সিঁগি মাহা রেনাঃ সাকাম ‘চেরেচ্ আড়াং’ লেখা- ৯১

 

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com | 

 

তেহেঞাঃ আখড়ারে যাঁহায় কো সেলেদ্‌ আকান- রিলৗমালা মুরমু,  ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱠ ᱤ ᱥ ᱠ ᱤ ᱱ ᱫ ᱷ ᱟ  ᱢ ᱩ ᱨ ᱢ ᱩ, বাড়াতাং সরেন, নিকোলাস মারান্ডি, বিরসা কিস্কু, ঠ্যেন্টা মুর্মূ, সিতেন মান্ডি, দুগাই টুডু, দুলৗড় বিটি।

  

রিলৗমালা মুরুমু, ক্লাস- V
জেলা - পুরুলিয়া

১।|

ᱞᱩᱜᱩ-ᱵᱩᱨᱩ  ᱜᱷᱟᱱᱴᱟ-ᱵᱟᱹᱲᱤ

ᱥᱩᱵᱩᱫᱤᱭᱟᱹ  ᱢᱩᱨᱢᱩ

ᱞᱩᱜᱩᱵᱩᱨᱩ ᱜᱷᱟᱱᱴᱟ-ᱵᱟᱹᱲᱤ
ᱥᱟᱱᱛᱟᱲ ᱠᱚᱢᱟ ᱜᱷᱤᱲ ᱜᱷᱤᱲᱤ ᱿

ᱥᱤᱧ ᱵᱤᱨ  ᱢᱟᱱ ᱵᱤᱨ
ᱩᱱ ᱫᱚ ᱥᱤᱠᱟᱹᱨ ᱵᱤᱨ  ᱿

ᱵᱤᱦᱟᱹᱨ ᱨᱮᱭᱟᱜ ᱦᱟᱡᱟᱨᱤ ᱵᱟᱜᱽ
ᱵᱳᱠᱟᱨᱳ ᱡᱤᱞᱟᱹᱠᱚ ᱢᱮᱱ  ᱡᱷᱟᱜᱽ ᱿

ᱥᱟᱨᱩ ᱵᱮᱰᱟ  ᱟᱹᱱᱯᱩᱨ
ᱞᱟᱞᱯᱟᱺᱱᱤᱭᱟᱹ ᱥᱩᱨ ᱥᱩᱯᱩᱨ ᱿

ᱫᱷᱤᱨᱤ ᱯᱟᱲᱟᱜ ᱛᱚᱲᱮᱜᱚᱲ ᱯᱩᱠᱷᱩᱨᱤ
ᱢᱟᱨᱟᱝ ᱠᱟᱛᱮ  ᱟᱵᱳᱦᱚᱸᱵᱚ  ᱦᱤᱨᱤ ᱿

ᱥᱤᱛᱟᱹ ᱱᱟᱞᱟ  ᱥᱮᱛᱮᱧ ᱡᱷᱟᱨᱱᱟ
ᱠᱟᱭᱨᱟ ᱡᱷᱟᱨᱱᱟ ᱞᱤᱸᱜᱤᱱ ᱠᱟᱱᱟ ᱿

ᱫᱚᱲᱚᱢ ᱟᱠᱟᱱ ᱫᱚᱨᱚᱵᱟᱨ ᱪᱟᱹᱴᱟᱹᱱᱤ
ᱥᱟᱡᱟᱣ ᱟᱠᱟᱛ ᱮ ᱥᱮᱫᱟᱭ ᱥᱤᱨᱡᱚᱱᱤ ᱿

ᱞᱩᱜᱩᱵᱩᱨᱩ  ᱜᱷᱟᱱᱴᱟ ᱵᱟᱹᱲᱤ
ᱥᱟᱱᱛᱟᱲ ᱠᱚᱢᱟ ᱜᱷᱤᱲ ᱜᱷᱤᱲᱤ ᱿

========= ᱞ ᱧ ==========

২।|

ᱟ.ᱪᱩ

ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱟᱭᱳ ᱵᱟᱵᱟ ᱟ.ᱪᱩ

ᱟ'ᱡᱚᱢ ᱟ.ᱴᱩ ᱯᱟ.ᱴᱩ ।

 

