“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com।
তেহেঞাঃ আখড়ারে যাঁহায় কো সেলেদ্ আকান- রিলৗমালা মুরমু, ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟᱹᱢᱩᱨᱢᱩ, ᱨᱟᱢᱞᱟᱞ ᱴᱩᱰᱩ, ᱠ ᱤ ᱥ ᱠ ᱤ ᱱ ᱫ ᱷ ᱟ ᱢ ᱩ ᱨ ᱢ ᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, সুচাঁদ হাসদা, বাড়তাং সরেন, ঠ্যেন্টা মুর্মু, সনাতন টুডু, দুগাই টুডু, নিকোলাস মারান্ডি, সিতেন মান্ডি ।
রিলৗমালা মুরুমু, ক্লাস- V
জেলা - পুরুলিয়া
ᱢᱮᱱᱟᱜ ᱫᱟᱨᱮ ᱱᱟᱬᱤ,
ᱢᱩᱰᱩ ᱥᱚᱰᱚᱜ ᱡᱷᱟᱨᱱᱟ ᱰᱟᱹᱰᱤ
ᱵᱟᱦᱟ ᱵᱟᱜᱟᱱ ᱪᱟᱹᱲᱤ ᱾
ᱯᱩᱵ ᱱᱟᱠᱷᱟᱨᱮ ᱜᱟᱰᱟ ᱢᱟ ᱞᱤᱸᱜᱤᱜ
ᱫᱤᱱᱟᱹᱢ ᱵᱚᱦᱚᱲ ᱵᱚᱦᱚᱲ,
ᱫᱟᱹᱠᱷᱤᱱ ᱱᱟᱠᱷᱟᱨᱮ ᱵᱩᱨᱩ ᱥᱚᱸᱜᱷᱟ
ᱧᱮᱞᱚᱜ ᱳᱫᱳᱲ ᱳᱫᱳᱲ ᱾
ᱚᱱᱟ ᱢᱟ ᱛᱟᱞᱟᱨᱮ ᱵᱟᱸᱫᱷ ᱯᱩᱠᱷᱨᱤ
ᱢᱮᱱᱟᱜ ᱥᱟᱢᱮᱞ ᱥᱟᱦᱟ,
ᱪᱟᱯᱮ ᱠᱚᱜᱼᱟ ᱡᱮᱸᱜᱮᱫ ᱡᱮᱸᱜᱮᱫ
ᱢᱚᱸᱡᱜᱮ ᱩᱯᱟᱹᱞ ᱵᱟᱦᱟ ᱾
ᱢᱮᱱᱟᱜ ᱚᱸᱲᱮ ᱵᱟᱹᱫ ᱵᱟᱹᱭᱦᱟᱹᱲ
ᱜᱚᱰᱟᱼ ᱵᱮᱰᱟᱼ ᱟᱦᱟᱨ,
ᱟᱨ ᱦᱚᱸ ᱢᱮᱱᱟᱜ ᱵᱟᱹᱫ ᱟᱲᱮᱛᱮ
ᱦᱚᱲᱟᱜ ᱛᱟᱲᱟᱢ ᱰᱟᱦᱟᱨ ᱾
ᱱᱟᱱᱟ ᱦᱩᱱᱟᱹᱨ ᱡᱟᱹᱛᱤ ᱦᱚᱲ ᱠᱚ
ᱢᱮᱱᱟᱜ ᱠᱚᱣᱟ ᱚᱸᱰᱮ,
ᱜᱟᱹᱦᱤᱨ ᱛᱮᱠᱚ ᱮᱯᱮᱢ ᱪᱟᱯᱟᱞ
