কিষ্কিন্ধ্যা মুরমু, বান্দোয়ান-পুরুলিয়াঃ- কপাটডাঙ্গা সিদু কানু উইহৗর মাডওয়াঃ সৗহিজুহিরে ইন্দে পরব লাসাড়হেৎতে পারমেন শনিবার হিলোঃ ১৮. ০৯ .২০২১ কারাম আখড়ারে' জাওয়া কারাম ' দন হুয় পারমেনা। কারাম দনরে মিৎটেন দল সহর সেটের কাতে আখড়ায় সভা কেদা। সেলেৎ লেন দ-'রুসিকা সুকলাল হাঁসদাঃ উইহৗর লাকচার সেমলেৎ ,লেওয়াগাড়া,থানা বোরো জিলৗ পুরুলিয়া '। কারাম দন উদুঃ উদেল কেৎ খৗতির কপাটডাঙ্গা মৗঝি ম'ড়ে হড় সেমলেৎ মৗন মানত্ সালাঃ সারহাও কেদেয়ায়। অনা সাঁওতে অৗতু ম'ড়ে হড় আখড়া ক সৗখি সভালেৎ সানাম ঞেঞেলিয়ৗ কো সারহাও তরা কেৎ কওয়া ।
কারমৗটি কওয়াঃ মানাও পালাও যথাৎ আকানা মেনতে মৗঝি বাবায় লৗয় সদর কেদা। আখড়ারে নংকান রৗস্কৗ হাপাটিঞ আডি দিন তায়ম ক ঞেল ঞামেনা আতোরেন আয়মা হড়গেকো সদর আকাদা।
মৗঝি মড়ে হড় মুঠু সেনখন মানতান রামদাস মান্ডি গংকে "জাওয়া কারাম দ চেৎ ? আর চেদাঃ ? নোওয়া লৗইতে আডি ঠাম ঠাম এ লৗয় পাশনাও কেদা। আরহঁ লৗই তরা কেদায় বাংমা- -"কারাম সালাঃ নাগাম জড়াও মেনাঃতাবনা । নওয়া কারাম দ তিন যুগ মাড়াং খন মানাও হিজুঃ কানা বা'ব বাড়ায়া। ধৗরতি রেন মানওয়া সিরজৗউ কাতে জিওয়েৎ জিউয়ি খাঁডাও লৗগিৎ। নওয়া কারাম দ আবোওয়াঃ জিয়ন জিউয়িরে অৗডি আঁট জপড়াও মেনাঃ আকাদা" নংকান আয়মা দামান কাথা কোয় সদর কেদা।
কারাম দন ঞেল কাতে ঞেঞেলিয়ৗ কওয়াঃ মনেরে হঁ রৗস্কৗ সাড়ের উতৗরেনা। লৗই তরা গানঃআ যে, কপাটডাঙ্গা সাঁওতে ধবনি,নতুনডি,চিরুডি,কাল্লাবেড়া, চিপিডি,লেকান আয়মা অৗতুরেগে কারাম দন তালাতে রৗস্কৗ দক ভাঁজাও কেদা। কারাম গঁসাই বিদৗয় অকতে মনে বৗড়িজ সেরেঞ আঁজমেনা-
"আল কারামেম রাগ্ আসে
আল কারামেম হমরা,
কালম নংকান দিনরে
অৗগু রুয়ৗড়মে ।"
.webp)
.webp)
