“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।
তেহেঞাঃ আখড়ারে যাঁহায় কো সেলেদ্ আকান- ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟᱹᱢᱩᱨᱢᱩ, ᱨᱟᱢᱞᱟᱞ ᱴᱩᱰᱩ, ᱠᱤᱥᱠᱤᱱᱫᱷᱟ ᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, বাড়তাং সরেন, ঠ্যেন্টা মুর্মু, দুগাই টুডু, তপন হেম্ব্রম, বিরসা কিস্কু, সিতেন মান্ডি, বিরসা কিস্কু, বাবলু সরেন।
১।।
ᱡᱩᱫᱤᱧ
ᱦᱳᱭᱠᱚᱜ
ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ
ᱡᱩᱫᱤᱧ
ᱦᱳᱭᱠᱚᱜ ᱥᱮᱸᱫᱨᱟ ᱥᱮᱛᱟ
ᱨᱟᱜᱟᱹᱧᱼ "ᱵᱷᱳᱜ ᱵᱷᱳᱜ" !
ᱟᱹᱥᱩᱞ
ᱡᱤᱭᱟᱹᱞᱤ ᱟᱹᱛᱠᱤᱨ ᱠᱷᱚᱱᱟᱜ
ᱫᱚᱦᱚ ᱠᱮᱠᱳᱧ ᱫᱳᱜ ᱾
ᱟᱭᱳᱭ
ᱢᱮᱱᱟᱼ "ᱦᱚᱯᱚᱱ ᱵᱟᱹᱵᱩ
ᱢᱟᱥᱮ ᱟᱠᱟᱭᱮᱱᱟᱭ ?
ᱥᱤᱢ
ᱢᱮᱨᱚᱢ ᱠᱚ ᱨᱟᱜᱟ ᱦᱟᱱᱮ
ᱚᱠᱚᱭ ᱛᱮᱛᱟᱨ ᱠᱳᱭᱟᱭ" ?
ᱡᱩᱫᱤᱧ
ᱦᱳᱭᱠᱚᱜ ᱵᱟᱸᱰᱚᱜ ᱯᱩᱥᱤ
ᱨᱟᱜᱟᱧᱼ "ᱢᱤᱭᱩᱝᱻ ᱢᱤᱭᱩᱝ" !
ᱟᱭᱳ
ᱟᱱᱪᱟᱨ ᱛᱟᱭᱚᱢ ᱛᱮᱜᱮᱧ
ᱛᱟᱦᱮᱱᱼ "ᱜᱟᱭᱟᱝ ᱜᱩᱭᱩᱝ" ᱾
ᱟᱭᱳᱭ
ᱢᱮᱱᱟᱼ "ᱦᱚᱯᱚᱱ ᱵᱟᱹᱵᱩᱭ
ᱟᱠᱟᱭᱮᱱᱟ ᱢᱟᱥᱮ" ?
'ᱨᱮᱸᱜᱮᱡ
ᱛᱮᱛᱟᱝᱼᱼ ᱨᱚᱲ ᱟᱲᱟᱝ
ᱵᱟᱭ ᱟᱸᱡᱚᱢᱜ ᱱᱟᱥᱮ' !
ᱡᱩᱫᱤᱧ
ᱦᱳᱭ ᱠᱚᱜ ᱵᱟᱭᱫᱟ ᱢᱮᱨᱚᱢ
ᱨᱟᱜᱟᱧᱼ "ᱢᱮᱻᱢᱮ" !
ᱵᱤᱨ
ᱵᱟᱲᱜᱮ ᱟᱲᱟᱜ ᱥᱟᱠᱟᱢ
ᱵᱟᱪᱚᱧ ᱩᱡᱟᱹᱲ ᱠᱮ ᱾
ᱟᱭᱳᱭ
ᱢᱮᱱᱟᱼ ᱵᱟᱲᱜᱮ ᱟᱲᱟᱜ
ᱱᱟᱯᱟᱭ ᱫᱟᱞᱟᱭ ᱫᱟᱞᱟᱭ,
ᱦᱚᱯᱚᱱ
ᱵᱟᱹᱵᱩ ᱵᱟᱹᱱᱩᱜᱮ ᱚᱠᱚᱭ
ᱨᱟᱠᱷᱤ ᱡᱚᱜᱟᱣ ᱮᱫᱟᱭ ?
