সিঁগি মাহা রেনাঃ সাকাম ‘চেরেচ্ আড়াং’ লেখা- ৮০

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com । 

 

তেহেঞাঃ আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱩᱵᱩᱫᱤᱭᱟᱹᱢᱩᱨᱢᱩ,  ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱠᱤᱥᱠᱤᱱ ᱫ ᱷ ᱟ   ᱢ ᱩᱨᱢ ᱩ,  ᱨᱟᱢᱞᱟᱞ ᱴᱩᱰᱩ, দুর্গাচরণ মুরমু, বাড়তাঙ সরেন, সুচাঁদ হাঁসদা, সনাতন টুডু, ঠ্যেন্টা মুরমু, দুগাই টুডু, সিতেন মান্ডি, বিরসা কিস্কু, নিকোলাস মারান্ডি।

 

রিলৗমালা মুরুমু, ক্লাস- V
জেলা - পুরুলিয়া

১।।

 ᱵᱟᱦᱟ

 ᱥᱩᱵᱩᱫᱤᱭᱟᱹ  ᱢᱩᱨᱢᱩ

ᱵᱟᱦᱟ ᱵᱚᱸᱜᱟ ᱵᱟᱦᱟ
ᱡᱮᱜᱮᱫ ᱧᱮᱞᱚᱜ ᱡᱟᱸᱦᱟ ᱾

ᱤᱪᱟᱹᱜ ᱤᱫᱟᱹᱞ ᱢᱩᱨᱩᱫ
ᱟᱨᱟᱜ    ᱜᱤᱨᱩ   ᱩᱨᱩᱫ ᱾

ᱰᱩᱸᱝᱨᱤ ᱠᱷᱚᱱᱟᱜ ᱜᱚᱰᱟ
ᱥᱟᱡᱟᱣ  ᱢᱮᱱᱟᱜ   ᱜᱚᱴᱟ ᱾

ᱥᱮᱨᱢᱟ  ᱡᱚᱯᱚᱜ  ᱥᱟᱥᱟᱝ
ᱪᱷᱩᱲᱭᱟᱹᱣ ᱟᱠᱟᱱ  ᱮᱛᱟᱝ ᱾

ᱚᱛ   ᱠᱷᱚᱱᱟᱜ   ᱥᱮᱨᱢᱟ
ᱟᱵᱚᱵᱚ  ᱧᱮᱞ  ᱫᱟᱨᱟᱢᱟ ᱾

ᱴᱩᱱᱣᱟᱹᱭ ᱠᱟᱛᱮ  ᱦᱟᱵᱟᱜ
ᱱᱚᱭ   ᱟᱱᱟᱝ    ᱞᱤᱴᱟᱹ--ᱟᱜ ᱾

 

*****   *****    ***** *****

২।।

ᱩᱰᱟ.ᱣ

 ᱜᱳᱯᱮᱥᱣᱚᱨ ᱢᱟ.ᱱᱰᱮ

 

ᱮ ᱟᱭᱳ - 

ᱦᱟ.ᱱᱤ ᱧᱮᱞᱮ ᱢᱮ

ᱪᱚᱴᱛᱮ ᱩᱰᱟ.ᱣ ᱪᱟᱞᱟᱜ ᱠᱟᱱᱟᱭ

ᱢᱤᱫ ᱯᱷᱩᱪᱤ ᱪᱮᱬᱮ ।

 

       ᱤᱧ ᱦᱚᱧ ᱩᱰᱟ.ᱜ-ᱟ

       ᱥᱮᱨᱢᱟ ᱞᱟᱛᱟᱨ ᱛᱤᱧ ᱟ.ᱪᱩᱨᱚᱜ

        ᱯᱷᱩᱪᱤ ᱪᱮᱬᱮ ᱞᱮᱠᱟ ।

 

ᱮ ᱵᱟ.ᱵᱩ -

ᱟᱢᱟᱜ ᱫᱚ ᱯᱷᱟ.ᱠᱲᱟ.ᱜ ᱵᱟ.ᱱᱩᱜ-ᱟ 

ᱵᱟᱝ ᱮᱢ ᱩᱰᱟ.ᱣ ᱫᱟᱲᱮᱭᱟᱜ

ᱯᱷᱩᱪᱤ ᱪᱮᱬᱮ ᱞᱮᱠᱟ ।

 

