অৗইদৗর লাড়াওনা
সারি ধরম হাঁসদা
জিয়ন অৗইদৗর লাড়াওনা ডাহার- তাড়াম তাড়ামতে তিমিন রেচ অকয় হড়, অকাসেৎ ক বঁজড়ঃ কানা। উনকু দ অঁহম সাব দহ কেক আ। উনি ত সমাজ সুসৗরিয়ৗ লগেন। তিনৗ়ঃ হড়ে বুঝৗও ক তাঁহেৎ। মেন লেদায়-, নওয়া সমাজরেঞ জানাম আকানা। নওয়া সমাজরেন হড়াঃ রেঁগেজ রাবাং, লায়- লৗগচার, অৗরিচৗলি বাং অৗরুফেরাও হৗবিজ অকাসেৎ হঁ বায় চালাঃআ। একরাড়নামায় হাতাও আকাদা। স্টেজরে উনিয়াঃ কাথা আঁজম লৗগিৎ হড় ক তাঁড়খাও এনা। অকারেগে মিছিল মিটিং হোয়োঃ কান।অঁডেগে। নে-লেকা ঝাড়ঝাড় হড় সেটের কাতে দিস হুদিস কাথা ক আঁতেন আঁজম তায়া। হড় ক মেনা-, 'সারিগে লগেন বৗবু দ সনৎ সৗকুব আন, নিরলৗ সমাজ সুসৗরিয়ৗ হড় কানায়। উনিয়াঃ উইহৗর ভাবনা লেকাতে হাপেন জুমিৎ দ তেঁগো কেটেজ লেনখান তিস হঁ আদ বাং লাঁদুড় ঞুরুঃআ। মিৎ বার হড় দ লগেনাঃ রাঁগাওনা গালমারাও আঁজমতে উদগৗও কাতে দেকো কঠেন টটসা কাথা ররড় ক এহব এনা-,
-'হেঁ- ব'
খুড়া। হামদের মাজো পাড়ার মাছ গৗড়িয়াটা বাবার কাছেল্লে ভুলাঞ ভুলাঞ তোদের করে লিলি। দাঁড়া আমরাও ঘুরে দাঁড়াচ্ছি। কি করে ঘুরাঞ লিতে হয়,
তা একটু সবুর কর।তোদেরকে দেখাচ্ছি।'
অনা কাথা আঁজম কাতে দেকো হড় দক বতরঃআ। মনেতে ক মেন জংআ-,
"নুকু হড় দ ভালা,
চেৎ দাড়ে?
অকারে ক ঞাম গৎ আনতে? নংকান কাথা দ ক রড় এদা ?"
দিন পারম চালাঃআ। কাথা দ তাঁহেনা। মেনখান মাজো গেড়িয়ৗ হঁ দেকোআঃ গে তাঁহেয়েনা।
মিৎদিন দ ঞেল এনা। লগেন বৗবু দ সুটবুট, টাই হরঃ কাতে বুলেরো গৗডিরেয় দেজঃ কানা। অনা ঞেলকাতে হড় দ উনি সেৎগে ক দৗড় ইদি কেদা। কুলিকেদেয়া ক-, 'লগেন বৗবু, অকাতেম চালাঃ কানা?'
লগেন দ মিৎটেন হুডিঞ মাছা তেলা এম কাতে,
খৗলি তি গেয় লাড়াও কেদা। মেন কেদায়-, 'মা-আপে দ তাঁহেন তাবনপে। ইঞাঃ আঁস দ পুরুন আকান তিঞা। টা-টা বাই বাই।'
হড় দ হাহাড়া কাতে উনিসেৎ কয়ঃ থিররে ক তাঁহেয়েনা। সোইলেন দ দৗড় হেজ কাতেয় মেন কেদা-,
'হেঁদা ভৗই,
আপে দ,
আদ বাংপে বাডায়াসে ? লগেন বৗবু দ গেলমঁড়ে লাখ টাকা সাঁওতে আর মিৎটেন পোন চাকা
বুলেরো গৗডিয় ঞাম আন দ।' ঠুড়ু দ হায় চঃ আতে অৗটুপৗটুয় মেনগৎ কেদা-, তবেখান আবোআঃ মাজো গৗডিয়ৗ রেনাঃ অৗইদৗর লাড়াওনা দ চেৎ হোয়োঃআ ?
.webp)
.webp)
