আবোওয়াঃ ডিজিটাল ডেস্ক- পছিম বাংলা রেনাঃ আয়মা জেলা করেগে ফেক এসটি সার্টিফিকেট টেকাও দারাম লৗগিৎ পশ্চিমবঙ্গ আদিবাসী কল্যাণ সমিতি কৗমিয়ৗ কো উদ্গৗও এম তালাতে মিৎ লেতাড় গে বৗইসি সাপড়াও ইদিয়েদায়। অনকাগে হলা ২৪ অক্টোবর, ঝাড়গ্রাম জেলা চাঁগা বাং হৗটিঞ মেদিনীপুর জেলা চাঁগা রেনাঃ কৗমিয়া সভা ঝাড়গ্রাম রে সার সৗগুনেনা।
বাডায় আকানা বাংমা ঝাড়গ্রামরে হুয় লেন রেহঁ নোওয়া কৗমিয়া সভারে কলকাতা, হাওড়া, উত্তর ২৪ পরগনা, পুরুলিয়া আর বাঁকুড়া জেলা রেনাঃ আয়মা টঠা খন আদিবাসী গাঁতাত্ রেন হড়কো সহর সেটের লেনা। সেতাঃ ৯.৩০ বাজা চির হিপিড় তালাতে সভা রেনাঃ কৗমি হরা এহব এনা। পতাকাদয় হিপিড় কেদা অনা আখড়া রেন সাঁওতে ঝাড়গ্রাম জেলা চাঁগা রেন সভাপতি মানতান বৈদনাথ হাঁসদা। আখড়ারে উঢৗও সেরেঞ কেদাকো রেনুকা সরেন আর সাঁওতেন কো।
আখড়ারে বাঁখেড় কিন দহ কেদা পশ্চিমবঙ্গ আদিবাসী কল্যাণ সমিতিরেন পনৎ সভা গোমকে মানতান বালক রাম সরেন আর সেক্রেটারী মানতান পার্শাল কিস্কু। অনা বেগরহঁ বাঁখেড় কিন দহ কেদা এক্সিকিউটিব মেম্বার লেকাতে মানতান মিতন চন্দ্র টুডু আর ধনঞ্জয় মুরমু।
গালচ্ আখড়ারে প্রফেশর, মাচেৎ,পৗঠুওয়ৗ, জুওয়ৗন, তিরলৗ আর উকিল কোওয়াঃ সেটের তাঁহেন ঞেল জং লেকাগে তাঁহেকানা। অনাবেগর মাহালী সমাজ, কোঁড়া সমাজ, খেরওয়াল গাড় একাডেমি ওয়েলফেয়ার অ্যাসোসিয়েশন এমান আয়মা আদিবাসী সংগঠন রেন মাড়তে কো সেটের তাঁহেকানা।
.webp)
.webp)
