.webp)
“আবোওয়াঃ কাথা” গে উছৗনঃডিজিটাল
ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড় গে উছানঃ
কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp-
8942955829 : E-mail
Id:- abowagkatha@gmail.com।
তেহেঞাঃ আখড়ারে
যাঁহায় কো সেলেদ্ আকান- ᱥᱩᱵᱩᱫᱤᱭᱟ. ᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ, ᱱᱰᱤ, ᱨᱟᱢᱯᱚᱫᱚ ᱠᱤᱥᱠᱩ, ᱠᱤᱥᱠᱤᱱᱫᱷᱟ ᱢᱩᱨᱢᱩ,
ᱥᱟᱹᱜᱩᱱ ᱥᱤᱠᱟᱹᱨᱤᱭᱟᱹ, ᱯᱩᱨᱱᱚ
ᱪᱚᱱᱫᱨᱚ ᱠᱤᱥᱠᱩ, বাড়তাং সরেন,
সনাতন টুডু, সনৎ কুমার হাঁসদা, সিতেন
মান্ডি, কানন হাঁসদা, সমরলাল টুডু, দুগাই টুডু।
ᱥᱟᱹᱨᱫᱤ ᱟᱠᱟᱱ ᱦᱩᱞ
ᱫᱤᱥᱚᱢ ᱫᱩᱞ ᱫᱩᱞ ।
ᱠᱟᱴᱟᱵᱽ ᱠᱟᱴᱟᱵᱽ ᱥᱟᱦᱮᱵᱽ
ᱛᱟᱯᱟᱢ ᱜᱮᱠᱚ ᱮᱦᱚᱵᱽ ।
ᱟᱛᱟᱨ ᱮᱫᱟᱠᱚ ᱚᱲᱟᱜ
ᱜᱟᱹᱭ ᱠᱟᱰᱟ ᱜᱚᱲᱟ ।
ᱰᱟᱹᱦᱤᱜ ᱠᱟᱱᱟ ᱟᱛᱳ
ᱚᱲᱟᱜ ᱫᱩᱣᱟᱹᱨ ᱡᱚᱛᱳ ।
ᱟᱛᱳ ᱪᱟᱢᱟᱞ ᱪᱩᱢᱩᱞ
ᱵᱟᱱᱩᱜ ᱟᱥᱨᱟ ᱩᱢᱩᱞ ।
ᱡᱮᱨᱮᱫ ᱮᱫᱟᱠᱚ ᱥᱮᱸᱜᱮᱹᱞ
ᱦᱚᱲᱠᱚ ᱦᱮᱸᱛᱮᱞ ᱜᱮᱸᱡᱮᱞ ।
ᱡᱳᱞᱳᱜ ᱠᱟᱱᱟ ᱥᱮᱸᱜᱮᱞ
ᱥᱮᱨᱢᱟ ᱤᱯᱤᱞ ᱮᱸᱜᱮᱞ ।
ᱥᱩᱠᱨᱤ ᱥᱤᱢ ᱢᱮᱨᱚᱢ
ᱥᱚᱸᱜᱮ ᱠᱟᱛᱮ ᱫᱷᱚᱨᱚᱢ ।
ᱧᱤᱨ ᱠᱟᱱᱠᱚ ᱥᱟᱱᱛᱟᱲ
ᱵᱚᱞᱚᱱᱠᱚ ᱵᱤᱨ ᱜᱟᱡᱟᱲ ।
ᱥᱟᱱᱛᱟᱲ ᱟᱛᱳᱠᱮ ᱟᱛᱳ
ᱢᱤᱫ ᱢᱤᱫᱛᱮ ᱡᱳᱛᱳ ।
ᱨᱟᱯᱟᱜ ᱨᱚᱸᱜᱚ ᱠᱟᱱᱟ
ᱵᱟᱧᱪᱟᱣ ᱛᱟᱦᱮᱸᱱ ᱥᱟᱱᱟ ।
ᱢᱟᱭᱟᱢᱛᱮ ᱟᱨᱟᱜ ᱯᱤᱭᱟᱹᱞᱯᱩᱨ
ᱞᱚᱥᱚᱫ ᱩᱛᱟᱹᱨᱮᱱᱟ ᱥᱩᱨᱼᱥᱩᱯᱩᱨ ।
