সিঁগি মাহা রেনাঃ সাকাম ‘চেরেচ্ আড়াং’ লেখা- ৬১

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।  
 
তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু, ময়ূরাক্ষী মুরমু, ᱥᱩᱵᱩᱫᱤᱭᱟᱹᱢᱩᱨᱢᱩ,   ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱠᱤᱥᱠᱤᱱ ᱫ ᱷ ᱟ   ᱢ ᱩᱨᱢ ᱩ,  ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ,  সারি ধরম হাঁসদা,  গাতে টুওয়ৗর, বাড়তাঙ সরেন, সুচাঁদ হাঁসদা, সেঁগেল মারমার, সমর লাল টুডু, সীতেন মান্ডি, দূর্গাচরণ মুরমু, কানন হাঁসদা, দুগাই টুডু, সনাতন টুডু,  বিভূতি ভূষন সরেন, সত‍্যেশ্বর মুরমু, দুলৗড় বিটি।

 

রিলৗমালা মুরুমু, ক্লাস- IV
জেলা - পুরুলিয়া

ময়ূরাক্ষী মুরুমু, ক্লাস- V
জেলা - ঝাড়গ্রাম

১।।

ᱞᱚᱸᱰᱦᱮ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱤᱨᱚᱜ ᱞᱟᱹᱜᱤᱫ ᱦᱩᱲᱩ
ᱪᱟᱞᱟᱣ ᱮᱱᱟᱭ ᱞᱩᱲᱩ ᱿

ᱦᱚᱨ  ᱫᱷᱟᱨᱮ ᱞᱚᱯᱷᱚᱨ
ᱧᱟᱢ  ᱠᱮᱫᱮᱭᱟᱭ ᱚᱵᱚᱨ ᱿

ᱟᱡ ᱦᱚᱸᱭᱮ ᱜᱟᱸᱰᱮᱜ
ᱵᱟᱭ ᱪᱟᱞᱟᱜ ᱟ ᱦᱟᱸᱰᱮ ᱿

ᱥᱮᱛᱟᱜ ᱠᱷᱚᱱᱟᱜ ᱛᱤᱠᱤᱱ
ᱢᱮᱱᱟᱜ      ᱠᱤᱱᱟᱹ    ᱟᱠᱤᱱ ᱿

ᱜᱩᱸᱦᱩᱬ  ᱜᱩᱸᱦᱩᱬ  ᱨᱚᱲ
ᱮᱠᱟᱞ      ᱡᱮᱞᱮᱧ   ᱵᱚᱲ ᱿

ᱠᱟᱛᱷᱟ ᱜᱮᱵᱟᱝ ᱯᱩᱨᱟᱜ
ᱠᱟᱹᱢᱤ   ᱪᱤᱠᱟᱹᱢ  ᱫᱷᱩᱟᱜ ᱿

᱿᱿===---===---=== ᱛ ===---===---===᱿᱿

২।।

ᱤᱧ ᱵᱟ.ᱯᱩ

ᱜᱳᱯᱮᱥᱣᱚᱨ ᱢᱟ.ᱱᱰᱤ

  

ᱤᱧ ᱵᱟ.ᱯᱩ ᱛᱷᱤᱨᱚ ᱛᱷᱟᱯᱮ
ᱴᱷᱮ'ᱜᱟ ᱛᱤᱨᱩᱵ ᱛᱤᱨᱩᱵ,
ᱠᱩᱞᱦᱤ ᱵᱟᱲᱜᱮᱭ ᱫᱟᱬᱟ ᱟ.ᱪᱩᱨ
ᱞᱟ'ᱜᱟ ᱛᱮᱭᱮ ᱫᱩᱲᱩᱵ ।

 

ᱵᱚᱦᱚᱜ ᱨᱮᱛᱟᱭ ᱯᱟ:ᱰᱩ ᱩᱵ
ᱥᱚᱵᱚᱫ ᱡᱟ.ᱲᱤ ᱞᱮᱠᱟ,
ᱢᱚᱪᱟ ᱨᱮᱱᱟᱜ ᱰᱟᱴᱟ ᱵᱟ.ᱱᱩᱜ
ᱵᱟᱞᱮ ᱜᱤᱫᱟ.ᱨ ᱞᱮᱠᱟ ।

 

