“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্
বাখরা গিদৗর বৗউলি ‘চেরেচ্ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে
অল ভেজায় তাবোন পে। অল ভেজায় রেনাঃ বুটৗ- Whatsapp-
8942955829 : E-mail Id:- abowagkatha@gmail.com ।
তেহেঞাঃ
আখড়ারে যাঁহায় কো সেলেদ্ আকান- রিলৗমালা মুরমু, ময়ূরাক্ষী মুরমু,
ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱠᱤᱥᱠᱤᱱ
ᱫ ᱷ ᱟ ᱢ ᱩᱨᱢ ᱩ, গাতে টুওয়ৗর, সুচাঁদ হাঁসদা,
বাড়তাঙ সরেন, সমর লাল টুডু, সীতেন
মান্ডি, পিসি কিস্কু দুগাই টুডু, সনাতন
টুডু, নিকোলাস মারান্ডি।
 |
| রিলৗমালা মুরুমু, ক্লাস- IV জেলা - পুরুলিয়া |
 |
| ময়ূরাক্ষী মুরমু, ক্লাস- V জেলা - ঝাড়গ্রাম |
১।।
ᱦᱤᱸᱥᱠᱟᱹ ᱦᱩᱞᱩᱝ ᱯᱮᱬᱮ
ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ
ᱠᱤᱥᱱᱤᱼ ᱵᱚᱱᱟᱼ ᱢᱟᱭᱱᱚ ᱻ
ᱢᱤᱨᱩ
ᱱᱩᱠᱩ ᱫᱚ ᱟᱹᱥᱩᱞ ᱪᱮᱬᱮ,
ᱩᱱᱠᱩ ᱞᱟᱹᱜᱤᱫ ᱠᱷᱟᱱᱪᱟ ᱡᱩᱛᱟᱭ
ᱦᱤᱸᱥᱠᱟᱹ ᱦᱩᱞᱩᱝ ᱯᱮᱬᱮ ᱾
ᱱᱩᱠᱩ ᱫᱚ ᱟᱹᱥᱩᱞ ᱪᱮᱬᱮ,
ᱩᱱᱠᱩ ᱞᱟᱹᱜᱤᱫ ᱠᱷᱟᱱᱪᱟ ᱡᱩᱛᱟᱭ
ᱦᱤᱸᱥᱠᱟᱹ ᱦᱩᱞᱩᱝ ᱯᱮᱬᱮ ᱾
ᱥᱮᱨᱢᱟ ᱪᱮᱛᱟᱱ ᱯᱷᱩᱜᱟᱹᱞ
ᱚᱴᱟᱝ
ᱵᱟᱭ ᱠᱩᱥᱤᱭᱟᱜ ᱮᱠᱟᱞ,
ᱦᱟᱹᱲᱤ ᱠᱟᱛᱮᱭ ᱫᱚᱦᱚ ᱠᱟᱠᱳᱣᱟ
ᱳᱠᱳᱨᱮ ᱫᱟᱱᱟᱝ ᱫᱟᱯᱟᱞ ᱾
ᱵᱟᱭ ᱠᱩᱥᱤᱭᱟᱜ ᱮᱠᱟᱞ,
ᱦᱟᱹᱲᱤ ᱠᱟᱛᱮᱭ ᱫᱚᱦᱚ ᱠᱟᱠᱳᱣᱟ
ᱳᱠᱳᱨᱮ ᱫᱟᱱᱟᱝ ᱫᱟᱯᱟᱞ ᱾
ᱫᱟᱨᱮ ᱪᱮᱬᱮ ᱵᱟᱝ ᱠᱳ ᱜᱟᱱᱟ
ᱵᱳᱜᱮ ᱵᱟᱹᱲᱤᱡ ᱨᱚᱲ,
ᱦᱟᱞᱚᱛ ᱫᱚᱵᱚᱱ ᱵᱩᱡ ᱢᱟ ᱫᱮᱞᱟ
ᱟᱵᱚ ᱫᱚ ᱜᱮᱭᱟᱱ ᱦᱚᱲ ᱾
ᱵᱳᱜᱮ ᱵᱟᱹᱲᱤᱡ ᱨᱚᱲ,
ᱦᱟᱞᱚᱛ ᱫᱚᱵᱚᱱ ᱵᱩᱡ ᱢᱟ ᱫᱮᱞᱟ
ᱟᱵᱚ ᱫᱚ ᱜᱮᱭᱟᱱ ᱦᱚᱲ ᱾
ᱪᱮᱬᱮ ᱠᱚ ᱨᱟᱜᱽ ᱱᱮᱦᱚᱨ ᱟᱛᱮ
'ᱵᱤᱨ ᱛᱮᱜᱮᱞᱮ ᱪᱟᱞᱟᱝᱜ' ,
ᱦᱤᱥᱠᱟᱹᱦᱩᱞᱩᱝ ᱯᱮᱬᱮ ᱢᱚᱱᱮ
ᱮᱠᱟᱞ ᱜᱮ ᱵᱟᱝ ᱜᱚᱞᱟᱜ ᱾
'ᱵᱤᱨ ᱛᱮᱜᱮᱞᱮ ᱪᱟᱞᱟᱝᱜ' ,
ᱦᱤᱥᱠᱟᱹᱦᱩᱞᱩᱝ ᱯᱮᱬᱮ ᱢᱚᱱᱮ
ᱮᱠᱟᱞ ᱜᱮ ᱵᱟᱝ ᱜᱚᱞᱟᱜ ᱾
২।।
ᱪᱩᱱ
ᱥᱩᱵᱩᱫᱤᱭᱟᱹ ᱢᱩᱨᱢᱩ
ᱦᱟᱲᱟᱢᱵᱟᱭ ᱵᱮᱱᱟᱣ ᱞᱟᱹᱜᱤᱫ ᱪᱩᱱ