ᱫᱷᱟ.ᱨᱛᱤ
ᱯᱩᱨᱤ ᱦᱟ.ᱴᱤᱧ ᱟᱠᱟᱱ
ᱜᱮᱞ
ᱥᱮᱦᱮᱫ ᱵᱮᱱᱟᱣ ᱟᱠᱟᱱ ᱾
ᱦᱟ.ᱱᱤ
ᱵᱮᱲᱟ ᱧᱮᱞᱮ ᱢᱮ
ᱩᱱᱤ
ᱥᱳᱡᱮ ᱛᱤᱸᱜᱩᱱ ᱢᱮ ᱾
ᱵᱮᱲᱟᱭ
ᱨᱟᱠᱟᱵ ᱠᱚᱭᱚᱜᱽ ᱢᱮ
"ᱥᱟᱢᱟᱝ"
ᱥᱮᱦᱮᱫ ᱢᱮᱛᱟᱜ ᱢᱮ ᱾
ᱵᱮᱲᱟ
ᱰᱩᱵᱩᱡ ᱫᱤᱥᱟ.ᱭ ᱢᱮ
"ᱯᱟ.ᱪᱷ"
ᱥᱮᱦᱮᱫ ᱢᱮᱛᱟᱜ ᱢᱮ ᱾
ᱟᱢᱟᱜ
ᱞᱮᱸᱜᱟ ᱫᱤᱥᱟ.ᱭ ᱢᱮ
"ᱮᱛᱚᱢ"
ᱥᱮᱦᱮᱫ ᱢᱮᱛᱟᱜ ᱢᱮ ᱾
ᱟᱢᱟᱜ
ᱡᱚᱡᱚᱢ ᱫᱤᱥᱟ.ᱭ ᱢᱮ
"ᱠᱚᱧᱮ"
ᱥᱮᱦᱮᱫ ᱢᱮᱛᱟᱜ ᱢᱮ ᱾
ᱡᱟᱸᱜᱟ
ᱞᱟᱛᱟᱨ ᱩᱭᱦᱟ.ᱨ ᱢᱮ
"ᱚᱛ"
ᱥᱮᱦᱮᱫ ᱢᱮᱛᱟᱜ ᱢᱮ ᱾
ᱵᱚᱦᱚᱜ
ᱪᱮᱛᱟᱱ ᱢᱚᱱᱮᱭ ᱢᱮ
"ᱥᱮᱨᱢᱟ"
ᱥᱮᱦᱮᱫ ᱢᱮᱛᱟᱜ ᱢᱮ ᱾
ᱥᱟᱢᱟᱝ
ᱠᱚᱧᱮ ᱛᱟᱞᱟ ᱨᱮ
"ᱥᱮᱸᱜᱮᱞ"
ᱥᱮᱦᱮᱫ ᱵᱟᱰᱟᱭ ᱨᱮ ᱾
ᱯᱟ.ᱪᱷ
ᱮᱛᱚᱢ ᱛᱟᱞᱟ ᱨᱮ
"ᱦᱚᱭ"
ᱥᱮᱦᱮᱫ ᱢᱮᱱᱟᱜ ᱨᱮ ᱾
ᱠᱚᱧᱮ
ᱯᱟ.ᱪᱷ ᱛᱟᱞᱟ ᱨᱮ
"ᱵᱟᱨᱰᱚ"
ᱥᱮᱦᱮᱫ ᱫᱤᱥᱟ. ᱨᱮ ᱾
ᱮᱛᱚᱢ
ᱥᱟᱢᱟᱝ ᱛᱟᱞᱟ ᱨᱮ
"ᱫᱟᱜ"
ᱥᱮᱦᱮᱫ ᱩᱭᱦᱟ.ᱨ ᱨᱮ ᱾
==000== ==000== ==000==
ᱦᱟᱱᱤᱭ ᱧᱮᱞᱚᱜ
ᱠᱟᱱᱟ
ᱢᱟᱨᱟᱝ ᱩᱛᱟᱹᱨ
ᱵᱟᱵᱟ
ᱵᱩᱰᱷᱤ
ᱵᱟᱱᱟ ᱠᱟᱱᱟᱭ
ᱦᱚᱨᱚᱜ
ᱨᱮ ᱱᱟᱠᱪᱚᱱᱟ ᱿
ᱱᱟᱠᱪᱚᱱᱟ
ᱫᱚ ᱵᱟᱝ ᱠᱟᱱᱟ
ᱥᱟᱥᱮᱛ ᱨᱮᱱᱟᱜ ᱪᱤᱱᱦᱟᱹ
ᱠᱟᱱᱟ
ᱢᱩᱸ ᱢᱚᱪᱟ ᱨᱮ
ᱥᱤᱠᱲᱤ ᱠᱟᱛᱮ
ᱮᱱᱮᱪᱽ ᱩᱫᱩᱜ ᱠᱚ ᱟᱜᱩᱭᱮ ᱠᱟᱱᱟ ᱿
ᱡᱤᱵᱽ
ᱡᱤᱭᱟᱹᱞᱤ ᱪᱮᱸᱲᱮ ᱮᱢᱟᱱ
ᱯᱷᱩᱨᱜᱟᱹᱞ
ᱨᱮ ᱠᱚ ᱛᱟᱸᱦᱮ ᱦᱚᱪᱚᱣᱟᱱ
ᱠᱷᱟᱧᱪᱟ ᱨᱮ ᱫᱚ ᱵᱟᱝ ᱠᱚ ᱥᱚᱵᱷᱟᱜ
ᱥᱚᱵᱷᱟᱭᱟ
ᱠᱚ ᱥᱤᱨᱡᱚᱱ ᱨᱮᱱᱟᱜ ᱿
==000==
==000== ==000==
ᱰᱟᱹᱨᱨᱮ
ᱛᱷᱚᱯᱮ ᱴᱟᱢᱠᱟ ᱴᱟᱠᱩᱨ
ᱰᱟᱱᱴᱷᱤ
ᱪᱩᱯᱤ ᱞᱮᱠᱟ ,
ᱦᱤᱞᱟᱹᱜ
ᱦᱚᱭᱛᱮ ᱡᱷᱟᱠᱟᱨ ᱡᱷᱩᱠᱩᱨ
