“আবোওয়াঃ কাথা” ডিজিটাল ডেস্ক রে সানাম
সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন
পে। অল ভেজায় রেনাঃ বুটৗ- Whatsapp- 8942955829 : E-mail
Id:- abowagkatha@gmail.com ।
তেহেঞাঃ
আখড়ারে যাঁহায় কো সেলেদ্ আকান- বিমলা কিস্কু, বরেন্দ্রনাথ কিস্কু, ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱟᱛᱮ
ᱴᱩᱣᱟ.ᱨ , ᱨᱟᱢᱞᱟᱞ ᱴᱩᱰᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱠᱤᱥᱠᱤᱱ ᱫ ᱷ ᱟ ᱢ ᱩᱨᱢ ᱩ, বাড়তাঙ সরেন, দুগাই টুডু, বাবলু
সরেন, সুচাঁদ হাঁসদা, নিকোলাস
মারান্ডি,
সিতেন মান্ডি, ঠ্যেন্টা মুরমু, দুর্গাচরণ মুরমু।
 | |
|
 |
| বরেন্দ্রনাথ কিস্কু, ক্লাস- I জেলা - পূর্ব সিংভূম |
১।।
ᱩᱯᱟᱹᱭ
ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ
ᱪᱩᱞᱦᱟᱹ ᱢᱟᱛᱟᱢ ᱟᱠᱟ
ᱫᱷᱟᱨᱛᱤ ᱨᱮᱛᱟᱢ ᱫᱟᱠᱟ,
ᱨᱮᱸᱜᱮᱡ ᱞᱟᱡᱽ ᱢᱟ ᱛᱤᱨᱢᱤᱨᱟᱹᱜ ᱠᱟᱱ
ᱵᱟᱭ ᱟᱸᱡᱚᱢᱟ ᱚᱠᱟ ᱾
ᱫᱷᱟᱨᱛᱤ ᱨᱮᱛᱟᱢ ᱫᱟᱠᱟ,
ᱨᱮᱸᱜᱮᱡ ᱞᱟᱡᱽ ᱢᱟ ᱛᱤᱨᱢᱤᱨᱟᱹᱜ ᱠᱟᱱ
ᱵᱟᱭ ᱟᱸᱡᱚᱢᱟ ᱚᱠᱟ ᱾
ᱦᱚᱯᱚᱱ ᱢᱟᱹᱭᱮ ᱨᱤᱠᱤᱲ
ᱠᱟᱹᱢᱤᱭ ᱫᱤᱠᱤᱲ ᱫᱤᱠᱤᱲ,
ᱨᱮᱸᱜᱮᱡ ᱛᱮᱛᱟᱝ ᱛᱟᱞᱚᱢ ᱠᱟᱛᱮ
ᱡᱤᱛᱠᱟᱹᱨ ᱪᱤᱨᱮ ᱦᱤᱯᱤᱲ ᱾
ᱠᱟᱹᱢᱤᱭ ᱫᱤᱠᱤᱲ ᱫᱤᱠᱤᱲ,
ᱨᱮᱸᱜᱮᱡ ᱛᱮᱛᱟᱝ ᱛᱟᱞᱚᱢ ᱠᱟᱛᱮ
ᱡᱤᱛᱠᱟᱹᱨ ᱪᱤᱨᱮ ᱦᱤᱯᱤᱲ ᱾