ᱦᱟᱯᱮᱱ ᱛᱟᱲᱟᱢ ᱦᱚᱨ

ᱵᱷᱟ.ᱞᱟ.ᱭ ᱞᱟ.ᱜᱤᱫ ᱨᱚᱲ ।

 

ᱫᱩᱠᱷ ᱦᱟᱨᱠᱮᱛ ᱥᱟᱦᱟᱭ

ᱥᱩᱠᱷ ᱯᱟ.ᱨᱤᱭ ᱞᱟᱦᱟᱭ ।

 

ᱡᱤᱭᱚᱱ ᱟ.ᱰᱤ ᱱᱟᱯᱟᱭ

ᱯᱟᱨᱚᱢ ᱞᱟ.ᱜᱤᱫ ᱥᱟᱯᱟᱭ ।

 

ᱚᱱᱟ ᱞᱟ.ᱜᱤᱫ ᱛᱚ'ᱜᱮ

ᱟ'ᱡᱚᱢ ᱦᱩᱭᱩᱜ ᱟ'ᱜᱮ ।

 

  ========= ᱞ ᱧ ==========

৩।|

ᱥᱟᱨᱤ   ᱩᱛᱟᱹᱨᱤᱪ   ᱜᱟᱛᱮ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

ᱵᱮᱨᱮᱫ ᱛᱚᱨᱟ ᱠᱩᱞᱦᱤ ᱨᱮᱢᱟ ,
   ᱧᱟᱯᱟᱢ ᱧᱟᱢᱚᱜ ᱜᱟᱛᱮ ᱾
ᱠᱷᱮᱞ ᱠᱚᱛᱮ ᱫᱤᱱ ᱪᱟᱞᱟᱜ -ᱟ,
   ᱫᱤᱥᱟᱹ ᱦᱤᱲᱤᱧᱚᱜ ᱱᱚᱛᱮ ᱾

ᱚᱠᱚᱭ ᱠᱚᱫ ᱥᱮᱭᱟᱱ ᱜᱮᱭᱟ ,
    ᱜᱟᱛᱮ ᱛᱟᱞᱟ ᱨᱮᱦᱚᱸ ᱾
ᱦᱟᱛᱟᱣ ᱫᱚᱠᱚ ᱟᱠᱚ ᱵᱩᱡᱷᱚᱛᱮ,
     ᱡᱚᱛᱚ ᱡᱤᱱᱤᱥ ᱠᱚᱦᱚᱸ ᱾

ᱜᱟᱛᱮᱜ ᱞᱟᱜᱤᱫ ᱥᱟᱱᱟᱢ ᱥᱟᱸᱣ ,
    ᱦᱤᱡᱩᱜ   ᱚᱨᱟᱯᱟᱨᱤ ᱾
ᱨᱚᱨᱚᱲ ᱟᱠᱚ ᱞᱟᱱᱫᱟᱭᱟᱠᱚ ,
    ᱨᱤᱞᱟᱢᱟᱞᱟ  ᱥᱟᱨᱤ ᱾

ᱵᱮᱥ ᱵᱟᱲᱤᱪ ᱥᱩᱭᱟᱹ ᱥᱤᱸᱰᱟᱝ ,
   ᱥᱟᱦᱟᱣ ᱵᱟᱠᱚ ᱵᱩᱡᱟ ᱾
ᱦᱟᱱᱤ ᱥᱟᱞᱟᱜ ᱱᱟᱭ ᱥᱟᱞᱟᱜ ---
   ᱛᱟᱯᱟᱢ ᱜᱮᱠᱚ ᱠᱷᱚᱡᱟ ᱾

