আবোওয়াঃ ডিজিটাল ডেস্ক- সবং সজনীকান্ত কলেজ রেন প্রফেশর মানতানিয়ৗ পাপিয়া মান্ডি লৗইতে জৗত অপমান বিরুধরে রড়দারাম রেনাঃ ভান্ডয় রাকাব কেদা সান্তাড় প্রফেশর অ্যাসোসিয়েশন। অনা সাঁওতে আরহঁ ওয়েস্ট বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন, সান্তাড় পৗঠুওয়ৗ গাঁওতা, যুওয়ৗন মহল, আসেকা এমান সংগঠন গড় কো এম আকাদা।
বাডায় আকানা পারমেন ২২ সেপ্টেম্বর, ওয়েস্ট বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন আর সান্তাড় প্রফেশর অ্যাসোসিয়েশন সাঁওতে আরহঁ আয়মা সান্তাড় সংগঠন আতে সবং সজনীকান্ত কলেজ রে, কলেজ চাচালাও কোঠেন প্রফেশর পাপিয়া মান্ডি লৗইতে যাঁহা জৗত অপমান কাথা রাকাব আকানা অনা রেনাঃ গে মিৎ সৗলৗইনামা লৗগিৎ কো দুড়ুব লেনা। অনা দুপড়ুপরেগে সংগঠন পাহটা খন মিৎ টাং মেমোরেন্ডাম হঁ কলেজ চাচালাও কো চাল আকাৎ কোওয়া। কলেজ চাচালাও কো পাপিয়া মান্ডিয়াঃ কাথা কো বাতাও আকাদা। আর প্রফেশর ডঃ নির্মল বেরা হঁ পে-দিন ভিৎরিতেগে শোকজ লেটার কো এমায়া মেনতে অনা দুপড়ুপরেগে গটা আকানা আর সংগঠন কোওয়াঃ সানাম লেকান দৗবী ৭ মাহা ভিতরিতে কো পুরুনা মেনতেহঁ বাডায় আকানা ।
ইনৗহিলোঃ অনা দুপড়ুপরে সেটের তাঁহেলেনাকো প্রফেশর পার্শাল কিস্কু, শশীকান্ত মুরমু, বিনয় মুরমু, শ্রীপতি টুডু, গুহিরাম কিস্কু, ফটিক মুরমু,গুরুদাস মুরমু, পিন্টু শীট, নগেন্দ্রনাথ হেম্ব্রম এমান।
বাডায় আকানা বাংমা পারমেন ১১ সেপ্টেম্বর পিজি হৗটিঞ রেনাঃ মিৎ ভাইবা চালাঃ অক্তে আদিবাসী লৗইতে কাথা রাকাব লেনরে, উনরে অনা কলেজ রেনগে ডঃ নির্মল বেরা ঞুতুমান মিৎ প্রফেশর পৗঠুওয়ৗ গিদৗর কো সামাং রেগে খাটো উইহৗরতে লৗই লেদায়-“ যারা গাছে গাছে ঝুলে তারাই আদিবাসি”। নোওয়া কাথা আঁজম কাতে পাপিয়া মান্ডিয়াঃ মনে হোয় আকান তায়া বাংমা গিদৗর সামাং রে ডঃ নির্মল বেরা আচ্ এ অপমান আকাদেয়া। নোওয়া মাড়াং হঁ কাথায় নংকাগে আরহঁয় অপমান অচো আকানা মেনতে শোস্যাল মিডিয়া রেনাঃ মিৎ চিঠি সাকাম খন বাডায় আকানা যে- উনহঁ উনি মানতান বেরা গোমকে গে মেতা দে তাঁহে- “ আমদ চেয়ার টেবিল রে দুড়ুব কাতে ক্লাস হাতাও দ উচিৎ বাং কান তামা, আমদ পারকম রে দুড়ুব কাতে ক্লাস হাতাও উচিৎ কান তামা”।
নিৎ নংকান কাথা কো শোস্যাল মিডিয়া তালাতে বাডায় ঞাম কাতে আদিবাসী হড়কো তালারে রৗগি-কাঁহিশ রেনাঃ কাথা গুরলৗও বাডায় কানা। এমন চেৎ নোওয়া রেনাঃ যথাৎ বিচৗর বাং ঞাম লেনখান কলেজ ঘেরাও এসেদ্ রেনাঃ কাথাহঁ আর আর সংগঠন পাহটা খন রাকাব কানা।
.webp)
.webp)
