“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com।
তেহেঞাঃ আখড়ারে যাঁহায় কো সেলেদ্ আকান- ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵ ᱩᱫᱤᱭᱟᱹᱢ ᱩᱨᱢᱩ, ᱨᱟᱢᱞᱟᱞ ᱴᱩᱰᱩ, ᱠ ᱤ ᱥ ᱠ ᱤ ᱱ ᱫ ᱷ ᱟ ᱢ ᱩ ᱨ ᱢ ᱩ, ᱮᱵ ᱷ ᱮᱱ ᱠᱩᱭᱞᱤ ᱥᱚᱨᱮᱱ, ᱜᱳᱯᱮᱥᱣᱚᱨ ᱢᱟ ᱱᱰ ᱤ, বাড়তাং সরেন, সনাতন টুডু, বিভূতি ভূষণ সরেন, পি সি কিসকু রাপাজ, দুর্গাচরণ মুরমু, সিতেন মান্ডি, দুগাই টুডু, রামপদ কিসকু।
ᱧᱮᱞᱚᱜ ᱠᱟᱱᱟᱭ ᱛᱮᱦᱮᱧ
ᱩᱱᱤ ᱜᱮᱪᱚᱼ
ᱜᱟᱯᱟ ᱢᱚᱱᱮᱭ ᱥᱮᱯᱮᱧ ᱾
ᱢᱮᱱᱟᱜ ᱳᱠᱳ ᱢᱟᱨᱟᱝ
ᱟᱸᱜᱚᱪ ᱧᱟᱢᱟᱢᱼ
ᱜᱩᱱ ᱫᱚ ᱫᱟᱱᱟᱝ ᱫᱟᱱᱟᱝ ᱾
ᱟᱸᱡᱚᱢ ᱡᱚᱝᱨᱮ ᱜᱩᱱᱟᱜ
ᱢᱮᱱᱟᱜ ᱟᱹᱰᱤᱼ
ᱚᱱᱟᱨᱮ ᱥᱮᱬᱟ ᱛᱮᱱᱟᱜ ᱾
ᱫᱟᱨᱮ ᱰᱟᱹᱨ ᱨᱮ ᱞᱟᱸᱫᱟᱭ
ᱵᱟᱦᱟ ᱨᱟᱥᱟᱼ
ᱢᱚᱱᱮ ᱡᱤᱭᱤ ᱱᱟᱣᱟᱭ ᱾
ᱦᱩᱰᱤᱧ ᱥᱟᱹᱵᱟᱹᱥᱤᱭᱟᱹ
ᱡᱩᱢᱤᱫ ᱞᱮᱨᱮᱼ
ᱦᱚᱨᱮ ᱮᱥᱮᱫ ᱜᱮᱭᱟ ᱾
ᱚᱠᱚᱭ ᱛᱮᱦᱮᱧ ᱦᱟᱹᱱᱚᱜ
ᱡᱷᱚᱛᱚ ᱠᱷᱱᱟᱜᱼ
ᱢᱟᱲᱟᱝ ᱩᱱᱤᱭ ᱪᱤᱱᱦᱟᱹᱜ ᱾
ᱛᱮᱦᱮᱧ ᱟᱠᱟ ᱞᱟᱹᱭᱚᱜ
ᱜᱟᱯᱟ ᱛᱮᱫᱚᱼ
ᱧᱮᱞᱨᱮ ᱢᱟᱨᱟᱝ ᱱᱟᱹᱭᱚᱜ ᱾
ᱢᱤᱢᱤᱫ ᱴᱚᱥᱟ ᱫᱟᱜᱼᱜᱮ
ᱫᱷᱟᱹᱨᱛᱤ ᱯᱩᱨᱤᱼ
ᱩᱢᱮ ᱟᱬᱜᱳ ᱠᱟᱜᱼᱜᱮ ᱾
ᱛᱮᱦᱮᱧ ᱚᱠᱟᱢ ᱛᱚᱯᱟᱭ
ᱯᱟᱯᱟᱛᱮ ᱫᱚᱼ
ᱠᱟᱹᱢᱤ ᱠᱩᱲᱟᱹᱭᱮ ᱦᱟᱞᱟᱭ ᱾
ᱦᱩᱰᱤᱧ ᱱᱚᱣᱟ ᱢᱚᱱᱮ
ᱫᱷᱟᱹᱨᱛᱤᱭ ᱱᱟᱥᱟᱣᱼ
ᱫᱤᱥᱟᱹ ᱞᱮᱨᱮᱢ ᱟᱱᱮ !
