আবোওয়াঃ ডিজিটাল ডেস্ক- আদিবাসী ঞুম কাতেৎ অ-আদিবাসী কো সারা ঘৗড়িচ্গে সৗ্রিন আদিবাসীকো এড়ে ভুড়ুচ্ ইদিয়েৎ কোওয়া নানাহুনৗর চৗকরি ঠাঁওরে।নোওয়াদ সানাম লেকান থকরে নিত ঞেল ঞামঃ কানা। নংকান মিৎ হাহাড়া ডগর বাডায় ঞাম আকানা পূর্ব মেদিনীপুর জেলা রেনাঃ তমলুক খামারচক হাই স্কুলরে অশোক কুমার হাটুয়া এস.টি. সার্টফিকেট হৗতিয়ৗও কাতেৎ মারাং মাচেৎ ঠাঁওরে বাহাল মেনায়া।
বাডায় আকানা বাংমা আচরেন মিৎ সাঁও কৗমিয়ৗ কোওয়াঃ
প্রমোশন হোয়োঃ কান রেহঁ রবীন্দ্রনাথ বাস্কেয়াঃ চেদাঃ প্রমোশন বাং হোয়োঃ কানা। নংকান
কাথা বরাবরগে তলাশ ইদিয়েৎ তাঁহেকানায় উনি মারাং মাচেৎ। মিৎ দিন দ ফোন তালাতে রবীন্দ্রনাথ
বাস্কেয়াঃ প্রমোশন বাখরা ইদিকাতে কাস্ট সার্টিফিকেট এ কয় কেদেয়া। মেনখান রবীন্দ্রনাথ
বাস্কেয়াঃ একাল বাডায় বাং তাঁহেকান তায়া আয়াঃ কাস্ট সার্টিফিকেট কৗমিরে লাগাও কাতে
অশোক কুমার হাটুয়া দ আয়াঃ কাস্ট সার্টিফিকেট এ বেনাও আ মেনতে। হাটুয়া গোমকে দ পৌরসভা
খন Blood relation chart অডোক কাতে BCW অফিসার হঁ অনা কৗমিরে লাগাও কাতে এস.টি. সার্টিফিকেট
এ বেনাও আদেয়া।
নোওয়া ইদিকাতেৎ গে হলা আদিবাসী কল্যাণ সমিতি মেদিনীপুর
আর ঝাড়গ্রাম জেলা চাঁগা পাহটা খন তমলুক রেনাঃ মানিকতলা ডাক কর্মীভবন রে তমলুক রৗস্কৗ
মহলরেন সভাপতি মানতান দেবেন্দ্রনাথ হেম্ব্রম আঃ দেলাতে মিৎ জৗড়ুরান মিদুন হুয় পারমেনা।
মিদুন রে গটায়েন কাথাক মুদ্রে বাডায় আকানা- দারায়কান ২২ মে তমলুক এস.ডি.ও. অফিসরে
WBSTWA, BJMPM আর তমলুক রৗস্কৗ মহলাঃ সৗহিজুহিতে অ-আদিবাসী অশোক কুমার হাটুয়া বিরুদরে
মাড়তে ডেপুটেশন সাঁওতে মেমোরেন্ডাম কো এম চালা। অনা মাহারেগে তমলুক থানা সাঁওতে পৌরসভা
রেহঁ ডেপুটেশন কো এমা।
.webp)
.webp)