ᱫᱟᱨᱮᱨᱮ ᱚᱱᱮ ᱟᱠᱟ ᱾
ᱵᱤᱞᱤᱭᱟᱜ
ᱫᱚᱠᱚ ᱴᱷᱚᱠᱠᱟᱣ-ᱟ
ᱵᱤᱨᱛᱮᱱ ᱠᱚ ᱪᱮᱲᱮ ,
ᱢᱩᱪ
ᱰᱚᱰᱟ ᱫᱚ ᱪᱮᱯᱮᱪ ᱡᱚᱝ-ᱟ
ᱜᱟᱵᱮ
ᱨᱟᱥᱟᱨᱮ ᱞᱚᱲᱮ ᱾
ᱥᱟᱠᱟᱢ
ᱫᱟᱱᱟᱝ ᱞᱟᱯᱷᱟᱝ ᱰᱟᱹᱨᱨᱮ
ᱜᱟᱫᱟᱨ ᱵᱤᱞᱤᱜ ᱞᱟᱜᱤᱫ ,
ᱦᱩᱰᱤᱧ
ᱢᱟᱨᱟᱝ ᱟᱛᱳ ᱚᱲᱟᱜᱨᱮ
ᱵᱟᱱᱩᱜ ᱛᱟᱠᱚᱣᱭᱟ ᱡᱟᱯᱤᱫ ᱾
ᱯᱚᱪᱚᱡᱽ
ᱠᱟᱛᱮ ᱠᱩᱸᱭᱰᱤ ᱡᱟᱝ
ᱞᱟᱛᱟᱨ
ᱛᱟᱢᱛᱟᱥᱮ ,
ᱞᱤᱱᱛᱮ
ᱡᱩᱫᱤᱢ ᱪᱚᱯᱚᱫ ᱠᱮᱭᱟ
ᱞᱤᱱᱢᱮ ᱚᱱᱮ ᱫᱮᱥᱮ ᱾
==000==
==000== ==000==
ᱦᱚᱭ ᱞᱚᱞᱚ
ᱚᱛ ᱞᱚᱞᱚ
ᱫᱷᱟᱨᱛᱤ ᱦᱟ ᱥᱟ
ᱞᱚᱞᱚᱜᱮ ᱾
ᱥᱤᱛᱩᱝ ᱚᱱᱮ
ᱡᱷᱚᱞᱟ ᱠᱟᱱᱮ
ᱦᱚᱲ ᱦᱚᱲᱢᱚ
ᱥᱟᱨᱤᱜᱮ ᱾
ᱞᱟᱪ ᱡᱟ ᱞᱟ
ᱦᱚᱲ ᱵᱷᱟ ᱞᱟ
ᱠᱟᱹᱢᱤ ᱠᱚ ᱪᱤᱴᱟᱹᱜ ᱫᱤᱱᱜᱮ ᱾
ᱞᱟᱸᱜᱟ ᱠᱟᱛᱮ
ᱡᱚᱛ ᱠᱚᱛᱮ
ᱫᱩᱲᱩᱵ ᱡᱤᱨᱟ ᱜ
ᱡᱟᱜᱮ ᱾
ᱦᱟᱸᱰᱮ ᱱᱟᱰᱮ
ᱠᱚᱭᱚᱜ ᱮᱰᱷᱮ
ᱦᱮᱢᱟ ᱞ ᱩᱢᱩᱞ
ᱨᱮᱜᱮ ᱾
ᱡᱚᱛᱚ ᱡᱤᱵᱽᱟᱹᱜ
ᱞᱟᱸᱜᱟ ᱪᱟᱵᱟᱜ
ᱫᱩᱲᱩᱵ ᱦᱟᱛᱟᱲ
ᱛᱮᱜᱮ ᱾
==000==
==000== ==000==
ᱦᱩᱞᱦᱩᱞᱦᱩᱞ
ᱵᱤᱨ ᱵᱟᱱᱴᱟ ᱠᱩᱞ
ᱟ ᱜ ᱥᱟᱨ ᱵᱚᱱ ᱛᱩᱞ
ᱦᱩᱞ ᱥᱮᱸᱜᱮᱞ ᱵᱚᱱ ᱡᱩᱞᱟ᱾
᱓᱐ᱥᱟ ᱡᱩᱱ
ᱢᱟᱱᱟᱣ ᱟᱵᱚᱱ ᱦᱩᱞ ᱢᱟᱦᱟ
᱑᱘᱕᱕ ᱥᱟ ᱞᱨᱮᱱᱟᱜ
ᱥᱟᱱᱛᱟᱲ ᱠᱚᱟᱜ ᱩᱤᱦᱟᱸᱨ ᱢᱟ ᱦᱟᱸ
ᱥᱩᱫᱠᱷᱳᱨ ᱢᱟᱦᱟ ᱡᱚᱱ ᱟᱜ ᱦᱩᱸᱠᱨᱟᱸᱣ
ᱠᱤᱥᱟᱸᱲ ᱠᱚᱜ ᱟᱜ ᱚᱨ ᱚᱵ ᱫᱮ ᱵᱚᱱ ᱥᱩᱫᱨᱟᱸᱣ
ᱛᱤᱨᱞᱟᱸ ᱱᱟᱦᱟᱪᱟᱨ ᱞᱤᱠ ᱨᱟᱣ
ᱟᱫᱚ ᱵᱟᱵᱚᱱ ᱥᱟ ᱦᱟᱣᱫᱩᱸᱫᱨᱟᱸᱣ᱾
ᱤᱝᱨᱮᱡ ᱠᱚ ᱟ ᱪᱟ ᱞ
ᱫᱮ ᱵᱚᱱ ᱨᱟ ᱯᱩᱫ ᱜᱷᱟᱸᱞ
ᱢᱟᱱᱟᱣ ᱦᱚᱲᱟᱜ ᱪᱟ ᱴᱚ ᱡᱟ ᱞ
ᱦᱟᱛᱟᱣ ᱛᱟᱭᱟ ᱵᱚᱱ ᱠᱷᱟ ᱞ᱾
==000==
==000== ==000==
জারাৎ জারাৎ সৗরদি সিতুং