========== ᱞ ᱧ ============
ᱪᱟᱞᱟᱜ ᱠᱟᱱᱟᱧ
ᱠᱟᱹᱥᱤ ᱴᱟᱺᱰᱤ
ᱠᱟᱹᱥᱤ ᱵᱟᱦᱟ ᱞᱚᱠᱟ ᱿
ᱩᱰᱟᱹᱜ ᱠᱟᱱᱟ
ᱩᱰᱟᱹᱣ ᱩᱰᱟᱹᱣ
ᱧᱮᱞᱚᱜ ᱚᱠᱟ ᱞᱮᱠᱟ ᱿
ᱠᱟᱹᱥᱤ ᱴᱟᱺᱰᱤ
ᱜᱚᱰᱟ ᱠᱚᱨᱮ
ᱜᱟᱹᱭ ᱠᱚᱠᱚ ᱟᱹᱛᱤᱧ ᱿
ᱩᱥᱩᱞ ᱪᱷᱮᱯᱚ
ᱜᱚᱴᱟ ᱰᱟᱹᱦᱤ
ᱥᱤᱛᱩᱝ ᱥᱟᱲᱟ ᱥᱟᱹᱛᱤᱧ ᱿
ᱵᱩᱨᱩᱫᱽ ᱵᱩᱨᱩᱫᱽ
ᱠᱟᱹᱥᱤ ᱵᱟᱦᱟ
ᱦᱮᱢᱟᱞ ᱦᱚᱭᱛᱮᱭ ᱚᱴᱟᱝ ᱿
ᱯᱤᱰᱜᱟᱹᱣ ᱠᱟᱛᱮ
ᱫᱟᱹᱫᱟᱹᱲ ᱞᱮᱠᱟ
ᱜᱟᱹᱭᱠᱚ ᱢᱤᱢᱤᱫ ᱜᱚᱴᱟᱝ ᱿
ᱠᱚᱭᱚᱜ ᱠᱟᱹᱛᱤᱧ
ᱧᱮᱞ ᱡᱚᱝ --ᱟ
ᱤᱧᱢᱟ ᱟᱹᱰᱤ ᱢᱚᱡ ᱿
ᱡᱟᱣᱜᱮ ᱡᱤᱭᱟᱹᱲ
ᱛᱟᱸᱦᱮᱱ ᱢᱟᱨᱮ
ᱤᱧᱟᱹᱜ ᱢᱚᱱᱮᱭ ᱠᱷᱚᱡ ᱿
ᱥᱤᱧ ᱪᱟᱸᱫᱳᱭ ᱚᱠᱟᱭᱮᱱ ?
ᱱᱟᱥᱮ ᱚᱠᱛᱮ ᱛᱟᱭᱚᱢ ᱠᱷᱟᱱᱜᱮ
ᱡᱷᱚᱢᱚᱨ ᱫᱟᱜ ᱡᱟᱹᱲᱤᱭᱮᱱ ᱿
ᱵᱤᱛᱠᱤᱞ, ᱢᱮᱨᱚᱢ, ᱵᱷᱤᱰᱤ
ᱨᱟᱜ ᱵᱷᱚᱠᱨᱟᱣᱛᱮ ᱟᱸᱫᱳᱬ ᱜᱚᱲᱟ
ᱵᱮᱡᱟᱨᱚᱜ ᱠᱟᱱᱠᱚ ᱟᱹᱰᱤ ᱿
ᱵᱟᱹᱱᱩᱜ ᱛᱟᱭᱜᱮ ᱪᱟᱛᱚᱢ
ᱜᱚᱲᱟ ᱥᱟᱯᱷᱟ ᱜᱚᱜᱚᱭ ᱪᱟᱞᱟᱜ
ᱟᱲᱟᱜ ᱮ ᱜᱮᱜᱮᱫ ᱦᱟᱛᱚᱢ ᱿
ᱞᱮᱠᱷᱟ ᱦᱚᱨᱟ ᱠᱚᱧ ᱤᱧ
ᱵᱟᱲᱜᱮ ᱫᱩᱣᱟᱹᱨ ᱨᱮᱭ ᱦᱮᱡ ᱟᱠᱟᱱ
ᱦᱟᱹᱱᱤ ᱰᱩᱞᱩᱰᱩᱝ ᱵᱤᱧ ᱿
ᱢᱤᱫ ᱠᱟᱹᱥᱤ ᱴᱚᱨᱚᱰᱟᱝ
ᱜᱷᱮᱸᱴ ᱟᱠᱟᱫᱮᱭ ᱜᱟᱢᱪᱷᱟ ᱨᱮᱢᱟ
ᱯᱤᱠᱚ ᱯᱚᱠᱚ ᱵᱟᱹᱨᱩᱰᱟᱝ ᱿
ᱵᱷᱮᱨ ᱵᱷᱮᱨᱮ ᱟᱹᱪᱩᱨᱮᱫ
ᱞᱚᱥᱚᱫ ᱠᱚᱨᱮ ᱤᱧᱤᱧ ᱛᱟᱲᱟᱢ
ᱵᱟᱵᱟ ᱫᱚᱭ ᱮᱜᱮᱨᱮᱫ ᱿
ᱨᱟᱹᱥᱠᱟᱹ ᱵᱩᱡᱷᱟᱹ ᱟᱹᱰᱤ
ᱟᱪᱠᱟᱜᱮ ᱨᱤᱢᱤᱞ ᱦᱩᱰᱩᱨᱛᱮ
ᱵᱚᱛᱚᱨᱤᱧ ᱵᱩᱡᱽ ᱟᱹᱰᱤ ᱿
ᱫᱟᱜ ᱨᱮ ᱠᱷᱮᱞᱚᱰ ᱢᱟᱱᱟ
ᱞᱚᱦᱚᱫᱚᱜ ᱠᱷᱟᱱᱮᱢ ᱟᱹᱰᱤ ᱜᱷᱟᱹᱲᱤᱡ
ᱟᱡᱟᱨ ᱧᱟᱧᱟᱢ ᱠᱟᱱᱟ ᱿
========== ᱞ ᱧ ============
ᱚᱲᱟᱜ ᱛᱟᱞᱟᱨᱮ ᱫᱩᱲᱩᱵ ᱠᱟᱛᱮ
ᱰᱚᱜᱚᱨ
ᱧᱟᱢᱚᱜ ᱡᱷᱚᱛ ;
ᱵᱟᱲᱟᱭ ᱧᱟᱢᱚᱜ ᱵᱮᱥ ᱵᱟᱲᱤᱪ
ᱫᱤᱥᱚᱢ
ᱛᱟᱞᱟ ᱜᱮᱛ ᱾
ᱧᱮᱞ ᱧᱟᱢᱚᱜ-ᱟ ᱢᱮᱫ ᱠᱤᱱᱛᱮ
ᱟᱸᱡᱚᱢ ᱞᱩᱛᱩᱨ ᱛᱮᱜᱮ ;
ᱚᱠᱟᱨᱮ ᱛᱤᱱ ᱚᱠᱚᱛ ᱠᱚᱨᱮ
ᱦᱩᱭᱩᱜ
ᱠᱟᱱᱟ ᱡᱟᱜᱮ ᱾
ᱚᱠᱟ ᱫᱤᱥᱤᱢ ᱚᱠᱟ ᱞᱮᱠᱟᱱ
ᱢᱟᱱᱢᱤ ᱦᱚᱨᱚᱜ ᱵᱟᱸᱫᱮ ;
ᱨᱚᱲ ᱠᱟᱛᱷᱟ ᱫᱚ ᱚᱠᱟ ᱞᱮᱠᱟᱱ
ᱫᱷᱟᱹᱨᱛᱤ ᱡᱟᱸᱫᱮ ᱛᱟᱸᱫᱮ ᱾
ᱥᱮᱨᱮᱧ ᱨᱟᱦᱟ ᱮᱱᱮᱪ ᱡᱟᱸᱦᱟ
ᱦᱮᱱᱟᱜ
ᱛᱟᱠᱚᱣᱭᱟ ᱫᱚᱦᱚ ;
ᱧᱮᱞ ᱧᱟᱢᱟᱢ ᱢᱮᱫ ᱥᱟᱢᱟᱝᱨᱮ
ᱢᱟᱱᱢᱤ ᱦᱤᱞᱟᱜ ᱥᱚᱦᱚ ᱾