ᱦᱚᱲᱢᱚ ᱨᱮᱱᱟᱜ ᱪᱤᱠᱟ.ᱲ ᱦᱟᱨᱛᱟ
ᱜᱩ'ᱡᱲᱟ.ᱣ ᱟᱠᱟᱱ ᱛᱟᱭ,
ᱯᱟ.ᱦᱤᱞ ᱞᱮᱠᱟ ᱫᱟᱲᱮ ᱟᱲᱮ
ᱮᱠᱟᱞ ᱵᱟ.ᱱᱩᱜ ᱛᱟᱭ ।

 

᱿᱿===---===---=== ᱛ ===---===---===᱿᱿

৩।।

ᱪ ᱟ ᱜ ᱟ ᱢ   ᱪ ᱚ ᱜ ᱢ 

ᱠ ᱤ ᱥ ᱠ ᱤ ᱱ ᱫ  ᱷ ᱟ  ᱢ ᱩ ᱨ ᱢ ᱩ

  

 ᱡ ᱟ  ᱯ ᱟ ᱜ  ᱡ ᱮ ᱨᱮ ᱫ ᱠ ᱚ ᱭ ᱚ ᱜ ᱠ ᱟ ᱜ-ᱟ
  ᱠ ᱷ ᱮ ᱞ ᱳ ᱰ  ᱞ ᱟᱹᱜ ᱤ ᱫ  ᱜ ᱟ ᱛ ᱮ ,
  ᱛ ᱤ ᱨ ᱮ ᱭ  ᱠ ᱚ ᱭ ᱚ ᱜ  ᱥ ᱟ ᱸᱡ ᱤ   ᱦ ᱟ ᱯ ᱮ
  ᱫ ᱮ ᱞ ᱟ   ᱜ ᱚ ᱫ   ᱟ ᱭ  ᱱ ᱟ ᱛ ᱮ       ᱾

  

 ᱧ ᱤ ᱨ   ᱰ ᱳ ᱠ   ᱜ ᱚ ᱫ ᱚ ᱜ   ᱟ ᱫ ᱚ
  ᱜ ᱚ ᱲ ᱚ ᱢ   ᱵ ᱩ ᱰ ᱤ ᱭ   ᱢ ᱟ ᱱ ᱟ  ,
  ᱜ ᱤ ᱫ ᱽ ᱨ ᱟ ᱹ  ᱢ ᱚ ᱱ ᱮ  ᱜ ᱚ ᱥ   ᱜ ᱚ ᱫ ᱚ ᱜ
  ᱪ ᱤ ᱠ ᱟ ᱹ   ᱫ ᱩ ᱲ ᱩ ᱯ   ᱛ ᱷ ᱤ ᱨ   ᱥ ᱟ  ᱱ ᱟ   ᱾

  

 ᱜ ᱚ ᱲ ᱚ ᱢ   ᱵ ᱩ ᱰ ᱤ ᱭ   ᱢ ᱮ ᱱ ᱟ - - -
  ᱱ ᱤ ᱛ ᱫ ᱚ   ᱟ ᱞ ᱚ ᱢ   ᱠ ᱷ ᱮ ᱞ ᱳ ᱰ  ',
  ᱜ ᱟ ᱛ ᱮ   ᱡ ᱚ ᱛ   ᱩ ᱭ ᱩ ᱝ   ᱪ ᱚ ᱰ ᱳ ᱜ
  ᱛ ᱤ ᱨ ᱮ ᱫ ᱚ   ᱦ ᱚ ᱭ ᱳ ᱜ    ᱥ ᱤ ᱞ ᱰ ᱳ   ᱾

  
 ᱪ ᱟ ᱜ ᱟ ᱢ   ᱪ ᱚ ᱜ ᱳ ᱢ   ᱦ ᱤ ᱡ ᱩ ᱜ   ᱟ ᱨ ᱦ ᱚ  
  ᱢ ᱤ ᱫ ᱛ ᱮ   ᱮ ᱱ ᱮ ᱪ   ᱰ ᱚ  ᱰ ᱮ ,
  ᱧ ᱟ ᱯ ᱟ ᱢ   ᱛ ᱚ ᱨ ᱟ   ᱥ ᱤ ᱞ ᱰ ᱩ   ᱥ ᱤ ᱰ ᱟ ᱝ  
  ᱠ ᱩ ᱥ ᱤ   ᱠ ᱟ ᱛ ᱮ   ᱜ ᱚ ᱰ ᱽ ᱮ ᱜ  ᱾

