আবোওয়াঃ ডিজিটাল ডেস্ক- পারমেন ২২ এপ্রিল’২৩ পশ্চিমবঙ্গ আদিবাসী কল্যাণ সমিতিয়াঃ সৗহিজুহিতে আর ভারত জাকাত মাঝি পারগানা মহল, ভারতীয় আদিবাসী ভূমিজ সমাজ আর তমলুক রৗস্কৗ মহলাঃ জুগুৎতে পূর্ব মেদিনীপুর জেলা রেনাঃ তমলুকরে জাল সার্টিফিকেট বিরুধরে পে-পে গটাং আপিসরে মাড়তে ডেপুটেশন সাঁওতে মেমোরেন্ডাম কো এম চাল কেদা।
বাডায় আকানা পূর্ব মেদিনীপুর জেলা রেনাঃ তমলুক
খামারচক হাই স্কুলরে্ন অশোক কুমার হাটুয়া ঞুতুমান মিৎ মারাং মাচেৎ জাল এস.টি. সার্টফিকেট
হৗতিয়ৗও কাতেৎ আয়াঃ কৗমি ঠাঁওরে বাহাল মেনায়া। সমিতি পাহটা খন নোওয়াহঁ বাডায় আকানা
বাংমা উনিদ কাথায় পৌরসভা রেনাঃ পেইড কো হৗতিয়ৗও কাতেগে নংকায় কৗমিয়াকাদায়। যাঁহাদ পৌরসভাহঁ অনা কাথায় বাতাও আকাদা।
তমলুক এস.ডি.ও. আর তমলুক পৌরসভা খন তুনখি তলাশ কাতে ঞেল রেনাঃ কাথা ঞাম এন রেহঁ তমলুক
থানা খন অনকা সাড়া সৗবুদ বাং ঞাম লেনা। বাডায় আকানা বাংমা সংগঠন রেন মাড়তেকো সিঁগাঁড়
হৗবিচ্ তাঁগি তাড়াঃরে তাঁহেলেন রেহঁ ওনকো সাঁও ও.সি. বায় ঞেপেল লেনা।তবে চেৎ অসহযোগিতা?
সমিতি আর মহল পাহটা খন নংকাগে কুকলি চিনহা রাকাপ কানা।তবে সংগঠন পাহটা খন হুঁসিয়ৗরি
কো এম অটো আকাদা বাংমা ১৫ দিন ভিতরিতে রিপোর্ট বাংকো ঞাম লেখান আরহঁ মারাং জমেলায় আতেৎ
নঁডেকো সেটেরঃআ।
.webp)
.webp)