ᱡᱟᱣᱨᱟ ᱮᱫᱟᱭ ᱥᱟᱢᱟᱱᱠᱚ ᱩᱱ ᱾
ᱦᱮᱲᱮ ,ᱪᱷᱟᱹᱭᱞᱟᱹᱜ ,ᱡᱷᱤᱱᱩᱠ, ᱵᱷᱮᱞᱟᱝᱰᱤ
ᱡᱟᱸᱦᱟ ᱠᱚᱜᱮ ᱞᱟᱹᱠᱛᱤᱜ --ᱟ ᱟᱹᱰᱤ ᱾
ᱵᱩᱥᱩᱵ ᱵᱚᱲ ᱵᱷᱮᱱᱰᱟ ᱪᱟᱝᱲᱟ
ᱱᱟᱱᱦᱟ ᱫᱩᱫᱽᱦᱤ ᱥᱮᱸᱜᱮᱞ ᱟᱝᱨᱟ ᱾
ᱵᱮᱱᱟᱣ ᱠᱮᱫᱟᱭ ᱪᱩᱱ ᱵᱟᱺᱫᱤ
ᱯᱮᱨᱮᱡ ᱯᱮᱨᱮᱡ ᱵᱟᱝᱮ ᱟᱹᱫᱦᱤ ᱾
ᱫᱩᱫᱽᱦᱤ ᱱᱟᱹᱲᱤ ᱛᱮᱭ ᱛᱚᱞ ᱩᱨᱤᱡᱽ
ᱵᱟᱭ ᱢᱮᱥᱟᱞᱮᱫ ᱵᱮᱨᱮᱞ ᱜᱩᱨᱤᱡᱽ ᱾
ᱦᱩᱨᱞᱟᱹ ᱠᱟᱛᱮ ᱫᱩᱨ ᱫᱩᱨ ᱫᱩᱨ
ᱥᱮᱸᱜᱮᱞ ᱵᱟᱺᱫᱤ ᱯᱷᱩᱨ ᱯᱷᱩᱨ ᱯᱷᱩᱨ ᱾
ᱫᱷᱩᱸᱣᱟᱹ ᱢᱟᱛᱚ ᱫᱩᱸᱜᱩᱫ ᱫᱩᱸᱜᱩᱫ
ᱦᱟᱲᱟᱢᱵᱟᱫᱚ ᱵᱟᱝ ᱜᱮᱭ ᱤᱸᱜᱩᱫ ᱾
ᱦᱩᱨᱞᱟᱹ ᱟᱛᱮ ᱟᱝᱨᱟ ᱵᱟᱺᱫᱤ
ᱟᱡᱽ ᱟᱡᱽ ᱜᱮ ᱚᱫᱟᱵᱟᱹᱫᱤ ᱾
ᱞᱚ ᱛᱮᱦᱚᱸ ᱞᱚ ᱦᱟᱹᱲᱥᱩᱨᱮᱱ
ᱫᱩᱸᱜᱩᱫ ᱫᱷᱩᱸᱣᱟᱹ ᱚᱴᱟᱝ ᱯᱷᱟᱹᱥᱩᱲᱮᱱ ᱾
ᱟᱠᱟ ᱠᱟᱫᱟᱭ ᱡᱟᱹᱱᱩᱢ ᱫᱟᱨᱮᱨᱮ
ᱱᱚᱝᱠᱟ ᱠᱟᱛᱮ ᱤᱸᱲᱤᱪ ᱮᱱᱟᱨᱮ ᱾
ᱛᱚᱨᱚᱡ ᱮᱱᱟ ᱥᱮᱸᱜᱮᱞ ᱟᱝᱨᱟ
ᱪᱩᱱ ᱵᱟᱺᱫᱤ ᱦᱚᱸ ᱵᱟᱝ ᱢᱟᱨᱟᱝ ᱟ ᱾
ᱦᱟᱞᱟᱝ ᱠᱮᱫᱟᱭ ᱪᱩᱱ ᱜᱩᱸᱰᱟᱹ
ᱯᱚᱴᱚᱢ ᱠᱟᱫᱟᱭ ᱦᱚᱯᱚᱱ ᱛᱩᱸᱵᱟᱹ ᱾
====== ᱛ ======
ᱨᱮᱭᱟᱲ ᱵᱚ'ᱜᱟ
ᱜᱳᱯᱮᱥᱣᱚᱨ ᱢᱟᱱᱰᱤ
ᱯᱩᱥ ᱢᱟᱜᱷ
ᱨᱮᱭᱟᱲ ᱵᱚ'ᱜᱟ
ᱦᱤᱥᱤᱫ ᱦᱤᱥᱤᱫ ᱮ ᱦᱚᱭ,
ᱨᱮᱭᱟᱲ ᱡᱟᱞᱟ
ᱡᱳᱨᱳᱜ ᱞᱟ.ᱜᱤᱫ
ᱥᱮᱸᱜᱮᱞ ᱠᱚ ᱠᱷᱚᱭ ᱾
ᱨᱮᱭᱟᱲ ᱵᱚ'ᱜᱟ
ᱦᱤᱥᱤᱫ ᱦᱤᱥᱤᱫ ᱮ ᱦᱚᱭ,
ᱨᱮᱭᱟᱲ ᱡᱟᱞᱟ
ᱡᱳᱨᱳᱜ ᱞᱟ.ᱜᱤᱫ
ᱥᱮᱸᱜᱮᱞ ᱠᱚ ᱠᱷᱚᱭ ᱾
ᱛᱤ,ᱡᱟᱸᱜᱟ
ᱦᱚᱲᱢᱚ ᱮᱥᱮᱫ
ᱦᱚᱨᱚᱜ ᱠᱟᱜᱼᱟ ᱠᱚ ᱥᱟᱡᱽ,
ᱨᱮᱭᱟᱲ ᱠᱷᱚᱱ
ᱵᱟᱧᱪᱟᱣ ᱞᱟ.ᱜᱤᱫ
ᱧᱮᱞᱚᱜ ᱟᱠᱚ ᱨᱟᱡᱽ ᱾
ᱦᱚᱲᱢᱚ ᱮᱥᱮᱫ
ᱦᱚᱨᱚᱜ ᱠᱟᱜᱼᱟ ᱠᱚ ᱥᱟᱡᱽ,
ᱨᱮᱭᱟᱲ ᱠᱷᱚᱱ
ᱵᱟᱧᱪᱟᱣ ᱞᱟ.ᱜᱤᱫ
ᱧᱮᱞᱚᱜ ᱟᱠᱚ ᱨᱟᱡᱽ ᱾
ᱥᱮᱛᱟᱜ ᱵᱮᱲᱟ
ᱛᱟᱺᱜᱤᱭ ᱟᱠᱚ
ᱡᱮᱰᱮᱨ ᱞᱟ.ᱜᱤᱫ ᱥᱤᱛᱩᱝ,
ᱦᱚᱲᱢᱚ ᱞᱚᱞᱚ
ᱫᱚᱦᱚᱭ ᱞᱟ.ᱜᱤᱫ
ᱪᱟᱞᱟᱜ ᱟᱠᱚ ᱥᱩᱴᱩᱝ ᱾
ᱛᱟᱺᱜᱤᱭ ᱟᱠᱚ
ᱡᱮᱰᱮᱨ ᱞᱟ.ᱜᱤᱫ ᱥᱤᱛᱩᱝ,
ᱦᱚᱲᱢᱚ ᱞᱚᱞᱚ
ᱫᱚᱦᱚᱭ ᱞᱟ.ᱜᱤᱫ
ᱪᱟᱞᱟᱜ ᱟᱠᱚ ᱥᱩᱴᱩᱝ ᱾
৪।।
ᱞᱤᱞ ᱥᱮᱨᱢᱟ
ᱠᱤᱥᱠᱤᱱᱫᱷᱟ
ᱢᱩᱨᱢᱩ
ᱦᱟᱱᱮ ᱧᱮᱞᱚᱜ ᱵᱚᱦᱚᱜ
ᱪᱮᱛᱟᱱ,
ᱞᱤᱞ ᱪᱟᱫᱚᱨᱛᱮ ᱩᱭᱩ ᱟᱠᱟᱱ ;
ᱫᱷᱟᱨᱛᱤ ᱜᱚᱴᱟ ᱴᱟᱯᱟᱶ ᱢᱮᱱᱟᱜ ,
ᱞᱟᱯᱷᱟᱝ ᱥᱟᱸᱜᱤᱧᱨᱮ ᱦᱮᱱᱟᱜ ।
ᱞᱤᱞ ᱪᱟᱫᱚᱨᱛᱮ ᱩᱭᱩ ᱟᱠᱟᱱ ;
ᱫᱷᱟᱨᱛᱤ ᱜᱚᱴᱟ ᱴᱟᱯᱟᱶ ᱢᱮᱱᱟᱜ ,
ᱞᱟᱯᱷᱟᱝ ᱥᱟᱸᱜᱤᱧᱨᱮ ᱦᱮᱱᱟᱜ ।
ᱥᱤᱧ ᱵᱮᱲᱟ
ᱢᱟᱨᱥᱟᱞᱟᱭ ,
