঁয়াকো সেরমা ঞুঁরুঃ দাঃগে
সৗরিগেয়া
বাংগে এড়ে
।
============ ᱞ
ᱧ ============
এহো ! হুল গৗরিয়ৗ সিধু কানু
অকাবেন চালাও এনা?
জানাম আয়ু উমুল বাগি কাতেৎ।
ধৗরতি আয়ু আঃ দুলৗড় হিড়িঞ কাতেৎ।
অনে যেবেন চালাও এনা!
আদ বাং বেন রুয়ৗড় লেনা।
ঞারাঃ-ঞারাঃ! ধৗরতি আয়ু-
নিৎ হঁয় হ-হ আবেন কানা!
জানাম লেনাবেন, এহো!
ভগ্নাডি আতুরে।
চেরেজ হারা-লেনাবেন,
ধৗরতি আয়ু আঃ কড়াম রে।।
দিশম-দুলৗড়িয়ৗ!
আডি, দিশমবেন দুলৗড়।
উসরৗও লেদাবেন;
জানাম দিশম দুগৗ রুয়ৗড়!
যখন অটাং কেদাবেন,
বসমতারে ফুরগৗল চির।
খেরওয়াল মৗনমিয়াঃ!
মায়াং টুডৗং লেন শির-শির!!
বহঃ চালাঃ মায়াম লাঁগি,
লৗড়হৗই কেদাবেন দিগির-দিগির!!
দিশম হড় তেলে ঞুম সারি কেৎ-বেন!
হুল গৗরয়ৗ বীর।।
এহো! হুল-দরদিয়ৗ;
মানমি দুলৗড়িয়ৗ!
দিশম দুলৗড়িয়ৗ!
ফুরগৗল আকাঙ্খিয়ৗ!
অকাবেন চালাও এনা?
আলে বাগি কাতেৎ!
আদ বাং বেন হিজুঃ আ-
আলে হিরি
ঞারাঃ-ঞারাঃ! ধারতি আয়ু;
নিৎ হঁয় হ-হ আবেন কানা।
ফুরগৗল দিশম, হড় ক-
দেলা আবেন কানা !!
============ ᱞ
ᱧ ============
থিরুঃ পেসে ঝতো হড়গে
আঁজম খানপে কৗহনি ,
হলা ঞিঁদৗ আলে বুডহি
লৗয়লেদ নওয়া কৗহনি ।
কুলহি মুচৗৎ বাড়ে দারেরে
মেনায় মিৎটাং ভুত ,
একলা দাড়ান হড়কোগেয়
লিঁবুদ কওয়ায় ভুত।
সাবড়ি লেকা ডাটা তায়দ
হাটাঃ লেকা আলাং ,
জানুম পাঁঝা উব তায়দ
তাঁহেনে দারে দানাং।
মিৎদিন দো হানা আতোরেন
হুডিঞ মিৎটাং গিদরৗ ,
সেতাঃ আয়ুব একলায় দাড়ান
বতর বৗনুঃ গিদরৗ।
সাব কেদেয়ায় হটঃ রেগে
খপ মেনতে লগন ,
হিড়িঞ কেদায় হড়কো হহ
"রাড়াঞ পেসে লগন ।"
অকায়েনায় উনি গিদরৗ
অকয়হঁ বাংকো বাড়ায় ,
আলে বুডহিহঁ বতর তেগে
মচা বাংগেয় রাড়ায়।
গাতে তালাখন মগল আদো
আচকাগেয় মেন......
"সৗরিসে খৗলি নওয়া কাথাদ
আপে বুডহিয় মেন।"
সৗরিসে খৗলি পরেম মেনা
মারাং হড়াঃ কাথা ,
একলা দাড়ান বৗগি হোয়োঃ
আঁজম হোয়োঃ কাথা।
====== ᱞ ᱧ
======
দিশম ফুরগৗল
লৗগিৎ
অত হাসা ভিঠৗ
গডা লৗগিৎ
তিরলৗ
কোওয়াঃ লাজাও
শরম
টেকাও দারাম লৗগিৎ লৗড়হৗই
কাতে
জিউয়ি ক আলায়লেৎ
বীর বাণ্টাক।
বাবা তিলকৗ মুর্মু
সিদু কানু
চাঁদ ভৈর ফুলো
ঝানো
বীরসা মুণ্ডা বাজাল
সরেন
আর হঁ আয়মা
হুল গৗরিয়ৗক।
দারায় কান হুল
মাহা ১৬৮আনাঃ
ভগ্নাডি খন ডি
ডাহাল সানাম
আতু অড়াঃ
মানাও আবন দিশৗ
কোওয়াবন
আরাও আবন বাহামালা।
উনকু বাং খান
ফুরগৗল
দিশম
অহ বন
ঞাম কেয়া
মৗনমি
রুপ তে
জানাম কাতে
দিশম লৗগিৎ
জিউয়ি ক
আলায়লেৎ আ।
নোওয়া দিশম রেন
আম গে
আদিবাসী
আলম রেচ্ হচঃ
লৗই
লাকচার জানাম
পৗরসি
সৗগুনানাঃ
হুলমাহারে কিরিয়ৗ
আতাং মে
লাজাও বতর দেয়া
কাতে আমাঃ
উপরুম এম
মে।
============ ᱞ
ᱧ ============
৩০জুন সেরমারে,
ডিগির ডিগির জুলুঃ কান
বাড়াই কেদামঃ,দিশৗ কেদাম
হুল তিহিং সেটের আকান ৷
বাহা মালা
,থোপা তিহিং
গাথাও আবুন,গালাং আবুন
খেরওয়াল কো মানত জোহার
শায় শায় গড় আবুন !
