আবোওয়াঃ ডিজিটাল ডেস্ক- পারমেন ১০ এপ্রিল’২২ পুরুব মিদিনপুর জেলা এগরা থানারেনাঃ ৫ নং ওয়ার্ড সাঁয়তাড়ী আতোরে ফেক এসটি বিরুধরে গাপালমারাও আখড়া হুয় পারমেনা।সাঁইতাড়ী আতো মঁড়ে হড়াঃ জুগুৎতে আর পশ্চিমবঙ্গ আদিবাসী কল্যান সমিতি পুরুব মিদিনপুর জেলা চাঁগা হতেচ্তে নোওয়া আখড়া দ সাপড়াও লেনা।
আখড়ারে ফেক এসটি চেৎ আর চেদাঃ নোওয়া লৗইতে পশ্চিমবঙ্গ আদিবাসী কল্যান সমিতি এ লৗড়হৗই কানা অনা রেনাঃ অড়ে অড় পাত কো গাপালমারাও কেদা। গালচিয়ৗ কোওয়াঃ মচা খনগে বাডায় ঞাম এনা বাংমা নোওয়া এগরা, কাঁথি এলাকা করেহঁ আয়মা ফেক এসটি মেনাঃ আকাৎ কোওয়া।যাঁহায়দ আদিবাসী গে বাং কানাকো, আদিবাসী ঞুম কাতে, টাকা পয়সা এম কাতে আদিবাসী সার্টিফিকেট কো উডুক জং কানা। আর নানাহুনৗর কলেজ, বিশ্ববিদ্যালয় এমন চেৎ চৗকরি-বৗকরি করেহঁ দাও কো হাতাও এদা। ওনকো কো সেঁদরা ওডোক হোয়োঃ আ নংকান দাবী হঁ রাকাব হেচ্ এনা।
নোওয়া আখড়ারে পশ্চিমবঙ্গ আদিবাসী কল্যান সমিতি পুরুব মিদিনপুর জেলা চাঁগা রেন সভাপতি মানতান বিনয় কুমার মান্ডি, সেক্রেটারী মানতান জলেশ্বর মুরমু, ট্রেজারার উপেন্দ্রনাথ মুরমু,তালমা কোর কমিটিরেন সভাপতি চারু চাঁদ হাঁসদা, লক্ষীকান্ত বাস্কে, রবীন্দ্রনাথ মান্ডি, সঞ্জয় মুরম্, মঙ্গল মুরমু, সাঁওতে কাঁথি খন মাচেৎ গোমকে কো সেটের লেনা কুনারাম টুডু, মালতী টুডু, গোবিন্দ মুরমু, শিবান মান্ডি, সনাতন টুডু, জাগর মুরমু এমান।
.webp)
.webp)
