সিঁগি মাহা রেনাঃ সাকাম ‘চেরেচ্ আড়াং’ লেখা- ৮৬

 

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।

 

তেহেঞাঃ আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟᱹᱢᱩᱨᱢᱩ, ᱨᱟᱢᱞᱟᱞ ᱴᱩᱰᱩ, ᱯᱚᱨᱤᱢᱚᱞ ᱦᱟᱸᱥᱫ, ᱠ ᱤ ᱥ ᱠ ᱤ ᱱ ᱫ ᱷ ᱟ  ᱢ ᱩ ᱨ ᱢ ᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, বাড়াতাং সরেন , নিকোলাস মারান্ডি, দুর্গাচরণ মুরমু, দুগাই টুডু,  সিতেন মান্ডি, সনাতন টুডু।

  

রিলৗমালা মুরুমু, ক্লাস- V
জেলা - পুরুলিয়া

১।।

ᱵ ᱟ ᱦ ᱟ ᱫ ᱟ ᱨᱮ

ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ

 

ᱵᱟᱦᱟ ᱵᱟᱜᱟᱱ ᱵᱟᱦᱟ ᱫᱟᱨᱮ

           ᱰᱟᱹᱨᱼᱞᱮ ᱨᱚᱦᱚᱭ ᱵᱤᱫᱟ,

ᱴᱚᱞᱟ ᱯᱟᱲᱟᱭ ᱥᱚᱸᱫᱷᱟᱲ ᱠᱟᱞᱮ

                ᱵᱟᱦᱟ ᱵᱟᱞᱮ ᱥᱤᱫᱟ ᱾

 

ᱞᱩᱛᱤ ᱛᱮᱨᱚᱢ ᱡᱷᱳᱞᱮ ᱡᱷᱳᱞᱮ

                ᱨᱟᱥᱟ ᱫᱚᱠᱚ ᱪᱮᱯᱮᱡ,

ᱮᱯᱮᱢ ᱪᱟᱯᱟᱞ ᱛᱟᱸᱦᱮᱱ ᱛᱟᱞᱮ

               ᱵᱟᱦᱟ ᱵᱟᱞᱮ ᱨᱮᱯᱮᱡ ᱾

 

ᱛᱤᱨᱮ ᱥᱮᱯᱮᱧ ᱡᱷᱟᱹᱨᱤ ᱞᱚᱴᱟ

            ᱨᱮᱭᱟᱲ ᱫᱟᱜᱼ ᱞᱮ ᱫᱩᱞᱟ,

ᱥᱟᱸᱫᱷᱟᱲ ᱵᱟᱦᱟ ᱥᱤᱥᱤᱫ ᱞᱟᱹᱜᱤᱫ

             ᱛᱤᱻᱫᱚ ᱵᱟᱞᱮ ᱛᱩᱞᱟ ᱾

  