ᱦᱚᱯᱚᱱ ᱵᱟᱹᱵᱩ ᱡᱚᱫᱷᱟ
ᱵᱟᱭ ᱛᱟᱸᱦᱮᱱᱟ ᱠᱚᱸᱫᱷᱟ,
ᱥᱚᱝᱥᱟᱨ ᱛᱤᱸᱜᱳ ᱠᱮᱴᱮᱡ ᱞᱟᱹᱜᱤᱫ
ᱥᱤᱭᱳᱜ ᱠᱟᱱᱮ ᱜᱚᱰᱟ ᱾
ᱵᱟᱭ ᱛᱟᱸᱦᱮᱱᱟ ᱠᱚᱸᱫᱷᱟ,
ᱥᱚᱝᱥᱟᱨ ᱛᱤᱸᱜᱳ ᱠᱮᱴᱮᱡ ᱞᱟᱹᱜᱤᱫ
ᱥᱤᱭᱳᱜ ᱠᱟᱱᱮ ᱜᱚᱰᱟ ᱾
ᱟᱨᱡᱟᱣ ᱟᱠᱤᱱ ᱡᱚᱢᱟᱜ
ᱠᱟᱹᱢᱤ ᱢᱟ ᱵᱟᱝ ᱪᱟᱵᱟᱜ
ᱥᱮᱛᱟᱜ ᱟᱹᱭᱩᱵ ᱠᱟᱹᱢᱤ ᱛᱮᱜᱮ
ᱡᱟᱱᱟᱢ ᱫᱤᱥᱚᱢ ᱥᱚᱵᱷᱟᱜ ᱾
ᱠᱟᱹᱢᱤ ᱢᱟ ᱵᱟᱝ ᱪᱟᱵᱟᱜ
ᱥᱮᱛᱟᱜ ᱟᱹᱭᱩᱵ ᱠᱟᱹᱢᱤ ᱛᱮᱜᱮ
ᱡᱟᱱᱟᱢ ᱫᱤᱥᱚᱢ ᱥᱚᱵᱷᱟᱜ ᱾
****** ****** ****** ******
২।।
ᱩᱯᱤ
ᱥᱩᱵᱩᱫᱤᱭᱟᱹ
ᱢᱩᱨᱢᱩ
ᱵᱟᱲᱜᱮ ᱞᱟᱛᱟᱨ
ᱥᱤᱢᱟᱹ ᱠᱚᱨᱮ
ᱩᱰᱟᱹᱜ ᱠᱟᱱᱠᱚ ᱩᱯᱤ ᱾
ᱥᱤᱢᱟᱹ ᱠᱚᱨᱮ
ᱩᱰᱟᱹᱜ ᱠᱟᱱᱠᱚ ᱩᱯᱤ ᱾
ᱜᱚᱴᱟ ᱴᱟᱺᱰᱤ
ᱧᱮᱞᱚᱜ ᱨᱤᱯᱤ ᱨᱤᱯᱤ ᱾
ᱥᱮᱯᱮᱧ ᱢᱮᱨᱮ
ᱫᱟᱜ ᱵᱟᱹᱴᱤ
ᱪᱟᱞᱟᱜ ᱟᱞᱟᱝ ᱦᱟᱞᱟᱝ ᱾
ᱢᱮᱱᱟᱜ ᱜᱮᱭᱟ
ᱦᱳᱲᱳ ᱦᱚᱞᱚᱝ
ᱜᱚᱜᱚᱭ ᱯᱤᱴᱷᱟᱹ ᱟᱞᱟᱝ ᱾
****** ****** ****** ******
৩।।
ᱢᱟᱭᱟ
ᱜᱟᱛᱮ ᱴᱩᱣᱟ.ᱨ
ᱚᱠᱚᱭ ᱵᱟᱰᱟᱭ ᱚᱠᱟ ᱢᱟᱭᱟᱛᱮ
ᱛᱚᱯᱚᱞ ᱫᱟ.ᱨᱛᱤ ᱯᱩᱨᱤ
ᱥᱤᱨᱡᱚᱱᱤᱭᱟ.ᱣᱟᱜ ᱥᱤᱨᱡᱚᱱ ᱚᱠᱟ
ᱡᱷᱚᱛᱚ ᱜᱮᱪᱚ ᱥᱟ.ᱨᱤ ᱾
ᱛᱚᱯᱚᱞ ᱫᱟ.ᱨᱛᱤ ᱯᱩᱨᱤ
ᱥᱤᱨᱡᱚᱱᱤᱭᱟ.ᱣᱟᱜ ᱥᱤᱨᱡᱚᱱ ᱚᱠᱟ
ᱡᱷᱚᱛᱚ ᱜᱮᱪᱚ ᱥᱟ.ᱨᱤ ᱾
ᱵᱤᱨ ᱵᱩᱨᱩ ᱱᱟ.ᱭ ᱥᱮᱨᱢᱟ ᱨᱤᱢᱤᱞ
ᱡᱤᱵᱽ ᱡᱤᱭᱟ.ᱞᱤ ᱵᱟᱦᱟ
ᱪᱟᱸᱫᱳ ᱵᱮᱲᱟ ᱤᱯᱤᱞ ᱮᱸᱜᱮᱞ
ᱥᱤᱨᱡᱚᱱᱤᱭᱟ.ᱣᱟᱜ ᱜᱮ ᱫᱳᱦᱟ ᱾
ᱡᱤᱵᱽ ᱡᱤᱭᱟ.ᱞᱤ ᱵᱟᱦᱟ
ᱪᱟᱸᱫᱳ ᱵᱮᱲᱟ ᱤᱯᱤᱞ ᱮᱸᱜᱮᱞ
ᱥᱤᱨᱡᱚᱱᱤᱭᱟ.ᱣᱟᱜ ᱜᱮ ᱫᱳᱦᱟ ᱾
ᱡᱷᱚᱛᱚᱢ ᱜᱮᱠᱚ ᱢᱚᱸᱜᱚᱱ ᱟᱠᱟᱱ
ᱟᱯᱟᱱ ᱟ.ᱯᱤᱱ ᱠᱟᱢ
ᱟ.ᱠᱤᱞ ᱜᱮᱭᱟᱱ ᱫᱷᱮᱭᱟᱱ ᱵᱤᱨᱫᱟ.