এনহঁকো
কৗমিয়া
ললো দারাং, দাঃ
মা তেতাং
এনহঁকো
কৗমিয়া।
রুকুড় ধিরি চেতান
চেতান
ধিপৗও ডাহার তালা
সারা তিকিন কৗমিয়াকো
রেঙ্গেজ তেতাং
জ্বালা।
গাঁথনি কৗমি দালান চেতান
হামাল ইটৗ
দিপিল
লাঙা রেঙ্গেজ দেয়া
কাতেঃ
সুড়কি সিমিট
দিপিল।
ইটৗ ভাটা ইটৗ দিপিল
গিদরৗ গুগু
কাতে
ললো সিতুং বাকো
দিশৌয়
মৗলিক বতর আতে
।
ধিরি খাদান ধিরি
কটেচ
তিরে
মায়াম জরঃ
গোটা দেয়া চাট্
চাটাঃআ
উদগৗর দাঃ
জরঃ ।
বস্তা গুগু কাবা
কুবু
লৗদিয় গৗডি চেতান
দারাং দারাং চাঁদো
ছাটা
ধিপৗও সেরমা চেতান
।
নাহেল সিয়োঃ হড়
কোদ
হানা বিলৌন
বৗইহৗড়
নাহেল লাগা হৗদুড় ধৗপুড়
জিউয়ীরেমা
রাঃ রৗড় ।
কৗমি হড়কো কৗমি কানা
বৗইদ বৗইহৗড় খেত
নাগার বাজার দলান
খাদান
হিড়িঞ আকো
হারকেত।
বাংদ হায়রে মলং
খৗতির
বাংদ জনম
খৗতির
রেঙ্গেচ হড়দ দুখ
তালারে
বেগর আকিল
খৗতির !
==000==
==000== ==000==
কালা কবৗ বয়হা কড়া
উমের গেল গেলবার,
সেতাঃ খনাঃ আয়ুব ধৗবিজ
আয়ো ঠেনকিন দরবার ।
কুবৗয় এনেজ আচ মনেতে
পিঁডৗ রাচা গটা,
কালায় তাঁহেন আয়ো ঠেনগে
ঞামঃ যুদি গটা ।
বাবা জখেন বাজার খনাঃ
অড়াঃ তেয় বলন ,