ᱧᱤᱫᱟᱹ ᱪᱟᱸᱫᱚ ᱛᱮᱨᱫᱮᱡᱟᱭ ;
ᱧᱤᱫᱟᱹ ᱨᱟᱠᱟᱵ ᱪᱟᱸᱫᱚ ᱤᱯᱤᱞ ,
ᱧᱩᱛᱟᱹᱫ ᱩᱱ ᱟᱫᱚᱜ ᱞᱤᱞ ।
ᱧᱤᱫᱟᱹ ᱪᱟᱸᱫᱚ ᱛᱮᱨᱫᱮᱡᱟᱭ ;
ᱧᱤᱫᱟᱹ ᱨᱟᱠᱟᱵ ᱪᱟᱸᱫᱚ ᱤᱯᱤᱞ ,
ᱧᱩᱛᱟᱹᱫ ᱩᱱ ᱟᱫᱚᱜ ᱞᱤᱞ ।
ᱥᱤᱧ ᱪᱟᱸᱫᱚᱭ ᱢᱟᱨᱥᱟᱞ ᱠᱟᱜ
,
ᱪᱚᱨᱚᱠ ᱪᱤᱠᱟᱹᱲ ᱧᱮᱞᱚᱜᱼᱟ ;
ᱦᱚᱭᱛᱮ ᱨᱤᱢᱤᱞ ᱠᱷᱮᱞᱳᱼᱟ ,
ᱥᱮᱨᱢᱟ ᱞᱤᱞ ᱧᱮᱞᱚᱜᱼᱟ ।
ᱪᱚᱨᱚᱠ ᱪᱤᱠᱟᱹᱲ ᱧᱮᱞᱚᱜᱼᱟ ;
ᱦᱚᱭᱛᱮ ᱨᱤᱢᱤᱞ ᱠᱷᱮᱞᱳᱼᱟ ,
ᱥᱮᱨᱢᱟ ᱞᱤᱞ ᱧᱮᱞᱚᱜᱼᱟ ।
====== ᱛ ======
দেলা দেলা আবন জত
গাতে টুওয়ৗর
দেলা দেলা আবন জত
পিপিড়জাং অঃ আবন
বাহা বাহা উডৗঃ আবন
রাসা চেপেজ হাটিঞাবন ।
পিপিড়জাং অঃ আবন
বাহা বাহা উডৗঃ আবন
রাসা চেপেজ হাটিঞাবন ।
বাহা খনাঃ বাহাতে
সাঁদেস বন ইদি
কৗমি লেখান কুড়ৗই ঞামঃ
বাহা রাসা সিদি ।
সাঁদেস বন ইদি
কৗমি লেখান কুড়ৗই ঞামঃ
বাহা রাসা সিদি ।
দেলা দেলা আবন জত
উডৗঃ চেঁড়ে আবন
এয়ায় সৗমুদ হানা সা'তে
উডৗও চালাঃ আবন ।
উডৗঃ চেঁড়ে আবন
এয়ায় সৗমুদ হানা সা'তে
উডৗও চালাঃ আবন ।
হানা সা'রে চেৎক মেনাঃ
ঞেল কাতেবন লৗই
সৗরি কাথা লৗই কাতেদ
বাং হয়োঃ আ কৗই ।
ঞেল কাতেবন লৗই
সৗরি কাথা লৗই কাতেদ
বাং হয়োঃ আ কৗই ।
দেলা দেলা আবন জত
বাগজুনুবন সাজাঃ
হুডিঞ হুডিঞ মারসাল হঁ
একাল বাবন লাজাঃ ।
বাগজুনুবন সাজাঃ
হুডিঞ হুডিঞ মারসাল হঁ
একাল বাবন লাজাঃ ।
ডুঁডুক আবন হর ডাহার
হিঁসি তুকৗব সভায়
কৗমি কাতে উদুগ্ লেরে
হিন ঝিনদয় চাবায় ।
হিঁসি তুকৗব সভায়
কৗমি কাতে উদুগ্ লেরে
হিন ঝিনদয় চাবায় ।
দেলা দেলা আবন জত
বেনাঃ আবন পৗঠওয়ৗ
অৗকিল গেয়ান হামেটাবন
বাবন হয়োঃ লৗঠওয়ৗ ।
বেনাঃ আবন পৗঠওয়ৗ
অৗকিল গেয়ান হামেটাবন
বাবন হয়োঃ লৗঠওয়ৗ ।
সেচেৎ রেনাঃ মুচৗৎ বৗনুঃ
সেড়াঃ অকয় সেঁড়ায়
বাহা মালাতে সাজাও কাতে
হড় তালারে লাঁদায় ।