ᱱᱚᱰᱮ ᱜᱮᱪᱚᱢ ᱧᱟᱢ ᱾
ᱟᱯᱟᱱ ᱟ.ᱯᱤᱱ ᱠᱟᱢ
ᱟ.ᱠᱤᱞ ᱜᱮᱭᱟᱱ ᱫᱷᱮᱭᱟᱱ ᱵᱤᱨᱫᱟ.
ᱱᱚᱰᱮ ᱜᱮᱪᱚᱢ ᱧᱟᱢ ᱾
ᱫᱷᱟ.ᱨᱛᱤᱭᱟᱜ ᱜᱮ ᱟᱨ ᱢᱤᱫ ᱢᱟᱭᱟ
ᱨᱟ.ᱯᱩᱫ ᱟᱨ ᱜᱚᱲᱦᱚᱱ
ᱡᱟᱱᱟᱢ ᱠᱷᱚᱱᱟᱜ ᱜᱩᱡᱩᱜ ᱫᱷᱟᱵᱤᱡ
ᱡᱷᱚᱛᱚ ᱜᱮ ᱠᱟᱱᱟ ᱞᱤᱠᱷᱚᱱ ᱾
ᱨᱟ.ᱯᱩᱫ ᱟᱨ ᱜᱚᱲᱦᱚᱱ
ᱡᱟᱱᱟᱢ ᱠᱷᱚᱱᱟᱜ ᱜᱩᱡᱩᱜ ᱫᱷᱟᱵᱤᱡ
ᱡᱷᱚᱛᱚ ᱜᱮ ᱠᱟᱱᱟ ᱞᱤᱠᱷᱚᱱ ᱾
**** ****** ****** ******
৪।।
ᱟᱥᱲᱟ
ᱨᱟᱢᱞᱟᱞ
ᱴᱩᱰᱩ
ᱦᱩᱰᱤᱧ ᱦᱩᱰᱤᱧ
ᱵᱟᱹᱵᱩ ᱢᱟᱹᱭ
ᱟᱥᱲᱟ ᱛᱮᱯᱮ ᱪᱟᱞᱟᱜ ,
ᱪᱮᱫ ᱠᱚᱯᱮ ᱥᱮᱸᱬᱟᱭᱮᱫ ᱛᱮ
ᱫᱤᱱᱟᱹᱢ ᱫᱚᱯᱮ ᱪᱟᱞᱟᱜ ?
ᱟᱥᱲᱟ ᱛᱮᱯᱮ ᱪᱟᱞᱟᱜ ,
ᱪᱮᱫ ᱠᱚᱯᱮ ᱥᱮᱸᱬᱟᱭᱮᱫ ᱛᱮ
ᱫᱤᱱᱟᱹᱢ ᱫᱚᱯᱮ ᱪᱟᱞᱟᱜ ?