ᱥᱩᱞᱩᱠ ᱵᱟᱠᱚ ᱵᱚᱰᱮ ᱾
ᱛᱟᱸᱦᱮᱱ ᱛᱟᱠᱚ ᱜᱚᱯᱲᱚ ᱜᱚᱲᱚ
ᱩᱱᱩᱢ ᱪᱟᱯᱮ ᱚᱣᱟᱨ,
ᱥᱤᱧ ᱢᱟ ᱪᱟᱸᱫᱳᱭ ᱨᱟᱠᱟᱵ ᱵᱮᱲᱟ
ᱢᱤᱫ ᱛᱮᱜᱮ ᱠᱚ ᱡᱚᱦᱟᱨ ᱾
ᱛᱮᱭᱟᱨ ᱢᱮᱱᱟᱜ ᱤᱛᱩᱱ ᱟᱠᱷᱲᱟ
ᱟᱨᱳᱜᱽ ᱟᱥᱟᱱ ᱴᱷᱟᱸᱣ,
ᱚᱰᱮ ᱦᱟᱯᱮᱱ ᱥᱟᱥᱮᱛ ᱥᱟᱸᱛᱟᱣ
ᱡᱤᱭᱤ ᱫᱚᱠᱚ ᱵᱟᱸᱧᱪᱟᱣ ᱾
===---== ᱞ ᱧ ==---===
ᱩᱰᱟᱹᱜ ᱜᱟᱹᱰᱤ
ᱵᱷᱟᱹᱜᱤ ᱟᱹᱰᱤ ᱾
ᱦᱤᱡᱩᱜ ᱪᱟᱞᱟᱜ
ᱧᱟᱞᱟᱜ ᱧᱟᱞᱟᱜ ᱾
ᱛᱤᱱᱟᱹᱜ ᱡᱮᱞᱮᱧ
ᱞᱮᱢᱮᱧ ᱞᱮᱢᱮᱧ ᱾
ᱦᱩᱰ ᱦᱩᱰ
ᱜᱩᱰ ᱜᱩᱰ ᱾
ᱥᱤᱧ ᱧᱤᱫᱟᱹ
ᱵᱟᱱᱩᱜ ᱵᱤᱫᱟᱹ ᱾
ᱦᱚᱯᱚᱱ ᱠᱩᱱᱩ
ᱟᱞᱚᱢ ᱱᱩᱱᱩ ᱾
ᱦᱟᱱᱮ ᱜᱟᱹᱰᱤ
ᱢᱟᱨᱟᱝ ᱟᱹᱰᱤ ᱾
ᱵᱟᱝ ᱦᱩᱭᱩᱜ ᱨᱮ ᱥᱮᱞᱮᱫ
ᱠᱟᱛᱮ
ᱩᱱ ᱫᱚᱧ ᱵᱷᱮᱜᱮᱫ ᱠᱮᱫᱟ ,
ᱵᱷᱮᱜᱮᱫ ᱛᱟᱭᱚᱢ ᱜᱟᱵᱟᱬ
ᱠᱟᱛᱮ
ᱟᱨ ᱦᱚᱧ ᱦᱟᱴᱟᱬ ᱠᱮᱫᱟ ᱿
ᱮᱞᱠᱷᱟ ᱟᱛᱮ ᱫᱩᱲᱩᱵ ᱛᱟᱭᱚᱢ
ᱚᱨᱡᱚ ᱵᱟᱝᱪᱚ ᱢᱤᱞᱟᱹᱜ ,
ᱟᱭᱢᱟ ᱛᱮᱠᱷᱟᱨ ᱞᱮᱠᱷᱟ
ᱞᱮᱠᱷᱟᱛᱮ
ᱵᱚᱦᱚᱜ ᱛᱤᱧᱜᱮ ᱰᱷᱤᱞᱟᱹᱜ ᱿
ᱮᱞᱠᱷᱟ ᱨᱮᱭᱟᱜ ᱜᱩᱱᱤ
ᱵᱷᱟᱹᱵᱤᱛᱮ
ᱵᱮᱲᱟᱢᱟ ᱵᱟᱹᱥᱭᱟᱹᱢ ᱮᱱ ,
ᱟᱨᱦᱚᱸ ᱢᱮᱱᱟᱜ ᱥᱟᱬᱮᱥ ,
ᱱᱟᱜᱟᱢ
ᱤᱧ ᱫᱚᱧ ᱞᱟᱸᱜᱟᱭᱮᱱ ᱾᱾
ᱮᱞᱠᱷᱟ ᱛᱮᱫᱜᱮ ᱟᱸᱡᱷᱟᱴ
ᱜᱮᱭᱟ
ᱟᱮ ᱫᱚ ᱥᱚᱞᱦᱮ ᱜᱮᱭᱟ ,
ᱚᱱᱚᱬᱦᱮᱸ ᱢᱟ
ᱟᱹᱰᱤ ᱱᱟᱯᱟᱭ
ᱞᱚᱜᱚᱱᱮᱢ ᱫᱤᱥᱟᱹ ᱠᱮᱭᱟ ᱾᱾
ᱵᱟᱝᱮ ᱵᱩᱡᱷᱟᱹᱣ ᱢᱟᱪᱮᱫ
ᱜᱩᱨᱩ
ᱟᱪᱮᱫ ᱠᱚᱣᱟᱜ ᱡᱟᱞᱟ ,
ᱢᱤᱫ ᱫᱷᱟᱣ ᱵᱮᱜᱚᱨ ᱵᱟᱝᱮ