******************

২।।

ᱥᱤᱢ  ᱯᱟᱯᱟᱜ

ᱥᱩᱵᱩᱫᱤᱭᱟᱹ  ᱢᱩᱨᱢᱩ

ᱵᱷᱟᱜᱽᱣᱟ ᱰᱮᱸᱜᱟ
ᱯᱮᱭᱟ      ᱡᱟᱝᱜᱟ
ᱚᱠᱟ ᱪᱟᱞᱟᱜ ᱠᱟᱱᱟᱢ  ᱾


ᱫᱩᱫᱩ    ᱜᱚᱭᱮ
ᱯᱟᱸᱡᱟ   ᱢᱮᱭᱮ
ᱵᱟᱹᱜᱤ ᱠᱟᱛᱮ ᱥᱟᱱᱟᱢ ᱾


ᱤᱫᱤ ᱠᱟᱛᱮ
ᱥᱤᱢ ᱵᱩᱥᱟ.ᱜ
ᱟᱞ   ᱨᱮᱮᱢ ᱩᱥᱟ.ᱛ ᱾


ᱤᱥᱤᱱ ᱠᱟᱛᱮᱭ
ᱥᱳᱨ      ᱟᱢᱟ
ᱠᱟᱢᱤ ᱠᱚᱦᱚᱸᱭ ᱥᱟ.ᱛ ᱾


ᱥᱤᱢ ᱯᱟᱯᱟᱜ
ᱥᱤᱢ ᱯᱟᱯᱟᱜ
ᱟᱰᱤ ᱜᱮᱥᱮ ᱥᱤᱵᱤᱞ ᱾


ᱫᱤᱥᱟ.ᱭ ᱢᱮᱥᱮ
ᱦᱟᱲᱟᱢ  ᱪᱚᱛᱚᱫ
ᱛᱤᱥᱫᱚ  ᱦᱳᱭᱳᱜ  ᱟᱠᱤᱞ ᱾

 

******************

 ৩।।

ᱨᱚ

ᱨᱟᱢᱞᱟᱞ ᱴᱩᱰᱩ

 

  ᱡᱟᱸᱦᱟᱨᱮ ᱥᱚ ᱰᱷᱟᱱ ᱰᱷᱟᱱ

  ᱚᱸᱰᱮ ᱜᱮ ᱨᱚ  ᱵᱷᱟᱱ  ᱵᱷᱟᱱ

  ᱩᱰᱟᱹᱜ ᱠᱚ ᱵᱩᱡᱩᱜ ᱵᱩᱡᱩᱜ ᱾

 

  ᱵᱟᱧᱪᱟᱜ  ᱫᱤᱱ  ᱜᱮ  ᱮᱭᱟᱭ

  ᱥᱮᱭᱟ  ᱥᱚ  ᱠᱚ  ᱥᱮᱸᱫᱽᱨᱟᱭ

  ᱵᱟᱝᱠᱚ ᱵᱚᱛᱚᱨᱚᱜ ᱜᱩᱡᱩᱜ ᱿

 

  ᱡᱟᱸᱜᱟ  ᱫᱚ  ᱯᱮ  ᱯᱮ  ᱡᱚᱲ

  ᱯᱷᱟᱹᱠᱲᱟᱹᱜ ᱢᱟ ᱢᱤᱫ ᱡᱚᱲ

  ᱢᱚᱸᱬᱮ ᱜᱚᱴᱟᱝ ᱛᱟᱠᱚ ᱢᱮᱫ ᱾

 

  ᱵᱤᱞᱤᱭᱟᱠᱚ ᱞᱮᱰ ᱠᱚᱨᱮ

  ᱫᱟᱨᱮ  ᱫᱚ  ᱵᱟᱝ  ᱚᱛᱨᱮ

  ᱥᱤᱛᱩᱝ ᱡᱟᱸᱦᱟᱨᱮ ᱵᱮᱫ ᱿

 

  ᱚᱸᱧᱡᱽᱨᱟ ᱨᱮᱠᱚ ᱫᱩᱲᱩᱵ

  ᱨᱟᱥᱟᱛᱮᱫ  ᱠᱚ  ᱥᱤᱲᱩᱵ

  ᱞᱟᱴᱷᱟ-ᱟ ᱯᱷᱟᱹᱠᱲᱟᱹᱜ ᱠᱚᱨᱮ ᱾

 

  ᱟᱡᱟᱨ  ᱠᱚ  ᱠᱚ  ᱟᱞᱟᱭ

  ᱡᱟᱸᱜᱟ ᱠᱚ ᱠᱚ ᱥᱟᱯᱷᱟᱭ

  ᱚᱴᱟᱜ ᱫᱚᱦᱚ ᱡᱚᱢ ᱠᱚᱨᱮ ᱿

 

  ᱦᱚᱲᱢᱚ ᱜᱷᱟᱣ ᱠᱚ ᱯᱟᱸᱡᱟᱭ

  ᱡᱤᱞ ᱦᱟᱠᱩ ᱠᱚ ᱟᱸᱥᱟᱭ

  ᱟᱭᱢᱟ ᱟᱡᱟᱨ ᱠᱚ ᱩᱪᱟᱹᱲ ᱾

 