ᱚᱞ ᱪᱤᱠᱤᱛᱮ
ᱚ ,ᱚᱛ, ᱚᱜ ,ᱚᱝ
ᱟᱨᱚ ᱢᱮᱱᱟᱜ ᱮᱞᱠᱷᱟ ,
ᱤᱝᱨᱟᱹᱡᱤᱛᱮ ᱮᱹ , ᱵᱤ, ᱥᱤ, ᱰᱤ
ᱚᱣᱟᱱ,ᱴᱩ,ᱛᱷᱨᱤ, ᱞᱮᱠᱷᱟ ᱾
ᱟᱨᱚ ᱢᱮᱱᱟᱜ ᱮᱞᱠᱷᱟ ,
ᱤᱝᱨᱟᱹᱡᱤᱛᱮ ᱮᱹ , ᱵᱤ, ᱥᱤ, ᱰᱤ
ᱚᱣᱟᱱ,ᱴᱩ,ᱛᱷᱨᱤ, ᱞᱮᱠᱷᱟ ᱾
ᱟᱨᱚ ᱢᱮᱱᱟᱜ ᱥᱮᱨᱣᱟ
ᱥᱮᱨᱮᱧ
ᱛᱟᱸᱦᱟ ᱨᱮᱛᱟᱨᱮ ᱱᱟᱱᱟ ,
ᱢᱟᱡᱟᱱ ᱛᱮᱫᱚ ᱠᱷᱮᱞᱳᱰ ᱡᱚᱝ
ᱵᱟᱝ ᱛᱟᱸᱦᱮᱱᱟ ᱢᱟᱱᱟ ᱾
ᱛᱟᱸᱦᱟ ᱨᱮᱛᱟᱨᱮ ᱱᱟᱱᱟ ,
ᱢᱟᱡᱟᱱ ᱛᱮᱫᱚ ᱠᱷᱮᱞᱳᱰ ᱡᱚᱝ
ᱵᱟᱝ ᱛᱟᱸᱦᱮᱱᱟ ᱢᱟᱱᱟ ᱾
ᱚᱱᱟ ᱯᱚᱨᱮ ᱴᱷᱚᱝ
ᱴᱷᱚᱝ ᱴᱷᱚᱝ
ᱡᱩᱫᱤ ᱥᱟᱰᱮ ᱜᱷᱩᱱᱴᱤ ,
ᱩᱱ ᱛᱮᱫᱚᱞᱮ ᱵᱩᱡᱷᱟᱹᱣ ᱜᱚᱫᱽ
ᱛᱮᱦᱮᱧ ᱞᱮᱠᱟᱫᱚ ᱪᱷᱩᱴᱤ ᱿
ᱡᱩᱫᱤ ᱥᱟᱰᱮ ᱜᱷᱩᱱᱴᱤ ,
ᱩᱱ ᱛᱮᱫᱚᱞᱮ ᱵᱩᱡᱷᱟᱹᱣ ᱜᱚᱫᱽ
ᱛᱮᱦᱮᱧ ᱞᱮᱠᱟᱫᱚ ᱪᱷᱩᱴᱤ ᱿
****** ****** ****** ******
৫।।
ᱱᱤᱨᱚᱱ
ᱜᱳᱯᱮᱥᱣᱚᱨ ᱢᱟ.ᱱᱰᱤ
ᱯᱷᱟ.ᱜᱩᱱ ᱟᱨ ᱪᱟ.ᱛ
ᱱᱤᱨᱚᱱ ᱨᱤᱛᱩᱭ ᱥᱟ.ᱛ ।
ᱱᱤᱨᱚᱱ ᱨᱤᱛᱩᱭ ᱥᱟ.ᱛ ।
ᱡᱤᱣᱤ ᱡᱤᱭᱟ.ᱲ ᱞᱟᱦᱟᱭ ।
ᱫᱷᱟ.ᱨᱛᱤ ᱥᱟᱡᱟᱣ ᱞᱟᱦᱟ ।
ᱞᱩᱛᱤ ᱪᱮᱯᱮᱡ ᱞᱟᱦᱟᱜ ।
ᱚᱱᱛᱚᱨ ᱵᱷᱤᱛᱤᱨ ᱡᱷᱟᱜ ।
ᱦᱚᱲᱢᱚ ᱡᱤᱣᱤᱭ ᱠᱚᱭ ।
ᱢᱚᱱᱮ ᱡᱤᱣᱤᱭ ᱡᱤᱭᱟ.ᱲ ।
ᱵᱟᱦᱟ ᱯᱚᱨᱚᱵ ᱟ.ᱜᱩᱭ
ᱨᱟ.ᱥᱠᱟ. ᱨᱚᱢᱚᱡ ᱞᱟ.ᱜᱩᱭ ।
ᱥᱟᱱᱛᱟᱲ ᱠᱚᱣᱟᱜ ᱜᱚᱨᱚᱵ
ᱢᱟᱨᱟᱝ "ᱵᱟᱦᱟ" ᱯᱚᱨᱚᱵ ।
ᱢᱟᱨᱟᱝ "ᱵᱟᱦᱟ" ᱯᱚᱨᱚᱵ ।
****** ****** ****** ******
৬।।
ᱦᱮᱲᱮᱢ ᱞᱟᱰᱩ
ᱠᱤᱥᱠᱤᱱᱫᱷᱟ ᱢᱩᱨᱢᱩ
ᱡᱚᱢᱨᱮᱢᱟ ᱦᱮᱲᱮᱢ ᱦᱮᱲᱮᱢ
ᱢᱚᱪᱟᱨᱮᱢᱟ ᱞᱮᱲᱮᱢ ᱞᱮᱲᱮᱢ
ᱥᱤᱵᱤᱞᱜᱮ ᱢᱚᱪᱟ ᱛᱚᱞᱚᱜ ᱾
ᱢᱚᱪᱟᱨᱮᱢᱟ ᱞᱮᱲᱮᱢ ᱞᱮᱲᱮᱢ
ᱥᱤᱵᱤᱞᱜᱮ ᱢᱚᱪᱟ ᱛᱚᱞᱚᱜ ᱾
ᱟᱣᱨᱤᱨᱮᱢᱟ ᱡᱚᱡᱚᱢ ᱥᱟᱱᱟ
ᱟᱰᱤ
ᱠᱚᱠᱚᱭᱨᱮᱢᱟ ᱚᱡ ᱜᱷᱟᱲᱤ ᱜᱷᱟᱲᱤ
ᱵᱟᱝᱨᱮᱢᱟ ᱩᱥᱟᱫ ᱜᱮᱪᱚᱝ ᱟᱰᱤ ᱾
ᱠᱚᱠᱚᱭᱨᱮᱢᱟ ᱚᱡ ᱜᱷᱟᱲᱤ ᱜᱷᱟᱲᱤ
ᱵᱟᱝᱨᱮᱢᱟ ᱩᱥᱟᱫ ᱜᱮᱪᱚᱝ ᱟᱰᱤ ᱾
ᱠᱚᱭᱨᱮᱢᱟ ᱦᱮᱱᱟᱭ ᱞᱮᱛᱟᱲ
ᱛᱟᱠᱨᱮᱢᱟ ᱢᱮᱱᱟᱭ ᱵᱟᱛᱟᱨ
ᱠᱷᱚᱡᱚᱜ ᱠᱟᱱ ᱠᱷᱟᱞᱤ ᱞᱟᱰᱩ ᱾
ᱛᱟᱠᱨᱮᱢᱟ ᱢᱮᱱᱟᱭ ᱵᱟᱛᱟᱨ
ᱠᱷᱚᱡᱚᱜ ᱠᱟᱱ ᱠᱷᱟᱞᱤ ᱞᱟᱰᱩ ᱾
ᱜᱩᱲᱨᱮᱢᱟ ᱪᱤᱱᱤᱨᱮᱢᱟ ᱦᱮᱲᱮᱢ
ᱛᱳᱭᱟᱨᱮᱢᱟ ᱜᱚᱛᱚᱢᱨᱮᱢᱟ ᱞᱮᱲᱮᱢ
ᱛᱤ ᱢᱚᱪᱟᱨᱮ ᱞᱟᱴᱷᱟᱜ ᱡᱮᱲᱮᱢ ᱿
ᱛᱳᱭᱟᱨᱮᱢᱟ ᱜᱚᱛᱚᱢᱨᱮᱢᱟ ᱞᱮᱲᱮᱢ
ᱛᱤ ᱢᱚᱪᱟᱨᱮ ᱞᱟᱴᱷᱟᱜ ᱡᱮᱲᱮᱢ ᱿
****** ****** ****** ******
৭।।
হাসা অড়াঃ
বাড়তাঙ সরেন
আলে অড়াঃ হাসা অড়াঃ
