আবোওয়াঃ ওয়েব পেজ- নিতৗ চৗকরি রেনাঃ আকাল বাজাররে ফেক এসটি রেনাঃ রমরমা ঞেলতে, ওনকোওয়াঃ কিলবিল ঞেলতে আদিবাসী কো এভেনঃ কানা, চেঁঘা কানা। ঞেল এদাকো সানাম এসটি কোওয়াঃ রাখা দহ জুড়ুরে ফেক এসটি কো দখল চাবায়েদা। স্কুল, কলেজ খন এহব কাতে বিশ্ববিদ্যালয় এমন চেৎ চৗকরি ঠাঁওরেহঁ। আরহঁ নঁতে সরকারি পদ রেহঁ অ-আদিবাসী কো রাজ এদা। নোওয়াকো ঞেলতে বহঃরে এদ্রে সেঁগেল জোলোঃ কান তাকোওয়া। অনাতে আদিবাসী কো তালারে জুমিদ্ চিতৗর হঁ হাঁডে নাঁডে ঞেল ঞামঃ কানা। কৗমিহরা হঁ ঞেল ঞামঃ কানা চেৎ লেকা কাতেৎ ফেক-এসটি কো টেকাও দারাম কোওয়া।
নংকান আখির দশা ঞেলতে “ভারতীয় আদিবাসী ভূমিজ সমাজ” পছিম বাংলা চাঁগা পাহটা খন সরাসরি মিৎ বেওরা সাকাম তালাতে দিসম হড় তালারে লৗই সাডে কেদায়- ভূমিজ জৗতি দ মাহাত/ মাহাতো পৗরিস বাং কানাকো। আর ভূমিজ লেকাতে মাহাত/ মাহাতো পৗরিস সে সমাজ লেকাতে যাঁহান মৗন আন ঠাঁও হঁ গটা পছিম বাংলা সাঁওতে গটা ভারত দিশমরে অকারেহঁ বৗনুঃ কোওয়া।
লৗইগানঃ আ নোওয়া বেওরা সাকাম তালাতে “ভারতীয় আদিবাসী ভূমিজ সমাজ” পুস্টৗও কাদায় বাংমা যাঁহায় সে যাঁহায় কো ভূমিজ সাব-কাস্ট উদুঃ কাতে এসটি সার্টিফিকেট কো অডোক এদা, ওনকো দ ফেক-এসটি বেগর আর চিলিহঁ বাং কানাকো।
নঁতে আরহঁ অনকাগে পশ্চিমবঙ্গ আদিবাসী কোড়া সমাজ কল্য্যান সংগঠন পাহটা খন বাঁখেড় আকানা বাংমা- কোড়া জৗতি দ মাহাত/ মাহাতো পৗরিস বাং কানাকো। আর কোড়া জৗতি লেকাতে মাহাত/ মাহাতো পৗরিস সে সমাজ লেকাতে যাঁহান মৗন আন ঠাঁও হঁ গটা পছিম বাংলা সাঁওতে গটা ভারত দিশমরে অকারেহঁ বৗনুঃ কোওয়া।
.webp)
.webp)
