আবোওয়াঃ ডিজিটাল ডেস্কঃ- হলা
৯ আগস্ট, পুরুব মিদিনপুর জেলা রেনাঃ হলদিয়া চৈতন্যপুর শহীদ পাঠাগার হলরে পুরুব মিদিনপুর
খেরোওয়াল গাঁওতা আঃ সৗহিজুহিতে ভৗরি ভরম আতে জেগেৎ জাকাত আদিবাসী মাহা মানাওয়েনা।
আখড়ারে মারাং পেড়া লেকাতে সেটের এ তাঁহেকানা ঞুতুমান
অনলিয়ৗ মানতান সাধন কুমার মান্ডি, নেঁওতা পেড়া লেকাতে সেটের কিন তাঁহেকানা ঞুতুমান
অনলিয়ৗ মানতান সনাতন টুডু আর ‘আবোওয়াঃকাথা’ পাথাম রেন সাসাপড়াওয়িচ্ মানতান জাগর মুরমু।
সৗগুন দিউহে বৗতি জেরেৎ কাতে আর সানামকোতে জৗতিয়ৗরি
সেরেঞ তায়ম মৗই আহ্লা মান্ডিয়াঃ উঢৗও সেরেঞ তায়মগে আখড়া কৗ্মিহরা এহব এনা। আখড়া এতহব
রেগে সৗগুন দারাম বাঁখেড় সাঁওতে সেটের আকান মারাং পেড়া, নেঁওতা পেড়া আর দিশম পেড়ায়
আতাং দারাম কেৎ কোওয়া গাঁওতারেন মাড়তে সুৎরেৎ মানতান টি.সি. বাস্কে।
আখাড়ারে মারাং পেড়া মানতান সাধন কুমার মান্ডি আয়াঃ
গালচ্ তালাতে লৗই সদর কেদায় বাংমা- ধৗ্রতিরে সান্তাড়দ লাহাঃ হররে, আর আয়মা আদিবাসীগে
নিৎ আদঃ হররে। মানতান গোমকে সৗবুদ লেকাতে পৗ্রশি রেনাঃ কাথায় সাব রাকাব কেদা।লৗই কেদায়
তেহেঞ সান্তাড়ি পৗ্রশি চারচাও চালাঃ কান তেগে সান্তাড় জৗতি বাংক আদঃ কানা আর কদ আকোওয়াঃ
পৗ্রশি তেগে বাংক ররড় কানা। অনাতে সানাম কোঠেন আরহঁ সাঁগে অল-বেল রেনাঃ আরদাশ এ দহ
কেদা।
নেঁওতা পেড়া লেকাতে সেটের তাঁহেকান মানতান সনাতন
টুডুদ আয়মা লেকান হুডিঞ হুডিঞ কৗহনি তালাতে জেগেৎ জাকাত মাহা রেনাঃ এনেম এ লৗই সদর
কেদা আর আখড়ায় মুহিৎ দহঃ লেদা।নঁতে পেড়া লেকাতে সেটের তাঁহেকান জাগর মুরমুয় লৗই তরা
কেদা- ফুরগৗল রেনাঃ ৭৫ সেরমা পুরৗওয়ঃ কান রেহঁ, নিৎহঁ আদিবাসী কো আয়মা এলাকারে আকোওয়াঃ
অত্-হাসা, জানাম ডিঁডহা কো রেচ্ অচোঃ কানা। আদিবাসী তিরলৗ কোওয়াঃ ভরম নাসাঃ কানা।নোওয়াক
বিরুধরে মানতান গোমকেদ আরহঁ জাঁদরেল রড়দারাম রেনাঃ কাথায় সদর তরা কেদা।আখড়ারে জেগেৎ
জাকাত মাহা ইদিকাতে মিৎ অনড়হেঁয় আড়তি কেদা অনলিয়ৗ মানতানিয়ৗ শুভ্রা মান্ডি।
এহব খন মুচৗৎ হৗবিচ্ আখড়া চাচালাওইচ্ লেকাতে
তাঁহেকানায় নোওয়া সভারেন সভাগোমকে আর গাঁওতা রিনীচ্ পারসেৎ গোমকে মানতান রূপচাঁদ মান্ডি।
মুচৗৎরে গাঁওতারেন সুৎরেৎ মানতান সুশীল কুমার মান্ডিদ সেটের লেন সানামকো গুণমানাও সারহাও-এ
চাল কোওয়া আর অনলিয়ৗ শ্যাম চরণ মান্ডিয়াঃ মূচৗৎ দুখৗলি সেরেঞ সাঁওতেগে সভাগোমকে আখড়ায়
হৗপিদ্ কেদা।
.webp)
.webp)
