কিস্কিন্ধ্যা মুরমু, বান্দোয়ান :- পারমেন ১৭ই অক্টোবর সিঁগি মাহা হিলোঃ পুরুলিয়া জেলা রেনাং বান্দোয়ান থানারে মেনাঃ ভাঙ্গাঁটডি আতোরে, অৗডি রৗস্কৗ সালাঃ কারাম গুরু ৺হপনা মুরমু উইহৗরতে গেল সেরমা পুরৗও আখড়া
ভৗরিভরম সালাঃ হোয় পারমেনা।
আখড়ারে মারাং পেড়া লেকাতে সেটেরে তাঁহে কানা মানতান ডঃ বাবুলাল টুডু (Senior scientist), নেঁওতা পেড়া লেকাতে সেটের ক তাঁহে কানা ঞুম উরুম সাঁওহেৎদিয়ৗ মানতান মহাদেব হাঁসদা, মানতান অরুন কুমার সরেন , মানতান সুধীর সরেন, মানতান উত্তম মুরমু , মানতান রামকৃষ্ণ মুরমু, মানতান ভীমসেন কিসকু সাঁওতে এমান এমান গংকেকো। অৗতু গাঁওলা সেন খন মানতান কলেন্দ্রনাথ মান্ডি মানতান সুরেন্দ্রনাথ মান্ডি সাঁওতে গৗখুড়ান গাঁওলারেন হন-হপন। সৗহিজুহিরে তাঁহে লেনাকো ভাঙ্গাঁটডি মারসাল ডাহার ইয়ুথ ক্লাব
রেন কড়া কুড়িক ।
আখড়ারে কৗমিহরা লেকাতে সারভার ঞেল এনা কারাম গুরু ৺হপনা মুরমু উইহৗরতে বঁঙ্গাবুরু। বাডায়
আকানা বাংমা বঙ্গা দিসম আকান ৺হপনা মুরমু দ ভাঙ্গাঁটডি আতো রেনগে ঞুম উরুম কারাম বিনতি গুরুয় তাঁহে কানা।
অনাবেগর ভাঙ্গাঁটডি ইস্কুল রেন পৗঠুওয়ৗ গিদৗর ক আর কলেজ রে পাড়হাঃ পৗঠুওয়ৗ সাঁওতে সুর সুপুর অৗতুরেন আকিলৗন পৗঠুওয়ৗ গিদৗর কো সারহাও কেৎ কোওয়া। অৗতুরেন রেগেচ নাচার হড়'ক
রাবাং রেনাঃ লুগড়িচ্-লাপো হঁক এম সপহৎ আৎ কোওয়া। আখড়ারে কারাম গুরু দুক্ষিরাম সরেন গমকে কো সারহাও কেদেয়া। আর আর সেরমা কো লেকাগে নেসহঁ কারাম দন, সাড়পা এনেচ্ লেকান লাকচার এনেচ্ সেরেঞতে আখড়া জমকাও লেনা ।
.webp)
.webp)