  
 ᱜ ᱚ ᱲ ᱚ ᱢ   ᱵ ᱩ ᱰ ᱦ ᱤ  ᱦ ᱚ ᱦ ᱚ   ᱛ ᱚ ᱨ ᱟ  
  ᱪ ᱩ ᱠ ᱩᱱ  ᱪ ᱟ ᱜ ᱟ ᱢ   ᱪ ᱚ ᱜ ᱳ ᱢ  ,
  ᱫ ᱟ ᱱ ᱟ ᱝ   ᱩ ᱠ ᱩ ᱨ ᱮ   ᱛ ᱷ ᱤ ᱨ   ᱠ ᱚ ᱜ
  ᱵ ᱟ ᱠ ᱚ   ᱨ ᱚ ᱲ   ᱛ ᱤ ᱜ ᱩ   ᱥ ᱩ ᱜ ᱩ ᱢ   ᱾᱾

  

 ᱿᱿===---===---=== ᱛ ===---===---===᱿᱿

৪।।

ᱥᱟᱹᱨᱤ ᱥᱚᱦᱚᱨᱟᱭ

ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

 

ᱯᱟᱛᱟ ᱫᱟᱫᱟ ᱯᱟᱨᱚᱢ ᱮᱱᱟ
ᱥᱚᱦᱚᱨᱟᱭ ᱫᱟᱫᱟ ᱫᱟᱨᱟᱭ ᱠᱟᱱ ᱾
ᱥᱟᱹᱨᱤ ᱥᱚᱦᱚᱨᱟᱭ ᱨᱮᱫᱚ ᱫᱟᱫᱟ
ᱤᱧ ᱦᱚᱸ ᱱᱮᱶᱛᱟᱧ ᱯᱮ ᱿

 

ᱱᱮᱥ ᱜᱮᱥᱮᱭ ᱟᱠᱟᱞ ᱠᱮᱫᱟ
ᱠᱟᱞᱚᱢ ᱫᱚᱭ ᱥᱟᱶᱟᱭ ᱜᱮᱭᱟ ᱾
ᱥᱟᱹᱨᱤ ᱥᱚᱦᱚᱨᱟᱭ ᱨᱮᱫᱚ ᱫᱟᱫᱟ
ᱱᱮᱶᱛᱟ ᱤᱫᱤᱧ ᱯᱮ ᱿

 ᱿᱿===---===---=== ᱛ ===---===---===᱿᱿

৫।।

অৗসুল মেরম

সারি ধরম হাঁসদা

 

আম দ মেরম অৗসুল মেরম
হড়াঃ আলম উজৗড়,
 "ঘুর ঘুরয়ৗও- হিড়ৗও" কাথা
 আঁজমতেগেম রুওয়ৗড়।

 

পেটেজ অৗমৗঞ চাগাড়ামৗঞ
 ডৗর সাগেন সাকাম,
জগাও কামাৗঞ জতন কৗমৗঞ
গটরে আলম তাপাম।

 

আম দ মেরম পিটুক মেরম
 অৗওহৗ আলম ঞির,
রেঁগেজ তেতাং মেলাং চেটাং
আলম বলন বির ।

 

পিঠৗ অৗমৗঞ লাঠা অৗমৗঞ
 সাঁওতেয়ামৗঞ ডোঁবোঃ,
 আজো কামৗঞ পখাও কৗমৗঞ
জমতেম ওঁবো ওঁবোঃ।

 

 ᱿᱿===---===---=== ᱛ ===---===---===᱿᱿

 ৬।।

রুঙ্গিন চসমা হরঃ কাতে

গাতে টুওয়ৗর

 

রুঙ্গিন চসমা হরঃ কাতে
হপন বাবুয় ঞেল
ডিঢৗড়ি দারে ডিঢৗড়ি বেলে
হোয় আকানা আপেল ।

 

বেলে বেলে জ বেলে
তিয়ুঃ তিদয় লাহায়
এখেন কুচি এখেন কুচি
বেরেল গেদো ওহায় ।

 ᱿᱿===---===---=== ᱛ ===---===---===᱿᱿ 

 ৭।।

হুদূড় রাজা

বাড়তাঙ সরেন 

 

