ᱮᱞᱟᱝ
(ᱨᱩᱛᱤ ᱠᱟᱹᱦᱱᱤ)
ᱜᱳᱯᱮᱥᱣᱚᱨ ᱢᱟᱹᱱᱰᱤ
ᱥᱟᱢᱚᱞ
ᱴᱩᱰᱩ ᱫᱤᱥᱳᱢ ᱫᱟᱲᱟᱱ ᱥᱟᱶᱛᱟ ᱥᱩᱥᱟᱹᱨ ᱠᱟᱹᱢᱤ ᱠᱷᱚᱱ ᱚᱲᱟᱜ ᱮ ᱨᱩᱭᱟᱹᱲ ᱦᱮᱡ ᱮᱱᱟ ᱾ ᱢᱤᱫ ᱵᱟᱨ ᱜᱤᱞᱟᱹᱥ
ᱫᱟᱜ ᱧᱩ ᱠᱟᱛᱮ ᱞᱟᱸᱜᱟ ᱛᱷᱟᱠᱟᱣ ᱜᱤᱛᱤᱡ ᱡᱤᱨᱟᱹᱣ ᱮᱱᱟᱭ ᱾ ᱢᱚᱱᱮ ᱢᱚᱱᱮᱛᱮᱭ ᱢᱮᱱ ᱮᱫᱟ,ᱤᱧᱟᱹᱜ ᱧᱩᱛᱩᱢ
"ᱥᱟᱢᱚᱞ ᱴᱩᱰᱩ,ᱤᱧ ᱨᱮᱱ ᱟᱭᱳ ᱵᱟᱵᱟ ᱠᱤᱱ ᱧᱩᱛᱩᱢ ᱟᱠᱟᱫᱤᱧᱟ ᱾ ᱢᱮᱱᱠᱷᱟᱱ ᱥᱟᱱᱛᱟᱲᱤ ᱯᱟᱹᱨᱥᱤ
ᱨᱮᱱᱟᱜ ᱟᱹᱲᱟᱹ ᱞᱮᱠᱟ ᱛᱮᱫᱚ ᱵᱟᱝ ᱠᱤᱱ ᱧᱩᱛᱩᱢ ᱟᱠᱟᱫᱤᱧᱟ ᱾ ᱡᱟᱸᱦᱟᱛᱮ ᱧᱩᱛᱩᱢ ᱧᱩᱢ ᱛᱚᱨᱟ ᱥᱟᱱᱛᱟᱲ
ᱡᱟᱹᱛᱤᱭᱟᱜ,ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮᱱᱟᱜ ᱟᱹᱲᱟᱹ ᱞᱮᱠᱟ ᱟᱹᱭᱠᱟᱹᱣ ᱠᱚᱜ-ᱟ ᱾
ᱚᱱᱟᱛᱮ
ᱥᱟᱢᱚᱞ ᱴᱩᱰᱩ ᱫᱩᱠᱷ ᱮ ᱟᱴᱠᱟᱨ ᱮᱫᱟ ᱾ ᱱᱚᱛᱮ ᱪᱷᱟᱹᱛᱤᱠ ᱡᱟᱹᱛᱤ ᱠᱚ ᱤᱸᱜᱽᱨᱮᱡᱤ,
ᱵᱟᱝᱞᱟ,ᱦᱤᱸᱫᱤ,ᱩᱲᱭᱟᱹ,ᱩᱨᱫᱩ ᱮᱢᱟᱱ ᱢᱮᱰᱤᱭᱟᱢ ᱛᱮᱠᱚ ᱯᱟᱲᱦᱟᱜ ᱠᱟᱱ ᱨᱮᱸᱦᱚ,ᱟᱠᱚᱣᱟᱜ ᱡᱟᱹᱛᱤ ᱨᱮᱱᱟᱜ
