আবোওয়াঃ ডিজিটাল ডেস্ক- হিজুঃ কান ৬ সেপ্টেম্বর, ওয়েবনার তালাতে কাথা বাডোহি রূপচাঁদ হেম্ব্রম আঃ ৮১ আনাঃ জানাম মাহা মানাও ভারত জাকাত অনলিয়ৗ গাঁওতা পছিম বাংলা চাঁগা পাহটা খন সাপড়াও আকানা। লৗই গানঃআ সান্তাড়ি সাঁওহেৎ রে রূপচাঁদ হেম্ব্রম আঃ অসাম্ভেড় এনেম মেনাঃ আকাৎ তায়া।
নোওয়া সৗগুনান জানাম মাহা আখড়ারে বৗইসি লেকাতে তাঁহেনায় মানতান টি.সি. বাস্কে। আতাং দারাম বাঁখেড় দহয়ায় অনলিয়ৗ গাঁওতা পছিম বাংলা চাঁগা পাহটা রেন সেক্রেটারী মানতান দ্বিজপদ হাঁসদা। আখড়াদ উঢৗওয়ায় মানতান মদন মোহন সরেন ( কনভেনর আর ভাইস প্রেসিডেন্ট অনলিয়ৗ গাঁওতা তালমা কুমুট)।
কাথা বাডোহি রূপচাঁদ হেম্ব্রম আঃ জিয়ন আর সাঁওহেৎ চেতানরে গালচায় “তেৎরে পাথাম” সাসাপড়াওয়িচ্ মানতান মহাদেব হাঁসদা। রূপচাঁদ হেম্ব্রম আঃ কৗহনিরে বাজার রেয়াঃ অরসং নোওয়া চেতানরে গালচ এ দহয়া “সিলি” পাথাম শিরৗ সাসাপড়াওয়িচ্ মানতান কলেন্দ্রনাথ মান্ডি গোমকে আর রূপচাঁদ হেম্ব্রম আঃ কৗহনিরে সাঁওতা চেঘাঁওনা নোওয়া সাতাম চেতানরে গালচ্ এ দহয়া “চিঠি সাকাম” পাথাম রেন সাসাপড়াওয়িচ্ মানতান গৌরচন্দ্র মুরমু।
আখড়ারে সানাম কো হেমাল সারহাও এ চাল আকোওয়া অনলিয়ৗ গাঁওতা পছিম বাংলা চাঁগা পাহটা রেন জগ-সুৎরেৎ মানতান সনাতন টুডু গোমকে।
আখড়ারে উঢৗও সেরেঞায় মৗনিজ্ সীতারানী হাঁসদা আর মুচৗৎ সেরেঞ কাতে আখড়া মুচৗদায় মৗনিজ্ ইতি মুরমু।
নোওয়া আখড়া ঞেল আর আঁজম সাঁগে লৗগিৎ অনলিয়ৗ গাঁওতা সানাম কোঠেন আরদাশ এ দহ আকাদা।
.webp)
.webp)
