আবোওয়াঃ ডিজিটা ডেস্ক- বিলমতে ঞাম আকান মিৎ ডগররে বাডায় আকানা বাংমা পুরুলিয়া
জেলা আড়ষা থানারে মেনাঃ কান্টাডি ‘সনত্ তারাস’ রেহঁ পারমেন ৫ মে’২৩ পন্ডিত রঘুনাথ
মুরমু আঃ ১১৮ সেরমা পুরৗও জানাম মাহা অৗডি জাঁকজমক সালাঃ কো মানাও কেদা।
ক্লাব রেনাঃ চির হিপিড় তায়ম গুরু গোমকেয়াঃ মুঠৗনরে
বাহা মালা এম চাল কাতে উঢৗও সেরেঞ মুচৗৎ সাঁও সাঁওতে আখড়া কৗমি হরা এহব এনা।আখড়ারে
পোয়লোতে ক্লাব রিনিচ্ অ্যাডভাইজারি কুমুটরেন গৗখুড়ান সহেদ্ মানতান বীরসিং হেম্ব্রম
সৗগুন দারাম বাঁখেড় আর গুরু গোমকে্যাঃ জিয়ন ইদিকাতে অড়ে অড়পাত এ আড়তি তরা কেদা।
আখড়ারে পেড়া লেকাতে সেটের তাঁহেকান আড়ষা কলেজ রেন
প্রফেসর মানতান অসিত বরন মুরমু মাচেতানি জয়ন্তী মুরমু, মাচেৎ রূপলাল সরেন এমান গোমকেকো
সানাম গে গুরু গোমকেয়াঃ জিয়ন চেতান আয়মা থুতি গালচ কেদাকো।
অনড়হেঁ হেপরাওরে বুধনি মান্ডি পোয়লো শিরপৗয় হামেট
কেদা আর ফুটবল খেলোডরে বিডিএসবি ক্লাব দ আহলা একাদশ এ পৗডু কেদেয়া।
ক্লাব রেন গৗখুড়িয়ৗ মুদরে মানতান রঞ্জিত কিস্কু,
মহেশ মুরমু, সঞ্জিত মুরমু, কালিদাস হেম্ব্রম আর ঠাকুর দাস সরেন, হাবুলাল বাস্কে এমান
গোমকেকো সেটের তাঁহেকানা।
মুচৗৎরে গুরু গোমকেয়াঃ জানাম আখড়া সার সৗগুন লৗগিৎ
সেটের লেন সানাম কোগে ক্লাব পাহটা খন প্রেসিডেন্ট মানতান মনসারাম হাঁসদা আর সেক্রেটারী
মানতান বুদ্ধেশ্বর বাস্কে সারহাওকিন চাল আৎ কোওয়া।
.webp)
.webp)
