' তড়ে সুতৗম ' আঃ শায় সেরমা জানাম মাহা মানাও এনা ঝিলিমিলিরে

 

আবোওয়াঃ ডিজিটাল ডেক্স : পারমেন সিঁগি মাহা হিলোঃ অনলিয়ৗ, অনড়হিয়ৗ নারায়ণ সরেন " তড়ে সুতৗম " আঃ শায় সেরমা জানাম মাহা মাহাও এনা বাঁকুড়া জেলা রেনাঃ ঝিলিমিলি হাই ইস্কুলরে। সানতালি অনলিয়ৗ গাঁওতা আঃ সৗহিজুহিতে আর ঝিলিমিলি আঞ্চলিক খেরওয়াল মার্শাল গাঁওতা গড় সপহৎতে নোওয়া আখড়াদ সৗখি সভায়েনা।।

মারাং পেড়া লেকাতে সেটের এ তাঁহে কানা অনলিয়ৗ, অনড়হিয়ৗ মানতান গোমস্তা প্রসাদ সরেন ,মৗনৗন পেড়া মানতান সারদা প্রসাদ কিসকু (খে.বৗ) ,"তেতরে "পাথাম সা-সাপড়াওয়িচ্ মানতান মহাদেব হাঁসদাঃ ,সমাজ কামিয়ৗ অরুন কুমার সরেন , সুনীল হেমব্রম , কালিচরন মুরমু । এনেচ্ তালাতে পেড়া দারাম তায়ম দিউহে বৗতি জেরেৎ সাঁওতে অনলিয়ৗ আঃ চিতৗর মুঠৗনরে বাহামালা আরাও কাতে আখড়া রেনাঃ কৗমিহরা এতহপ এনা। আখড়া উঢৗউ সেরেঞ তায়ম  তড়ে সুতৗম আঃ অনড়হেঁ ,জিয়ন আর সানতালি সাঁওহেৎ রে উনিয়াঃ এনেম লৗইতে অড়ে অড়পাত গালমারাও হোয়েনা ।     

                       

আখড়ারে নারায়ণ সরেনাঃ অনড়হেঁ বাঁখেড় সেরেঞ রেনাঃ হঁ আরিবান্ধি তাঁহে কানা। অনড়হেঁ বাঁখেড়, এনেচ সেরেঞ, তালাতে আখড়া আডি মজতে হুয় পারমেনা। অনড়হেঁ বাঁখেড় সেরেঞরে সেলেৎ লেন যুযৗন অনলিয়ৗ ক সার্টিফিকেট সাঁওতে পুঁথি এম কাতে মৗন কো চালাৎ কোওয়া । লাকচার এনেচ রেক তাঁহে কানা কাঁঠালিয়া সানতাল রুসিকৗ মাডওয়া। এনেচ সেরেঞ অৗড়তি তালাতে রৗসকৗ রাসা কো হৗটিঞ আদ কোওয়া  আখড়ারে সেটের লেন অনলিয়ৗ, অনড়হিয়ৗ সমাজ কৗমিয়ৗ আর সাঁগে ঞেঞেলিয়ৗ কো  ।