দিশৗম মৗনমী
,দিশৗম খৗতির
বতর দেয়াঃ বৗগি কাতে
জুমিৎ দাড়েঃ
,হামেট লেনা
পানতি কেটেচ,পানতি আতে !
আরজাও আকান,আনাজ ফসল
অত হাসা যত: রে
হক আইদৗরি, ইংয়া গেতঃ
দিশৗই গিয়াই নিতোরে !
সিধু-কানু,চাঁদ-ভৈরব
সানাম খেরওয়াল বীর
জোতদার ,মহাজন
,বৗইরী
দিশাম খন দো ঞির!
রেঙ্গেচ জ্বালা,ধাপাও লৗগিৎ
রেঞেচ মৗনমী কো তাড়াম
বাংলে বাতাও,বাংলে মানাও
কচলন, নাহাচার সানাম ৷
কামান
,বন্দুক,,সেঞেল টুটি
তিনৗঃপে জেরেৎ তিহিঞ
দমেল দমেল সানাম জৗতি
ঝিতির বিতির হিড়িঞ
!
মোর গাডাঃ দাঃ তিহিং
আরাঃ মায়াংতে বডে
জিউয়ি চালাঃ রেহঃ বয়হা
তাঁহেন গেয়ালে নোন্ডে !
মেনাঃ তালে আঃ সার
কৗপি,টেংগচ, তাড়বাড়ি
হেলেচ আতে গজোঃ আপে
টিয়ৗল ,টাপাল বৗইরী!
জুমিৎ দাড়েঃ,
মারাঙ দাড়ে
জোগাও যতন রিগি
ভারত দিশৗম
,ফুরগৗল এনা
খেরওয়াল লৗড়হৗই তিগি !
শায় শায়
,গড় জোহার
শায় শায় ,মানত জোহার
জিয়ৗৎ মেনাঃ পে ,অন্তর তালা
জোহার হুলসৗই জোহার !
============ ᱞ
ᱧ ============
বারহা দিশম বরাবাজার
নেংসাই নৗই আড়ে,
সুগনীবাসা বির বাগাহীরে মেনা:
সারজম মাতকম বাড়ে।
বির তালাতে হেঁদে সড়ক
পারোম আকান চিকৌড়,
হিজুঃ
সেন ঞেল ঞামো:
আয়মা জবাহা বুসৗড়।
তিনৗঃ লেকান গমহেড় দারে
ঝুড় বাহা নৗড়ি,
দারে চেতান দালোব আকান
সাঙ্গে আলাক জৗড়ি।
তিরিল তারপ লোওয়া বাড়ে
কুদ বৗরু বিলি,
রৗস্কৗগে বির চেঁড়ে চিপরুৎ
গুঁডরী পতাম কুইলী।
সুর সুপুর আতো হড়
তিয়োগ আকো দিনগে,
কুদ বারু শশ বিলি
জমরে সিবিল মঁজগে।
সিঁগৗড় তরা তোয়ো হুক্কাহুয়া
আঁজোম হিজুঃ আতো,
সেতা ক ভুগ বাড়গে করে
বতরঃ গিদরৗ মাতো।
===== ᱞ ᱧ
=====
পিপড়ৗ আতো রেন
কাথায়
চাদরায় তাঁহে কানা,
ঞেলতে ডাটমট তেল সাঁওয়ার
সজনতর চেহরাও
আনা।
দিলগে দাড়ে হড় কাথায়
মেনকো জত অনে।
সিদো কানু হতেচ্ মিৎটাং
অৗয়ুরিচ্ লেখা
লেনে।
লিল চাষইচ্ সাহেব দবন
ফুদকিপুর কোল এনা,
সান্তাড় সালাঃ ইংরৗজ পালটন
তাপাম এহপ লেনা।
উনি হুকুম তেগে সারকো
আড়াগ্ ঘানে ঘানে,
তেরাং সারতে জাংকাও কাতে
উনরে বেনডাও এনে।
সাগরাম তুপুৎ রেহঁ আদ
জিৎকৗর বাড়ায় আনে,
পিয়ালপুর লৗড়হৗই সান্তাড় ফৗদগে
চালাও ইচ্গে কানে।
ইংরৗজ পালটন সঁগে হড়াঃ
তুপুৎ হোয়গে বাড়ে,
হাঁডে
নাঁডে গচ্লেন আয়মা
বানার ফৗদরেন থোরে।
বৗয়রি সামাং আঃসার আতে
দারাম লেৎ গেয়া,
বৗন্দুক তেদ বাজাও কাতে
জিউয়ি চালাওয়েন
তায়া।
দিশম ভৗলৗই বাবত তেগে
সাঁহাস উদুঃ লেদে,
অনা তেড়ং হড়কো নেতার
বেবাক দিসৗয় এদে।
======= মুচৗৎ =======
.webp)
.webp)
