সান্তাড় হুল ঞুতুমান জেগেৎ বিরদৗগাড় হুয় কাতেহঁ সান্তাড়ী লাকচার ঠাঁও বায় ঞামলেৎ তে রড়দারাম

 

আবোওয়াঃ ডিজিটাল ডেস্ক- পারমেন ১১.০৪.২০২২ অতে মাহা হিলোঃ গোয়ালতোড় সাঁওতাল বিদ্রোহ সার্ধ-শতবার্ষিকী জেগেৎ বিদ্যাগাড় রেয়াং সের্মা পুরৗও লাকচার আখড়া সৗহিজুহি লেনা।

 

অনা লাকচার আখড়ারে সান্তাড় আঃ লাকচার সেলেৎ বাং তাঁহে কানতে,ভারত জাকাত সান্তাড় পৗঠুওয়া গাঁওতা আঃ কলেজ ইউনিট  সান্তাড়ি লাকচার সেলেৎ লৗগিৎ আডি রাঙ্গাও আনা ক রড়দারাম কেদা। বাডায় আকানা সেতাঃ ৯ বাজাঃ খন মাজান ২ বাজা হৗবিজ্‌ কলেজ গেট ক কুলুপ কাদা, দাবি দ কলেজ লাকচার আখড়া রে সান্তাড়ি লাকচার সেলেৎ কাঃ  অনা সাঁওতে সান্তাড় বিভাগরেন পৗঠুওয়া কো চেতান অনহেড়া, এড়েভুড়ুজ এমান আ তাঁহে কানা। আঁগিভার গঃ আকাদ্‌  অধ্যক্ষ পৗঠুওয়া গাঁওতারেন সহেৎ কো সাঁও রপড় তায়ম  গটালেন বুটৗলেন লাকচার আখড়া দ নোটিশ এম কাতেয় বৗতিল কেদা। সেলেৎ লেন পৗঠুওয়া আগুয়ান সে কলেজ ইউনিট সুৎরেৎ বাবলু সরেন, পারসেৎ ভৈরব কুমার সরেন, সোমবারি সরেন, মৌসুমী সরেন, সুজাতা মুর্মু, সাগুন মান্ডি, বিপাশা হেম্রম সাঁওতে  গাঁওতারেন আইমা হুলগৗরিয়া পৗঠুওয়া সেটের কো তাঁহে কানা।

 

আরহঁ বাডায়ঃ কানাঃ বাংমা গোয়ালতোড় কলেজ রেনাঃ সান্তাড়ি লাকচার অনহেড়া,সহেৎ ক বতরানাঃ  হুমকি ক এমা ক কানা অনা এলাকারেন গে কিছু সমাজ বিরোধী এটা জৗতি হড় ক।

 

অনা বিরুদরে হলা শিলদৗ চন্দ্রশেখর জেঁগেৎ বিদ্যাগাড়রেন পৗঠূওয়া গাঁওতারেন রৗসিয়ৗ কো অনা রেনাঃ কডরা ক রড় দারাম কেদা। আচু চালাও ক লেন মুদরে শিলদৗ কলেজ পারসেৎ মানতান সৃজন হাঁসদা, দীনবন্ধু, অনিতা, সেফালি সাঁওতে  আয়মা গাঁওতারেন রৗসিয়ৗ কো।

 

নিৎ সান্তাড় মহলরে নংকান কাথাগে গুরলৗঃ কানা- খেরওয়াল, আমাঃ হৗটিঞ জুড়ু এটাঃ হড়ক জম্‌ জং কানা, আমদ নিৎহঁ ঠৗবু জাং গেম হাঁবুড় কানা। তবে চেদাঃ নংকা আদিবাসী কো চেতান এড়েভুড়ুজ্‌ লেকান কৗমি হরা বিরদৗগাড় এ হাতাও লেদা অনা রেনাহঁ কুকলি রাকাপ কানা। সে নোওয়া তায়মরে আরহঁ যাঁহায় রাঘব বোওয়াড় কো মেনাঃ আকাৎ কোওয়া, সান্তাড় পৗঠুওয়া তরফ খন অনা রেনাঃহঁ তলাশ চালাঃ কানা মেনতে বাডায় আকানা।