সেড়াঃ অকয় সেঁড়ায়
বাহা মালাতে সাজাও কাতে
হড় তালারে লাঁদায় ।
৬।।
লৗটিচ লাডার
সুচাঁদ হাঁসদা
জম আবেন সৗরিসে
এড়ে ,
অকায়েনাবেন হেঁসাঃ বাড়ে ,
রাড়েচ আকাত সড়ে ,
র- মা ঢেঁড়ে ঢেঁড়ে ৷
অকায়েনাবেন হেঁসাঃ বাড়ে ,
রাড়েচ আকাত সড়ে ,
র- মা ঢেঁড়ে ঢেঁড়ে ৷
হেচ এনাকিন লক
ফক ,
লসত তেমা থর বক ,
ঞেঁল কিনপে বয়হা বক ,
তিনৗঃ গেবাং ভক ৷
লসত তেমা থর বক ,
ঞেঁল কিনপে বয়হা বক ,
তিনৗঃ গেবাং ভক ৷
জজম লাগিত উড়ি
পুড়ি ,
তি - জাঁগা পেরেচ ধুড়ি ,
সাহাও তৗকিনপে আড়ি ডাড়ি ,
অনাগে তাকিন আড়ি ৷
তি - জাঁগা পেরেচ ধুড়ি ,
সাহাও তৗকিনপে আড়ি ডাড়ি ,
অনাগে তাকিন আড়ি ৷
জমকিন ধুরৗও এন
বানার ,
থতনা সিডৗর বাডার ,
ঞেঁল কিনপে জম কেত খান ,
নিতমা লৗটিচ লাডার ৷
থতনা সিডৗর বাডার ,
ঞেঁল কিনপে জম কেত খান ,
নিতমা লৗটিচ লাডার ৷
====== ᱛ ======
৭।।
চৗটকী
বাড়তাঙ সরেন
দিশম হড়াঃ জাঙ্গারে দ
নানা হুনৗর চৗটকী
গিদৗর পিদৗর হাড়াম বুঢী
রহড় উসুল মুটকী।
নানা হুনৗর চৗটকী
গিদৗর পিদৗর হাড়াম বুঢী
রহড় উসুল মুটকী।
আরাঃ হেঁদেঁ চৗটকী এসেল
একাল আডি দামান
অকয় দকো কুশিয়াঃআ
কাবরা কোটা এমান।
একাল আডি দামান
অকয় দকো কুশিয়াঃআ
কাবরা কোটা এমান।
অকা কোদয় এসেৎ চাবায়
গোটা জাঙ্গা থোপা
অকা কোদ ঞেল গদঃআ
কৗটুব গে রাপ্ রাপা।
গোটা জাঙ্গা থোপা
অকা কোদ ঞেল গদঃআ
কৗটুব গে রাপ্ রাপা।
চৗটকী আমেম হরঃলেখান
জাঙ্গা তামে শোভায়
যতন কাতেম তাড়াম লেখান
কাটায় দহয় নাপায়।
জাঙ্গা তামে শোভায়
যতন কাতেম তাড়াম লেখান
কাটায় দহয় নাপায়।
তহৎ হাঁড়াঁ তাড়াম লেরে
চৗটকী তেয়েম বাজাঃ
মজ মাছায়েম হরঃ লেখান