  ᱨᱚ  ᱜᱮ  ᱦᱤᱥᱟᱹᱞᱤᱭᱟᱹ

  ᱪᱷᱟᱨᱟᱣ ᱠᱚ ᱰᱟᱹᱭᱨᱤᱭᱟᱹ

  ᱟᱢᱟᱥᱚᱭ ᱦᱚᱸ ᱠᱚ ᱩᱪᱟᱹᱲ ᱿

 

 ******************

৪।।  

ᱟᱥᱟᱲ ᱥᱟᱱ

ᱯᱚᱨᱤᱢᱚᱞ ᱦᱟᱸᱥᱫᱟ

 

ᱟᱥᱟᱲ ᱥᱟᱲ ᱪᱟᱸᱫᱳ

ᱦᱩᱞᱩᱭ ᱦᱩᱞᱩᱭᱮ ᱦᱚᱭ

ᱡᱟᱨᱜᱮ ᱡᱟᱯᱩᱫ ᱨᱮᱭᱟᱲ ᱨᱟᱵᱟᱝ

ᱢᱚᱱᱮᱭ ᱠᱟᱦᱩᱞ ᱵᱟᱠᱩᱞ᱾

 

ᱪᱟᱥᱤ ᱦᱚᱲᱟᱜ ᱢᱚᱪᱟᱨᱮ ᱞᱟᱸᱫᱟ

ᱫᱟᱞᱟᱭ ᱫᱟᱞᱟᱭ ᱦᱳᱲᱳ ᱜᱟᱪᱷᱤ ᱡᱚᱸᱰᱨᱟ

ᱫᱤᱱᱟ.ᱢ ᱫᱤᱱᱜᱮ ᱠᱟᱢᱤᱱ ᱢᱩᱱᱤᱥ

ᱠᱷᱮᱛ ᱵᱟᱹᱫᱽ ᱨᱮᱠᱚ ᱟᱸᱜᱟᱭ᱾

 

ᱫᱟᱜ ᱡᱟᱲᱤ ᱥᱟᱰᱮ ᱡᱷᱚᱢᱚᱨ ᱡᱷᱚᱢᱚᱨ

ᱥᱟᱶᱛᱮ ᱨᱚᱴᱮ ᱵᱟᱨᱩᱰᱟᱝᱠᱚ ᱦᱚᱢᱚᱨ

ᱦᱚᱭᱨᱮ ᱚᱴᱟᱝᱚᱜ ᱞᱚᱦᱚᱫ ᱦᱟᱥᱟ ᱥᱚᱸᱫᱷᱟᱲ

ᱚᱱᱟ ᱛᱮᱜᱮᱛᱚ ᱦᱚᱲ ᱠᱚ ᱢᱮᱱᱟ

ᱡᱟᱯᱩᱫ ᱨᱤᱛᱩᱜᱮ ᱥᱚᱨᱮᱥ᱾

 

 ******************

৫।।

ᱮᱞᱟᱝ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

 

ᱥᱟᱹᱨᱫᱤ ᱥᱤᱛᱩᱝ ᱦᱚᱭ ᱞᱚᱞᱚ
               ᱫᱟᱸᱲᱟᱱ ᱠᱟᱞᱟᱝ  ᱰᱚᱞᱟᱝ ᱾
ᱦᱚᱲᱢᱚ ᱡᱷᱚᱞᱟᱜ ᱥᱤᱛᱩᱝ ᱛᱚᱞᱚᱜ
             ᱜᱟᱰᱤᱭᱟᱹᱣ ᱛᱟᱸᱦᱮᱱ ᱮᱞᱟᱝ ᱾᱾


