(আনন্দলাল রায় আঃ অনল খন তর্জমা আকানা)
লাহাখন সতর বাং তাঁহেলেনখান
ডাঃ সুরেন্দ্রনাথ মান্ডি
সাল ২০৩১। সেরমা মুচৗৎ ‘বড়দিন’ ছুটি ঠিক লাহা লাহা
মৗনমি দেশ-দুনিয়ৗ দাঁড়ান কো অডকঃআ। মেনখান বতর দ নোওয়া, ধৗরতি জাকাতগে জে খুঃ-মাদা–রুওয়ৗ
আডিতেৎ বাড়হাও আকানা।
সানাম হাসপাতাল রেগে ভিড়। অকারেহঁ বেড খৗলি বৗনুঃ
আকাদা রুগি গুজুঃ হার হঁ আডিতেৎ গে বাড়হাও চালাঃ কানা। অজে পাঁজা কাতে বাডায় ঞামেনা
জে, মিৎ নাওয়ান ইনফ্লুয়েঞ্জা ভাইরাস কোওয়াঃ তাঁড়গম খৗতিরগে নংকান আওহাল রেনাঃ আবস্থা।
বতর দ নোওয়া, বাং বাডায় ঞামঃ কানা জে, নোকো ভাইরাস দ অকা খন কো জানামেনা। ‘জিনোম’ সঃ
সেটেচ্ কাতে রেহঁ জাঁহান থৗইথিতি বাং ঞামঃ কানা। অনাতে টেকাও দারাম রান (প্রতিষেধক)
তেয়ারতে কৗরিঘাম চাবাঃ কানাকো গৗহিরাকিলৗন সাঁড়েসিঁয়ৗ কো। ইনফ্লুয়েঞ্জা ভাইরাস তাঁড়গম
থ যাও সেরমাগে ঞেলঃ আ, বতর রেনাঃ দ চেৎ মেনাঃ আ- নংকা মনে কাতে সরকারি হুঁসিয়ৗরি হঁ
হড় বাংকো গ্রাহ্যওয়াঃ কানা।
নোওয়া দ ঠিক জে ইনফ্লুয়েঞ্জা ভাইরাস তাঁড়গম তে
জাও সেরমা গে লাখ লাখ হড়কো গুজুঃ আ, মেনখান নিয়ৗ সেরমা দ ৫-১০ দবড় বৗড়তি কো গুজুঃ কানা। গৗহিরাকিলৗন কোওয়াঃ
আয়-উমৗন, নোকো মারাত্মক ভাইরাস কোওয়াঃ তাঁড়গম দাড়ে সাধারন ইনফ্লুয়েঞ্জা ভাইরাস খন আডি
বৗড়তি, খৗতির তাঁনাড়গম মহামারি খন অতিমারি মড়ক সেচ্ মহডাঃ কানা। বাঁধাড় সাদম কামসাঁও
চালাঃ লেকা মিৎ দিশম খন আর মিৎ দিশম তে ইনফ্লুয়েঞ্জা ছারাঃ কানা। আবো ভারত দিশম রেদ
ইনফ্লুয়েঞ্জা কম গে হোয়োআ, মেনখান নেশাঃ আওহাল দ উল্টা , সানাম অড়াঃ করে লেকাগে ইনফ্লুয়েঞ্জা
রুগি। জুদিও নোওয়া অতিমারি মড়ক মিৎ দশক লাহারেনাঃ করোনা অতিমারি লেকাগে আচকা মোলোঃ
আকানা হাহাড়াঃ দ নোওয়া, ধৗরতি জাকাত রেন মৗনমি নিয়ৗবার হঁ ঠিক লাহা বার লেকাগে বাংকো
সাপড়াও আকানা।
নোওয়াদ নিছক মনগড়া গল্প দ বাং কানা। আবো জুদি নিৎ
খন বাং বোন সতরঃ এনখান ধৗরতিপুরি রে আয়মা অতিমারি দ নোওয়া পর্যায় রে সেটের দাড়েয়াঃআ। World Bank আর World Health Organisation সে গৗহিরাকিলৗন
কোওয়াঃ উমৗন, নিয়ৗ তায়মাঃ মড়ক আজার দ হোয় থ মিৎ নাওয়ান ইনফ্লুয়েঞ্জা ভাইরাস খনগে হোয়োঃআ।
করোনা আবো কোওয়াঃ মেৎ-লুতুর হুডগৗর কাতে কো চেঁহগাও আকাৎ বোনা জে, অতিমারি লৗগিৎ সৗত-সাপড়াও
সে সতর বাং তাঁহেলেনখান জিয়ন তিনাঃ হেঁতেল-গেঁজেল হোয় দাড়েয়াঃআ। অড়াঃ অড়াঃরে গচ্ হড়,
সানাম দিশম গে অচল, অড়াঃরে বল’বায় জিয়ন, রুজি রজগার হৗপিৎ ধৗরতিপুরি আচ্ কাথায় ঠিয়ৗক্কা
তিঁগু থিরৗকানা।
(নোওয়া অনল দ তঁগে আ)
.webp)
.webp)