ᱢᱮᱱᱟᱭ
ᱢᱮᱱᱟᱭ ᱦᱚᱯᱚᱱ ᱵᱟᱹᱵᱩ
ᱹ ᱫᱟᱱᱟᱝ ᱨᱮᱜᱮ ᱢᱮᱱᱟᱭ ,
ᱫᱟᱱᱟᱝ
ᱠᱷᱚᱱᱟᱜ ᱜᱟᱛᱮ ᱜᱚᱲᱚᱨᱮ
ᱩᱱᱤ ᱫᱚ ᱠᱟᱹᱢᱤ ᱠᱟᱱᱟᱭ ᱾
*******************
২।।
ᱵᱟᱦᱟ ᱡᱟᱞᱮ
ᱥᱩᱵᱩᱫᱤᱭᱟᱹᱢᱩᱨᱢᱩ
ᱵᱟᱦᱟ ᱡᱟᱞᱮ
ᱚᱠᱚᱭ ᱦᱟᱞᱮ
ᱡᱚᱦᱚᱨ ᱡᱚᱦᱚᱨ
ᱚᱡᱚᱨ ᱡᱷᱚᱵᱚᱨ
ᱠᱩᱞᱦᱤ ᱵᱟᱲᱜᱮ
ᱯᱮᱲᱟ ᱯᱮᱲᱟᱜᱮ
ᱫᱷᱩᱛᱤ ᱫᱚᱛᱚ
ᱞᱚᱦᱚᱫ ᱡᱚᱛᱚ
ᱫᱟᱜ ᱮ ᱛᱟᱛᱟᱝ
ᱢᱟᱨᱟᱝ ᱛᱮᱧᱟᱝ
ᱫᱩᱞ ᱟᱹᱫᱤᱭᱟᱹᱧ
ᱞᱚᱦᱚᱫ ᱠᱟᱹᱫᱤᱭᱟ.ᱧ
ᱟᱨᱮᱡ ᱫᱟᱜ
ᱥᱤᱵᱤᱞ ᱪᱟᱜ
ᱵᱟᱦᱟ ᱡᱟᱞᱮ
ᱟ.ᱰᱤ ᱵᱷᱟᱞᱮ
*******************
৩।।
ᱡᱤᱭᱟᱹᱞᱤ ᱠᱟᱛᱷᱟ
ᱨᱟᱢᱞᱟᱞ ᱴᱩᱰᱩ
ᱦᱟᱹᱛᱤᱭᱟᱜ ᱢᱮᱱᱟᱜ ᱢᱟᱨᱟᱝ ᱥᱩᱸᱬ
ᱠᱩᱞᱟᱹᱭ ᱠᱚ ᱫᱚᱠᱚ ᱛᱟᱸᱦᱮᱱ ᱡᱷᱩᱲ ᱾
ᱛᱟᱹᱨᱩᱵ ᱠᱚᱫᱚ ᱵᱤᱨ ᱨᱮᱱ ᱨᱟᱡᱟ
ᱜᱟᱺᱬᱤ ᱮᱱᱮᱡ ᱧᱮᱞ ᱛᱮ ᱢᱚᱡᱟ ᱾
ᱦᱮᱸᱫᱮ ᱜᱮᱭᱟ ᱦᱟᱺᱬᱩ ᱢᱚᱪᱟ
ᱡᱷᱤᱸᱠ ᱤᱞ ᱫᱚ ᱠᱷᱚᱪᱟ ᱠᱷᱚᱪᱟ ᱾
ᱦᱮᱸᱫᱮ ᱜᱮᱠᱚ ᱧᱮᱞᱛᱮ ᱵᱟᱱᱟ
ᱥᱟᱫᱚᱢ ᱫᱚᱠᱚ ᱯᱤᱰᱜᱟᱹᱜ ᱠᱟᱱᱟ ᱾
ᱨᱩᱸᱰᱟᱹ ᱠᱚᱫᱚ ᱠᱚ ᱥᱮᱸᱫᱽᱨᱟ ᱡᱚᱢ
ᱜᱟᱫᱷᱟ ᱛᱟᱠᱚᱼᱟᱜ ᱜᱚᱱᱚᱝ ᱠᱚᱢ ᱾
ᱠᱷᱤᱠᱲᱤ ᱠᱚ ᱨᱟᱜᱽ ᱨᱟᱵᱟᱝ ᱡᱟᱞᱟ
ᱠᱩᱞ ᱦᱚᱴᱚᱜ ᱨᱮ ᱦᱳᱫᱽᱜᱳ ᱢᱟᱞᱟ ᱾
ᱦᱚᱨᱤᱱᱟᱜ ᱫᱚ ᱫᱮᱨᱮᱧ ᱞᱟᱹᱴᱩ
ᱛᱳᱭᱳ ᱠᱚ ᱡᱚᱢ ᱨᱟᱹᱴᱩ ᱯᱟᱹᱴᱩ ᱿
*******************
৪।।
ᱫᱷᱤᱨᱤ ᱪᱟᱴᱟᱱ
ᱠᱤᱥᱠᱤᱱᱫᱷᱟ
ᱢᱩᱨᱢᱩ
ᱵᱩᱨᱩ ᱪᱚᱴᱚᱨᱮ ᱢᱮᱞᱟᱱ
ᱦᱮᱱᱟᱜ ᱫᱷᱤᱨᱤ ᱪᱟᱴᱟᱱ ;
ᱨᱚᱫᱷᱮ ᱦᱮᱸᱫᱮ ᱧᱮᱞᱚᱜ
ᱧᱮᱞᱛᱮ ᱢᱚᱱᱮ ᱛᱚᱞᱚᱜ ᱾
ᱫᱷᱤᱨᱤ ᱪᱤᱨᱮᱫ ᱠᱚᱨᱮ
ᱚᱢᱚᱱ ᱟᱠᱟᱱ ᱫᱟᱨᱮ ;
ᱛᱟᱥᱟᱫ ᱱᱟᱹᱲᱤ ᱠᱚᱦᱚᱸ
ᱢᱮᱱᱟᱜ ᱨᱩᱱᱟᱜ ᱨᱮᱦᱚᱸ ᱾
ᱚᱢᱚᱱ ᱟᱠᱟᱱ ᱫᱟᱨᱮ ;
ᱛᱟᱥᱟᱫ ᱱᱟᱹᱲᱤ ᱠᱚᱦᱚᱸ
ᱢᱮᱱᱟᱜ ᱨᱩᱱᱟᱜ ᱨᱮᱦᱚᱸ ᱾
ᱱᱤᱨᱚᱱ ᱥᱤᱛᱩᱝ ᱮᱞᱟᱝ
ᱨᱮᱭᱮᱲ ᱫᱤᱱ ᱨᱟᱵᱟᱝ ;
ᱡᱟᱯᱩᱫ ᱨᱮᱫ ᱠᱟᱹᱸᱭᱚᱜ
ᱦᱟᱹᱨᱤᱭᱟᱹᱲ ᱴᱷᱟᱹᱸᱭᱚᱜ᱾
ᱦᱟᱱᱮ ᱥᱮᱫᱟᱭ ᱠᱷᱚᱱᱟᱝ
ᱚᱱᱠᱟ ᱚᱵᱚᱨ ᱢᱮᱱᱮᱝ ;
ᱢᱮᱱᱟᱜ ᱧᱮᱧᱮᱞ ᱛᱮᱭᱟᱝ
ᱫᱷᱤᱨᱤ ᱪᱟᱴᱟᱱ ᱨᱮᱭᱟᱝ ᱿
ᱚᱱᱠᱟ ᱚᱵᱚᱨ ᱢᱮᱱᱮᱝ ;
ᱢᱮᱱᱟᱜ ᱧᱮᱧᱮᱞ ᱛᱮᱭᱟᱝ
ᱫᱷᱤᱨᱤ ᱪᱟᱴᱟᱱ ᱨᱮᱭᱟᱝ ᱿
*******************
৫।।
ᱥᱟᱱᱛᱟᱲ