ᱯᱟᱹᱨᱥᱤ ᱞᱮᱠᱟ ᱛᱮᱜᱮ ᱜᱤᱫᱽᱨᱟᱹ ᱧᱩᱛᱩᱢ ᱠᱚ ᱮᱢᱟᱣ ᱟᱠᱚ ᱠᱟᱱᱟ ᱾ ᱚᱱᱟᱛᱮ ᱟᱠᱚᱣᱟᱜ ᱡᱟᱹᱛ ᱟᱨ ᱯᱟᱹᱨᱥᱤ
ᱨᱮᱱᱟᱜ ᱢᱟᱹᱱ ᱟᱨ ᱩᱯᱨᱩᱢ ᱠᱚ ᱥᱚᱫᱚᱨ ᱮᱫᱟ ᱾ ᱟᱵᱚᱫᱚ ᱮᱴᱟᱜ ᱪᱷᱟᱹᱛᱤᱠ ᱯᱟᱹᱨᱥᱤ ᱨᱮᱱᱟᱜ ᱮᱞᱟᱝ
ᱞᱮᱠᱟ ᱛᱮ ᱨᱩᱯᱞᱟᱞ,ᱨᱚᱸᱡᱤᱛ,ᱥᱚᱝᱠᱨᱟᱱᱛᱚ ᱮᱢᱟᱱ ᱜᱤᱫᱽᱨᱟᱹᱵᱚ ᱧᱩᱛᱩᱢ ᱟᱹᱜᱩᱭᱮᱫ ᱠᱚᱣᱟ ᱾ ᱡᱟᱸᱦᱟ ᱫᱚ
ᱥᱟᱛᱟᱲᱤ ᱯᱟᱹᱨᱥᱤ ᱨᱮᱱᱟᱜ ᱟᱹᱲᱟᱹ ᱜᱮ ᱵᱟᱝ ᱠᱟᱱᱟ ᱾ ᱢᱮᱱ ᱜᱟᱱᱚᱜ-ᱟ ᱢᱤᱫ ᱞᱮᱠᱟ ᱟᱵᱚᱣᱟᱜ
ᱯᱟᱹᱨᱥᱤ ᱨᱮᱱᱟᱜ ᱢᱟᱹᱱ ᱠᱷᱟᱴᱚᱜ ᱠᱟᱱᱟ ᱟᱨ ᱟᱵᱚᱣᱟᱜ ᱧᱩᱛᱩᱢ ᱨᱮ ᱥᱟᱱᱛᱟᱲ ᱡᱟᱹᱛᱤᱭᱟᱜ ᱩᱯᱨᱩᱢ ᱩᱠᱩ
ᱛᱟᱸᱦᱮᱱ ᱠᱟᱱᱟ ᱾
ᱚᱱᱠᱟ
ᱩᱭᱦᱟᱹᱨ ᱤᱫᱤ ᱤᱫᱤ ᱛᱮᱜᱮ ᱥᱟᱢᱚᱞ ᱴᱩᱰᱩᱭᱟᱜ ᱢᱮᱫ ᱫᱟᱜ ᱡᱚᱨᱚᱭᱮᱱ ᱛᱟᱭᱟ ᱾ ᱟᱫᱚ ᱟᱭᱟᱜ ᱢᱮᱫ ᱫᱟᱜ ᱡᱚᱫ
ᱡᱚᱫ ᱛᱮᱜᱮ ᱥᱟᱞᱟ ᱜᱳᱴᱟ ᱠᱮᱫᱟᱭ,ᱤᱧ ᱨᱮᱱ ᱜᱚᱲᱚᱢ ᱠᱚᱲᱟ ᱠᱩᱲᱤ ᱛᱟᱠᱚ ᱫᱚ ᱥᱟᱱᱛᱟᱲ ᱡᱟᱹᱛᱤᱭᱟᱜ ᱥᱟᱱᱛᱟᱲᱤ
ᱯᱟᱹᱨᱥᱤ ᱨᱮᱱᱟᱜ ᱟᱹᱲᱟᱹ ᱞᱮᱠᱟ ᱛᱮᱜᱮ ᱧᱩᱛᱩᱢ ᱤᱧ ᱫᱚᱦᱚᱭ ᱛᱟᱠᱚᱣᱟ ᱾
.webp)
.webp)
