কিস্কিন্ধ্যা মুরমু,বান্দোয়ান:- হলা ৫ই মে হিলোঃ পন্ডিত রঘুনাথ মুরমু আঃ জানাম মাহা ভারি ভরম সালাঃ মানাও পালাও কেদায় সানতালি লিটারেরি ফোরাম। বান্দোয়ান জাপাঃ খেরওয়ালডিরে সৗহিজুহি লেদায় আখড়া। ১১৮ আনাঃ জানাম মাহারে মারাং পেড়া লেকাতে সহর সেটের লেনায় গৗখুড়ান অনলিয়ৗ অনড়হিয়ৗ মানতান গোমস্তা প্রসাদ সরেন ,"তেতরে" পাথাম সাপাড়াওয়িচ্ অনলিয়ৗ অনড়হিয়ৗ মানতান মহাদেব হাঁসদা । আখড়ারে আয়মা আনলিয়ৗ গেক সহর সেটের লেনা উনকু মুদরে তাঁহে কানায় অনড়হিয়ৗ সিতেন মান্ডি ,অনড়হিয়ৗ বঙ্কিম চন্দ্র হেম্ব্রম,অনড়হিয়ৗ মানতান সুধীর কুমার মুরমু,সমাজ কৗমিয়ৗ মানতান রামদাস মান্ডি,মানতান ধনীরাম সরেন,মানতান সাধুরাম সরেন,মানতান অনিল চন্দ্র মান্ডি,মানতান সনৎ দুলারাম সরেন ,মানতিয়ৗ কুনৗলি মান্ডি,মানতান নির্মল মান্ডি, মানতান আদিত্য হেম্ব্রম ,মানতান পরেশ হেম্ব্রম ,সেরেঞ বাডোহি মানতান বাবুলাল সরেন সাঁওতে ঞেঞেলিয়ৗ ।
আখড়ারে গুরুগংকেয়াঃ মুঠৗনরে বাহামালা আরাও কাতে আখড়া উঢৗউ সেরেঞ কেদায় মানতান বাবুলাল সরেন । গুরুগংকে দিসৗ উইহৗরতে জিয়ন কৗহনি সাঁওতে অনড়হে সেরেঞ হুয় সৗরিয়েনা। সমাজ সাঁওহেৎ চেতান তিনাঃ এনেম মেনাঃ আকাদা অনাকহঁ অড়েঅড়পাৎ গাপালমারাও হুয়েনা ।
মারাংপেড়া মানতান গোমস্তা প্রসাদ সরেন লৗই কেদা বাংমা "পন্ডিত মুরমুগে জৗত লেকাতে ধৗরতিরে উপরুম আকাৎ বনা ।
এয়ায় গটাং লেকাতে মিৎটাং জৗত ধৗরতিরে উপরুমে ঞামা ,অনা ক মুদরে আক্ষর সে লিপি বেনাও কেৎতে মিৎটাং জৗত লেকাতে বন লেখায়েনা" ।
অনলিয়ৗ মানতান মহাদেব হাঁসদা আঃ কাথারে "গুরুগংকে দ অনলিয়ৗ, গায়নাহার, সমাজ সুশৗরিয়ৗ, শিক্ষনৗতিয়ৗ সাঁওতে দার্শনিক তাঁহে কানায় ।
সানতালি পৗরসিতে অলচিকি তেয়ার লেদা। জানাম মাহা লৗইতে রাপাচাঃ হুয়ুঃ কানা মেনখান রাপাচাঃ দ মারাং কাথা বাং কানা। আবো সমাজ জৗত লৗগিৎ চেৎ এ এম আকাদা অনাগে মারাং কাথা দ । আয়মা কলেজ ইউনিভার্সিটি হুয় আকানা অনা করে পন্ডিত রঘুনাথ মুরমু ঞুতুমতে গালমারাও দহ রেনাঃ লৗকতি মেনাঃ আকাদা । উনিয়াঃ সাঁওহেৎ আর হ পাসনাও হুয়ুঃ তাবনা" ।
ফোরাম রেন সেক্রেটারি মানতান অরুন কুমার সরেন লৗই তরা কেদায় যে "গুরুগংকে দ জৗত বানচাও সুমুং দ বাং সানতাড় জৗতি যত ধারেতে বানচাও রেনাঃ কুরুমুটু লেদায় ।অনা হতেতে তেঁহেঞ ঞুম হালাং এ কানা । হড় দক দিসৗ আঃ উনিয়াঃ কৗমি তালারে উনি চেৎ এ কৗমি হট আকাৎ বনা জৗত লৗগিৎ সাঁওতা ধরম সাঁওহেৎ লৗগিৎ অনাতেগে বন উইহৗর কওয়া । সাঁওতা লৗগিৎ কৗমি লেৎতে তেঁহেঞ উনিবন দিসৗয়ে কানা । ফোরাম পাহটা সেনখন সেটেরাকান সানাম ক গুন মানাও সারহাও চাল কাতে আখড়া কৗমিহরা মুচৗৎ এনা "।
.webp)
.webp)
