কিষ্কিন্ধ্যা মুরমু - ধৗরতি জাকাৎ আদিবাসী কগে মানাও পালাও কেদা ২৯আনাঃ ৯ই আগস্ট জেগেৎ জাকাৎ আদিবাসী মাহা। পনৎ রেনাঃ আয়মা এলাকা সাঁওতে পুরুলিয়া জেলা রেনাঃ বরাবাজার ব্লক রেহঁ মানত সালাঃ মানাও পালাও এনা। মানাও আখড়া দ সৗহিজুহি লেদায় পশ্চিমবঙ্গ আদিবাসী কল্যাণ সমিতি পুরুলিয়া জেলা কমিটি আর বরাবাজার ব্লক কমিটিয়াঃ কুরুমুটুতে। গড় সপহৎরেক তাঁহে কানা ভারত জাকাৎ মাঝি পারগানা মহল, ভারতীয় আদিবাসী ভূমিজ সমাজ,বঙ্গীয় আদিবাসী মাহালি সমাজ,প.ব.খেড়িয়া শবর কল্যাণ সমিতি, আদিবাসী কোড়া সমাজ সাঁওতে বরাবাজার আদিবাসী ল্যাম্পস, FAO কোলকাতা সাঁওতে বরাবাজার যত কুমুট রেন আদিবাসী ।
আখড়ারে মৗনান পেড়া লেকাতে সহর সেটের কো তাঁহেলেনা পনৎ সুৎরেৎ মানতান পার্শাল কিস্কু (প.ব.আদাবাসী কল্যাণ সমিতি ),গৗখুড়ান অনলিয়ৗ অনড়হিয়ৗ মানতান গোমস্তা প্রসাদ সরেন, মানতান মহাদেব হাঁসদা সাসাপড়াওয়িচ্ "তেতরে ",ডঃ জলধর কর্মকার খঁদরঁদিয়ৗ যাদবপুর বিশ্ববিদ্যালয় কোলকাতা, সাঁওতে তাঁহে কানাকো আয়মা গাঁওতা রেন সুসৗরিয়া সাঁওতা দুলৗড়িয়া। নেঁওতা পেড়া লেকাতে সহর সেটের লেনাকিন রমনিতা শবর আর গায়নাহার শোভারাম টুডু।
সমিতিয়াঃ চির হিপিড় তায়ম জেগেৎ জাকাৎ আদিবাসী মাহা দিশৗতে জৗতিয়ৗরি সাপাপ আতে ঞেল
এনা ডাহার তাড়াম আদিবাসী বয়হা মিশি কোওয়াঃ। দাঃ জৗড়ি কেৎ রেহঁ আখড়া রেনাঃ কৗমিহরা দ বাং থামগৗড়ি
লেনা। লৗইতরা জৗরুড়া, জেগেৎ জাকাৎ আদিবাসী মাহাদ
২৩ ডিসেম্বর ১৯৯৪ তারিখরে, জাতি সংঘ রেনাঃ সাধারণ পরিষদ রেজুলেশন ৪৯/২১৪ ঠাড়গটা লেদায় বাংমা সানাম সেরমা রেনাঃ ৯ আগস্ট হিলোঃ জেগেৎ জাকাৎ আদিবাসী মাহা মানাওয়ঃআ। আদিবাসী হড়লেখাতে জাতিসংঘ ওয়ার্কিং গ্রুপ ১৯৮২ সালরে
পোইলো দুপুড়ুব-এ চিনহৗ লেদা। ১৯৯৫ খন ২০০৪ সাল ধৗবিচতে " আন্তর্জাতিক জেগেৎ জাকাৎ জনগোষ্ঠি দশক
" -এ উছৗন লেদা। যশ দ তাঁহে কানা আদিবাসী উদ্গৗউ এম । ১৯৯৫ সাল রেনাঃ ৯ই আগস্ট "জেগেৎ আদিবাসী মাহা " লৗই উছৗন আকানা । জাতিসংঘ ১৯৮২ সালরে যতখন মাড়াং আদিবাসী লেকাতে
স্বীকৃতিয় এম লেদা ।
নিয়ৗ মাহারে আদিবাসী কওয়াঃ আয়মা লেকা এটকে টঁড়ে সেচেৎ শিখনৗৎ, হড়ম সাঁওয়ার, লাকচার ইদি কাতে অড়ে অড়পাৎ মৗনান পেড়া কওয়াঃ গালচরে রড় রাকাব এনা।
পঃবঃ আদিবাসী কল্যাণ সমিতি রেন পনৎ সুৎরেৎ আঃ কাথারে "আদিবাসী হুয় কাতে আদিবাসীয়াঃ মুহিমরে আদিবাসী কগে লাহা হিজুঃ লৗকতি মেনাঃআ । ফেক এস. টি সার্টিফিকেট বিরুধ রে লৗড়হৗই হুয়ুঃ কানা । আদিবাসী লৗগিৎ তে আদিবাসী কগে জুগুৎ কাতে লৗড়হৗই লাগাঃ আ। "
আখড়া দ এনেচ সেরেঞ তালাতে মঁজগে জাঁকজমক লেনা ।
.webp)
.webp)