ᱞᱟᱹᱭ
ᱪᱤᱠᱟᱹᱢ ᱵᱩᱡᱷᱟᱹᱣ ᱵᱷᱟᱞᱟ ᱿
ᱮᱞᱠᱷᱟ ᱠᱷᱟᱹᱛᱤᱨ ᱮᱭᱟ
ᱵᱚᱠᱚᱧ
ᱵᱟᱞᱟᱝ ᱩᱫᱩᱜᱽ ᱫᱮᱭᱟ ,
ᱟᱞᱟᱝ ᱦᱚᱸᱞᱟᱝ ᱵᱮᱱᱟᱜ
ᱢᱟᱪᱮᱫ
ᱫᱮᱞᱟᱝ ᱥᱮᱬᱟᱭ ᱜᱮᱭᱟ ᱿
===---== ᱞ ᱧ ==---===
ᱛᱤᱠᱤᱱ ᱡᱚᱠᱷᱚᱪ ᱠᱟᱹᱢᱤᱛᱮ ᱛᱷᱟᱠᱟᱣ
ᱨᱩᱭᱟᱹᱲ ᱦᱤᱡᱩᱜ-ᱟ ᱚᱲᱟᱜ ,
ᱛᱩᱯᱩᱱ ᱨᱮᱭᱟᱲ ᱡᱚᱢᱟᱜ ᱵᱷᱟᱛᱟᱣ
ᱛᱷᱟᱠᱟᱣ ᱥᱟᱱᱟᱢ ᱪᱟᱵᱟᱜ ᱾
ᱫᱤᱱᱟᱹᱢ ᱥᱤᱛᱩᱝ ᱦᱮᱱᱟᱜ ᱵᱷᱮᱫᱜᱮ
ᱦᱚᱲᱚᱢ ᱜᱤᱛᱤᱪ ᱥᱟᱱᱟ,
ᱦᱮᱢᱟᱞ ᱩᱢᱩᱞ ᱫᱩᱲᱩᱯ ᱫᱩᱲᱩᱯ
ᱫᱩᱫᱩᱲᱩᱢᱚᱜ ᱜᱮ ᱠᱟᱱᱟ ᱾
ᱚᱞᱚᱥ ᱢᱚᱱᱮᱨᱮ ᱡᱟᱹᱯᱤᱫ ᱦᱤᱡᱩᱜ
ᱜᱤᱛᱤᱪ ᱛᱤᱭᱟᱨᱚᱜ ᱟᱫᱚ,
ᱜᱤᱛᱤᱪ ᱥᱟᱣᱛᱮ ᱢᱮᱫᱨᱮ ᱡᱟᱯᱤᱫ
ᱞᱚᱜᱚᱱ ᱞᱟᱴᱷᱟ ᱦᱚᱫᱚᱜ ᱾
ᱜᱤᱫᱽᱟᱹᱨ ᱯᱤᱫᱟᱨ ᱦᱟᱲᱟᱢ ᱵᱩᱰᱚᱦᱤ
ᱥᱟᱱᱟᱢ ᱠᱚᱣᱟᱛᱮ ᱪᱷᱩᱴᱟᱜ ,
ᱡᱟᱹᱯᱤᱫ ᱞᱟᱜᱤᱫ ᱢᱮᱫᱨᱮ ᱟᱰᱤᱜᱮ
ᱰᱷᱩᱞᱟᱹᱣ ᱠᱟᱛᱮ ᱛᱤᱡᱚᱜ ᱾
===---== ᱞ ᱧ ==---===
ᱪᱟ.ᱛ ᱵᱚ'ᱜᱟ ᱱᱤᱨᱚᱱ ᱪᱟᱵᱟᱜ
ᱢᱟᱛᱠᱚᱢ ᱵᱟᱦᱟ ᱧᱩᱨᱩ ᱥᱟᱞᱟᱜ ।
ᱵᱤᱨ ᱫᱤᱥᱳᱢ ᱨᱮᱱ ᱦᱚᱲ
ᱠᱚ'ᱰᱮᱞ ᱞᱟ.ᱜᱤᱫ ᱟ.ᱰᱤ ᱡᱚᱦᱚᱲ ।
ᱦᱟᱞᱟᱝ ᱟ.ᱜᱩ ᱠᱟᱛᱮ ᱦᱚᱲ
ᱥᱤᱛᱩᱝ ᱨᱮᱠᱚ ᱛᱟᱥᱮ ᱨᱚᱦᱚᱲ ।
ᱵᱮᱱᱟᱣ ᱟᱠᱚ ᱞᱟᱴᱷᱮ,ᱛᱤᱠᱤ
ᱡᱚᱢ ᱡᱚᱱᱚᱜ ᱟᱠᱚ ᱥᱤᱠᱷᱤ ।
ᱥᱤᱵᱤᱞ ᱥᱚᱲᱚᱢ ᱡᱚᱢ ᱢᱚᱡᱟ
ᱫᱤᱥᱟ. ᱨᱩᱣᱟ.ᱲ ᱟ.ᱰᱤ ᱥᱳᱡᱟ ।
===---== ᱞ ᱧ ==---===
আলে হপন বুডি ,
বাং ঞেঁলঃ তায় ইডি