         ᱚᱞᱚᱜ ᱥᱮᱬᱟᱭ ᱢᱮ

        ᱯᱷᱟ.ᱠᱲᱟ.ᱜ ᱵᱟᱝ ᱛᱟ'ᱦᱮᱱ ᱨᱮ'ᱦᱚ

        ᱦᱟᱯᱮᱱ ᱫᱤᱱᱮᱢ ᱩᱰᱟ.ᱜ । 

 

*****   *****    ***** *****

৩।।

ᱡᱟᱱᱩᱢ  ᱵᱤᱞᱤ

ᱠᱤᱥᱠᱤᱱᱫᱷᱟ ᱢᱩᱨᱢᱩ

 

 ᱵᱟᱲᱜᱮ ᱞᱟᱛᱟᱨ

 ᱡᱟᱛᱟᱨ ᱠᱟᱛᱟᱨ ;     

                           ᱦᱮᱱᱟᱜ ᱢᱟᱨᱮ

                           ᱡᱟᱱᱩᱢ  ᱫᱟᱨᱮ ।

                 

 ᱨᱮᱛᱮ   ᱠᱚᱛᱮ

 ᱧᱩᱨᱩᱜ ᱚᱛᱛᱮ ;

                       ᱵᱤᱞᱤ ᱠᱟᱸᱭᱰᱮ

                       ᱦᱟᱱᱰᱮ ᱱᱟᱰᱮ ।

                  

 ᱧᱮᱞᱚᱜ  ᱦᱟᱱᱮ

 ᱞᱟᱯᱷᱟᱝ ᱚᱱᱮ ;

                   ᱜᱤᱫᱽᱨᱟ ᱯᱤᱪᱷᱟᱭ

                     ᱟᱠ  ᱠᱚ  ᱞᱟᱹᱯᱟᱹᱭ ।

             

 ᱡᱟᱱᱩᱢ     ᱵᱤᱞᱤ

 ᱡᱚᱡᱚᱢ ᱵᱷᱟᱞᱤ ;

                           ᱥᱚᱲᱚᱢ  ᱥᱤᱵᱤᱞ

                           ᱦᱟᱞᱟᱝ ᱫᱤᱯᱤᱞ ।

                  

 ᱜᱚᱪᱷᱟ ᱴᱷᱮᱢᱟᱭ

 ᱫᱚᱦᱚ    ᱡᱟᱣᱨᱟᱭ  ;

                           ᱥᱮᱛᱟᱜ ᱛᱤᱠᱤᱱ

                           ᱠᱚᱭᱚᱜ  ᱪᱤᱠᱤᱱ ।

                

 ᱜᱤᱫᱽᱨᱟ ᱠᱚᱫᱚ

 ᱨᱮᱯᱮᱡ      ᱟᱫᱚ  ;

                             ᱫᱟᱨᱮ ᱦᱤᱨᱤᱭ

                              ᱟᱨᱤ   ᱯᱟᱨᱤᱭ ।

 

 ᱟᱯᱟᱱ         ᱟᱯᱤᱱ

ᱛᱟᱳᱭᱟᱜ ᱛᱟᱯᱤᱧ ;

                          ᱩᱥᱟᱨᱟ ᱦᱟᱞᱟᱝ

                          ᱞᱚᱜᱚᱱ ᱢᱟᱲᱟᱝ ।

                     

ᱧᱩᱨ    ᱚᱛᱨᱮ

ᱧᱮᱞ ᱦᱚᱫᱨᱮ ;

                      ᱢᱚᱡᱜᱮ       ᱵᱤᱞᱤ

                      ᱡᱩᱫᱟᱜᱮ ᱵᱷᱟᱞᱤ ।

                    

 ᱞᱟᱭ-ᱟ  ᱦᱚᱲ

ᱵᱟᱱᱩ-ᱟ ᱡᱚᱲ  ;

                       ᱡᱟᱱᱩᱢ   ᱞᱮᱠᱟᱱ

                       ᱜᱟᱵᱮᱡᱤᱞ     ᱟᱱ ।

                   

 ᱚᱱᱟᱛᱮ    ᱫᱤᱱ

 ᱥᱮᱴᱮᱨᱚᱜ ᱠᱤᱱ  ;

                        ᱜᱟᱛᱮ  ᱜᱟᱯᱟᱛᱮ

                        ᱦᱤᱨᱤ    ᱯᱟᱨᱤᱛᱮ ।

                    

 ᱫᱤᱱᱟᱢ    ᱜᱮᱪᱚᱝ

 ᱠᱷᱚᱡᱚᱜ ᱢᱚᱪᱚᱝ  ;