ᱥᱟᱨᱤ ᱩᱛᱟᱨ ᱜᱟᱛᱮ ᱠᱚᱢᱟ ,
    ᱵᱟᱠᱚ ᱠᱷᱚᱡᱚᱜ ᱵᱟᱹᱲᱤᱪ ᱾
ᱥᱩᱠ ᱫᱩᱠ ᱥᱟᱨᱟ ᱜᱷᱟᱲᱤ ,
    ᱛᱟᱸᱦᱮᱱ ᱢᱩᱪᱟᱫ ᱫᱷᱟᱵᱤᱡ ᱾

ᱥᱩᱠ ᱵᱮᱲᱟᱨᱮ ᱵᱩᱴᱟᱹ ᱧᱟᱢᱚᱜ ,
   ᱵᱮᱥ ᱵᱟᱲᱤᱡ ᱛᱚᱠᱚᱭ ᱾
ᱫᱩᱠ ᱵᱮᱲᱟᱨᱮ ᱩᱨᱩᱢ ᱧᱟᱢᱚᱜ ,
   ᱥᱟᱨᱤ ᱜᱟᱛᱮ ᱚᱠᱚᱭ ?

ᱵᱟᱰᱟᱭ ᱧᱟᱢᱚᱜ ᱩᱱ ᱥᱟᱨᱤᱜᱮ ,
   ᱡᱚᱠᱷᱚᱪ ᱫᱩᱠᱨᱮᱢ ᱯᱟᱲᱟᱜ ᱾
ᱫᱟᱹᱲ ᱥᱩᱨᱩᱜ ᱵᱮᱥ ᱜᱟᱛᱮᱢᱟ ---
   ᱵᱟᱫ ᱵᱟᱠᱤ ᱫᱚᱠᱚ ᱥᱟᱦᱟᱜ ᱾

 

 ========= ᱞ ᱧ ==========

৪।|

সেরেঞ দুরৗং

বাড়তাং সরেন

                      

আলে আতো দারে নৗড়ী

                           থারে থারে মাৎ

চেঁড়েঁ চুপড়ী উডৗও বাড়ায়

                    বাড়গে রে ফাৎ ফাৎ।

                   

কিসনি দকো চেরবেরোয়

                   কৗহু দ কাঁ: কাঁ:

ভিডি দকো ভেঁ ভেঁয়

               গিদরৗ মা খাঃক্ খাঃক্।

 

 গেডে প্যাঁক্‌  প্যাঁক্ পুখরী তালা

                            মেরম দ মেঁ: মেঁ:

কোহল চেঁড়েঁ কুহু কুহু

                       শুকরি কুডু কেঁ:।

 

মিরু চেঁড়েঁ কেঁড়েঁচ দঁড়েঁচ

                     মৗনমী লেকায় রড়

সাঙ্গিঞ খনাং আঁজম তরা

                       হুদিশ কেয়াম হড়।

 

টি-টি টেঙ্গচ্, টি-টি টেঙ্গচ্

                  রাগায় টি টি গঁজ্ 

পিয়ো চেঁড়েঁ পিয়ো পিয়ো

                  আঁজম রেদ মজ্।

 

মালা পতাম কুক্ কু ডুবুর

                          সেতা মা ভু-ভু

গুঁডরি চেঁড়ে  বাড়গে লাতার

                            ঘুগুর ঘুগুর ঘু।

 

তুৎ চেঁড়েঁ দ দারে ঠট্ রাও

                       রাঃ রেমা তুৎ তুৎ

সিম সাণ্ডিমা রাচা তালা

                      কটেস কুকুড় চুৎ।

 

ঘাঁওড়া কোদ চিঁড়িঁচ্ চিঁড়িঁচ্

                      ভৗওলৗ চিঁহিঁ চিঁ

তালে খিজুর সাকাম লাতার

                         ডৗররে চিঁহিঁ চিঁ।

 