,
গামছা তেগেয় বাঁদেঃ তালে
,
অনা গেতায় খাঁডি ৷
কেড়ে বেড়েয় রড়া ,
সাডে তায়া তড়া ,
সেতে পেতরে কৗমি ভেদরে
,
হেনায় সারা বেড়া ৷
তিরে সেকেচ চুড়ি ,
আদ বাং এ আড়ি
,
ইসকুল আদয় চালাঃ তালে
,
হড়ম বাং এ ধুড়ি ৷
ভজ দাকা দ সড়ে
,
রড়ায় কেড়ে বেড়ে ,
রুপৗ দ বাং খাঁটি সনা ,
বায় বাড়ায়া এড়ে ৷
===---== ᱞ ᱧ ==---===
ঝাদে বাবুয় সখ্ আকানা
হরগ্ গেয়ায় চশমা
থালাঃ থুলুঃ তাড়াম রেহঁয়
চখস আডি রড় মা।
দাদায় বেনাও চিরৗ কাতেঃ
তালে সাকাম চশমা
হরগ্ তরা ওটাং এনা
লিকির লিকির চশমা।
ঝাদেয় আবাড় চশমা রঙীন
লৗটু কড়া লেকা
চুঁডুঃ চুঁডুঃ তাড়াম বাড়ায়
সাহেব কড়া লেকা।
বাবা দয়ে আগু আদে
বাজার রেনাঃ চশমা
ঝাদে বাবু আডি কুশি
মনে অটাং সেরমা।
হেঁদেঁ চশমা হরঃ তরা
হিরো লেকায় তাড়ামা
হান্তে নাতেয় কয়গ্ ঝাদে
ঞুঁত গেচয় ঞেল ঞামা।
হাড়াঃ পাটাঃ তাড়াম রেদ
ঘাডলাঃ রেয় খাঁজোঃ আ
চিৎ পাটাং ভিদৗড় কাতেঃ
কৗও মৗও এ রাঃ রদনা
!