                             ᱨᱩᱠᱩ  ᱪᱟᱯᱟᱫ

                             ᱠᱚᱭᱚᱜ  ᱟᱠᱟᱫ ।

                 

 ᱡᱚᱢ      ᱥᱟᱱᱟ

 ᱵᱟᱱᱩᱜ ᱢᱟᱱᱟ  ;

                         ᱦᱩᱵᱤᱧ   ᱢᱟᱨᱟᱝ

                         ᱠᱚᱠᱚᱭ    ᱜᱮᱨᱟᱝ ।

               

*****   *****    ***** *****

৪।।

ᱦᱟᱲᱟᱢ ᱪᱟᱹᱥᱤ

ᱨᱟᱢᱞᱟᱞ ᱴᱩᱰᱩ

 

   ᱦᱟᱲᱟᱢ ᱦᱟᱲᱟᱢ ᱠᱟᱰᱟ ᱛᱤᱧ

       ᱢᱚᱸᱬᱮ ᱵᱤᱜᱷᱟᱹ ᱦᱟᱥᱟ ᱛᱤᱧ,

   ᱪᱮᱠᱟ ᱛᱮᱫᱚᱧ ᱪᱟᱥ ᱨᱟᱠᱟᱵᱽ

            ᱵᱩᱰᱷᱤ ᱵᱟᱹᱦᱩ ᱛᱤᱧ ?

 

  ᱦᱚᱱ ᱦᱚᱯᱚᱱ ᱵᱟᱹᱱᱩᱜ ᱠᱚᱛᱤᱧ

          ᱪᱮᱞᱮ ᱫᱚᱠᱚ ᱥᱚᱦᱚᱫᱤᱧ

   ᱪᱮᱠᱟ ᱛᱮᱫᱚᱧ ᱪᱟᱥ ᱨᱟᱠᱟᱵᱽ

           ᱯᱩᱭᱥᱟᱹ ᱵᱟᱹᱱᱩᱜ ᱛᱤᱧ ?

 

   ᱫᱟᱲᱮ ᱫᱷᱚᱱ ᱛᱷᱚᱲᱟᱭᱮᱱ ᱛᱤᱧ

       ᱵᱟᱹᱫᱽ ᱦᱟᱥᱟᱜᱮ ᱥᱟᱸᱜᱮ ᱛᱤᱧ,

   ᱪᱮᱠᱟ ᱛᱮᱫᱚᱧ ᱪᱟᱥ ᱨᱟᱠᱟᱵᱽ

            ᱜᱩᱱᱟᱹᱱᱚᱜ  ᱟᱹᱧ  ᱤᱧ ᱿

 

    ᱦᱚᱲᱢᱚ ᱦᱟᱥᱳᱧ ᱧᱤᱫᱟᱹ ᱥᱤᱧ

       ᱡᱤᱨᱟᱹᱜ ᱚᱠᱛᱚ ᱵᱟᱹᱱᱩᱜ ᱛᱤᱧ

     ᱪᱮᱠᱟ ᱛᱮᱫᱚᱧ ᱪᱟᱥ ᱨᱟᱠᱟᱵᱽ

             ᱦᱟᱲᱟᱢ ᱪᱟᱹᱥᱤ  ᱤᱧ ?

 

*****   *****    ***** *****

৫।।

ফৗগুন বঙ্গা

দুর্গাচরণ মুরমু

 

মাগ তায়ম ফৗগুন বঙ্গা

রেয়াড় রাবাং জত্‌ চাবাঃ,

দারে সাকাম পালো ঞুরুঃ

চেঁড়ে চিপরুৎ ক রাগাঃ।

 

মুরুৎ সিরিশ কুদ দারে

এদেল বৗরু কুরুচ সারজম,

হেঁসাঃ বাড়ে লওয়া আমড়া

কুটু জত্‌ কৗউহা মাতকম।

 

জিড়িৎ জিড়িৎ হয় সিতুং

রহড় সাকাম গুরলৗ গুরলী,

হর ডাহার অড়াঃ সৗড়িম

কুলহি ধুড়ি হুরলৗ হুরলী।

 

দারে ডৗররে নাওয়া কচি

সাগেন রাকাব জৗলি সাকাম,

লেগেচ লেগেচ বুটু: বাহা

লুতি তেরম কুসিঃ সানাম।

 

বাহা রাসা চেপেচ লৗগিৎ

ঞেলে দুমুর ভান ভান,

চুড়ুপ চুড়ুপ দন বাড়ায়

তুড়ৗ মনে আন চান।

 