ᱚᱠᱟ ᱮᱲᱮᱜᱮ ᱚᱠᱟ ᱥᱟᱨᱤᱜᱮ
ᱵᱩᱡᱷᱩᱣ
ᱧᱟᱢᱟ ᱚᱱᱟ ;
ᱧᱮᱱᱮᱞᱚᱢᱜᱮ ᱫᱷᱟᱹᱨᱛᱤ ᱜᱚᱴᱟ
ᱥᱩᱨ
ᱟᱹᱜᱩᱭᱟᱢ ᱠᱟᱱᱟ ᱾
========== ᱞ ᱧ ============
ᱦᱟᱛᱟᱝ
ᱨᱮ ᱫᱟᱲᱮ
ᱢᱟᱨᱥᱟᱞ
ᱧᱮᱞᱚᱜ ᱵᱟᱲᱮ ᱾
ᱨᱟᱡᱽ
ᱟᱹᱨᱤ ᱫᱟᱲᱮ
ᱫᱤᱥᱳᱢ
ᱪᱟᱞᱟᱣ ᱵᱟᱲᱮ ᱾
ᱡᱩᱢᱤᱫ
ᱜᱮ ᱫᱟᱲᱮ
ᱡᱤᱛᱠᱟᱹᱨ
ᱰᱟᱦᱟᱨ ᱵᱟᱲᱮ ᱾
ᱧᱩᱛᱩᱢ
-ᱜᱳᱯᱮᱥᱣᱚᱨ ᱢᱟᱹᱱᱰᱤ
========== ᱞ ᱧ ============
চডর আকো বঙ্গা
আর হঁ অকয় বেনাও আকো
সারজম পাতড়া বেনাও রেহঁ
বীরকো চালাঃ সানাম ।
ঞুঁ লেদাকো চুটি
হোড়ো তিকি দাকা উতু
গান গেচোকো সানাম ।
তেয়ারেনা অৗরি ।
সৗরি সারজম ধরম উমুল
নোওয়া কাথা সৗরি ।
========== ᱞ ᱧ ============
এনহঁ চেদা: রেগেজ ,
চেদ লেকারিঞ পেরেজ ।
হানা নোয়ায় তেয়ার ,
আয়োঞ কুলি-য়েয়া ,
তেলায় এমৗঞ গয়া ।
========== ᱞ ᱧ ============
আতু সরেশ গাতে কড়া
" লৗটু আর ভৗটু,"
স্কুল তেকিন চালাঃ কান
সেতাঃরে আটু সৗটু।
ঞেল কিনৗম গুয়ুর গুয়ুর
আকিন গে গাতে,
সেতাঃ সিঙাড় সারা ঘৗড়িচ্
তাহেনা মিৎ সাথে।
নওয়া হড়ম নওয়া জিউয়ি
মিৎ দিন দ নাশা,
বানা হড়াঃ জিয়ন তালারে
দহয় আলাং আশা।
লৗটু মেন এয়া ভৗটু
জিয়েৎ ভোর আলাং,
রেয়াড় কাঁডা দাঃ লেকা
সৗগৗই লাং গালাং।
ভৗটু মেন এয়া লৗটু
কাথা তেদ বাং,
আমাঃ বেওহার গে আমাঃ উপরুম
সদরঃ হড় সাং।
========= ᱞ ᱧ =========
হাটাঃ
লেকান লুতুর
ঞামেয়া নাহাঃঞুকুর
মনে জিওয়ী সাতার গাতার
তাড়ামা ভাকার ভুকুর।
উনৗঃ
মারাং হৗতি
মেৎদ ঞুড়ু ঞুড়ু
বতরাঃ
আয় ফরঃ
বৗতি
চুপি লুড়ু বুড়ু।
থুমবৗ লেকান কাটা
মুগৗর লেকান ডাটা
বায় জমা ঘাটা
এগের লেখান চটাঃ।
শুড় দ গহড়ঃ