কালা কুবৗ বানার বয়হা
থলেকিন উয়ুং লগন ।
কালায় সাবা জাহান জিনিস
কুবৗ অনায় রেরেজ ,
কালা কবৗ বানা হড়গে
উকু তেকিন পেরেজ ।
কালা কুবৗ অড়াঃ কুডৗম
একলা রেকিন জম ,
কুবৗয় জমা লগন লগন
কালাহাঃ জুড়ু কম ।
তাপা মাকিন একলা রে
উব রাচাঃ আতেদ ,
আয়োয় হিজু; দানাং খনাঃ
হাপা সাব আতেদ ।
মিৎ ঘৗঁড়িজ তায়ম খানগে
গাতে গদোঃ আকিন ,
আয়োয় ঞেলা হাহড়া চিতৗর
সেতাঃ খনাঃ তিকিন ।
==000==
==000== ==000==
সিধু কানু চাঁদ ভৈর
অকাপে চালাও এনা?
হানে তিসপে সেন আকানা
গড়ম হাড়ামে মেনা।।
এহো! হুল দরদিয়ৗ -
সারা ঘৗড়িঞ দিশাপেয়া।
হিজুঃ পেসে আলে তালারে
দহড়া তেপে শিখনাৎ লেয়া।
সৗরি কাথা লৗই পেসে
আদ তিসপে হিজুঃ?
আপে বাংতে দিনৗম-দিন
দিশম হড়ক গুজুঃ।
ধৗরতি আয়ু আঃ উমুল
হিড়িঞ কাতেঃ মায়া।
রেঁগেজ নাচার ধৗরতি আয়ু
আদ বাংপে দিশৗ এয়া?
জানাম দিশম ফুরগৗল লৗগিৎ
সাব লেদাপে আঁঃ সার-কৗপি।
খেরোওয়াল কপে মেতাৎ কথেন
লাড়হায় লৗগিৎ আলপে হৗপি।
ইংরেজ ক লাগা লৗগিৎ
সাবলেদাপে জিগিড়।
দিশম হড়ক ক মিৎ কাতেৎ
ছুটৗও এনপে দিগির দিগির।
এহো! দিশম দুলৗড়িয়া;
অকাপে চালাও এন সৗরি?
