আবোওয়াঃ ডিজিটাল ডেস্ক- হলা ৮ অক্টোবর ফেক এসটি সার্টিফিকেট ইস্যুতে কালচারাল রিসার্চ ইন্সটিটিউট রেন ডিরেক্টর সাঁও ঞাপাম রপড় এনাকো পশ্চিমবঙ্গ আদিবাসী কল্যান সমিতি রেন রৗসিয়ৗকো।
বাডায় আকানা দক্ষিণ ২৪ পরগনা বারুইপুর রেন মাহাত পৗরিশ সানতাল সাবকাস্ট অল ১৮ গটাং ছৗতিক আঃ ঞুতুম লৗই কাতে অভিযোগ কো আগু কেদা রৗসিয়ৗকো। অ্যাসোসিয়েশন পাহটা খন বাডায় অচো হোয় আকানা এখেন ১৮ গটাং ছৗতিক দ বাং, গুট কাতে ২৪ গটাং ঘারঞ্জ ২০০০-২০০১ সাল করে ঝাড়খন্ড খন নামাল কৗমি হেচ্ কাতে আর অঁডেগে কো তাঁহেয়েনা মেনখান ওনকো দ অকালেকাতেহঁ আদিবাসী বাংকো হোয় দাড়েয়াঃআ। তবে বারুইপুর মহুকুমা শাসনিয়ৗ সানাম লেকান তুনখি তলাস কাতে ওনকোয় লৗই আকাৎ কোওয়া মেনতে আঁজমঃ কানা। নংকা কাতে এটাঃ পনৎ খন হেচ্ কাতে অ-আদিবাসী কো চিকৗতে এসটি সার্টিফিকেট কো ঞাম কেদা নোওয়া লৗইতে আদিবাসী কো তালারে কাথা রাকাপ আকানা আর বেজার কো সদর আকাদা।
অ্যাসোসিয়েশন পাহটা খন আরহঁ বাডায় আকানা বাংমা নংকা কাতে গটা পনৎ রেগে হাজার হাজার অ-আদিবাসী কো এসটি সার্টিফিকেট জোগাড় কাতে সৗরিন আদিবাসী কোওয়াঃ রাখা দহ জুড়ু রেনাঃ আইদৗর লেতাড় গে কো হৗথিয়ৗও ইদিয়েদা। অনাতে নিসড়ৗও অচোঃ কানা সৗরিন আদিবাসী কো। নংকান বৗড়িচ্ কৗমিরে রড়দারাম লৗগিৎ পশ্চিমবঙ্গ আদিবাসী কল্যান সমিতি পাহটা খন মিৎ সেরমা ধুরিয়ৗ গটা পনৎ রেগে আয়মা জেলারেন ডিএম, এসডিও, বিডিও, পিও কাম ডি ডাবলু আপিসার কোঠেন মেমোড়েন্ডাম কো এম ইদিয়েদ্ গেয়া।
তবে আশ্বাস আর ফাইল হান্তে নাঁতে বেগর নিৎ ধৗবিচ্ আর চেৎ কৗমিহঁ বাং লাহাও আকানা মেনতে অ্যাসোসিয়েশন পাহটা খন গে বাডায় আকানা। আদিবাসী এম.এম.এ. আর এম.পি. কোঠেন নেঁহর-জোহার কাতেহঁ চেৎ আশা রেনাঃ আহলাগে বাং ঞাম আকানা। নঁতে হলা সি.আর.আই. আপিসার হঁ নোওয়া ইদিকাতেৎ গাপালমারাওরে আপিস উচৗড় আকানা নাংসা কাতে কটা ছাডাও আকানা।
পুরৗ ঘটন গে রাজারহাটরে আদিবাসী ভবন সেন কাতে আদিবাসী কোওয়াঃ তুনখি-তলাশ লৗগতি কানা মেনতেহঁ উনি বাঁখেড় আকাদায়। অনাবেগর সি.আর.আই. নিৎ নোওয়াকো লৗইতে বায় তুনখি-তলাশ আ মেনতেহঁ মত এ সদর আকাদা। মেমোরেন্ডাম রেনাঃ রিসিভ কপি এমঃ হঁ বায় রেবেন কানা। লৗই গানঃ আ নোওয়া লৗইতে বারুইপুর রেন এসডিও আর সি.আর.আই. আপিসার বানাহড় হৗনি-নুয়ৗ তারেন রে দোষ কিন চাপাও এদা। অনাতে আডি আলগাতেগে অ-আদিবাসী কো এসটি সার্টিফিকেট কো হাথিয়ৗও দাড়েয়াঃ কানা মেনতে অ্যাসোসিয়েশন অভিযোগ এ রাকাব আকাদা। নোওয়া লৗইতে লগন বন্দেজ বাং হাতাও লেনখান আরহঁ মারাং আঁদোড় লৗগিৎ জাঁগায় লাহায়া মেনতেহঁ হুমকিয় এম আকাদা অ্যাসোসিয়েশন।
নোওয়া ডেপুটেশন রে হাওড়া, হুগলী, বর্ধমান, কলকাতা, উত্তর ২৪ পরগনা, দক্ষিণ ২৪ পরগনা এমান জেলা খন আদিবাসী কো সহর সেটের লেনা।
.webp)
.webp)