কুহু কুহু কুইলী চেঁড়ে

রাগায় উল দারে দানাং,

উল বাগান গমহেড় উমুল

বাহা ঞেলোঃ সদর সামাং।

 

*****   *****   ***** *****

৬।।

হিসি তুকৗ

বাড়তাং সরেন

 

বাড়গে লাতার  তালে খিজুর

                        হিসি তুকৗ পেরেচ

সাকাম লাতার ঢিঙ্ক ঢাওয়াঃ

                       গোটা গেচো পেরেচ

 

খিজুর সাকাম চিরৗ কাতেঃ

                       নাপায় গুতু গালাং

চেকা তেকো হামেট লেদা

                    নুনৗঃ লাসের হাতাং।

 

অকারেকো সেঁড়া লেদা

                    তুকৗ তেয়ার কৗরি

হিসি চেঁড়েঁ মা কৗরিগল

                    একাল সৗরি সৗরি।

 

দাঃ জৗপুৎ আর রেয়াড় রাবাং

                        তুকৗ বাংগে ঞুঁরুঃ

দুখ দুয়িপরে সানাম কোগে

                    একালকো ঞির সুরুঃ।

 

জুরি পৗরি রৗস্কৗ আতে

                   সেরেঞ চেরোবেরো

হপন কোদ তুকৗ তালা

                      বাংগে হরোবরো ।

 

তুকৗ লাতার মংরা লেকা

                     দুয়ৗর মেনাঃ নাপায়

তুকৗ তালা  লুগুৎ ললো

                     হয়রে হালায় হালায়।

 

জমঞুঁ আকো দুলৗড় আতে

                       মনে বাকো বৗড়িচ্

কৗমি তেদ হিসি চেঁড়েঁ

                   একাল বাকো কৗটিচ্ ।

 

হিসি তুকৗ ঞেলতে কাথায়

                  তিনৗঃ  হড়কো  সেঁড়ায়

অড়াঃ দুয়ৗর ওনকো লেকা

                      তেয়ার নাপায় নাপায়।

 

*****   *****    ***** *****

৭।।

ডিবৗ

সুচাঁদ হাঁসদা

 

বাবু  বাবু  এ  বাবু ,

এমাম  কৗনৗঞ কুদুম ,

লৗইমে উদুম  সুদুম  ৷

কুদুমরে কুঁড়িত কুঁড়িত ,

ঘাওড়া চেঁড়ে চিঁড়িত চিঁড়িত ৷

বাং কানা কাথা দ এড়ে ,

মিত টান ফুচি চেঁড়ে ৷

মিত অড়াঃ এ জিল ,

মা লৗইমে চেত. ?

 

লৗই গত কেত আলে বাবু ,

কুকলি আঁজমতে বাংএ কাবুঃ ৷

আলপে মনেয়ে বাবু দ হেলা ,

একাল সারি লৗই কেত তেলা ৷

আলেরেন বাবু সিবৗ ,

তেলা দ হুয়ুঃ আ ডিবৗ ৷

 

*****   *****    ***** *****

 ৮।।

বাহা

সনাতন টুডু

 

বাহা বাহা বাহা়: কানা

গটা বির বুরু  ,

"বাহাঃ"রেনাঃ কাথা ঝত

তাঁহেন শুধু উকু ।

 

বাহাঃ রেনাঃ রৗসকৗ রমজ

সিকিড় বুঝৗও নিতঃ ,

"রাস মেলারে" কৗহু মাসে

মারাঃ সাজাওঃ নিতঃ।

 

*****   *****    ***** 

৯।।

কৗড়ুং ডৗবুং

ঠ্যেন্টা মুর্মূ

 

কৗড়ুং ডৗবুং কৗড়ুং ডৗবুং

অকাম চালাঃ রৗবুং কৗবুং

হাপে কৗটিজ্  তিঁগুন মেসে

হপন বাবু গাতে এম সে

হপন বাবুয় চালাঃ আম সাঁও

ঝারনা ডাডি তুপুন ।

 

কৗড়ুং ডৗবুং তিঙ্গু কাতে

মেনায় আদ বেজার আতে

ঝারনা ডৗডি বাং ইঞ চালাঃ

নিতঃ বাং ইঞ তুপুন

জমাঃ পান্জাঞ উড়ুক আকান

দাড়ান কানাঞ রৗবুং কৗবুং !