নানা হুনৗর জিব জিয়ৗলী

                    সাঁওতে দারে রেরেঁঞ

আলে আতো হিজুঃ পেসে

                   আঁজম লৗগিৎ সেরেঞ।

 

 ========= ᱞ ᱧ ==========

৫।|

অত্‌

নিকোলাস মারাণ্ডি

 

অতগে ইঞাঃ ধুড়ি ধৗরতি

     অতরেগে চঞ জানাম  ,

অতগে ইঞাঃ বান্চাও অৗইদৗর

     অতগে ইঞাঃ সানাম  ।

 

অতগে ইঞাঃ তোওয়া দারে

     বৗনুঞ উনি বেগর  ,

অতগে ইঞে অৗসুলিদিঞ

     মিনৗঞ চেহর - বেহর  ।

 

অতগে ইঞাঃ জমাঃ ঞুয়াঃ

     অতগে ইঞাঃ যত  ,

অতগে ইঞাঃএ হরন তিঞৗ

     সানাম দুক কস্ট  ।

 

অতগে ইঞাঃ যত দাড়ে

     অতগে ইঞাঃ আহার  ,

অতরেগে চঞ হারা বুরুক্

     অতগে ইঞাঃ সাহার।

 

অতগে ইঞাঃ হাসা হড়মো

     অতরে চঞ মিলৗওঃ  ,

মিৎ চুপুত্ হাসাম ইমৗঞ

     দিসৗয়াম উনহিলৗঃ  ।

 

 ========= ᱞ ᱧ ==========

৬।|

ইঞ গড়মাঃ কুকলি

বিরসা কিস্কু

 

গড়মবা, গড়মবা, মাসে লৗইমে

বেড়ায় জুলুঃ

জুলুঃ কান চাঁদ, ইপিল

সেঁগেল দ চেদাঃ বাবন দিপিল?

সেঁগেল দ চেদ কানা?

দারে সাকাম দ চেদাঃ হৗড়য়ৗর ?

জ -বিলি নানা হুনৗর!

ধৗরতি আচুর কান

এনহ চেদাঃ আব দ বন তিঁগু আকান?

দাঃ দ আতুঃ চেতান খন লাতার

সেঁগেল তেদ চেদাঃ আতার ?

রিমিল দ চেদাঃ পুড-হেঁদে

দাঃ হেডেজঃ খেদে খেদে?

হয় রেনাঃ জানাম দ অকারে ?

রেয়াড়-রাবাং, সিতুং-জৗপুত ধৗরতীরে !

 

========= ᱞ ᱧ ==========

৭।|

হয়্ ভান্ড

ঠ্যেন্টা মুর্মূ

 

হাদার হাদার হয় ভান্ড

দারায় কানা হানে

টৗন্ডি টিকুর হানতে নাতে

হড় ক ঞিরাঃ ঘানে ।

 

পছিম নাখা ঞুত গে রিমিল

গুরলৗও হিজুঃ কানা

দালগুম বানা লেকা অনা

হেঁদে ঞেলঃ কানা ।

 

ডাংরি মেরম টান্ডি খনাঃ

অডাঃ তেক ডাহরাঃ

কোল কোলিয়াতে ঞি-রাঃ আক

উনকু তায়ম মাহরা ।

 

হেঁদে রিমিল পটম কেদায়

গটা সেরমা জাকাৎ

অড়াঃ দুয়ৗর সিঞ আক

হড় জত রাট পাট ।

 

হুদুড় হুদূড় হয় ভান্ড

দারেয় ভিন্দৗড়  ইদি

বুসুব টিন অড়াঃ  চাল

অটাং কাতেয় গিডি ।

 

অকয় রেঙ্গেজ অকয় কিঁষৗড়

বাং এ বাছাও লেদা

আয়াঃ তিনাঃ দাড়ে মেনাঃ

অনায় সদর কেদা ।

    