হুদূড় রাজায় তাঁহেকানা
                আডি মারাং রাজা 
দিকু কোরেন বাং কানায়ে
                    আদিবাসী  রাজা ।

 

মারাং মারাং দিশম রেতায় 
                     আডি মারাং রাজ 
হড়মো দাড়ে যে লেকাতায় 
                    অনকা গেতায় সাজ ।

 

দিশম  হড়ে দহলেৎ কো
                   রৗস্কৗ রমজ তালা 
আতো সাঁওতা তাঁহেকানা 
                    একাল রিলৗমালা ।

 

হুড়ু চাওলে তাঁহেকানা 
                 বাঁদি পেরেচ পেরেচ
সেরমা আচুর রুয়ৗড় রেহঁ  
                 তাঁহেন গেচো সারেচ ।

 

দিশম হড়াঃ মনেরে দ
                 বাং তাঁহেনা বতর
হুদূড় রাজা সিপৗহিকো
                  তাঁহেনাকো সন্তর ।

 

হুদূড় ঞেলতে দিকুরাজা 
                 একাল বাকো লাহাঃ
বৗইরীকো দ বতর জালা 
                    সানাম গেকো সাহাঃ  ।

 

আর্য কোদ তিরলৗ চিনতে 
                   কুল কেদেকো বৗইরী
হুদূড় রাজা উকু কাথা 
                   বাডায় কেদায় সৗরি ।

 

ধৗরতী চেতান বৗইরী বিরুধ 
                  লৗড়হৗই এনায়  জবর
পাশনাও  এনা গোটা দিশম 
                      তাপাম রেনাঃ ডগর ।

 

আর্য তিরলৗ ফুন্দি কাতে 
                  রাজায় গজে হায়
গোটা দিশম হড়কো নিতং 
                 হমর আকো হায়  !

 ᱿᱿===---===---=== ᱛ ===---===---===᱿᱿

 ৮।।

গেলবার চাঁদো

সুচাঁদ  হাঁসদা

 

হড় রড়তে আবো আঃহঁ ,
মেনাঃ গেলবার চাঁদো ৷
মৗই বাবু কো আবো আঃ হঁ ,
সেঁড়ায় পে - মা আদো ৷

 

চাঁদো রেনাঃ পৈল ঞুঁতুম ,
আবো আঃ দ মাঘ ৷
নোওয়া চাঁদো দ রিতিচ রেয়াড় ,
রা বাংতে গিদৗর কো রাগ ৷

 

মাঘ তায়ম চাঁদো ঞুঁতুম ,
আবো আঃ দ ফৗগুন ৷
নোওয়া চাঁদো গে হড় হপন ,
বাপলা কো সার সৗগুন ৷

 

ফৗগুন তায়ম চাঁদো তাবন ,
আবো আঃ দ চৗত ৷
নোওয়া চাঁদো দ সিসিরজৗওইচ ,
রাবাং এ গুটয়ৗও সৗত ৷

 

চৗত তায়ম আবো আঃ দ ,
মেনাঃ বৗইসৗক চাঁদো ৷
আহুল বৗকুল গিদৗর পিদৗর ,
বাকো জৗপিত আদো ৷

 

               ( তগেঁ আ )

 ᱿᱿===---===---=== ᱛ ===---===---===᱿᱿

৯।।

সাবমে পুঁথি

সেঁগেলমারমার

 

আঁগ্ সার কৗপি আলম সাবআ
সাবমে আমদ পুঁথি
ঞেলাম মিদ্ দিন পানতে মেয়ায়
শিখনৗত পেছা ধৗরতি।

 

যেহিলোঃ এম বুজ ঞাম আ
পতব রেনাগ্ গনং
উনহিলোঃ খন আচুরগ্ তামা
আমাক্ পেড়তা মলঙ।

 

ধৗরতি রেনাঃ মারাঙ হৗতিয়ার
পুঁথি আর পাথাম
উদুঃ আমায় হর ডাহার
নাগাম আর আগাম।

 

জিয়ৗলি সেঁদরা বৗগিয় মেসে
সেঁদরায় মে চৗকরী
বাঙখানদ ব্যাবসায় মে
সিম মেরম শুকরী।