আয়ো দয়ে ঞির হিজুঃ
ঝাদেয় অর রাকৗপি
রাঃ রাঃ তেয়ে সেঁগেঁৎ ঝাদে
সেরমা কয়ঃ হৗপি।
===---== ᱞ ᱧ ==---===
৮।।
লল সিতুং রে
ঠ্যেন্টা মুর্মূ
বৗইশৗখ ঝেঁট সৗরদি তিকিন
আলম চালাঃ গাডয়া তুপুন
সিতুং তে দাঃ বাসাং ক আ
জবে লেনখান হড় ম লঃ আ
তিকিন বেড়া লল হয়্ রে
আল আতামা অড়াঃ বাহ্ রে
লল সিতুং আলা ঝালা
আলম লাগাও হচয় ঝলা
তেতাং আলম দহয় মনে
দাঃ ঞুয় মে ঘানে ঘানে
লল সিতুং রে সতর তে
জম ঞুয় মে বতর তে।
লগন মাছা বেরেৎ কাতে
সাত মে কৗমি ঊসৗরাতে ।
===---== ᱞ ᱧ ==---===
দেলাং আলাং আতাং আলাং
সিতুং রাবাং তেতাং ।
বালাং সাঁডাং মলং তালাং
লাফাং মারাং হাতাং ।।
দেলাং আলাং সামাং সামাং
দানাং দানাং বাং ।
গালাং আলাং মারাং মারাং
সাঁডাং গেরাং বাং ।।
===---== ᱞ ᱧ ==---===
ঞুতুম
গেথ সুনীল হেম্ব্রম
সানাম বাডায় অনে,
অল
বেল তালা তেগে
অনলিয়ৗয় এনে।
জানাম আতো ‘কিনুডিহ’ গে
পি.ও. কেলাহি
অনা
নাহাঃ জামতাড়া জেলা ভালা
পুনৎ ঝাড়খন্ড মেনাঃ
।
জাঁহা লেকাতে ম্যাট্রিক ধৗবিচ্
বলেয় তিয়ৗঃ কেদা,
‘অৗকিল আভরাল’ দুমকৗ খনাঃ
হানেয় পাশ লেদা।
অলঃ জোখান ঞুতুম মুচৗৎ
‘দিলখুশ’ অলায়
আদ,
নিয়ৗ হেওয়া তেগে উনরে
তাঁহে উরিচ্
গেদ।
অনড়হেঁ কৗহনি খেলোড গেচো
আয়মা অকচ্ হেনাঃ,
‘হড় সম্বাদ’রে অৗডি আয়মা
ছাপা সদর মেনাঃ।
সাঁওহেৎ চারাচা তালা রেদ
লৗগয়ৗ বাড়া লেনে,
‘এভেন আড়াং’ পাথাম রেগে
জগ্ সাপড়েৎ কানে।
‘হিপিড় আঞ্চার’ পতব তায়গে
উছৗন লেনগে
তায়া,
পাড়হাও করে অৗডি মঁজগে
একাল বুজুঃ
গেয়া।
আধা দিনরে সুখ জিয়ন
ধৗরতিয় বৗগি
আনা,
সাঁওহেৎ এনেম লৗগিৎ হড়কো
উইহৗর ইদিয় কানা।
===---== ᱞ ᱧ ==---===
কুতুল - কুতুল, কাঃ - কাঃ
আলো বিটিম রাঃ ,
দাদা সেন্দ্রায় চালাও আকান
জেল কুটি পাঃ ।
কুতুল - কুতুল
, কাঃ - কাঃ
আলো বিটিম রাঃ ,
বাবা হৗটিয়ৗয় চালাও আকান
লৗডুয় অৗগুয় সৗরিয়াঃ ।
কুতুল - কুতুল
, কাঃ - কাঃ
আলো বিটিম রাঃ ,
কৗমি খনে হিজুঃ গগ
নুনু আমায় তোওয়া দাঃ
।
কুতুল - কুতুল
, কাঃ - কাঃ
আলো বিটিম রাঃ ,
যতোওয়াঃ এম ঞামা নাহাঃ
লান্দায় মে খাঃ -খাঃ ।
অক্ত রেনা্ঃ যাঁহা কৗমি
উন গে করাও ভৗগি
তেহেঞ গাপা ধিনাং কাতে
আলম দহ গিডি।
তাড়াম হর রে আঝাট কৗমি
মেনাঃ গেয়া পালেন
অনা মেনতে তাড়াম হর গে
তালা হর রেম কেচেদ্।
কষ্টঃ হুয়ুঃ লাহাঃহুয়ুঃ
বাঞ্চাঃ হুয়ুঃ তামা
রৗস্কৗ মনেতে কৗমি আমাঃ
অক্ত রে সামটাও হুয় আমা।
কৗমি তালাতে আমেম বাঞ্চাঃ
কামি জিয়ন ডাহার
অক্ত রেনাঃ তিনাঃ গণং
কৗমি তালাতে সং।
গাডা দাঃ বুহেল লেকা
অক্ত পারম চালাঃ
অকয়াঃ হঁ কাথা বায় লুতুর
চেৎ তে হঁ বাং হালাঃ।
অক্ত দ বায় এড়ে হচঃ
আমেম এড়েঃ আ
অক্তম পুচুঃ লেখান
হাপেম পস্তাঃ আ।
•••● ᱢᱩᱪᱟᱹᱫ ●•••
.webp)
.webp)