সাহেব লেকাম সাজাঃ।
চৗটকী তেয়েম বাজাঃ
মজ মাছায়েম হরঃ লেখান
সাহেব লেকাম সাজাঃ।
চুগুড় চুগুড় তাড়াম রেদ
চৗটকী চাটাপ্ চাটাপ্
রৗস্কৗ রমজ থায়োয় লেকা
একাল সাড়াপ্ সাড়াপ্।
চৗটকী চাটাপ্ চাটাপ্
রৗস্কৗ রমজ থায়োয় লেকা
একাল সাড়াপ্ সাড়াপ্।
৮।।
হেঁদে রিমিল
সমরলাল টুডু
এ-হো রিমিল হেঁদে রিমিল
বাঁনুঃ রেহঁ ফাঁকড়াঃ ইল্
হড়মরে তাম্ উকুর জিল
উডাঃ রেদ আডি দিল ।
বাঁনুঃ রেহঁ ফাঁকড়াঃ ইল্
হড়মরে তাম্ উকুর জিল
উডাঃ রেদ আডি দিল ।
এ-গো রিমিল আমদ হেঁদে
সেরমা চেতান গুরিজ মাঁদে
আম বেগর জাঁদে তাঁদে
লুখি আয়ো হড়লে আদে ।
সেরমা চেতান গুরিজ মাঁদে
আম বেগর জাঁদে তাঁদে
লুখি আয়ো হড়লে আদে ।
ঘানে বৗইহৗড় বৗইদ ঘানে
হেঁদে হড়ম পুঁড় মনে
ছাট্ পৗটিয়ৗ গিদরৗ অনে
রৗপুদ্ পারকম চেতান দনে ।
হেঁদে হড়ম পুঁড় মনে
ছাট্ পৗটিয়ৗ গিদরৗ অনে
রৗপুদ্ পারকম চেতান দনে ।
সাড়াট্ সাড়াট্ সাডে সাইটকা
মনে জিউয়ী হায় টাটকা
পাড়াট্ পাড়াট্ অটেজঃ পটকা
মেৎদাঃ লিঁগিন আমাঃ লেটকা ।
মনে জিউয়ী হায় টাটকা
পাড়াট্ পাড়াট্ অটেজঃ পটকা
মেৎদাঃ লিঁগিন আমাঃ লেটকা ।
নামাল কাছাড় ঝেট্ আষাড়
থাসাড় বাজাড় রৗগিম ভুঁসৗড়
হারা জুওয়ৗন কেটেজ্ কিঁসৗড়
আয়োওয়াঃ বোটোঃ মনেম সাড় ।
থাসাড় বাজাড় রৗগিম ভুঁসৗড়
হারা জুওয়ৗন কেটেজ্ কিঁসৗড়
আয়োওয়াঃ বোটোঃ মনেম সাড় ।
তায়ম্ দারাম্ সরেস চিতৗর
হুড়ু চাওলে অড়াঃ ভিতার
আমদ রিমিল জাতার কাতার
আমাঃ জিউয়ীম মালট্ উতৗর ।
হুড়ু চাওলে অড়াঃ ভিতার
আমদ রিমিল জাতার কাতার
আমাঃ জিউয়ীম মালট্ উতৗর ।
মেনাঃ আমাঃ চাঁদো দাড়ে
দায়া দুলৗড় মেনাঃ বাড়ে