আডি গেচো হুডিঞ
যাঁহা তেগেঞ চালাঃ রেহঁ
একাল বাচঞ হিড়িঞ।
আডি গেচো হুডিঞ
যাঁহা তেগেঞ চালাঃ রেহঁ
একাল বাচঞ হিড়িঞ।
বুসুপ তেগে দাপ আকানা
চাতম অড়াঃ সাড়িম
কুডৗম রেগে পুখরী মেনাঃ
দাঃ দ রিড়িম রিড়িম।
কুডৗম রেগে পুখরী মেনাঃ
দাঃ দ রিড়িম রিড়িম।
সামাং রেগে চিকৌঁড় রাচা
আডি গেচো ফাইলাও
তাড়াম বাড়া চামাল চুমুল
ঞেলতে আডি সামটাও।
আডি গেচো ফাইলাও
তাড়াম বাড়া চামাল চুমুল
ঞেলতে আডি সামটাও।
বাতা তেলে আটেৎ আকাৎ
আলে হুডিঞ অড়াঃ
হয়তে আটেৎ লিকির লিকির
আডি গেচো লাড়াঃ।
আলে হুডিঞ অড়াঃ
হয়তে আটেৎ লিকির লিকির
আডি গেচো লাড়াঃ।
রাচা ধারে দারে উমুল
রেয়াড় রিলৗমালা
চেঁড়েঁ কক চেরো বেরোয়
দারে উমুল তালা।
রেয়াড় রিলৗমালা
চেঁড়েঁ কক চেরো বেরোয়
দারে উমুল তালা।
জ বিলিকো জম বাড়ায়া
ডৌর মা লাফাং লাফাং
জম তরাকো সেরেঞ বাড়ায়
জুরি সামাং সামাং।
ডৌর মা লাফাং লাফাং
জম তরাকো সেরেঞ বাড়ায়
জুরি সামাং সামাং।
হুডিঞ রেহঁ হাসা অড়াঃ
রৗস্কৗ পেরেচ পেরেচ
বকো বয়হা সানাম কোতে
একাল কেঁড়েঁচ দঁড়েঁচ।
রৗস্কৗ পেরেচ পেরেচ
বকো বয়হা সানাম কোতে
একাল কেঁড়েঁচ দঁড়েঁচ।
****** ****** ****** ******
৮।।
যাকোব ও সরেন
দুগাই টুডু
লৗইকো কাথায়
মিৎটাং অনলিয়ৗ
হানেয় তাঁহে লেনা,
ঞুতুম যাকোব ও সরেন
আঁজম বাড়া অনা।
হানেয় তাঁহে লেনা,
ঞুতুম যাকোব ও সরেন
আঁজম বাড়া অনা।
বেনাগৗড়িয়ারে
জানাম লেনায়
অনা সান্তাল পরগনা।
নাহাঃ নেতার সানাম কোগে
ঝাড়খন্ড ক মেতাঃ কানা।
অনা সান্তাল পরগনা।
নাহাঃ নেতার সানাম কোগে
ঝাড়খন্ড ক মেতাঃ কানা।
অনড়হেঁ,
কৗহনি গিদরা লৗগিৎ
আৗডি অল লেদায়,
অনে আদ হড়কো তালা
ঞুতুম পাশনাও কেদায়।