ᱦᱟᱱᱛᱮ ᱱᱟᱛᱮ ᱦᱤᱡᱩᱜ ᱥᱮᱱᱚᱜ
                   ᱮᱠᱟᱞ ᱵᱟᱝᱜᱮ ᱵᱩᱜᱤᱭᱟ ᱾
ᱩᱦᱩᱠ ᱵᱷᱟᱯᱟᱣ ᱦᱚᱲᱚᱢ ᱛᱮᱱᱚᱜ
                   ᱟᱡᱟᱨ ᱛᱮᱜᱮ ᱵᱟᱲᱤᱡᱟᱭ ᱾᱾


ᱛᱤᱠᱤᱱ ᱠᱮᱴᱮᱡ ᱥᱟᱹᱨᱫᱤᱜᱛᱮ
          ᱡᱳᱨᱛᱮ ᱥᱤᱛᱩᱝ ᱞᱚᱞᱚ ᱮᱞᱟᱝ ᱾
ᱦᱮᱢᱟᱞ ᱩᱢᱩᱞ ᱦᱮᱱᱟᱜ ᱧᱮᱞᱛᱮ
                ᱩᱢᱩᱞᱨᱮ ᱡᱤᱨᱟᱹᱜ ᱫᱮᱞᱟᱝ ᱾᱾

 

 ******************

৬।।

ᱵᱟ.ᱡᱩ ᱵᱩᱰᱷᱤ

ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱪᱟ.ᱛ ᱵᱚ'ᱜᱟ ᱥᱤᱧ ᱧᱤᱫᱟ.

ᱧᱩᱨᱩᱜ ᱢᱟᱛᱠᱚᱢ ᱵᱟᱦᱟ,

ᱫᱤᱱᱳᱢ ᱦᱤᱞᱳᱜ ᱵᱟ.ᱡᱩ ᱵᱩᱰᱷᱤ

ᱦᱟᱞᱟᱝ ᱟ.ᱜᱩᱭ ᱞᱟᱦᱟ ।

 

ᱢᱤᱫ ᱫᱤᱱᱳᱜ ᱦᱮᱨᱢᱮᱫ ᱫᱤᱯᱤᱞ

ᱟ.ᱜᱩ ᱠᱟᱱ ᱛᱟ'ᱦᱮᱫ,

ᱫᱟᱬᱟᱝ ᱨᱮ ᱟᱲᱜᱚ ᱡᱚᱠᱷᱟᱡ

ᱡᱟ'ᱜᱟ ᱵᱷᱤ'ᱫᱟ.ᱬ ᱯᱟᱴᱷᱮᱫ ।

 

ᱟᱢᱫᱟ ᱦᱚᱲ ᱥᱩᱨ ᱥᱩᱯᱩᱨ

ᱛᱟ'ᱦᱮ ᱠᱟᱱᱟ ᱠᱚ,

ᱧᱤᱨ ᱪᱟᱞᱟᱣ ᱜᱚᱫ ᱠᱟᱛᱮ

ᱵᱮᱨᱮᱫ ᱠᱮᱫᱮ ᱠᱚ ।

 

ᱢᱟᱛᱠᱚᱢ ᱵᱟᱦᱟ ᱛᱟᱨᱟᱞ ᱵᱟᱥᱟᱞ

ᱦᱤᱨᱤᱡ ᱯᱟ.ᱥᱤᱨ ᱮᱱᱟ,

ᱥᱟᱢᱟᱝ ᱨᱮᱱᱟᱜ ᱰᱟᱴᱟ ᱛᱟᱭ

ᱨᱟ.ᱯᱩᱫ ᱧᱩᱨᱩᱭ ᱮᱱᱟ ।

 

ᱦᱮᱨᱢᱮᱫ ᱫᱤᱯᱤᱞ ᱢᱟᱛᱠᱚᱢ ᱵᱟᱦᱟ

ᱫᱤᱯᱤᱞ ᱟ.ᱜᱩ ᱠᱷᱟ.ᱛᱤᱨ,

ᱥᱟᱢᱟᱝ ᱰᱟᱴᱟ ᱧᱩᱨᱩ ᱟᱠᱟᱱ

ᱱᱟᱦᱟᱜ ᱫᱤᱥᱟ.ᱭ ᱟ.ᱠᱷᱤᱨ ।

 