ᱜᱳᱯᱮᱥᱣᱚᱨ ᱢᱟ.ᱱᱰᱤ
ᱥᱟᱱᱛᱟᱲᱤ
ᱟᱢᱟᱜ ᱯᱟ.ᱨᱥᱤ
ᱥᱟᱶᱛᱟ
ᱛᱟᱞᱟ ᱟ.ᱨᱥᱤ।
ᱚᱞ
ᱪᱤᱠᱤᱛᱮ ᱚᱞ
ᱫᱚᱦᱚᱭ
ᱢᱮ ᱛᱚᱞ।
ᱥᱟᱶᱦᱮᱫ
ᱨᱤᱞᱟ. ᱢᱟᱞᱟ
ᱦᱟᱨᱟᱭ
ᱢᱮ ᱵᱷᱟᱞᱟ ।
ᱫᱤᱥᱳᱢ
ᱨᱮ ᱡᱷᱟᱞᱠᱟᱜ
ᱟ.ᱰᱤ
ᱱᱟᱯᱟᱭ ᱢᱟᱞᱠᱟᱜ ।
*******************
৬।।
লল সিতুং
বাড়তাঙ সরেন
বাহা বঙ্গা পারম
তরা
দারায় সিতুং
বঙ্গা
ডাহার
সড়ক তাড়াম রেদ
লল
হৗসু জাঙ্গা।
লল সিতুং জারাৎ
জারাৎ
আডি গেচো
হারন
তালা
টাণ্ডি ঞির বাড়া
দ
একাল তেগে
বারন।
গাডা সডঃ পুখরী
নালা
আঁজেৎ চাবা
সানাম
রেঙ্গেচ তেতাং আডি
জালা
গিদরৗ কড়া
হাড়াম।
বৗইদ্ , বৗইহৗড় সেরমা ধিপৗও
ঞেলঃ
দারাং দারাং
জীব জিয়ৗলী ডাংরা কাডা
রেঙ্গেচ
জালা তেতাং।
বিলৗন বৗইহৗড় হুড়ু বুদৗ
সানাম
গাসা মাণ্ডা
তিরলৗ কোদ
দাঃকো গেমের
হেরমেৎ দিপিল
কাণ্ডা।
হিসি চিঙ্চির দাঃ
জালাতে
হায়রে চাহাপ
বাড়ায়
কাঁহুঁ কিসনি দারে
উমুল
সানাম জিরৗও বাড়ায়।
বুঢি হাড়াম দুড়ুপ
জিরৗও
বাড়ে উমুল
লাতার
গিদরৗকো জ বিলিকো
জম
একাল আডি
বাতার।
সারজম বাহা ডৗরমা চেতান
একাল লেগেজ
লেগেজ
মাতকম রাসা হেড়েম
স'তে
মনে জিউয়ীয় লাড়েজ
।
*******************
৭।।
রৗগি
সনাতন টুডু
হপন বৗবুয় রৗগি আকান
বায় জমেদ দাকা,
সেতাঃ খনাঃ আয়ুব ধৗবিজ
ফাঁকা চেদাঃ পাখা।
এড়ে কাথা লৗইতে চেদাঃ
ভুলৗও হোয়োঃ বৗবু,
আগু আমালে খালাঃ লৗডু
আলম রাগা বৗবু ।
আয়ো যখেন অলঃ কাথা
জুর জুরতেয় মেন,
পাড়হাও মেসে ভাগে লেকা
লৗডুম জমা এন ।
পাখা পেরেজ সাজাও তাহেঁন
পাড়হাও যুদি হোয়োঃ,
বাবায় আগুয় বেগ পেরেজ
জাঁহাতিনৗঃ ঞিদৗ হোয়োঃ ।