সিতোঞ রেদ রহড়ঃ
সাবড়াও তে জহড়ঃ
তারুব ঠেনে পৗহুড়ঃ।
======== ᱞ ᱧ =========
লিল সেরমা রিমিল চেতান
সাঙ্গে ইপিল এগেঁল,
ঞিদৗ ক জুলুঃ ডিগিমিগি
যেমন দিহে সেঁগেল।
মিৎটান সুমুং চান্দো মেনায়
সোনা থৗরি লেকা,
কুনৗমী ঞিদৗয় তেরদেজ মার্শাল
সিঞ চান্দো লেকা।
সেরমা লাফাং পারোম কাতে
মেনাঃ সরগ পুরী,
অঁডে মেনাঃক ফৗকড়া আনিচ
লিলিবিচি পুঁড পৗরি।
সরগ খনকো উডৗও আড়গন
ধৗরতীতে পুঁড পৗরি,
নিঝুম ঞিদৗ সাড়া সৗতিঞ
হড়কো লৗইআ সৗরি।
খিলডু এনেচ সেরেঞ আকো
বাহা বাগান তালা,
বাহা রাসা চেপেচ আকো
আডি রৗস্কৗ রিলৗমালা।
লেগেচ লেগেচ দারে নৗড়ি
বির বুরু হৗড়য়ৗর,
ডৗররে বাহা জেঁগেদ জেঁগেদ
রাসাকো চেপেচ ভাওয়ার।
ভাদর দাঁসাই হেমাল রিতু
শিশির ঞুরুঃ আডি,
দারে নৗড়ি ডৗবরা লহদ
কুকড়ুয় সিম সাঁডি।
ভোর ঞিদৗ
সিম সাঁডি
কুকড়ু আজোম লেখান,
পুঁড পারি জৗপিৎ এভেন
মহডাঃ উন জখান।
======= ᱞ ᱧ =========
ইতুন আসড়া বিদ্যাগাড়রে এতহপ আকান
সাফাসৗফি তাহেন রেনাঃ
নানা হুনৗর পান্থা
15.9.'22 খনাঃ 29.9.22 ধৗবিচ্
গে মড় মাহা চালাঃ নোওয়া কৗমি হরা।
পৗঠুয়ৗ
ক ক মেমেন কানা
বিদ্যাগাড় ইতুন আসড়া ইঞাঃ অড়াঃ
সাফা দহ কৗমি আবো যত হড়াঃ।
তিকিন বেড়া মিড-ডে-মিল জম মাড়াং
ভাগে কাতে তি আরূপ্ হূয় আমাং।
জমাঃ ঞুয়াঃ ঢৗপোঃ দহয় মে
স সিঁড়িচ্ র খন সাহায় মে।
অড়াঃ রেনাঃ অজরা মৗইলৗ
গিডি মে অজরা কুঁড়রে।
হাঁডি পৗউরৗ তামাক নেশা
অড়াঃ রৗপুদ জিয়ন নাশা।
মিৎটেন দারে মিৎটেন জিউয়ি
দা্রেবন রহয় বৗড়তি বৗড়তি।
রূয়ৗ
