সামাংরে টেস্ট এনহঁ পুঁথি দ বাং ঞাম লেনা, ভাবনারে পৗঠুওয়ৗকো

আবোওয়াঃ ডিজিটাল ডেস্ক- সানতাড়ি পৗরশিতে অলঃপাড়হাও চালাঃ কানা আঁজম জম নাপায় গেরেহঁ তুনখি তলাশ কাতে বাডায় এনা বাংমা সামাংরে টেস্ট এনহঁ পৗঠুওয়ৗ তিরে পুঁথি বাং সেটের লেনা, ভাবনারে পৗঠুওয়ৗকো। পৗঠুওয়ৗ কো লৗলৗই কানা সেশন মুচৗৎ এনা , এনহঁ সানতাড়ি টেক্সট বুক বাংকো ঞাম আকাদা। মেনেৎ ২০২১ সালরেনাঃ সানতাড়ি টেক্সট বুক ( Nine , Ten , Eleven , twelve) অকা চানাচ রেনাহঁ বাং ঞাম আকানা। 

পুরুলিয়া জেলা রেনাঃ বান্দোয়ান বিধান সভারে আয়মা বিরদৗগাড় রেগে সানতাড়ি পোয়লো পৗরশি (First language) লেকাতে পাড়হাও হোয়োঃ কানা। যেলেকা- ১. বান্দোয়ান গার্লস হাই স্কুল (উ.মা.) ২. বান্দোয়ান ঋষি নিবারণ চন্দ্র ‍বিদ্যাপীঠ (উ.মা.), ৩. চিরুডি বিবেকানন্দ হাই স্কুল (উ.মা.) ৪. কুইলাপাল সুবল সিং হাই স্কুল (উ.মা.) ৫. গোলাপাড়া রঘুনাথ মুরমু হাই স্কুল (উ.মা.) , ৬. জামতোড়িয়া হাই স্কুল (উ.মা.), ৭. বসন্তপুর আদিবাসী হাই স্কুল (উ.মা.), ৮. শুশুনিয়া একলব্য মডেল হাই স্কুল (উ. মা.),৯. শিরীষগোড়া সানতালি মিডিয়াম জুনিয়র স্কুল (বান্দোয়ান চক্র) । অনাবেগর অনা জেলারেনাঃগে ১ .মানবাজার থানা রেনাঃ রামনগর হাই স্কুল, ২. বাঘমুন্ডি থানা রেনাঃ ধসকা রঘুনাথ মুরমু মডেল হাই স্কুল (উ.মা.), ৩. হুড়া থানা রেনাঃ মাদ্রাসা হাই স্কুল (উ.মা.) এমান করে।

নঁতে আরহঁ বাডায় আকানা বাংমা বান্দোয়ান গার্লস স্কুল আর বাগমুন্ডি রেয়াঃ ধসকা বাদ কাতে অকা স্কুল রেহঁ মাচেৎ-মাচেতানি বৗনুঃ আকাৎ কওয়া। অনাবেগর , Ten পাশ কাতেৎ twelve আর twelve পাশ কাতে college রে ভুরতি অক্তেহঁ আয়মা লেকান আনাট শোস্যাল মিডিয়ারে ঝালকাও রাকাব আকানা।

সানতাড়ি পৗরশিতে অলঃপাড়হাও রেনাঃ নংকান দশা ঞেলতে নিৎ আয়মা হড় গেকো মেন এদা- সানতাড়ি পৗরশি আর পৗঠুওয়ৗকো সাঁও ইরিচ্‌ চিকিচ্‌ কুঁইডি কটেচ্‌ এনেচ্‌ (খেলা) বাং হোয়োঃ কানা থ ?