========= ᱞ ᱧ ==========

৮।|

দামান

সীতেন মাণ্ডি

 

আলে মাহরা ঞুতুম পাগলা

    কাডায় গুপি কোওয়া

ঞহড় ঞহড় তিরিয়য় অরং

কাদাম হেমাল ঝারণা।

 

রপে চপে গাতে কড়া

পাতা ঞেল ক চালাঃ

খিলি পান জম কাতে

  মচা তাক আরাগ।

 

অল পাড়াও বাক বাড়ায়

বাড়ায়াক সুলুক সৗগৗই

যাহানাঃগে জম হৗটিঞ

দুক রে বাক বাড়ায় সাঁগিঞ।

 

সানা মাত তাঁহে কানা

অল পাড়াও সেঁড়ায়

টুয়ৗর জ্বালা রেঁগেচ খৗতির

হড় অড়াঃরে কৗমি তাহেন।

 

মনেয়াক মেৎ তাহেন তে কাঁড়া

আবোয়াঃ মৗনমি জনম বেরথা

অল পাড়াও বেগর সানাম

চেৎ হঁ বৗনুঃ দামান।

 

========= ᱞ ᱧ ==========

৯।|

বৈদ্যনাথ মান্ডি

দুগাই টুডু

 

হাড়াম হড়ে লৗই কেদা

     অনড়হিঁয়ৗ কানে,

ঞুতুম বৈদ্যনাথ মান্ডি কাথায়

    অনলিয়ৗ হানে।

 

জানাম আতো বেনাচাপড়া

    রামগড় ডাক অড়াঃ,

তেহেঞ গাপা ঝাড়গ্রাম জেলা

   সানাম গেকো রড়া।

 

আপাৎ গেচ বাবুলাল মান্ডি

   এঁগাৎ সলমা ক মেনা,

এইচ্‌ এস এ পাস লেদা

    রামগড় স্কুল খনাঃ।

 

‘গালমারাও’ ‘হড় সম্বাদ’ ‘তেৎরে’

          অলে এহব্‌ দরে

আরহঁয় অলেৎ ‘সাগেন সাকাম’

     ‘ফৗগুন কোয়েল’ করে।

 

‘দুপুলৗড়’ সাঁওহেৎ সাকাম রেগে

     উনি সাপড়েৎ এনায়,

অলচিকি লাড়াওনা করে

    অৗডি সেলেৎ লেনায়।

 

রেলরে চৗকরি খনগে উনি

        অলে এহব লেদা,

‘অলঃ দূরৗং’ পতব গেথ

     ছাপাও উছৗন কেদা ।

 

‘সাঁওতালি ও লোক সংস্কৃতি গে

    ‘তারাস’ সদর কেদা,

পাড়হাও রেদ জতকোগে

     নাপায় গেক মেনেদা।

 

সাঁওহেৎ চারচা খৗতির ভালা

     এনেম দহও আনা,

সাঁওতা তালা হড়ক নেতার

   উইহৗর ইদিয়ে কানা।

 

 ========= ᱞ ᱧ ==========

১০।|

হড়ক মেতাম

দুলৗড় বিটি

 

কাক্‌ড়া আলোম সেঁদ্‌রা কোওয়া

            হড়ক মেতাম ধুরৗহা,

ফান্‌লা গিদৗর বায় পাড়হাঃআ

            উনদ চিকৗম সুরৗহা ?

 

রটে আলোম টেঁটা কোওয়া

     হড়ক মেতাম বোওয়াঃ,

যাঁহান কাথাগে বায় বুজৗ

     উনদম চিকৗ কোওয়াঃ ?

 

কঁ: আলোম টুটি কোওয়া

     হড়ক মেতাম ধুরবাজ,

সারা ঘৗড়িচ্‌গে অৗড়ি ঢৗড়ি 

     উনদ চেৎ তেলাম সাজ ?

 

=*=*=*= মুচৗৎ = *=*=*=