বাবাহাঃ বিলম ঞেলতে বৗবু
বায় জমা দাকা ,
সেতাঃ খনাঃ আয়ুএন চেদাঃ
ফাঁকা তাহেঁন পাখা।
*******************
৮।।
রেরেঞ
ঠ্যেন্টা মুর্মু
রেরেঞ রেরেঞ রেরেঞ
সারা সিতুং এম
সেরেঞ
জমাঃ পান্জা হিড়িঞ
কাতে
আতেন কানায় চেমেঞ
।
রেরেঞ রেরেঞ রেরেঞ
আডি মন্জ এম
সেরেঞ
রাস্কা তেক
উড়ুক আকান
এনেজ গেগে তেরেঞ।
*******************
৯।।
যোসেফ হাঁসদা
দুগাই টুডু
আঁজম গদঃ কাথায় উনি
সেরেঞ কৗরিগল গে,
সেরেঞ
কদ হুদিশ কাতে
আয়মা লেদায় অলগে।
ঞুতুম তায়গে যোসেফ হাঁসদা
জানাম পোখুরিয়া,
সাঁওতাল
পরগনা বিহার কানা
সানাম কো বাডায় গিয়া।
নাহাঃ
হানে সাহেবগঞ্জ জেলা
ঝাড়খন্ড পনৎ মেনা,
জত
গেথ নেতার আদ
লৗই আকো অনা।
মনে
রেদ গৗহির আতেদ্
অৗডি লেদগে গাঁডন,
অনে
উনরে সাঁওহেৎ চারচা
ধুরৗও লেনায় মঁগন।
‘পেড়া
হড়’ পাথাম খনগে
উছৗন
আকান তায়া,
পাড়হাও
করে মেন আকো
নাপায় লেকান গেয়া।
‘গাতে
দল’ সেরেঞ পতব
হেনাঃ আকাদ কদর,
ছাপা
কাতেদ্ সাঁওতা রেগে
ঞেল ঞামঃ সদর।
সেরেঞ
লেখান মঁজগে বুজুঃ
অন্তর তালা মালা,
এনেম
মেনা তায়তে হড়কো
উইহৗর ইদিয়ে ভালা।
*******************
১০।।
সরেশ হড়বন বেনাঃ
তপন হেম্ব্রম
দারে নৗড়ি জ-বিলি -
জমরে আডি সিবিল,
সিবিল সড়ম রড়
জংরে
সিবিল সৗগৗই তাঁহেন।
অলঃ পাড়হাও সেতাঃ
আয়ুব
দুড়ুব আবন বার
বেড়া,
লাচ্ রেগেচ্ দাঃ
দাকা
জম আবন পেনে
বেড়া।
রু-রাহা বাখেড়
বিন্তি
আঁজম আঁগচ্ আবন,
সেরওয়া রেয়াঃ আরিচালি
দেবন জিয়ৗড় জতন
।
মানা বাচক আচু
কাথা