আৗডি অল লেদায়,
অনে আদ হড়কো তালা
ঞুতুম পাশনাও কেদায়।
‘পেড়া হড়’
পাথাম রে পোয়লো
অলে কোল লেৎ তায়া,
অনা তায়ম ছাপা কাতে
উছৗন সদরেন তায়া।
অলে কোল লেৎ তায়া,
অনা তায়ম ছাপা কাতে
উছৗন সদরেন তায়া।
‘বুজ রাকাব’
‘আৗকিল দুওয়ৗর’
পুঁথি উইহৗ্র হিজুঃ,
‘অৗকিল ডাহার’ গিদরৗ লৗগিৎ
পাড়হাও নাপায় বুজুঃ।
পুঁথি উইহৗ্র হিজুঃ,
‘অৗকিল ডাহার’ গিদরৗ লৗগিৎ
পাড়হাও নাপায় বুজুঃ।
ধুরি ধৗরতি
তালা খনগে
আকাদ রেহঁ দানাং,
বোগে তেকো দিসৗ্য তায়গে
পতব গং আনাং।
আকাদ রেহঁ দানাং,
বোগে তেকো দিসৗ্য তায়গে
পতব গং আনাং।
সাঁওতা
তালা দহ লেদায়
ভাগে এনেম কৗমি,
অনা তেড়ং তেহেঞ গাপা
ঞুতুম অৗডি নৗমি।
ভাগে এনেম কৗমি,
অনা তেড়ং তেহেঞ গাপা
ঞুতুম অৗডি নৗমি।
****** ****** ****** ******
৯।।
সিঁগি মাহা
বাবলু সরেন
সিঁগি মাহা, সিঁগি মাহা
আম গিঞ কয়গ কামা
পানতে আঞ চেরেচ আড়াং
তিনরে হিজুঃ ইঞ ঠেন মাড়াং ৷
আম গিঞ কয়গ কামা
পানতে আঞ চেরেচ আড়াং
তিনরে হিজুঃ ইঞ ঠেন মাড়াং ৷
লেখায় আঞ নংকা দি
মেনাঃ আরহঁ জৗরুম, ঞুহুম
ইনৗ তায়ম সিঙ্গি মাহা ঞুতুম ৷
অল আক অনড়হিয়ৗ অনড়হেঁ
অনা সিঁগি মাহারে
পাড়হাও আঞ আডি রমজ
অনা সিঁগি মাহারে
পাড়হাও আঞ আডি রমজ
****** ****** ****** ******
১০।।
মিৎ গেল
সুচাঁদ হাঁসদা
মেন মে বিটি মিৎ ,
মেন মে বাবু বার ,
মেন মে বাবু বার ,
ইনৗ তায়ম দ পুন ,
ইনৗ তায়ম দ তুরুই ,
মেন পে আরহঁ ইরাল ,
মেন তাবন পে গেল ,
****** ****** ****** *
১১।।
ভুত
নিকোলাস মারাণ্ডি
আলে হড়দ বাং
আলেদ কানালে ভুত ,
কুসিয়াঃআলে ঞুত ।
আলেদ কানালে ভুত ,
কুসিয়াঃআলে ঞুত ।
তাহেঁ কানালে মানোওয়া ,
তাহেঁ কানতালে নোওয়া ।
