আবোওয়াঃ ডিজিটাল ডেস্ক- আসানসোল বার্ণপুরঃ-
পারমেন ২৮মার্চ২০২৩, ২২ বছর উমেরান কোয়েল হাঁসদা ঞুতুমান মিৎ ইঞ্জিনিয়ারিং পৗঠুওয়ৗ
কুড়ি গিদৗর কিডন্যাপ কাতে দাল গচ্ খৗতির আসানসোল বার্ণপুর এলাকারে হুলৗ চামকাও সিরজৗও
গৎ আকানা। নংকান মিৎ হাহাড়া, নিরমায়া ঘটন আঁজম কাতে শোস্যাল মিডিয়ারে সানাম অনলিয়ৗ
সাঁওতে আয়মা সংগঠন আর আয়মা বুরধিজীবি কহঁ রড়দারাম রেনাঃ হয় ভান্ডো কো রাকাব্ গৎ আকাদা।
সাঁওতে কৗয়ধি কো কডরা শাসেৎ কো ঞামমা, অনা রেনাঃ দৗবিহঁ অৗডি কেটেজ্ সাঁহিজ্ কো রড়
তরা আকাদা।
নঁতে নে হালে পারমেন ৩ এপ্রিল, ভারত জাকাত সান্তাড়ি
অনলিয়ৗ গাঁওতা আসানসোল পুলিশ কমিশনার ঠেন নোওয়া দৗবি সাকাম কো দহ কেদা বাংমা কোয়েল
হাঁসদা আঃ গচ্ ঘটন সাঁও জপড়াও আকান কৗয়ধি কো কডরা শাসেৎ কো ঞামমা সাঁও সাঁওতে নোওয়া
ঘটন রেনাঃ চার্জশিট হঁ রাওয়াল সাঁহিজ্ আল অলঃমা অনা হঁক অল তরা আকাদা।
আরহঁ হলা ৬এপ্রিল, আসানসোল কুলটিথানা রেনাঃ নিয়ামতপুররে
আয়মা সংগঠন রেন আয়মা হড় অৗডি কাজাক বিন রড়তে মেনেৎ থিরথার মিছিল রেকো তাড়াম কেদা। যঁশ
দ নোওয়া তাঁহে কান তাকোওয়া বাংমা কোয়েল হাঁসদা গগচ্ রেন হড় কো কডরা শাসেত কো ঞামমা।মিছিল
রেনাঃ হেঁদে বেনার আর কার্টুন করেহঁ অনা কাথা কোগে অল তাঁহে কানা।
নঁতে সান্তাড়ি মহল রেন বুরধিজীবি কহঁ কোয়েল হাঁসদা
আঃ গচ্ ঘটন ইদিকাতে অৗডি বেবৗড়িচ্ হুয়াকানা মেনতেকো সদর আকাদা। নোওয়া নিরঘিন ঘটন
রে ওনকো তালারেহঁ মিৎ হাহাড়া আনাইকৗউ গুরলৗও বাডায় কানা।
নঁতে আরহঁ নিৎ আয়মা হড়াঃ আয়মা লেকান কুকলি রাকাব্
কানা- সান্তাড় সাঁওতারেহঁ তবে চেৎ পছিম নাখা দিশম রেনাঃ কালচার সড় বলন কানা? কুকলি
রাকাব কানা- অকা যুগ রেবন সেটের এনা, তেহেঞ মিৎ সান্তাড় আর মিৎ সান্তাড় গচ্ লৗগিৎ
হঁ তি বাং থার থারাঃ কান তাবোনা? সান্তাড় সাঁওতারে নংকাহঁ ঘটন হুয় দাড়েয়াঃআ? আয়মা হড় কুকমু তেহঁ বাংকো ঞেল ঞাম আকাদা। এনখান সান্তাড়
সাঁওতারে তিরলৗ কোওয়াঃ নিরাপত্তা অকারে? কোয়েল হাঁসদা লেকান বুরধিমান কুড়ি গিদ্রৗ
আধা দিনরে টুঁগুচ্ গিডি কাতেৎ ওনকো কৗয়ধি চেৎ ক লৗলৗই লৗগিদঃ কানা? সান্তাড় সাঁওতা
কি ওনকো যাঁহাতিস ইকৗয় এমা কোওয়া?
সাঁন্তাড় সাঁওতারেন দরদিয়ৗ ঞুতুমান অনলিয়ৗ সাহিত্য
একাডেমি শিরপৗ হামেটিয়ৗ মানতান লক্ষীনারায়ন হাঁসদাঃ লেকান হড়াঃ ঝারনা কলম বন্দ অচোয়
লৗগিৎ গে চেৎ উনি নংকান কুড়ৗই এম হোয় এনা সে কোয়েল হাঁসদা লেকান মৗই গিদৗর ইঞ্জিনিয়ার
পাড়হাঃ কানতে মেৎরে হিস্কৗ সেঁগেল জোল এনা? নংকান কুকলিহঁ নিৎ আয়মা হড়াঃ মচারেগে আঁজমঃ
কানা। আরহঁ আঁজমঃ কানা তেহেঞ কোয়েল হাঁসদাঃ সুমুং দ বাং, সান্তাড় সাঁওতা মিৎটাং ইঞ্জিনিয়ার
এ আৎ কেদেয়া। নোওয়া ঘাটতি কি যাঁহাতিস পুরুনঃআ? তবে সানাম হড়াঃ মিৎটাং গে কাথা নোওয়া
ঘটন সাঁও জপড়াও আকান হড় যাঁহান গাঁতাত রেন কো হোয় অচোয়ান কডরা শাসেৎ ক ঞামমা মেনতে
দৗবি কো দহ আকাদা।
.webp)
.webp)