বাবন এতম লৗটু
কওয়াঃ,
মানাও গূনৗও জত
কগে
সরেশ হড়বন বেনাঃ
।
*******************
১১।।
চিতৗর-অল
সীতেন মাণ্ডি
বৗনু্ঃ আড়াং মেনাঃ
সানা
সিঙ্গি মাহা চেরেচ্
এমা
মারাং কক অল
বেলা
আপে দপে বেনাও
আনা
তিনাঃ চরক তিনাঃ
নাপায়
অড়াঃ দুয়ৗর দারে সাকাম।
কচি তিতে চেরেচ্
আড়াং
সাজাও আপে সভায়াপে
ঞেল জং গে
সানাঞ ইঞ মা
সিঙ্গি মাহা চিতৗর কমা।
'আবোওয়াঃ
কাথা' সাঁওতায় সেচেদ্
মনে পেরেচ্ দুলৗড় চেরেচ্
রিলৗমালা,বরেন, বিমলা,সুজয়,
চিতৗর তালাতে অন্তর
রেনাঃ কাথা ক অলা।
হাপ্তা রে সিঙ্গি
মাহা
কয়ঃ হর রে
তাঙ্গি তাঁড়াঃ
মনে জিউয়ি লাঙ্গা
থাকাও
ফারনাও বুজুঃ রৗস্কৗঞ আইকৗও।
থুম আশিস এমা
পেয়াঞ
নাপায় হড় তেয়ারঃ
পে
আপে সারহাও লেকা
ইঞ ঠেন
দুলৗড় বেগর বৗনুঃ আড়া
চেৎ ইঞ মেন।
*******************
১২।।
অত-হাসা.webp)
.webp)
বিরসা কিস্কু
অত হাসা
মৗনমি ক চাসা
ঢঁডর ঢসা
জিনতি পিপিড় ক বাসা
নিরমায়া ধৗরতিরে
হোড়ো চাওলে
আরজাও আলে
তেরেল তালে
মাতকম গেলে
লে-লেগেচ ধৗরতিরে
আনেজ ধানেজ
ধনতে পেরেচ
কেনে কেদেচ
জিউয়ী রাড়েচ
সুখৗলি বাখোলরে
দারে রহয়
সুয়ুড় হয়
দেবন ককয়
বানচাও দহয়
হৗলি হৗড়য়ৗর ধৗরতি
*******************
১৩।।
সিতুং যখচ
বাবলু সরেন
সিতুং
যখচ
তিকি
হুড়ু রহড়ঃকান
ধিরি
চৗটৗনিরে ,
মৗই বৗবুক খেলডঃ কান
দারে উমুলরে।
ডাহার ধুড়ি ললঃ
লৗগিৎ
অকয় পেড়া হড়-চ
বায় দুড়ুব দাড়েয়াঃ
কান
সিতুং আকান
মোটরসাইকেলরে !!
***********মুচৗৎ*************
.webp)
.webp)