 

নানাহুনৗর বৗণিজ বেপাররে
তাঁহেন মে সে জহড়
আপড়ে উৎনৗও লাহায় মে
বৗগিয় মে সে রগড়।

 

অলঃ বেগর বৗনুঃ গেয়া
লাহাঃ রেনাঃ হর
যত খনাঃ সিবিল সড়ম
আয়ো আড়াঙতে রড়।

 

এঁগাত আড়াঙ জানাম হাসা
আমাঃ লাকচার ধরম
আমাঃ এনেচ আমাঃ সেরেঞ
জিয়ৗড় গেতাম করম।

 

লগনঃ মে উসৗরা
ইতুন আসড়া সেন
আথাওড়ি আলম দাঁড়ান
বুরধি আলম তেন।

 ᱿᱿===---===---=== ᱛ ===---===---===᱿᱿

১০।।

সিঞ চাঁদো

সমরলাল টুডু

 

সিঞ  চাঁদো  ডিগি  মিগি
বেঁগেৎ  আয়পে  উনি  জুগি,
তাড়ামে  দিপিল  কাতে সিঁগি
লগনঃপে দেলা  বায়  তাঁগি ।

 

এভেন  কাতেয়  মেমেন  কানা
মেনাঃ খান দেলা  লাহাঃ  সানা,
আলোপে  বাব   নোওয়া  হানা
ডাহার   তাড়াম  অকয়ে  মানা ?

 

লাহা  সেনব   সহর    চালাঃ
তায়ম   সেনদ  বাংব পিছলাঃ,
সাঁগিঞরে  ঞেঁলঃ   ঞাঁলাঃ ঞাঁলাঃ
হাতাওয়াবন   অনা  লৗডু  খালাঃ ।

 

অক্ত   মেনাঃ   লাহাঃ   রেনাঃ
হড়   লেকা    হড়ব   বেনাঃ,
তায়মাকান আদিম সাঁওতা তবেনাঃ
খি-য়ে   ঞামা    লাহা    সেনাঃ ।

 

সেচেৎ   হরতে   তাড়াম   কাতে
লাহা    আব     ঞির্    আতে,
সিঞ    চাঁদো    সাঁওব   গাতেঃ
বাংব   তাঁহেন    কুডৗম  সাতে ।

 

সিঞ  চাঁদোয়   মার্শাল্   আকাৎ
দিশোম  দুনিয়ৗ  আতু   জাকাৎ,
লগন   লগন  মাছায়  তাড়ামাকাৎ
আদিম  আব  কাবাকুবু কুপোকাৎ ।

 

চেতান দিশম সিঞ চাঁদো   ছাটকা
দে-দেলা আদিম  আবো   লেটকা,
সেচেৎ   ঢঁগা   বা্ংব   আটকা
সেটের   কাতে  অটেজাব পটকা ।

 ᱿᱿===---===---=== ᱛ ===---===---===᱿᱿ 

১১।।

আশা মনে

সীতেন মাণ্ডি

 

বুরু লেকা হারা কঃ মে
হৗড়িয়ৗর মনে আন
জিবজিয়ৗলি চেঁড়ে চিপরুৎ
তাঁহেন মাক আম সাঁও।

 

ঝারণা লেকা লিঙ্গিঃ মাসে
আমাঃ অন্তর জিউয়ি
দুখ হারখেত সাহাও কাতে
   জাঙ্গাম লাহা ইদি।

 

দারে লেকা হড় বাঞ্চাও
অকয় টাঃ এ কৗমি?
আম মাসে উনি লেকা
দুলৗড় কম সানাম মৗনমি।

 

লিল সেরমা লেকা আমাঃ
    মনে মারাং তাম
হিসকৗ হুলুং কৗহিস তৗপিস
     আলম দহয় আম।

 

ধৗরতি লেকা সাহাও মেসে
  আলম অৗড়িশঃ আ
সাহাও রেগে লাহা মেনাঃ
মৗনমি জিয়ন গে দাড়েয়াঃ আ।

 

 ᱿᱿===---===---=== ᱛ ===---===---===᱿᱿

১২।।

লওয়া বিলি

দুর্গাচরণ মুরমু

  

