(অনল)
আযোদিয়ৗ বুরু এলেখারে হৗতিয়াঃ তান্ডব আর মানওয়া জিয়ন
সাগুন শিকৗরিয়ৗ
( দসার হৗটিঞ )
মেনখান তালাকদহ রুগড়ুঘুটু খনগে গৗহির গাজাড় তালাতে পারম চালাঃ হুয়ুঃ আ ,আর নডেগে বৗড়তি বতর । সুর দিনগে পিটিধিরি মোড়রে হৗতি সালাঃ সামাং দাপরামতে মিৎটাং মোটর বাইক লেবেৎ চাকাম চুকুম কেদায়। হড় খান দৗড় বানচাওয়েনা। নতে খামার বুরু সঁঘা রেহঁ অকা অকত হৗতি হেচ্ কাতে কো ডেরাঃ কান গেয়া। চুমুল চুমুল গেম বুঝৗউ-আ মানওয়া জিয়ন। বুরুচট রেন হড়াঃ সানাম লেকান অভাব অনটন বাগমুন্ডি, ঝালদ্ বেগুকোদর, আড়সা আর বলরামপুর বাজার খন ঘারঞ্জিয়ৗ চৗহিদা ক মেটাও তাকওয়া। নিতঃ দিনৗম দিন রেনাঃ বতর লেকাতে হৗতিয়াঃ বতরগে বৗড়তি আকানা ।
মেনখান নংকা দ চেদাঃ হুয়ুঃ কানা??
গৗখুড়ান হড় ক মেমেন কানা বাংমা, যাও খনা নেতার দ বিরবুরুরে হৗতিয়াঃ জমাঃ বৗনুঃ আকাদা। চেৎ ক জমা ? অকারেক ঞামা ? লাচ্ জালাতে গটা বির পাকাড় পাঁজা কাতে হঁ বাং বি তিরপিদ্ঃ কানতে আতো টোলা অড়াঃ সেন কো বল হিজুঃ কানা। অড়াঃ দুয়ৗর বৗড়িচ্ এদা ,চাষ আবাদ ক হ খুতি কাঃ কানা। নিরাপদ তাঁহেন রেনাঃ ডেরা বাক ঞামেদা। শান্তি থিরলৗ কাতে যাঁহারে কো তাঁহেদাড়েয়াঃআ।
নিতঃ ১.ডেরা ( আশ্রয় ),২.জমাঃ (খাদ্য),৩.নিরলৗ ঠাঁও( নিরাপদ আশ্রয় ) রেনাঃ অভাবতেগে জৗনিচ্ নংকা কো হানতে নাতে বিলটৗউ বাড়য় কানা। নওয়া ইদি কাতে বিরবুরু দুলৗড়িয়ৗ ,বির জিয়ৗলি দুলৗড়িয়ৗ ,সাচারহে( প্রকৃতি ) দুলৗড়িয়ৗ সানাম কগে বিরবুরু উৎনৗউ লৗগিৎ লাহা হিজুঃ লৗকতি মেনাঃআ ।
আচ্ছা ! মানওয়া জিওয়ি দায়নাস তায়নম খুতিপূরণ বাবদ কৗউডি চৗকরি এম কাতে সমস্যা উনলেকা সলহে লেনখানগে হুয় এনা? নওয়া রেনাঃ স্হায়ী সলহে দ চেৎ ??? সেরমারে মিৎ বারয়া দায়নাস খয়খুতি কানা ক অনাতে লেখারে কমগে বুঝৗউ কানা মেনখান নওয়া লেখাগে বৗড়তি চালাও লেনখান সরকার খুতিপূরণ চৗকরি যথাত সুযোগ সুবিতা এম দাড়েয়াঃআ থ ??
আদম বিরবুরু জিয়ৗলি দুলৗড়িয়ৗ কক বাতলাও কানা, নিতঃ বিরবুরুরে জমাঃ সৃজৗও লেকাতে বৗড়তি কায়তে জমাঃ লেকানাঃ দারেনৗড়ি রহয় পেরেজ হুয়ুঃআ। যাঁহালেকাতে জমাঃ রেনাঃ আনাট আল ঞেল ঞামঃমা। ডেরা হঁ নিরলৗ নিরাপদ হুয়ুঃ তাকমা। যাঁহাতে আল'ক অৗড়িসঃ বেজারঃমা। সাঁওতে নিরলৗ ঠাঁও লেকাতে অকয় হ আল'ক খিজলৗউ কমা। নওয়া বাখরা সানাম লেকান কৗমিহরা সার সৗগুন সাঁওতে এলেখা রেন হড় চেতান আর বির পাহটা কৗমিয়ৗ কহঁ পাহরা লেখান মৗনমি জিয়ন আডিগান নৗয় নাপায় তাঁহেনা সাঁওতে বানার পাহটাগে সুলুক নিরৗয় ঞামা ক মেনতে বাড়ায়েনা ।
নিতঃ পছিমবাংলা পনত রেনাঃ মিৎ জুলুঃ কান সমস্যা কানা, নওয়া বাখরা বিরবুরু পাহটা সাঁওতে সানাম কওয়াঃ ভৗবিত রেনাঃ অকত মাহা সেটের আকানা।
.webp)
.webp)