 

*****   *****    ***** *****

১০।।

সিরন মুরমু

দুগাই টুডু

 

হড়কো কাথায় মেনা ভালা

    অনড়হিয়ৗ কানে,

অল-বেল হুদিশ লেদায়

    গৗহির আতে মনে।

 

ঞুতুম তায় সিরন মুরমু

   জানাম পারুলিয়ৗ,

ডাক অড়াঃদ ভান্ডারু কানা

    জেলা মেদনীপুরে লৗইয়ৗ।

 

নাহাঃ নেতার জেলা অনা

    হানে ঝাড়গ্রাম গেত,

পছিম বাংলা পনৎ রেগে

      সানাম মেনাঃ জত।

 

পোর্ট ট্রাস্টরে চৗকরি কাতে

     হাতাও কেদায় জিরৗও,

জানাম আতো রুওয়ৗড় কাতে

     চাষ কৗমিয় ধুরৗও।

 

অলচিকিরে লাড়াওনা রেদ

     উনি সেলেদ্‌ এনায়,

লাকচার শাসতর বাডায় লৗগিৎ

     অৗডি লাটকাও লেনায়।

 

মারে নাগাম সদর বাবদ

    লৗগয়ৗ পাড়াও নৗপিৎ,

হড়াঃ অৗরিচৗলি রায়রিৎ

    জিয়ৗড় দহয় লৗগিৎ।

 

‘সিঁগৗড় সাঁকোওয়া’ সাপড়েৎ উনি

     তাঁহে কানায় মেনগে,

‘দাঃ বাহা’ অনড়হেঁ পুঁথি

     ছাপা উছৗন লেনগে।

 

সাঁওহেৎ চারচা এনেম তায়গে

      মেনাঃ আকাদ্‌ পৗরি,

অনা তেড়ং তেহেঞ গাপা

     উইহৗর ইদিয় সৗরি। 

 

*****   *****    ***** *****

 ১১।।

 ভৗগি বৗড়িচ্

সীতেন মাণ্ডি

 

আলে যুগ গুডুয় গচ্ ক

  রৗপুদায় বুনুম ঢিপি

বৗড়িচ্ হড় বায় ঞেল সাহাও ক

সাঁওতারে  বৗড়িচ্ ক কৗমি।

 

দুক বেড়ারে দৗড় সুরঃ আয়

   মৗনমি লৗগিৎ কৗমি

মৗনমি সুর রে মৗনমি তাঁহেন

  বুঝ আকাদায় উনি।

 

সুই সুতৗম ভৗগি হড়

রৗপুদ সৗগৗই এ জড়াও

 বৗড়িচ্ কৗমি সাহা কাতে

   ‌সৗরিয়াঃ গে রড়।

 

যুগুৎ রেগে সুলুক মেনাঃ

 ভেগেৎ রেগে দুক

সুলুক সৗগৗই বাঞ্চাও লৗগিৎ

  হড়া্ঃ আলম সুগ।

 

আয়া্ঃ মনে দিল দাড়ে

নংকা গে তাহেন মা জিয়ৗড়

যত ক গে থুম চাল আয় পে

  নাপায়ে কৗমি মা বাড়ে।

 

*****   *****  ***** *****

১২।।

গাঙ নৗই

বিরসা কিস্কু

 

গাঙ নৗই

মারাংদৗই

আডি মারাং

দমে খাঁজাং

দাঃ হেলকা

হৗকু ক মালকা

গিতিল বৗলি

জৗলয়ৗ ঝৗলি

হৗকু সে চিলি

ডৗঁড়কৗ লুলি

বোয়াড় তায়ান

আডি ক সেয়ান

জাহাজ হাদ হাদ

লৗউকৗ আদ মাঁদ

বহেলঃ লেগেম লেগেম

পেরেজঃ চেড়েম চেড়েম

মৗনমি ক পারম

জিয়ন সাপারম।

 

*****   *****    ***** 

১৩।।

যুদিম অলঃ

নিকোলাস মারাণ্ডি

 

যুদিম অলঃ যুদিম পাড়হাওঃ

    মেঁৎ ভুসৗড়ঃ তামা ,

বেস - বৌড়িচ্ ওরোম রেয়াঃ

    দাড়েয় এমামা ।

 

আঁধা  পৗতিয়ৗও হরখন হঁ

    আমে সাহাড় কামা ,

লাহা চালাক্ হর হঁ আমে

    উদুঃ ইদি আমা ।

 

মিৎ কাথারেঞ লৗই আমা

    হুসিয়ৗরঃ আম আডিগান ,

অলঃ পাড়হাওঃ জিন্গি রেয়াঃ

    আডি মারাং রান ।

 

ঁঁঁঁঁ=মুচৗৎ=ঁঁঁঁঁ