 ******************

৭।।

সাগুন জানাম মাহা

বাড়তাং সরেন

 

গ বাবাকিন লৗই আদিঞা

                      ইঞাঃ জানাম মাহা

'তেহেঞ দিনেম অমন লেনা

                     আম দ উপৗল বাহা '।

 

' চাঁদো বঙ্গা আশিস তেগে

                      আম দ সোনা বিটি 

আম লৗগিৎতে কোড়াম পেরেচ

                       দুলৗড় মেনাঃ খাঁটি '।

 

নাপায় নাপায় সাজাও ইনৗঞ

                            বাহা গালাং গুতু

আয়োয় এমৗঞ তোওয়া দাহে

                         আর হঁ দাকা উতু।

 

বাবা দয়ে আগু আদিঞ

                       মালা হিরৗ মতি

অনা সাঁওতেয় চাল আদিঞা

                   নাপায় নাপায় পুঁথি।

 

গড়মবা দয় এমাদিঞা

                    লৗটু লৗটু লৗডু

 রাসা রেমা জবে আকান

                  একাল চৗডু বৗডু।

 

গড়ম আয়োয় হবর কিদিঞ

                   দুলৗড় হবর তালা

জানাম মাহা রৗস্কৗ রমজ

                    একাল রিলৗমালা ।

 

 ******************

৮।।

আলে বৗবু

নিকোলাস  মারাণ্ডি

 

আলে বৌবু মেনায় তালে

      আডি গেচয় বতর  ,

ওন্ডগা ঠংগা মেনাঃক্ কোওয়া

      ইনবর ক হটর  ।

 

অনাতেগে বায় দাড়ানা

      ঞিদৌ আর ঞুত  ,

আডি জোরে বতরাকো

      দারে বঙ্গা ভুত  ।

 

আরহঁ কাথায় আঁজম আকাৎ

      মেনাঃক্ কোওয়া চুড়িন ,

 ডাহার ক কো এসেৎ কাঃক্আ ,

হড় জজম বাকো হিড়িঞ ।

 

ডৗন দ কাথায় তালা ঞিঁদৗ

      কলহিরে ক এনেচ্ ,

দারে দারে ক অটাং বাড়ায়

      হড়মো কেদেচ্ কেদেচ্ ।

 

অকয় ঠেন বায় আঁজম আকাৎ

      নোওয়া মারে কিসৗ ,

নিতহঁ বায় হিড়িঞ আকাৎ

      মেনাঃ তায়া দিসৗ  ।

 

অনা দ যত এড়ে কানা

      সৗরিয়াঃ দ বাং ,

চেঁড়েঁ তুকৗ বাসা মেনাঃ

      বহঃ রে ঢাং  ।

 

সৗরি কাথাম বাডায় খান

      সেঁড়ায় মে অলঃ ,

কাসা দাঃ ওডংঅঃআ

      গুড় দাঃ গে বলঃ ।

 

 ******************

৯।।

হাঁড়ু

দুর্গাচরণ মুরমু

 

আলে অড়াঃ জাপাঃ রে

মেনা: জরো বাড়ে,

আডি উসুল মটা দারে

অহম দেজ দাড়ে।

 

সেতাঃ খনাঃ বির হাঁড়ু

হিরি হিজুঃ আকো,

বাড়ে বিলি জজম লগিৎ

ডিগবাজি আচুঃ: আকো।

 

হানা ডৗর নওয়া ডৗর

ঝিলোঃ টামকা টৗকুর,

এঁগা হপন হাড়াম কড়া

ইসিড় ডাটা পৗগুর।

 

বাড়গী রেনাঃ বেঁগাড় বিলৗতি

জতকো ক লাপালুডায়,

কুন্দরী কারলা ঝিঁগা শসা

জতকো তগজ্‌ গুডৗয়।

 

উল আমড়া সুপরাম বিলি

জ তাগাড় নাচাড়,

চেৎহঁ বাকো দহয় বাকী

জতকো চাবা উজাড়।

 

