কিস্কিন্ধ্যা মুরমু ,বান্দোয়ান - অনড়হিয়ৗ নারায়ণ সরেনাঃ জানাম শায় সেরমারে অনড়হিয়ৗ জহার তালাতে হলা মানাও কেদায় সানতালি লিটারেরি ফোরাম পুরুলিয়া। গাপালমারাও আখড়া দ বান্দোয়ান বাস স্ট্যান্ড সোর মান্ডি ভবনরে সৗহিজুহি লেনা ।
পুরুলিয়া জেলা রেনাঃ বান্দোয়ান রে হুয় পারমেন অনড়হিঁয়ৗ নারায়ন সরেন আঃ জানাম শায় সেরমা আখড়ারে মারাং পেড়া লেকাতে সেটের এ তাঁহেকানা পুরুধুল অনলিয়ৗ মানতান গোমস্তা প্রসাদ সরেন, মানান পেড়া লেকাতে সেটের এ তাঁহেকানা ‘সিলি’ পাথাম শিরৗ সাসাপড়ায়িচ্ মানতান কলেন্দ্রনাথ মান্ডি। অনাবেগর আয়মা অনলিয়ৗ,অনড়হিঁয়ৗ মুদ্রে ঞুম হালাং সুধীর মুরমু আর সতন কুমার সরেন সাঁওতে সমাজ সুসৗরিয়া লেকাতে সুধীর সরেন গোমকে এমান সেটের কো তাঁহেকানা। সেটের কো তাঁহে কানা সুর সুপুর রেন স্কুল, কলেজ রেন পৗঠুওয়ৗ কো। আখড়ারে বৗইসি লেকাতে তাঁহেকানায় 'তেতরে ' পাথাম রেন সা-সাপড়াওয়িচ মানতান মহাদেব হাঁসদা ।
আখড়া রেন মারাং পেড়া নারায়ণ সরেন আঃ জিয়ন আর সাঁওহেৎরে কৗহনি, গায়ান, অনল, অনড়হেঁ অল কাতে সান্তাড়ি সাঁওহেৎরে অসাম্ভেড় এনেম মেনাঃ আকাৎ তায়া মেনতে লৗই বুটৗ কেদা।
মৗনৗন পেড়া কলেন্দ্রনাথ মান্ডি আখড়ারে নারায়ন সরেন ‘তড়ে সুতৗম’ ইদিকাতে বাঁখেড় তালারে লৗই সদর কেদায় বাংমা পুরুলিয়া জেলারেন অনলিয়ৗ, অনড়হিঁয়ৗ কদ সানতাড়ি পৗরশি চারচাও আকাদ্ সানাম টঠারেন অনলিয়ৗ, অনড়হিঁয়ৗ গেকো মানাও বাতাও কোওয়া। চাহে পছিম বাংলা রেন হোয়োঃ, চাহে ঝাড়খন্ড রেনে হোয়োঃ, চাহে উড়িষ্যা আসাম রেনে হোয়োঃ চাহে বাংলাদেশ নেপাল রেনে হোয়োঃ ? অনলিয়ৗ দ অনলিয়ৗ গে মাড়াংকো দিশৗ কোওয়া। অনা সাঁওতে নোওয়া হঁয় লৗই তরা কেদা বাংমা ‘তড়ে সুতৗম’ তালারে বাইবেল, গীতা, কোরান, পুরান আয়মা লেকান ধরম কাথা রেনাঃ অরসং বল লেন তায়া। অনা বেগর অনকাগে পৗরশিরেহঁ হিন্দী, ইংলিশ এমান পৗরশিকো আয়াঃ সাঁওহেৎ চারচাওরে অরসং বল আকানা।
নোওয়া সাঁওহেৎ আখড়া তালারে নারায়ন সরেন ‘তড়ে সুতৗম’ আঃ জিয়ন আর সাঁওহেৎ চারচাওরে উনিয়াঃ এনেম লৗইতে অড়ে অড়পাত গাপালমারাও হুয় এনা মেনতে দাবীয় সদর কেদা লিটারেরি ফোরাম রেন সেক্রেটারী মানতান অরুন কুমার সরেন।
.webp)
.webp)
