অ-আদিবাসী কো এসটি সার্টিফিকেট এম বিরুধরে আদিবাসী বিকাশ পরিষদ রড়দারাম হররে

 

আবোওয়াঃ ডিজিটাল ডেস্ক- গটা পছিম বাংলা রেগে অ-আদিবাসী কো এসটি সার্টিফিকেট এম চাল হোয়োঃ কানা এনখান সৗরিন আদিবাসী দ অকা কো চালাঃ আ? নংকান অভিযোগ লৗইতেগে আদিবাসী বিকাশ পরিষদ রড়দারাম তালাতে হর-ডাহাররে আঁড়গোয়েনায়।

পুরুলিয়া জেলা রেনাঃ কাশিপুররে অখিল ভারতীয় আদিবাসী বিকাশ পরিষদ আ আডি মারাং গণডেপুটেশন রেনাঃ রড়দারাম মিছিল ঞেল এনা। নওয়া মিছিল খনাঃ গে অ-আদিবাসী কো এসটি সার্টিফিকেট এম বিরুধরে রড়দারাম তারকোয়েনা। দাবী কো রাকাব কেদা অ-আদিবাসীকো অকালেকাতেহঁ এসটি সার্টিফিকেট এম বাং চালা আ, ফেক এসটি সার্টিফিকেট লগন বৗতিল হোয়োঃমা, ফেক এসটি সার্টিফিকেট আমরৗও আকাৎ কো শাসেৎ এম রেনাঃ বন্দেজ হোয়োঃ মা, ফেক এসটি বিরুধরে সরকার লগন বন্দেজ এ হাতাও মা। 

আদিবাসী বিকাশ পরিষদ পাহটা খন কাশিপুর বিডিও ঠেন মিৎ টাং মেমোরেন্ডাম হঁক এম চাল কেদা। সাঁওতে বাডায় আকানা বাংমা নোওয়া ডেপুটেশন তায়ম হঁ যুদি নংকাগে অ-আদিবাসী কো এসটি সার্টিফিকেট এম হোয়োঃ আ এনখান আদিবাসী কো আরহঁ মারাং খন মারাং আঁন্দোড় রেকো সেলেদঃ আ মেনতে বিকাশ পরিষদ পাহটা খন হুঁশিয়ৗরী কো এম কেদা।