হৗসু আজার করে
চিকিৎছাঃআবন হাসপাতাল রে।
ঞিদৗ বেড়া জৗপিদ অক্তে
মশারি বন খাটাও সানাম কগে।
অল পাড়হাও বন সেঁড়ায় রে
আঁধা পৗতিয়ৗও খন সাহা রে।
যত ক দেলা কিরিয়ৗ বন আতাং
নির্মল বাংলা দে বন তেয়ার।
======= ᱞ ᱧ =========
১৩।।
ডাঃ রামচন্দ্র মুরমু
দুগাই টুডু
অকয়
দক বাডায় লেদে
অনলিয়ৗ কানা,
আদম
কদ কাথায় উনি
অনড়হিঁয়ৗঁক মেনা।
ঞুতুম
তায়দ রামচন্দ্র মুরমু
অনে লৗইকো আদ,
জানাম
আতো সরগচিয়ৗ হানে
পুরুব সিংভূম রেদ।
নাহাঃদ
পাড়াও আকান
ঝাড়খন্ড পনৎ রেগে,
জত
গেকো মেনা আকাল
সানাম অনা তেগে।
হোমিওপ্যাথি
ডাকতর কাতে
রুগিয় জতন আনে,
অল
বেলরে উনরে গেচো
অৗডি ধুরৗো লেনে।
‘সাগেন
সাকাম’ পাথাম রেহঁ
অল বাড়া কেদায়,
‘আদিবাসী
সেরেঞ’ পুঁথি
ছাপা সদর লেদায়।
‘তেতেদ্
তুমৗল’ ‘সাওয়ার সাঁওহেদ্’
পতব উছৗন তায়া,
পাড়হাও
করে ভাগে গেথ
মনেরে অৗইকাঃ গেয়া।
সমাজ
নিরৗই সাঁওহেৎ চারচা
এনেম দহ লেনায়,
সনৎ
সাঁওতা জৗতি তালা
নেতার দিসৗ হেনায়।
======= ᱞ ᱧ =========
( ১)
মিৎ বার পে
দে এভেনঃ পে।
পুন মড়ে তুরুয়
জহার মারাং বুরু
এয়ায় ইরৗল আরে
দেবন হারে ফারে
ইনা তায়ম গেল
মনে দেবন মেল।
(২)
যুদিম সেঁড়ায় অলঃ
নাপায় লেকাম ঞেলঃ
ঝত হড় ক কুশিয়ামা
ইপিল লেকাম জোলোঃ।
(৩)
জাঁহারে ঞামঃ লৗডু খালাঃ
হপন বাবু অঁডেয় চালাঃ
যাঁহায় কক রিলৗমালা
গাতে কঃআয় উনকু সালাঃ।
(৪)
সেরমা রেক উডৗও বাড়াঃ
পিপিড়জাং আর চেঁড়ে
অত ফেড রে উডৗঃ আক
রঁ দ ঢেঁড়ে ঢেঁড়ে।
=======
মুচৗৎ =========
.webp)
.webp)