যত উলটৗ - পালটা ,
অটাং বাড়ায়ালে গটা ।
ধৗরতিরে হিজুঃ সানা ,
আলেহঁ চ লে তাহেঁ কানা ।
****** ****** ******
১২।।
মায়নো মিরু
সীতেন মাণ্ডি
অলঃ পাড়হাঃ
হড় বেনাঃ
হুডিঞ খনগে
যত কগে।
এড়ে কাথা
বাবন রড়া
সৗরি হরতে
গাতে গাতে।
কিরিঞ আখরিঞ
হাট বাজার
টাকা খান দ ঞামঃ ঝত
বাং ঞাম শিখনৗৎ বেগর।
শিখনাৎ রেগে
মেনাঃ দাড়ে
শিখনৗৎ খান
বাম এড়েঃ।
শিখনৗৎ বাংতে
আয়মা হড় গে
মেনাঃ কোওয়া
জাঁদে তাঁদে।
আলে মায়নো আলে মিরু
কুরু মুটুয় আকিন
শিখনৗৎ আরজাও কাতে
লাহা চালাঃ আকিন।
হড় বেনাঃ
হুডিঞ খনগে
যত কগে।
এড়ে কাথা
বাবন রড়া
সৗরি হরতে
গাতে গাতে।
কিরিঞ আখরিঞ
হাট বাজার
টাকা খান দ ঞামঃ ঝত
বাং ঞাম শিখনৗৎ বেগর।
শিখনাৎ রেগে
মেনাঃ দাড়ে
শিখনৗৎ খান
বাম এড়েঃ।
শিখনৗৎ বাংতে
আয়মা হড় গে
মেনাঃ কোওয়া
জাঁদে তাঁদে।
আলে মায়নো আলে মিরু
কুরু মুটুয় আকিন
শিখনৗৎ আরজাও কাতে
লাহা চালাঃ আকিন।
****** ****** ****** *
১৩।।
রামড়া ঘূটু মাঝি
ঠ্যেন্টা মুর্মূ
রামড়া ঘুটু মাঝি
আড়ি গেচয় রাগি
হড়াঃ কাথা আজম
বৗনুয় উনি রাজি ।
আড়ি গেচয় রাগি
হড়াঃ কাথা আজম
বৗনুয় উনি রাজি ।
মৗন মৗচি রে দুড়ুব
আডি গেচয় রিকিড়
হড় ক হামেট লেখান
বুজ্ আয় আডি শিকিড় ।
বুগি বৗড়িজ্ তলাশ
তিশ হঁ গে বায় হাতাও
খজঃ নতেয় আরহঁ
আয়াঃ কাথা বাতাও ।
আডি গেচয় রিকিড়
হড় ক হামেট লেখান
বুজ্ আয় আডি শিকিড় ।
বুগি বৗড়িজ্ তলাশ
তিশ হঁ গে বায় হাতাও
খজঃ নতেয় আরহঁ
আয়াঃ কাথা বাতাও ।
বাক আজম কাথা
আচ্ রেন সাপাপ তি হঁ
রৗস্কৗ বৗনুঃ তাকো
গুনি গুরিবাঃ হঁ ।
আয়াঃ আচু কাথা
বাক আঁজম লেরে
জহা চাপো কাতে
গুনি ভৗবিত রে ।
রামড়া ঘুটু মাঝি
আডি গৗনি সানি