মাঝি কওয়া বাড়গে লাতার
গৗডিয়া আড়ে ধারে ধারে,
মেনা: আমদা লওয়া দারে
তিঙ্গু আকান থারে থারে।

 

মারাং মারাং লওয়া দারে
ডৗর দ লেওর কদর,
উডৗও আবো: চেঁড়ে চিপরুৎ
ঞেল: আকো সামাং সদর।

 

ডৗর পেরেচ্‌ জ আকান
লওয়া মজগে থপে থপে,
গৗডিয়া আড়ে গুড়খাও আতে
অতরে ঞুরু: রপে রপে।

 

গুলৗট গুলৗট লওয়া জ
হৗড়িয়ৗর গে বেরেল রেদ,
উতু তিকি আডি সিবিল
আরাঃ   ঞেলঃ বিলিঃ   রেদ।

 

লওয়া বিলি জজম লৗগিৎ
বির চেঁড়ে হর বর,
সেতাঃ তিকিন সারা ঞিদৗ
লওয়া  ঞুরুঃ সর  বর।

 

᱿᱿===---===---=== ᱛ ===---===---===᱿᱿

১৩।।

জগাও আলে সাঁওতা

কানন হাঁসদা

 

ইঞদ কৗটিচ, আডি কৗটিচ
         বাড়ায় গেয়াপে  আপে
এনতে রেহঃ ,রড় এগের
       বাপে বৗগিই দাপে !

 

 কৗটিচ রেহঃ, বুঝ গেয়ালে
      আপেয়া মুঠৗন ,রড়
যতন কাতে,রাখা দহো
       এমা পেয়ালে গড় !

 

আপে ইউহৗর ,সৗহি ইউহৗর
     চেচেৎ আপে খৗতির
নাপাই কৗমি, বুগি ভৗলি
     আলোঃ গেপে  পৗসির !

 

আলে কোপে,মৗনমী লেয়া
          সাঁওতা তালারে তিহিং
লাটো কাতে,লাগাঃ গেয়ালে
       বাঞ গেথলে হিড়িং!

 

এমা লেপে,সৗহি শিখনৗৎ
                সৗহি হুদিশ কাথা
দিশৗ আতে, দহয় আলে
             জগাও আলে সাঁওতা !

 

উচু চুকু,আলো পে এনেচ
        আলে লে ,চিনহৗপ পেয়া
হড় তালারে,আপেয়া চিতৗর
     বাসেচ ! বাং লে ,দহঃ এয়া !

 

কৗটিচ খৗতির,দুলৗড় লে  খজোঃ
                 আপেয়া আদর সৗরি
মিৎদিন দো,সেটের হিজুঃ
                     আডি আডি দৗড়ি!

 

মানত হড় দো ,মানত লেকা
        আলে লে বুঝ আকাদ
কড়াম তালা,মেনা পেয়া
             আজমঃ কান সাবাদ !

 

বাহা লেকা ,আলে মন
      দিশম দুলৗড় সানাম
যতন লেপে, হারা লৗগিত
           নিয়ৗলে খজো কান ৷

 

নোওয়া জিউয়ি ,তিনৗ দিন
             রড় লান্দা উনৗ দিন
রৗসকৗ আবন যত গে
 মিল মিলৗও আতে, সিঞ ঞিন্দৗ দিন

 

᱿᱿===---===---=== ᱛ ===---===---===᱿᱿

১৪।।

কেঁহেঁ

দুগাই টুডু

 

আরাঃ কেঁহেঁ যাঁহায় ঞেলঃ
      আঁডয়ৗ কেঁহে কানগে,
হেড়াঃ লেকান কদ কাথায়
        এঁগা কেঁহেঁ মেনগে।

 

জমা গেকো সেঁদরায় এদ্‌গে
       উডৗও কাতে চটতে,
বোগে তেকো ঞেল আকান
      উয়ুং রেদ অৎ তে।

 

অকা করে আঁজেদ হাতাড়
        ডবহাঃ গৗডয়ৗ কদ,
অনা তেকো মাডরাও গদঃ
        আচুর বিহুর আদ।

 

হাকো উনরে সাপকো বলে
    হালো আতেদ ওনকো,
আয়মা লেকা জমতে ভালা
   লাচগে ধাপাও তাকো।

 

