আবোওয়াঃ ডিজিটাল ডেস্ক- পুরুলিয়া
জিলৗ আড়ষা থানা রেনাঃ কান্টাডিরে সনত্ তারাস আঃ সৗহিজুহিতে হলা ৩০ জুন, অৗডি ভৗরি
ভরম সালাঃ হুলমাহা মানাও এনা। বাডায়ঃ কানা বেসরকারী ভাবতে জিলৗ রেনাঃ নোওয়া গে তাঁহেকানা
পোয়লো থার রেনাঃ ‘হুল মাহা’ মানাও মানত্ আখড়া মেনতে।
সেতাঃ বেড়া তারাস রেন নায়কে বাবা রঞ্জিৎ কিস্কু
ডৗহিরে বঁগাবুরু তায়ম জৗতিয়ৗরি চির সাঁওতে তারাস আঃ চির অৗডি মৗন মানত্ সালাঃ হিপিড়
তায়ম আখড়া কৗমিহরা এতহব এনা।
আখড়ারে নেঁওতা পেড়া লেকাতে সেটেরকিন তাঁহেকানা
‘তেৎরে’ পাথাম রেন সাসাপড়াওয়িচ্ মানতান মহাদেব হাঁসদা আর আদিবাসী লাকচার খঁদরঁদিয়ৗ
মানতান ডঃ জলধর কর্মকার। অনাবেগরহঁ পুরুলিয়া জেলা সান্তালি লিটারেরী ফোরামরেন সেক্রেটারী
মানতান অরুন কুমার সরেন, অনলিয়ৗ শ্যামচরণ সরেন, ‘সারজম উমুল’ পাথাম রেন সাসাপ্ড়াওয়িচ্
মানতান গনেশ মারান্ডি, অনলিয়ৗ জয়ন্তী মুরমু, অনলিয়ৗ রতন মুরমু, বলরামপুর মুলুক পারগানা
বাবা স্বপন হেম্ব্রম এমান গোমকেকো।
আখড়ারে ‘হুল মাহা’ লৗইতে নাগা রেনাঃ গৗহির গাবে
সাঁওতে অনা আরহঁ তজ্বিজ্ রেনাঃ লৗগ্তি মেনাঃ আঃ মেনতে গালচিয়ৗ কোকো লৗই সদর কেদা।
মানতান মহাদেব হাঁসদা গোমকে যাঁহায় বাবু-মৗই তাকো এমফিল, পিএইচ্ডি লেকান রিসার্চ কো
করাও এদা ওনকোওয়াঃ গুনৗন কৗমি কোয় সারহাও কেৎ তাকোওয়া আরহঁ লাফাং সেন সেনঃ রেনাঃ উদ্গৗও
এ এম চাল আৎ কোওয়া।
অনা আখড়ারেগে ঞুতুমান পুরুধুল অনলিয়ৗ মানতান গোমস্তা
প্রসাদ সরেন, ট্রাইব টিভি রেন ঞুমহালাং খবরিয়ৗ মানতান লদাম মুরমু, এথ্লেটিক খেলোডিয়ৗ
পিংকি হাঁসদা, ভারত রেনাঃ সংবিধান সান্তাড়ীতে তর্জমা আকাৎ মানতান প্রফেশর শ্রীপতি টুডু
সাঁওতে শর্ট ফিল্ম স্টার শোভা টুডু এমান সাঁওতারেন জোলোঃ ইপিল ‘সনত্ তারাস’ পাহ্টা
খন গুণমান সারহাও সাকাম কো চাল আৎ কোওয়া। ওনকো গুণমান কো সানামগে রৗস্কৗ সালাঃ আকোওয়াঃ
আনঅৗইকৗউ কো সদর তরা কেদা। অনাবেগর এলাকারেন এমফিল এদ্ পৗঠুওয়ৗ শ্ত্রুঘ্ন টুডু আর
নেশ ২০২২ পিএইচ্ডিরে দাও এ ঞাম জিতেন হেম্ব্রম তিকিন কো সারহাও কেৎ কিনৗ সাঁওতে শর্ট
ফ্লিম প্রোডাকশন ‘রাহা রায়বার ক্রিয়েশন’ হঁক সারহাও কেদেয়া। অনা সাঁওতে নেশ ২০২২ সালরেনাঃ
মাধ্যমিক আর উচ্চমাধ্যমিক বিনীডরে নাপায় অর্জ কো ঞাম আকাদ্ পৗঠুওয়ৗ কঁহ মৗন সালাঃ
কো সারহাও তরা কেৎ কোওয়া।
আখড়ারে সেরেঞ কৗরিগল মানতান আঘ্নু মান্ডি আর মৗই
কল্পনা সরেন আঃ হুল-হুলসৗই সেরেঞ তালাতে আখড়া আঁদোড় তাঁহেকানা। পেড়া আতাং দারাম গড়রে
পাহাড়ী রুসিকৗ মাডোওয়া এনেচ্ দল সেটেরকো তাঁহেকানা।
তারাসরেন গৗখুড়িয়ৗ কো মুদ্রে সেটেরকো তাঁহেকানা
মানতান সুরেন্দ্রনাথ সরেন, মনসারাম কিস্কু, বীরসিং হেম্ব্রম, সাগর চন্দ্র কিস্কু, গোপীনাথ
হেম্ব্রম, সীতেন মান্ডি, প্রফেশর গনেশ চন্দ্র হেম্ব্রম, অরুন কুমার সরেন এমান।
ফুটবল খেলোড রেনাঃ মুচৗৎ হেপরাওরে স্কাই স্টার
ইলেভেন বলরামপুর দ পৗঠুওয়ৗ মাডোওয়া এন.বি.এম. ফুটবল টিম আড়ষা পৗডু কাতেৎ এ জিৎকৗর এনা।
মুচৗৎরে তারাস রেন পারসেৎ মানতান মনসাম হাঁসদা
আর সুৎরেৎ বুদ্ধেশ্বর বাস্কে আখড়ারে সেটেরলেন সানাম ঞেঞেলিয়ৗ কো তারাস পাহ্টা সেন
খন গুণমান সারহাও কিন চাল আৎ কোওয়া।
.webp)