রেঁগেজ রাবাং আলম্ এড়ে
এমামালে মাঃ মড়ে সড়ে ।
দায়া দুলৗড় মেনাঃ বাড়ে
রেঁগেজ রাবাং আলম্ এড়ে
এমামালে মাঃ মড়ে সড়ে ।
৯।।
বৗহু জাঁওয়ায়
সীতেন মাণ্ডি
লাফাং ডৗর রে সাড় বাহা
ঞেলঃ আডি মজ গে
সুর খনাঃ সাঁগিন যাঁহা
মনে খজা অনাগে।
ঞেলঃ আডি মজ গে
সুর খনাঃ সাঁগিন যাঁহা
মনে খজা অনাগে।
রাহলা আহলা এনেচ আকিন
কুলহি ধুড়ি রে রোজ গে
উতু দাকা বৗহু জাঁওয়ায়
অড়াঃ দুয়ৗর মজ গে।
কুলহি ধুড়ি রে রোজ গে
উতু দাকা বৗহু জাঁওয়ায়
অড়াঃ দুয়ৗর মজ গে।
আড়ি আকিন বৗহু জাঁওয়ায়
আয়ো বাবা ঠেন রোজ গে
পুতুল বেগর বৗকিন আজম
অকয়াঃ কাথা মেন গে।
আয়ো বাবা ঠেন রোজ গে
পুতুল বেগর বৗকিন আজম
অকয়াঃ কাথা মেন গে।
নংকা কাতে হারায়েনা কিন
রাহলা আহলা দিন দিন
পুতুল এনেচ বৗগি কাতে
স্কুল কিন চালাঃমিৎ তে।
রাহলা আহলা দিন দিন
পুতুল এনেচ বৗগি কাতে
স্কুল কিন চালাঃমিৎ তে।
কৗটিচ স্কুল মারাং স্কুল
লেবেৎ কেদাকিন কলেজ
উতু দাকা বৗহু জাঁওয়ায়
হেচ্ আতকিন নলেজ।
লেবেৎ কেদাকিন কলেজ
উতু দাকা বৗহু জাঁওয়ায়
হেচ্ আতকিন নলেজ।
বাহা বঙ্গা দারে নৗড়ি
হৗড়িয়ৗর লেগেচ লেগেচ
বাহা থপে লেওয়ের কদর
রাসা ক চেপেজ ভাঁওয়ার।
হৗড়িয়ৗর লেগেচ লেগেচ
বাহা থপে লেওয়ের কদর
রাসা ক চেপেজ ভাঁওয়ার।
বাহা লেকা রাহলা আহলা
ফুটেল এনাকিন বাহা বঙ্গা
অড়াঃ হড় ক মেনা নেশ দ
রাহলা আহলা জাঁওয়ায় কাথা।
ফুটেল এনাকিন বাহা বঙ্গা
অড়াঃ হড় ক মেনা নেশ দ
রাহলা আহলা জাঁওয়ায় কাথা।
নাওয়া পেড়া সেটেরেনাক
রাহলা আহলা ঞেল
সার সৗগুন কাতে তেহেঞ
রৗহি রাঁওয়াও এন।
রাহলা আহলা ঞেল
সার সৗগুন কাতে তেহেঞ
রৗহি রাঁওয়াও এন।
১০।।
কুলৗই 
পিসি কিসকু