বাড়ে বিলি তগজ তগজ

দেয়া ক গাদুরঃ,

দারে চেতান জাম্পা জাড়ু

খিলডু এনেচ আচুরঃ।

 

******************

১০।।

যদুনাথ টুডু

দুগাই টুডু

 

খেলোড অলঃ ইচ্‌ কাথায়

     তাঁহে কানায় উনি,

ঞুতুম যদুনাথ টুডু সৗরি

       অনলিয়ৗ হৗনি।

 

আপাৎ ঞুতুম  বৈদ্যনাথ টুডু

       এঁগাৎ চাদমণি কানে,

জানাম আতো দোবাটি গেচো

      গোয়ালতোড়রে হানে।

 

জত গেকো বাডায় আকাদ্‌

        পছিম মেদিনীপুর জেলা,

বি.এ. পাস কাতেদ্‌ উনি

          প্রাইমারী মাচেদ্‌ ভালা।

 

তায়ম তেদ আকাশবাণী কোলকাতা

        সান্তাড়ী প্রডিউসার এনায়,

প্রমোশন ঞাম কাতেৎ আরহঁ

         আরহঁ চেতান ধাপ লেনায়।

 

মারে মারে সেরেঞ কদ

     উছৗন বাড়া কেদায়,

সান্তাড় লাকচার উনরে অৗডি

     জিয়ৗড় দহ লেদায়।

 

খেলোড গায়ান দমে তায়গে

        সাঁওতা তালা মেনাঃ,

জৗত বাঞ্চাও উদুঃ লেৎএ

      হুদিশ চিতৗর তেনাঃ।

 

‘সারজম গিরৗ’ গায়ান দরে

       ‘তেৎরে’ রে ছাপা সদর।

‘খেরওয়াল অপেরা কোলকাতা’ বেনাও

        আজাঃ তিতে গেথর।

 

‘অল তাম’ ‘পৗরসি তাম’ ভাগে বুজুঃ

         মঁজগে পাড়হাও করে,

‘নাবালক শিকৗরিয়ৗ’ ‘ল-বীর’ অনা

         খেলোড পতব দরে।

 

তেহেঞ আদ বৗনুয় রেহঁ

        এনেম হেনাঃ তায়া,

হড়কো তালা মালা রেদ

         উইহৗ্র এ তাঁহেন গেয়া।

 

 ******************

১১।।

আতু অড়াঃদারে উমুল

সীতেন মাণ্ডি

 

বৗইশৗক ঝেট লল সিতুং

  ‌  হুলুই হুলুই হয়

জিউয়ি বাঞ্চাঃ মনে রাড়েচ্

যত গে দারে উমুল ক কয়।

 

চেঁড়ে ক মা চেরবের

  দারে ডৗর রে

গিদৗর ক মা এনেচ্ জং

  দারে হেমাল রে।

 

চেরবের কেনে কতে

দারে চেতান লাতার

দারে সাঁও নিরন সৗগৗই

 অকয় বা ক বাড়ায়।

 

লাফাং ডার রে জ বিলি

চেঁড়ে চিপরুৎ ক জম

হয় গে সে উনকু গে চং

মিৎ বার ঞুরুঃ গিদৗর বৗউলি।

 

দিন দ চালাঃ‌ বছর হিজুঃ

অকয় ক হারাঃ বাং বুজুঃ

যাও সেরমা গে নিরন দিন

সুলুক সৗগৗই দিনৗম তিকিন।।

 

******************

১২।।

অকতো

সনাতন টুডু

 

ইঞদো স্কুল বৗঞ চালা:আ

দমে সিতুং কান,

দারে সাকাম ঘাস ঝতো

পৗঁডু চাবা: কান ।

 

বাবায় মেনা "সিতুং দিন

নোংকা গেতো হোয়োঃ,

সাহাও হোয়ো: সিতুং-জৗপুদ

অকতো তিনৗ: হিজুঃ ।

 

***********মুচৗৎ*************