হাপড়াঃ হাপড়াঃ দারে করে
       একাল তুকৗয় আকো,
অঁডে গেচং বেলে হপন
     জতন হারাঃ কানকো।

 

নংকা লেকা বাডগে আতে
    আমদা সাঁগে এনকো,
ধারতি সেরমা শোভা কাতেৎ
      বাঞ্চাও তাঁহে নাকো।

᱿᱿===---===---=== ᱛ ===---===---===᱿᱿

১৫।।

ভুচুং

সনাতন টুডু

 

ভুচুং হলা ভাচাং ভুচুং
হড় তালারে উচুং,
বাজাও এনায় কালা হাড়াম
সাব কেদেয়ায় মুচুং।

 

দিনগে ভুচুং হাঁডে নাডে
কাথায় লৗবুঃ চৗবুঃ,
বায় বুঝৗও আ চেদ্‌ এয় রড়া
আচ্‌ আচ্‌তেয় কৗবু।

 

হানা সেরমা ঞাম লেদায়
মিৎটাং ইন্দ্রা আবাস,
অকা রেচং ভাচাং ভুচুং
নেশমা গটা অড়াঃ ঘাস।

 

নিত্‌হঁ হৗনি লাইন রেগে
অড়াঃ ঞাম লৗগিৎ,
চেদ্‌-এ চিকৗয় আচ্‌এ বাডায়
অকারে লাগাও লৗগিৎ ?

 

কালা হাড়াম রৗগি কাতেৎ
মেতায় কানায় ভুচুং,
মৗনমি লেকা তাঁহেন মেসে
চেদাঃ মাসেম উচুং।

 

 ᱿᱿===---===---=== ᱛ ===---===---===᱿᱿

১৬।।

সৗগুন সহরায়

বিভূতি ভূষণ সরেন

  

দাঁশায় পারম সাঁও সাঁওতে
            সহরায় সেটেরঃ কান,
দিশম রেন সান্তাড় হপনা
             মারাং পরব কান।

 

ভিত পিঁডৗ রাচা গড়া
            এহব এন ক সাফা,
দিন পারমঃ আলম মেমেন
            জেড়েরিং হাঃত গাপা।

 

অড়াঃ ফারচা সাঁও সাঁওতে
                হড়ম যতন তাম ,
'সৗগুন সহরায় 'রে নাওয়া পেড়া
                ঞেল মেয়াক আম।

 

সৗগুন কাথা আজম তরা
             মিরুদ ভৗবিত এন,
কুড়ি গিদৗরাঃ আখির দিনদ
             তাঁহেন জাঁওয়া ঠেন।।

 

᱿᱿===---===---=== ᱛ ===---===---===᱿᱿

১৭।।

গিদরৗ বৗউলি

সত‍্যেশ্বর মুরমু

 

হপন বাবু আডি ঝানু
ঞুতুম তায় দ কুনু,
মেনাঃ কতায় আমদা গাতে
ধুনু, মুনু, গুনু ।

 

মিৎ তেগেক অলঃ পাড়হাঃ
অ-অত, অগ্-অং, অল,
মিৎ তেগেক খিলডু এনেচ্
বল ডৗহিরে বল।

 

লিবয় লবয় মারাঃ পিঞ্চৗর
বহঃ রেক তল,
লিসয় লসয় ধুতি কাসো
রেয়াড় গেক গল।

᱿᱿===---===---=== ᱛ ===---===---===᱿᱿  

১৮।।

বেড়া রাকাব অক্তে

দুলৗড় বিটি

 

বেড়ায় রাকাব পিরিল পিরিল
        পুব নাখারে,
লেগেম লেগেম দাঃদ আতুঃ
       সবর নাখারে।

 

হিঁসিদ্‌ হিঁসিদ্‌ হয়’দ সৗরি
     দৗখিন নাখারে,
চেঁড়ে চিপরুৎ কো উডৗও চালা
      জমাঃ পাঁজারে।

 

হুলুয় হুলুয় হয়দ বাজাঃ
     উত্তর নাখারে,
মিহু মেরম গৗই ডাংরা
     আতিঞ গডারে।

 

হাদার হাদার হয়দ দারায়
     পুছিম নাখারে
মৗনমি দক এভেনঃ আ
     সেতাঃ তরারে।

 

ঁঁঁঁঁ=মুচৗৎ=ঁঁঁঁঁ