আম দ কুলৗই
আলম ফুলৗই
বির বুরু ভৗলৗই
জিয়ৗলি ক লৗলৗই।
আলম ফুলৗই
বির বুরু ভৗলৗই
জিয়ৗলি ক লৗলৗই।
বার কাটা তেম
তিগুন
কয় আচুর সে্দরা সৗগুন
বতর তেগেম চুকুন
মেদ জৗপিদ তেগেম উকুন।
কয় আচুর সে্দরা সৗগুন
বতর তেগেম চুকুন
মেদ জৗপিদ তেগেম উকুন।
তিগু লুতুর
কয় আচুর
ভাকার ভুকু্র
ঞাম মে ঞুকুর।
কয় আচুর
ভাকার ভুকু্র
ঞাম মে ঞুকুর।
ফৗসি ঝামপা
বাম রামফা
জৗনুম দামফা
জিওয়ী সামটা।
বাম রামফা
জৗনুম দামফা
জিওয়ী সামটা।
দনাম টায়াল টায়াল
ঞিদৗ গায়াল গায়াল
একলা টায়াল টুয়ুল
বৗনু তামা খেয়াল।
ঞিদৗ গায়াল গায়াল
একলা টায়াল টুয়ুল
বৗনু তামা খেয়াল।
১১।।
নুনকু সরেন
দুগাই টুডু
লৗইয়ৗকো নেতার সানাম কোগে
অনলিয়ৗ কানায়,
মঁজগে ঞুতুম নুনকু সরেন
অনে বাডায় এনায়।
অনলিয়ৗ কানায়,
মঁজগে ঞুতুম নুনকু সরেন
অনে বাডায় এনায়।
জানাম আতো ঞুতুম তায়দ
হানে খিরিবাড়ী,
দুমকৗ জিলৗ নাহা ঝাড়খন্ড
জত মেনকো সৗরি।
হানে খিরিবাড়ী,
দুমকৗ জিলৗ নাহা ঝাড়খন্ড
জত মেনকো সৗরি।
ভাগলপুর সি.এম.এস. স্কুল খনা
মেট্রিক পাশ লেদায়,
‘পেড়া হড়’রে ‘হড় সম্বাদ’রে
অল বাড়া কেদায়।
মেট্রিক পাশ লেদায়,
‘পেড়া হড়’রে ‘হড় সম্বাদ’রে
অল বাড়া কেদায়।
‘মুহিলা চেচেৎ দৗই’ কানগে
তরজমা গামাম কানা,
‘রেহেৎ রান’ ‘বৗহু জাঁওয়ায় হরঃ’
‘কারাম গঁসাই’ অনা।
তরজমা গামাম কানা,
‘রেহেৎ রান’ ‘বৗহু জাঁওয়ায় হরঃ’
‘কারাম গঁসাই’ অনা।
‘চাচো ছৗটয়ৗর’ ‘লাগড়ে সেরেঞ’
‘বাহা সেরেঞ’ মেনাঃ,
‘গৗই ডাংরা রান পুথি’ ভাগে
‘সান্তালি সমাজ’ হেনাঃ।
‘বাহা সেরেঞ’ মেনাঃ,
‘গৗই ডাংরা রান পুথি’ ভাগে
‘সান্তালি সমাজ’ হেনাঃ।