আদ বাংপে হিজুঃ আ
আলে হিরি?
==000== ==000== ==000==
কেচাঃ চাঁদ দাতরম লেকা
সেরমা চট রে জুলুঃ
অকয় কদ উনি ঞেলতে
দুক হারখেত ক ভৗবিত।
উনিদয় অসাগুনা আলম কয়গ
দিন দ চালাঃ দিন দ রুয়ৗড়
কেচাঃ চাঁদয় কুনৗমি চাঁদঃ
ডিগ ডিগ গটা ধৗরতি মারশাল।
আম হঁ নিত উনি লেকা
লখা লখাতেম হারাঃ কানা
অক্ত সাঁও আম হম তাড়ামা
আমাঃ কুকমু আমগেম পুরৗও।
তাড়াম হর রে বাড়িচ্ গুনিভৗবি
অভাব আনাট রে আলম রৗগিঃ
আমাঃ রিকিড় কৗমিগে আম
কুনৗমি চাঁদয় বেনাও মেয়া।
আমাঃ উদুঃ মারশাল ডাহার গে
সাঁওতা আমাঃ লাহায় তামা
সোহাগ সৗগৗই তপল নৗড়িতে
সরগ আঁড়গ হিজুঃ নাচার ঘারঞ্জ রে।
==000== ==000== ==000==
সৗরদি সিতুঞ জারাঃ জারাঃ
উল বিলি আরাঃ আরাঃ!
খিজুর বিলি থোপে থোপা
চালাঃ আলাং গাপা !
লাফাং ডৗররে ,উল বিলি
হৗনিই য়েয়েল হিলি !
হেড়েম ,জজোঃ যাহাগি কান?
ঝাড়পৗ দারে উল কান !
খিজুর বিলিই ,রুকু লেদাঃ
আলে দাদা ,ছোটে দাদা!
হৗটিং লৗগিত জুড়ু জুড়ু
গড়ম বুডি কুরু কুরু!
কুৎ বিলি লাপাঃ চাপাঃ
হিড়িঞ কেদাম বৗটি দাকাঃ!
হড় তালারে ,দৗরইয়া লুটি
দিশৗই মেশে লৗটু কুটি!
তিরিল ,তাড়োঃ শশো বিলি
জমমে ! চেৎ এম কুলি ?
জমকাতে ,হাজাম মেশে
দমেম খজোঃ আসে !
বেরেল সৗপৗরি ,বালে ডাটা
দৗড় বাড়ায়াম গোটাঃ!
বারইয়ৗ ডাটা ,ঞূর এনা
পাঞ্চাঃকাতে অকয় এমা ?
লালিশ আতে ! এ গড়ম হাড়াম
জুড়ু কমো ! হানতে নাতে দাড়ান ?
যাহা অক্ত , বিলি যাহাঃ
চাখাই মেশে তাঁহাঃ!
হড়মো দাড়িই ,আগুই তামা
হড়ম লৗগিত আডি দামাঃ !
চলো বাবু , চলো বিটি--
লান্দাই মেশে খিটি খিটি--
দন দনতেন দদন কানাঃ
যাহা অক্ত ,যাহাম য়ামাঃ
জজম গেচোঃ সানা
জজম গেচো সানাঃ!