হড়াঃ কাথা বাতাও
বৗনুয় রাজি উনি।
আচ্ রেন সাপাপ তি হঁ
রৗস্কৗ বৗনুঃ তাকো
গুনি গুরিবাঃ হঁ ।
আয়াঃ আচু কাথা
বাক আঁজম লেরে
জহা চাপো কাতে
গুনি ভৗবিত রে ।
রামড়া ঘুটু মাঝি
আডি গৗনি সানি
হড়াঃ কাথা বাতাও
বৗনুয় রাজি উনি।
****** ****** ****** *
১৪।।
কায়রা পুখরী
দুর্গাচরণ মুরমু
টালি টলা উতর নাখা
মেনাঃ মারাং কায়রা পুখরী,
পাড় চেতান আতিঞ আকো
ঝিক্ কুলঃই বির সুকরী।
মেনাঃ মারাং কায়রা পুখরী,
পাড় চেতান আতিঞ আকো
ঝিক্ কুলঃই বির সুকরী।
কায়রা পুখরী উসুল পাড়
বুরু লেকা পাড় বাগাহী,
লা অচলেৎ সেদায় জমিদার
খরচলেৎ আয়মা হোড়ো কারাহী।
বুরু লেকা পাড় বাগাহী,
লা অচলেৎ সেদায় জমিদার
খরচলেৎ আয়মা হোড়ো কারাহী।
আডি খাদরিঞ নওয়া পুখরী
মিৎ শায় বিঘৗ মারাং,
মিৎ শায় বিঘৗ মারাং,
পুখরী পাড় আডি গাজাড়
নানা হুনৗর নৗড়ি দারে,
জজ মাৎ ঝাড় মারে।
নানা হুনৗর নৗড়ি দারে,
জজ মাৎ ঝাড় মারে।
কিসনী চেঁড়ে চের্বের্
কুইলী আড়াং কুহু কুহু,
কিকির চেঁড়ে হাকোয় হালো
দাঃ কৗহু ডৗহু টুহু টুহু।
কুইলী আড়াং কুহু কুহু,
কিকির চেঁড়ে হাকোয় হালো
দাঃ কৗহু ডৗহু টুহু টুহু।
পুখরী দাঃ আরসী লেকা
মজগে ফৗরিয়া রিলৗমালা,
লেওয়র কদর দাঃ তালা।
মজগে ফৗরিয়া রিলৗমালা,
লেওয়র কদর দাঃ তালা।
খিলডু এনেচ দাঃ চেঁড়ে
তিনৗঃ রৗস্কৗ কেনে কতে,
সেরেঞ আকো মিৎ সাঁওতে।
তিনৗঃ রৗস্কৗ কেনে কতে,
সেরেঞ আকো মিৎ সাঁওতে।
সেতাঃ খনাঃ তিকিন তারাসিং
গৗই ডাংরা মিহু মেরম
গৗই ডাংরা মিহু মেরম
ঞুহুম তরা কায়রা পুখরী
বুঝৗঃ আডি চুমুল চুমুল,
ঞেল ঞামোঃ বঙ্গা উমুল।
বুঝৗঃ আডি চুমুল চুমুল,
ঞেল ঞামোঃ বঙ্গা উমুল।
****** মুচৗৎ ******
.webp)
.webp)