সান্তালি ভেনতা কাথা’ রেদ
দুলৗড় সারসাঃ তায়া,
মনে মুরুক কাতেদ উনি
লৗগিয়ৗ পাড়াও গেয়া।
দুলৗড় সারসাঃ তায়া,
মনে মুরুক কাতেদ উনি
লৗগিয়ৗ পাড়াও গেয়া।
পৗরসি
সাঁওহেৎ ভৗলৗই করে
কৗমি সেলেদ্ মেনায়,
আচাঃ এনেম খৗতির তেগে
দিসৗ তাঁহে হেনায়।
কৗমি সেলেদ্ মেনায়,
আচাঃ এনেম খৗতির তেগে
দিসৗ তাঁহে হেনায়।
১২।।
ইঞ লেকাতে
সনাতন টুডু
বাং সানাঞা গিতিচ্ তাঁহেন
ধিরি সাহান লেকা।
বাং সানাঞা চেতান উডাঃ
রহড় সাকাম লেকা।।
বাং সানাঞা কচারে তাঁহেন
বওয়াঃ রটে লেকা।
বাং সানাঞা লিঁগিন আদঃ
বান দাঃ লেকা।।
ধিরি সাহান লেকা।
বাং সানাঞা চেতান উডাঃ
রহড় সাকাম লেকা।।
বাং সানাঞা কচারে তাঁহেন
বওয়াঃ রটে লেকা।
বাং সানাঞা লিঁগিন আদঃ
বান দাঃ লেকা।।
ইঞ দুঞ তাঁহেন ইঞ লেকাতে
ইঞ ঠেন গিঞ তাঁহেন।
লে-লেঁগেজ্ নওয়া ধৗরতি তালা
ইঞ লেকাগিঞ তাঁহেন।।
ইঞ দুঞ তাঁহেন ইঞ লেকাতে
নওয়া আতো টলা।
ইঞ দুঞ তাঁহেন ইঞ লেকাতে
ইঞাঃ উপরুম তালা।।
ইঞ ঠেন গিঞ তাঁহেন।
লে-লেঁগেজ্ নওয়া ধৗরতি তালা
ইঞ লেকাগিঞ তাঁহেন।।
ইঞ দুঞ তাঁহেন ইঞ লেকাতে
নওয়া আতো টলা।
ইঞ দুঞ তাঁহেন ইঞ লেকাতে
ইঞাঃ উপরুম তালা।।
১৩।।
করোনা ছুটি
নিকোলাস মারান্ডি
তেহেঞ গাপা
করোনা ছুটি,
বৗবুয় চালাঃ
চেঁড়েঁ টুটি ।
করোনা ছুটি,
বৗবুয় চালাঃ
চেঁড়েঁ টুটি ।
বই খাতামা
মটরা রেতায়,
অলঃ পাড়হাঃ
অকয় মেতায় ।
মটরা রেতায়,
অলঃ পাড়হাঃ
অকয় মেতায় ।
ইসকুল ক
হঁ
বনদ চাবা,
আঁক্ টুটি
আদয় সাবা।
বনদ চাবা,
আঁক্ টুটি
আদয় সাবা।
দাকা জমেম
হহওয়ায় রেদ,
একালে দৗড় তাবা
বাম ঞামে উনদ।
হহওয়ায় রেদ,
একালে দৗড় তাবা
বাম ঞামে উনদ।
ঁঁঁঁঁ=মুচৗৎ=ঁঁঁঁঁ
.webp)