==000== ==000== ==000==
সিটিক্ সিটিক্ দাঃ জৗড়িরে
হপন মাইদয় জৗপিৎ,
চাঁদো গেচং ভাদর্ জৗপুৎ
দাঃদ বাংএ হৗপিৎ ।
জৗপিৎ এভেন মৗই তালেদ
বাড়গে দুওয়ারে রাবুড়,
ঞেঁলে কানায় হাড়াম তুয়ুয়্
ঞিঁরাঃ খাবাড় খুবুড় ।
গায়াং গুয়ুং তুয়ুয় উয়ুং
জঁডরা দারে লাতার,
চিঁয়াপ্ চিঁয়াপ্ সিম বুসাঃএ
রাগেৎ জাতার কাতার ।
তুয়ু হাড়াম তাড়াম তাড়াম
সিম হপনঠেনে সুরেন,
সাবেয়ায় মেনতে জঁডরা ফটরে
তৗকিজ্ কাতেয় ঞুঁরেন ।
অকয়, অকয় কানাম আমদো
লজর আমাঃ গিদৗররে,
ভাট্ বোসটম্ ফুল্ পরান
বাড়গে জঁডরা গাদাররে ।
ধৗরতি জাকাত এঁগাৎ দুলৗড়
আডি গেচং সারচা,
দাড়মে, এঁগাৎ তেৎদয় লৗইয়া
সময় আলোম খরচা ।
সগাঃ কাতেয় খুবলৗও পুটুর
হাড়াম তুয়ু মচং,
কয়ঃ কাতে তুড়ি বাহা
ঞেঁলায় তুয়ু হঁচং ।
জিউই বতর তাওয়াঃ তারকো
ঢঁঞ ঢঁঞঃতায় কড়াম,
রাটাং পাটাং তাহাম তুকুজ
দাড়ায়্ তুয়ু হাড়াম ।
==000==
==000== ==000==
বৗজৗল
সরেন তাঁহে কানায়
দিলগৗর হড়গে ভালা,
জানাম
আতো কালহাজোড় কানা
নাহাঃ গোড্ডা জেলা।
ঝাড়খন্ড
পনৎ হেনাঃ অনা
আদ মেনগে বাড়াঃ,
সানাম
গেকো তেবাঃআকাদ্
ভারত
রেথঃ পাড়াঃ।
আপাৎ
চুনকু রেঁগেচ্ জালা
পাঞ্চা হাতাও তোড়া,
হালাঃ
তায়হঁ উদৗর এমঃ ইচ্
অৗদৗই বানার বেড়া।
রুপসিং
তাম্বলি মাহাজন
দমেয় গাজন কেদা,
হোড়ো
চাওলে থৗরি বৗটি
জতয় ইদি লেদা।
সেঁওলা
ডুংরি রেগে লৗইকো
বৗ্জৗল গৗইকো গুপি,
অনডে
তোওয়া গৗইগে ককয়
সেনলেন হৗপি হৗপি।
রৗগি
তেদয় হেলেচ্ লেদেয়
লাসের কৗপি তেগে,
উনগে
গেথ সেঁদরা সাপগে
ইংরেজ
পালটন কোগে।
ভাগলপুর
খনাঃ সিউড়ি জেহেল
ইদি তাড়াম তেদ,
হাজত
রেগে অরং লেদায়
সৗরি তিরয় গেদ।
গুহুড়
গুহুড় সাডে লেনগে
একাল মঁজগে এতে,
গুরলৗও
তুলুচ্ রাঁওয়া গেচো
হয়রে মেসা কাতে।
সোররেগে
সাহেব বাংলো কোদ
আঁজম চালাঃ কানগে,
অঁডে
পুঁডয়ান হারতা কুড়ি
মেনকো তাঁহে আনগে।
উনখন
জেলার সাহেব কুড়ি
বুলৗও লেনায় সৗরি,
মনে
দুলৗড় তপল মিৎলেন
বানা হড়াঃ পৗরি।
বাডায়
বৗনুঃ ফাঁসি বেওরা
বাংদ ঠু কেদে,
অকয়
দকো মেন কেদা
বিলৗত আঁগির লেদে।
দেওয়ান
হঁচো বাচো বুজুঃ
আডি হাহাড়াঃ অনে
বাডায়
তেগে হেনাঃ কোওয়া
তেহেঞ
গাপা হানে।
বীর
বান্টাগে বৗজৗল সরেন
হুলগৗরিয়ৗ ক মেতায়,
আপনার
জৗতি জিয়ৗড় দহয়
সাহাস কৗমি গেতায়।
জিউয়ি
দয়ে আলায় লেদগে
নাহাচার বিরুদ রেগে,
হারকেৎ
শাসেৎ লাগা সাহায়
ভৗ্লৗই লৗগিৎ তেগে।
সাঁওতা
দিশম বাবত তেদ
এনেম দহ আনায়,
হড়কো
তালা মালা নেতার
দিসৗ রেগে হেনায়।
==000==
==0 মুচৗৎ 0== ==000==
.webp)
.webp)
