অনড়হিঁয়ৗ নারায়ণ সরেন " তড়ে সুতৗম " আঃ জানাম শায় সেরমা দিসৗতে গাপালমারাও আখড়া

কিষ্কিন্ধ্যা মুরমু, বান্দোয়ানঃ -  গাপা সেতাঃ লেনখান গে ২৮ অক্টোবর, অনড়হিঁয়ৗ নারায়ণ সরেন " তড়ে সুতৗম " আঃ জানাম শায় সেরমাঃ পছিম বাংলা, ঝাড়খন্ড, উড়িষ্যা এমান পনৎ রেনাঃ আয়মা টঠারে ভৗরি ভরম আতে মানাও লৗগিদঃ কানা। অনা জানাম মাহা দিসৗতে সানতাড়ি লিটারেরি ফোরাম পুরুলিয়া হঁ মিৎ গাপালমারাও আখড়ায় সৗহিজুহি আকাদা। পুরুলিয়া জেলা রেনাঃ বান্দোয়ান ( বাস স্ট্যান্ড সোর )  মান্ডি ভবন রে তারাসিঞ মিৎ বাজা খন আখড়া কৗমিহরা এহবঃ আ।

  বাডায় ঞাম আকানা বাংমা ' অনড়হিঁয়ৗ জহার ' আখড়া তালাতে নারায়ণ সরেন 'তড়ে সুতৗম ' আঃ জিয়ন আর সাঁওহেৎরে উনিয়াঃ এনেম লৗইতে অড়ে অড়পাৎ গাপালমারাও হোয়োঃ আ। নওয়া আখড়ারে আয়মা ঞুতুমান অনলিয়ৗ, অনড়হিঁয়ৗ আর সাঁওহেৎ দুলৗড়িয়ৗ কো সেটেরকো তাঁহেনা ।

 সানাম কো রৗস্কৗ সালাঃ সহর সেটের কাতে আখড়া সৗখি সভায় লৗগিৎ সানতালি লিটারেরি ফোরাম পুরুলিয়া পাহটা খন আরদাশ এ দহ আকাদা ফোরাম রেন সেক্রেটারি মানতান অরুন কুমার সরেন গংকে ।